Connect with us

ગુજરાત

મંગેતરે લગ્નની ના પાડતા યુવતીનો આપઘાત

Published

on

  • કેશોદ તાલુકાના ટીટોળી ગામની કરૂણ ઘટના, કોડભરી ક્ધયાએ જીવ ગુમાવ્યો
  • મમ્મી-પપ્પાનું ન માન્યું અને એની પર વિશ્ર્વાસ કર્યો અને એણે વિશ્ર્વાસઘાત કર્યો: સ્યૂસાઈડ નોટમાં ઠાલવેલો વલોપાત

જૂનાગઢ જિલ્લાના કેશોદ તાલુકાના ટીટોળી ગામમાં રહેતી 24 વર્ષીય યુવતીની સગાઈ થયા બાદ સાસરિયા પક્ષ દ્વારા લગ્નની ના પાડી દેવાતા લાગી આવતા યુવતીએ જિંદગી ટૂંકાવી લીધાનો બનાવ સામે આવ્યો છે. લગ્નની તારીખ નક્કી થયા બાદ સાસરી પક્ષના લોકો દ્વારા લગ્નની ના પાડી દેવાતા લાગી આવવાથી જિંદગી ટૂંકાવી હોવાનો સુસાઈડ નોટમાં ઉલ્લેખ કરવામાં આવ્યો છે. પોલીસ દ્વારા બે પાનાની સુસાઈડ નોટ કબજે કરી વધુ તપાસ હાથ ધરવામાં આવી છે.

જૂનાગઢ જિલ્લાના કેશોદ તાલુકાના ટીટોડી ગામમાં રહેતી અસ્મિતા સોંદરવા નામની 24 વર્ષીય યુવતીની સાહિલ રાઠોડ નામના યુવક સાથે સગાઈ થઈ હતી. બંનેના પરિવાર દ્વારા લગ્નની તારીખ પણ નક્કી કરવામાં આવી હતી. પરંતુ, કોઈ કારણોસર યુવક પક્ષના લોકો દ્વારા લગ્નની ના પાડી દેવાતા અસ્મિતાને લાગી આવતા પોતાના ઘરે જ ઝેરી દવા પી લીધી હતી. પરિવારજનો તાત્કાલિક અસ્મિતાને કેશોદ હોસ્પિટલ લઈ ગયાં હતાં. જ્યાં ફરજ પરના તબીબે મૃત જાહેર કરી હતી.

અસ્મિતાની આત્મહત્યા બાદ તેમનાં પરિવારજનોને બે પાનાની સુસાઈડ નોટ મળી આવી હતી. જે સુસાઈડ નોટ પોલીસને સોંપવામાં આવી છે. પરિવારજનોને જે સુસાઈડ નોટ મળી આવી છે જેમાં નીચે મુજબનું લખાણ લખવામાં આવ્યું છે.હું અસ્મિતા આ બધું મારા હાથે લખું છું. અત્યાર સુધીમાં એને મને બધું ખોટું જ કીધું છે. હું તેનું બધું સાચું માનતી હતી. એણે મને બધું ખોટું બોલીને ભોળવી હતી. અત્યાર સુધી એને મને જેમ કીધું એમ મેં કર્યું. મેં મારાં મમ્મી-પપ્પાનું ન માન્યું અને એની વાત પર વિશ્વાસ કર્યો અને એણે મારા પર વિશ્વાસઘાત કર્યો. મારાં મમ્મી-પપ્પાનો કોઈ પણ વાંક નથી. બધું જ બરાબર હતું. તે બધા અમારા ઘરે આવીને લગ્નની તારીખ લઈ ગયા અને તારીખ પણ આપી દીધી હતી. મારાં મમ્મી-પપ્પાને મેં જેમ કીધું એમ મારાં મમ્મી-પપ્પાએ કર્યું. તારીખ લેવા આવ્યા ત્યારે પાંચ તોલા સોનાની વાત નક્કી કરી હતી અને હવે એ લોકો ફરી ગયા. પહેલાં સાહિલે મને કહેલું કે સોનું કરાવી આપીશ. તેની આ વાત સાચી માની પણ હવે ઈ વાત માનતો નથી. એનાથી સોનું બનતું નહોતું એટલે એ આવ્યા. તેમાં સાહિલની બે બહેનો નીતા અને શીતલ, શીતલનો ઘરવાળો વિશાલ, પછી સાહિલના પપ્પા, તેના કાકા અને તે પોતે હતા. પછી વાત કાંઈ કરી નહીં અને બાઝવાનું શરૂૂ કર્યા પછી જેમ મન ફાવે એમ ગાળો કાઢવા લાગ્યા એટલે આખું ગામ ભેગું થઈ ગયું. પછી ધમકીઓ આપી એમાં એની બહેનોએ એમ કહ્યું કે, જાન તો આજે પણ નહીં આવે અને કાલે પણ નહીં આવે અને તેના કાકાએ એમ ધમકી મારી કે, તમને બધાને મરાવીને તમારી ઘરે તાળા મરાવી દઈશ. જો હું તાળા ન મરાવું તો મારા બાપમાં ફેર. એની બહેનો એમ કહેતી હતી કે, અમારું બધું આપી દે, અમારે તું નથી જોઈતી. હું આ લગ્ન મારી મરજીથી કરતી હતી.

