મેચ દરમિયાન જ ક્રિકેટરનું હાર્ટ ફેલ

અગરતલા તા.4
ક્રિકેટના મેદાન પર ઘણા ખેલાડીઓને જીવ ગયો છે. આવું જ કંઈક મંગળવારે ત્રિપુરાની રાજધાની અગરતલામાં પણ થયું. મીડિયા રિપોર્ટ્સ મુજબ ત્રિપુરાની અંડર-23 ટીમના ખેલાડી મિથુન દેબવર્માનું હાર્ટ એટેકના કારણે મોત થઈ ગયું. દેબવર્માને મેચ દરમિયાન હાર્ટ એટેક આવ્યો અને હોસ્પિટલ પહોંચતા પહેલા જ તેનું મોત થયું.
સ્પોર્ટ્સ સ્ટારની ખબર મુજબ મંગળવારે અગરતલાના મહારાજા બિર વિક્રમ સ્ટેડિયમમાં એક પ્રેક્ટિસ મેચ ચાલી રહી હતી. જેમાં મિથુન પણ રમી રહ્યો હતો. મિથુન ફિલ્ડીંગ દરમિયાન અચાનક મેદાન પર પડી ગયો. મિથુનને બેભાન જઈ સાથી ક્રિકેટરો તને તરત નજીકની હોસ્પિટલમાં લઈ ગયા, જ્યાં ડોક્ટર્સે તેને મૃત જાહેર કર્યો. મિથુનના મોતનું કારણ ડોક્ટરે હાર્ટ એટેક હોવાનું જણાવ્યું, જે સાંભળીને બધા લોકો ચોંકી ગયા.
ડોક્ટરની જાણકારી મુજબ મિથુનને ગંભીર હાર્ટ એટેક આવ્યો અને હોસ્પિટલ પહોંચતા પહેલા જ તેનું મોત થઈ ગયું હતું. મિથુનને આટલી નાની ઉંમરે હાર્ટ એટેક કેવી રીતે આવ્યો તે જાણવા માટે બોડીને પોસ્ટમોર્ટમ માટે મોકલી દેવાઈ છે.
ઉલ્લેખનીય છે કે ક્રિકેટના મેદાન પર હાર્ટ એટેકથી મોતનો આ પહેલો મામલો નથી. આ વર્ષે જ ગોવાના પૂર્વ રણજી ક્રિકેટર રાજેશ ધોડગેનું એક ક્લબ મેચ દરમિયાન હાર્ટ એટેકથી મોત થયું હતું. નવી મુંબઈમાં પણ એક ટૂર્નામેન્ટ દરમિયાન સંદીપ ચંદ્રકાંત મહાત્રેનું માત્ર 36 વર્ષની ઉંમરે હાર્ટ એટેકથી મોત થયું હતું.

રિલેટેડ ન્યૂઝ