ઇન્ટરનેશનલ ક્રિકેટ કાઉન્સિલ એટલે કે ICC એ આવતા વર્ષના પુરૂૂષ અને મહિલા ક્રિકેટ ઝ20 વર્લ્ડ કપ માટે નવો લોગો જાહેર કર્યો છે. વેસ્ટ ઈન્ડિઝ અને યુએસએમાં 4 જૂનથી 30 જૂન, 2024 દરમિયાન મેન્સ ક્રિકેટ ટી20 વર્લ્ડ કપનું આયોજન કરવામાં આવશે. તે જ સમયે, બાંગ્લાદેશમાં મહિલા ક્રિકેટ ઝ20 વર્લ્ડ કપનું આયોજન કરવામાં આવશે, જોકે તેની તારીખો અને શેડ્યૂલ હજુ જાહેર કરવામાં આવ્યા નથી. હવે કદાચ ઈંઈઈ એ ઝ20 વર્લ્ડ કપનો નવો લોગો જાહેર કરીને પુરૂષ અને મહિલા ક્રિકેટની આ બે મેગા ઈવેન્ટની તૈયારીઓ શરૂ કરી દીધી છે.
ICC અનુસાર, નવો લોગો સૌથી નાના ફોર્મેટમાં ઝડપથી બદલાતી ઘટનાઓને પ્રતિબિંબિત કરે છે. નવા લોગોમાં આવતા વર્ષે વર્લ્ડ કપની યજમાની કરી રહેલા યજમાન રાષ્ટ્ર દ્વારા પ્રેરિત ટેક્સચર અને પેટર્ન દર્શાવવામાં આવ્યા છે, પરંતુ તે ઝ20 ક્રિકેટમાં સતત ઊર્જાને પણ પ્રતિબિંબિત કરે છે. ઈંઈઈ એ વધુમાં કહ્યું, લોગો બેટ, બોલ અને ઊર્જાનું સર્જનાત્મક મિશ્રણ છે, જે ઝ20 ક્રિકેટના મુખ્ય તત્વોનું પણ પ્રતીક છે.

દેશમાં મહિલા ક્રિકેટ લીગના વિકાસ માટે ભારતીય ક્રિકેટ બોર્ડ (બીસીસીઆઈ) દ્વારા ગુરુવારે વિમેન્સ પ્રીમિયર લીગ કમિટીની જાહેરાત કરવામાં આવી હતી. આઠ સભ્યો ધરાવતી કમિટીના અધ્યક્ષ પદે બીસીસીઆઈના પ્રમુખ અને પૂર્વ ક્રિકેટર રોજર બિન્નીને નિયુક્ત કરાયા છે. જ્યારે બીસીસીઆઈના સેક્રેટરી જય શાહ તેમના ક્ધવીનર રહેશે.
ડબલ્યુપીએલ કમિટીમાં આઈપીએલરના ચેરપર્સન અરુણ ધુમલ, બીસીસીઆઈના વાઈસ પ્રેસિડેન્ટ રાજીવ શુક્લા, બીસીસીઆઈના ટ્રેઝરર આશિષ શેલાર, બોર્ડના સંયુક્ત સચિવ દેવજીત સાઈકિયા, મધુમતિ લેલે અને પ્રભતેજ ભાટિયાનો સમાવેશ થાય છે.
આ કમિટી હિસ્સેદારો, ખેલાડીઓ અને દર્શકો સાથે સહયોગ દ્વારા ડબલ્યુપીએલ માટે સ્પર્ધાત્મક વાતાવરણ સુનિશ્ચિત કરશે. નોંધનીય છે કે 9 ડિસેમ્બરના રોજ મુંબઈમાં ડબલ્યુપીએલ 2024 માટે ખેલાડીઓનું ઓક્શન યોજાશે. હરાજી દરમિયાન જ ડબલ્યુપીએલની બીજી સિઝનનો તારીખ અને સ્થળ સહિતનો વિસ્તૃત કાર્યક્રમ પણ નક્કી કરી તેની જાહેરાત થવાની શક્યતા છે.

ઝારખંડના કોંગ્રેસના રાજ્યસભા સાંસદ ધીરજ સાહુ અને તેમની સાથે સંકળાયેલી કંપનીઓ પર આવકવેરા વિભાગના દરોડા સતત ત્રીજા દિવસે પણ ચાલુ રહ્યા હતા. શુક્રવારે પણ આવકવેરા અધિકારીઓએ રાંચીમાં તેમના નિવાસસ્થાન અને ઓડિશામાં તેમના સ્થાનો પર દરોડા પાડ્યા હતા. આ સમયગાળા દરમિયાન, ધીરજ સાહુના ઠેકાણાઓમાંથી લગભગ 300 કરોડ રૂૂપિયાની રિકવરી કરવામાં આવી છે અને હજુ પણ નોટોની ગણતરી ચાલુ છે. જો આવકવેરાના સૂત્રોનું માનીએ તો શનિવાર સુધીમાં મતગણતરી પૂર્ણ થવાની ધારણા છે. જો કે હજુ સુધી આ દરોડા અંગે સાંસદ કે તેમની પેઢી તરફથી કોઈ પ્રતિક્રિયા આપવામાં આવી નથી.
દરમિયાન, રોકડની રિકવરી બાદ ઝારખંડનું રાજકારણ ગરમાયું છે. આ સમગ્ર મામલે ભાજપ શાસક પક્ષો કોંગ્રેસ અને જેએમએમ પર હુમલો કરનાર બની છે. દરોડાના ત્રીજા દિવસે શુક્રવારે આવકવેરા વિભાગની ટીમે રાંચીના રેડિયમ રોડ પર ધીરજ સાહુના ઘર સુશીલા નિકેતનમાંથી ત્રણ સૂટકેસ ઝડપી લીધા હતા. આવકવેરા સૂત્રોના જણાવ્યા અનુસાર, આ બેગમાં ઘરેથી મળી આવેલા ઘરેણા હતા. જોકે, આ વાતની સત્તાવાર પુષ્ટિ થઈ નથી. ત્રણ દિવસથી ચાલી રહેલા દરોડામાં પહેલીવાર સાંસદના પરિસરમાંથી ઘરેણાંની રિકવરી સામે આવી છે.
અહીં, ભુવનેશ્વરથી સમાચાર એજન્સીના અહેવાલો અનુસાર, આવકવેરા અધિકારીઓને શુક્રવારે બોલાંગીર જિલ્લાના સુદાપાડામાં દરોડા દરમિયાન રોકડથી ભરેલી 156 બેગ મળી આવી હતી. એક અધિકારીએ જણાવ્યું કે આ બેગમાંથી માત્ર છ-સાત જ ગણી શકાય છે. તેમણે કહ્યું કે સંબલપુર, બોલાંગીર, તિતિલાગઢ, બૌધ, સુંદરગઢ, રાઉરકેલા અને ભુવનેશ્વરમાં દરોડા પાડવામાં આવ્યા હતા.
ગુરૂૂવારે રીકવર થયેલી નોટો ગણતી વખતે નોટ ગણવાનું મશીન તૂટી ગયું હતું. આ પછી અન્ય મશીનો મંગાવવામાં આવ્યા હતા. મળતી માહિતી મુજબ, આ નોટો ધીરજ સાહુ અને તેના પરિવારના સભ્યોની માલિકીની લિકર મેન્યુફેક્ચરિંગ કંપની બલદેવ સાહુ અને ગ્રુપ ઓફ કંપનીઝની બોલાંગીર ઓફિસમાંથી દરોડા દરમિયાન મળી આવી હતી.