આમાં મારાં મમ્મી-પપ્પાનો કોઈ પણ જાતનો વાંક નથી. મેં તેને સમજાવવાની બહુ ટ્રાય કરી પણ તે કંઈ સમજવા તૈયાર નથી. તેથી હું આવું પગલું ભરું છું.આ બાબતે ડીવાયએસપી બી.સી. ઠક્કરે જણાવ્યું હતું કે, કેશોદ પોલીસ સ્ટેશનમાં અકસ્માત મોતનો બનાવ નોંધાયેલો છે. રમેશભાઈ સોંદરવાની પુત્રીના લગ્ન સાહિલ રાઠોડ સાથે નક્કી થયેલાં પણ લગ્ન લઈને આવવાની ના પાડતા અસ્મિતાબેનને લાગી આવતાં પોતાના ઘરે ઝેરી દવા પી લઈને આત્મહત્યા કરી લીધેલ છે. જે બાબતે રમેશભાઈની ફરિયાદના આધારે કેશોદ પોલીસ સ્ટેશનમાં અકસ્માતે મોતનો ગુનો નોંધી વધુ તપાસ હાથ ધરી છે.

ગુજરાત

રાજકોટના TRP ગેમ ઝોનમાં લાગી ભીષણ આગ, અનેક લોકો ફયાસા હોવાની આશંકા, જુઓ વિડીયો

Published

on

By

રાજકોટ શહેરમાંથી એક મોટા સમાચાર સામે આવી રહ્યા છે. રાજકોટના નાના મવા રોડ પર આવેલા TRP ગેમઝોનમાં ભીષણ આગ લાગી છે. ગેમઝોનમાં લોકો ફસાયા હોવાની શંકા વ્યક્ત કરવામાં આવી છે. આગ લાગતા ત્યાં હાજર પ્રત્યક્ષદર્શીએ દાવો કર્યો છે કે 10થી 12 લોકોને બહાર કાઢવામાં આવ્યા છે. આગ લાગતા ફાયરબ્રિગેડની 8 ટીમો ઘટનાસ્થળ પર પહોંચી છે. આગના ધૂમાડા 3 કિલોમીટર સુધી દેખાઈ રહ્યા છે. ફાયરબ્રિગેડ અને એમ્બ્યુલન્સ ઘટનાસ્થળ પર હાજર છે. ગેમઝોનમાં આગ લાગવાનું કારણ હજુ સુધી બહાર નથી આવ્યું. પ્રાપ્ત માહિતી અનુસાર ૨ બાળકોના મોત થયા હોવાનું સામે આવ્યું છે.

રાજકોટ શહેર ભાજપ પ્રમુખ મુકેશ દોશીએ આગના બનાવને પગલે ઘટનાસ્થળે દોડી ગયા હતા. તેમણે જણાવ્યું હતું કે, થોડીવાર પહેલા આગના બનાવની જાણ થતાં આવ્યો છું. આવ્યા પછી ગંભીરતા જોતા લાગે છે કે કાંઈક જાનહાનિ થઈ છે, ઈશ્વરને પ્રાર્થના કે બધા સલામત રીતે બહાર આવે. બાળક કે કોઈ વાલીને કોઈ નુકસાન ન થાય. અંદર કેટલા છે એની માહિતી નથી મળી રહી. હાલની પ્રાયોરિટી આગ બુઝાવવાની છે અને સલામત લાવવાની. જવાબદારોને છોડવામાં નહીં આવે તેની ખાતરી આપું છું. તંત્રમાં અધિકારીઓ જવાબદાર હશે તેમને કોઈ બાંધછોડ ન કરાય.

https://www.facebook.com/reel/323686807288108

Continue Reading

ગુજરાત

એક દી’માં 18.70 કરોડની વિક્રમી વેરા વસૂલાત

Published

on

By

દોઢ માસમાં 2.57 લાખ કરદાતાઓએ રૂા.181 કરોડ કોર્પોરેશનની તિજોરીમાં ઠાલવ્યા

રાજકોટ મહાનગરપાલિકા દ્વારા હાલ નવા નાણાકીય વર્ષના શરૂૂઆતના તબક્કાથી જ વેરા વસુલાત ઝુંબેશ મ્યુનિસિપલ કમિશ્નર આનંદ પટેલના આદેશ તથા નાયબ મ્યુનિસિપલ કમિશ્નરશ્રી ચેતન નંદાણીના નેતૃત્વમાં હાથ ધરવામાં આવી છે. જેમાં રાજકોટ મહાનગરપાલિકાની વેરા વસુલાત શાખાના સહાયક કમિશનર સમીર ધડુકના માર્ગદર્શનમાં ઝુંબેશના રૂૂપમાં મિલકત વેરા વસુલાતની કામગીરી કરવામાં આવી રહી છે. જે અન્વયે વિવિધ સરકારી વિભાગો તેમજ ત્રણેય ઝોન કક્ષાએ મેનેજર-ટેક્ષ દ્વારા શહેરમાં વેરા વસુલાતની કામગીરી દરમ્યાન તા.24/05/2024ના રોજ સાંજે 6:00 વાગ્યા સુધીમાં (એક જ દિવસમાં) રાજકોટ મહાનગરપાલિકામાં અંદાજીત રૂૂ. 18.70 કરોડ વિક્રમી વેરાની વસુલાત થયેલ છે. દરમ્યાન રાજકોટ મહાનગરપાલિકા દ્વારા તા.08/04/2024થી તા.24/05/2024 દરમ્યાન 257559 કરદાતાઓએ રૂૂ.181.30 કરોડનો વેરો ભરપાઈ કર્યો છે.


