ઓસ્ટ્રેલિયન બેટ્સમેન ભારતીય યુવતીના પ્રેમમાં

નવી દિલ્હી તા.27
ઑસ્ટ્રેલિયાના વિસ્ફોટક બેટ્સમેન ગ્લેન મેક્સવેલે પોતાની ભારતીય ગર્લફ્રેન્ડ વિના રામન સાથે લગ્ન કરવાનો નિર્ણય લીધો છે અને આ કપલ સગાઈ પણ કરી લીધી છે. મેક્સવેલ અને વિનીએ પોતપોતાના ઈન્સ્ટાગ્રામ એકાઉન્ટ પરથી આ વાતને ફેન્સ અને સંબંધીઓ સાથે શેર કરી છે. મેક્સવેલ અને વિની ઘણા સમયથી એકબીજાને ડેટ કરી રહ્યાં હતા અને હવે તેમણે લગ્નના બંધને બંધાવાનો નિર્ણય લીધો છે.
મેક્સવેલે વિની સાથેની પોતાની એક તસીવર શેર કરી છે, જેમાં વિનીએ અંગૂઠી પહેરેલી છે. વિનીએ અંગૂઠી દેખાડતો પોઝ આપ્યો છે. મેક્સવેલે આ તસવીરની સાથે રિંગવાળું ઈમોજી પોસ્ટ કર્યું છે. જો તમારા
મનમાં એવો પ્રશ્ન હોય કે મેક્સવેલે સગાઈ તરફ ઈશારો કર્યો છે પણ કશું કહ્યું નથી તો વિની રામના ઈન્સ્ટાગ્રામ એકાઉન્ટ પર જઈને તમને આ પ્રશ્નનો હલ મળી જશે.
વિનીએ પણ આ તસવીરને ઈન્સ્ટાગ્રામ પર
પોસ્ટ કરી છે અને તેણે પોતાના ફેન્સને સ્પષ્ટ રીતે સગાઈની વાત જણાવી છે. વિનીએ લખ્યુ, ગત સપ્તાહે મને સૌથી વધુ વ્હાલી લાગનારી વ્યક્તિએ મને પૂછ્યું, લગ્ન કરીશ? ત્યારબાદ વિનીએ હેપ્પી અને રિંગવાળા


ઈમોજી બનાવી હેશટેગ સાથે યસ લખ્યું છે. જણાવી દઈએ કે, વિનીઑસ્ટ્રેલિયાના મેલબોર્નમાં સેટલ છે અને તે એક ફાર્માસિસ્ટ છે. મેક્સવેલની આઇપીએલ ટીમ કિંગ્સ ઈલેવન પંજાબે પણ આ શાનદાર વાતનો ખુલાસો
મોડેથી કરવા પર નિરાશા વ્યક્ત કરી. કિંગ્સ ઇલવેને આ તસવીર પર કોમેન્ટ કરતા લખ્યું, એક સપ્તાહ થઈ ચૂક્યું છે અને આ વિશે અમે હવે સાંભળી રહ્યાં છીએ. કિંગ્સે આની સાથે એક હતાશાવાળું ઈમોજી પણ પોસ્ટ કર્યું છે.
જણાવી દઈએ કે, 31 વર્ષીય મેક્સવેલ અત્યારે ઑસ્ટ્રેલિયાના સાઉથ આફ્રિકા પ્રવાસ પર ટીમની સાથે નથી. મેક્સવેલની જમણી કોણીમાં ઈજા છે તેને ઑર્થોસ્કોપિક સર્જરી થવાની છે. આ મેડિકલ લીવ
દરમિયાન જ તેણે સગાઈ કરી લીધી છે. ક્રિકેટ ઑસ્ટ્રેલિયા અનુસાર, ઈજાને કારણે મેક્સવેલ આશરે 6-8 મહિના ક્રિકેટથી દૂર રહેશે.

રિલેટેડ ન્યૂઝ