આજની આ વેરા વસુલાત ઝુંબેશ દરમ્યાન શહેરના વિવિધ સ્થળોએ રહેલા મોબાઇલ ટાવરના ટેક્સ પેટે રૂૂ.6.64 કરોડની વસુલાત થયેલ છે.


જયારે હાઈ વેલ્યુ ટેક્સ પેયર પાસેથી રૂૂ.8.90 કરોડના વેરાની રકમ વસુલ કરવામાં આવેલ છે. હાલ અર્લી બર્ડ ડિસ્કાઉન્ટ સ્કીમ ચાલી રહી છે જે અન્વયે 31-મે સુધીમાં એડવાન્સ વેરો ભરપાઈ કરનાર કરદાતાને મળવાપાત્ર મહત્તમ 22% ડિસ્કાઉન્ટ મેળવવા મ્યુનિસિપલ કમિશ્નરશ્રી આનંદ પટેલ દ્વારા અનુરોધ કરવામાં આવે છે.

Continue Reading

ગુજરાત

સિનિયર ફોટોગ્રાફરના પુત્ર અને બજાજ કેપિટલના બ્રાંચ મેનેજરનું હાર્ટએટેકથી મૃત્યુ

Published

on

By


રાજકોટ સહિત રાજ્યભરમાં કાળઝાળ ગરમી વચ્ચે હૃદયરોગના હુમલાનો ખતરો યથાવત હોય તેમ અનેક માનવ જીંદગી કાળના ખપરમાં હોમાઈ રહી છે ત્યારે વધુ એક કરૂણ ઘટનામાં રાજકોટના સિનિયર ફોટોગ્રાફરના પુત્ર અને બજાજ કેપીટલના બ્રાંચ મેનેજરનું હૃદયરોગના હુમલાથી મૃત્યુ નિપજ્યું હતું. યુવકના મોતથી બે માસુમ બાળકોએ પિતાનું છત્ર ગુમાવતા પરિવારમાં અરેરાટી સાથે કરૂણ કલ્પાંત સર્જાયો હતો.

આ બનાવ અંગે પોલીસમાંથી જાણવા મળતી વિગત મુજબ, રાજકોટમાં માધાપર ચોકડી પાસે સ્વામીનારાયણ મંદિર પાછળ આવેલ જીહિત પાર્કમાં રહેતા સિનિયર ફોટોગ્રાફર પ્રવિણભાઈ સેદાણીના પુત્ર અને બજાજ કેપિટલના બ્રાંચ મેનેજર સંદીપભાઈ પ્રવિણભાઈ સેદાણી (ઉ.39) પોતાના ઘરે હતાં ત્યારે બપોરના બારેક વાગ્યાના અરસામાં બેભાન હાલતમાં ઢળી પડયા હતાં. યુવકને બેભાન હાલતમાં તાત્કાલીક સારવાર માટે સિવિલ હોસ્પિટલમાં ખસેડવામાં આવ્યા હતાં. જ્યાં ફરજ પરના તબીબે સંદીપભાઈ સેદાણીનું હૃદયરોગના હુમલાથી મૃત્યુ નિપજ્યું હોવાનું જાહેર કરતાં પરિવારમાં અરેરાટી સાથે ગમગીની છવાઈ જવા પામી હતી. જાણ થતાં સેદાણી પરિવાર અને પત્રકારો સિવિલ હોસ્પિટલ ખાતે પરિવારને શાંત્વના પાઠવવા દોડી ગયા હતાં.
પ્રાથમિક પુછપરછમાં મૃતક સંદીપભાઈ સેદાણીના પિતા રાજકોટના ‘જય હિન્દ’ ન્યુઝ પેપરમાં સિનિયર ફોટોગ્રાફર તરીકે ફરજ બજાવે છે. મૃતક સંદીપભાઈ સેદાણી બે ભાઈમાં મોટા હતાં અને તેમને સંતાનમાં એક પુત્ર અને એક પુત્રી છે. સંદીપભાઈ સેદાણી બજાજ કેપિટલમાં બ્રાંચ મેનેજર તરીકે ફરજ બજાવતાં હતાં. સંદીપભાઈ સેદાણીનું હૃદયરોગના હુમલાથી મોત નિપજ્યું હોવાનું જાણવા મળ્યું છે. આ બનાવ અંગે ગાંધીગ્રામ પોલીસે નોંધ કરી વધુ તપાસ હાથ ધરી છે.

Continue Reading

Trending