Connect with us

રાષ્ટ્રીય

શેર-સોનું-ચાંદી નવી ઊંચાઇએ, રૂપિયો નવા તળિયે

Published

on

  • ચાંદી રૂા.2500 ઉછળી 81440, સોનું 72450, સેન્સેક્સ 74500 અને નિફટી 22600ને પાર
  • ગગડતા નારિયેળની જેમ ડોલર સામે રૂપિયો 83.45ના લેવલે પહોંચી ગયો

આજે શેરબજાર અને સોના-ચાંદીમાં સાર્વત્રિક તેજી જોવા મળતા સેન્સેકસ-નિફટી અને સોનું-ચાંદી નવા રેકોર્ડબ્રેક હાઈ પર પહોંચી ગયા છે. સેન્સેકસ આજે 74501 નિફટી 22619 અને સોનું 24 કેરેટ 72450 અને ચાંદી 81440ની નવી ઉંચાઇએ પહોંચી ગયા છે. જયારે અર્થતંત્રની મજબુત પરિસ્થિતીઓની વાતો વચ્ચે રૂપિયો અત્યાર સુધીના તળીયે 83.45 રૂપીયા પ્રતી ડોલર નોંધાયો હતો.
વૈશ્વીક ભૌગોલીક યુધ્ધની પરિસ્થિતીઓ વચ્ચે સોના અને ચાંદીમાં લોકોનો ભરોસો યથાવત રહેતા જબરદસ્ત તેજી જળવાઈ રહી છે અને ગઇકાલ કરતા આજે ચાંદીમાં પ્રતી કિલોએ રૂા.2500નો ઉછાળો થતા ચાંદી પ્રતિ કિલો રૂા.81440 પહોંચી ગઇ છે. સોનામાં પણ પ્રતિગ્રામે બે દિવસમાં 1000 રૂપિયાનો ઉછાળો નોંધાતા 24 કેરેટ ફાઇન ગોલ્ડના હાજરમાં ભાવ રૂા.72450 પહોંચી ગયા છે.

નિફટીમાં ગઇકાલના 22434ના બંધ સામે આજે 22592ના લેવલ પર ખુલી હતી. જયારે તેજી યથાવત રહેતા 185 પોઇન્ટ ઉછળીને 22619ના નવા હાઇ પર પહોંચી ગઇ હતી. જયારે સેન્સેકસ ગઇકાલના 73876ના બંધ સામે આજે 537 પોઇન્ટ ઉછળીને 74413 પર ખુલ્યો હતો. અને બાદમાં તેજી યથાવત રહેતા ગઇકાલના બંધથી 625 પોઇન્ટ ઉછળીને 74501ના હાઇ સુધી પહોંચી ગયો હતો.

ક્રૂડ ઓઇલ છ મહિનાની ઊંચાઇએ
વૈશ્વીક માર્કેટમાં મધ્ય-પુર્વમાં યુધ્ધના કારણે ઓઇલની સપ્લાય ખોરવાવાની શંકા યથાવત રહેતા ક્રુડ ઓઇલ પણ ઓકટોબ પછી છ મહીનાની તેજીએ ટ્રેડ થઇ રહ્યું છે. આજે બ્રેન્ટ ક્રુડનો ફયુચરનો બેરલ દીઠ ભાવ 89.39 ડોલર યથાવત રહ્યો છે. અને ડબલ્યુટીઆઇ ફયુચર્સ પણ બેરલ દીઠ 85.44 ડોલરના લેવલે ટ્રેડ થઇ રહ્યું છે.

રાષ્ટ્રીય

રાજસ્થાનમાં ટ્ર્રક સાથે ટકરાયા બાદ કારમાં ભડકો: 7નાં મોત

Published

on

By

રાજસ્થાનના સીકર જિલ્લાના ફતેહપુરમાં યુપીના મેરઠના એક પરિવારના સાત લોકો જીવતા ભડથું થયા હતા. એક કારે ટ્રકને ટક્કર મારી હતી. આ અકસ્માત બાદ તુરંત કારમાં આગ લાગી હતી અને થોડી જ વારમાં આખી કાર અને તેમાં સવાર તમામ લોકો આગના હવાલે થઇ ગયા હતા.ભીષણ આગના કારણે થોડીવારમાં જ બે માસુમ બાળકો, ત્રણ મહિલાઓ સહિત પરિવારના સાત લોકો જીવતા સળગી ગયા હતા.

આગ એટલી વિકરાળ હતી કે કોઈ કંઇ ના કરી શક્યું. મળતી માહિતી અનુસાર, પરિવાર સાલાસર બાલાજીના દર્શન કરીને મેરઠ પરત ફરી રહ્યો હતો તે સમયે આ દુર્ઘટના બની હતી.મૃતકોમાં પતિ-પત્ની, બે પુત્રી, માતા અને કાકી સહિત 7 લોકોનો સમાવેશ થાય છે. ઓવરટેક કરતા સમયે કાર ટ્રકની નીચે ઘુસી ગઈ હતી.
એવું કહેવાય છે કે સાલાસર પુલિયા પર ઓવરટેક કરવાનો પ્રયાસ કરતી વખતે પૂરપાટ આવતી કાર ટ્રકની નીચે ગુસી ગઈ હતી. ત્યારે ગેસ પાઈપ ફાટવાને કારણે ગેસકેટના સિલિન્ડરમાં તરત જ આગ લાગી હતી અને થોડી જ વારમાં કાર બળીને ખાખ થઈ ગઈ હતી. ટ્રકમાં ભરેલા કપાસના રોલના કારણે આગ વિકરાળ બની હતી. રાહદારીઓએ પણ તેમને બચાવવાનો કર્યો હતો, પરંતુ ગેટ ખુલ્યો ન હતો અને થોડી જ ક્ષણોમાં આગે સાત લોકોના જીવ લીધા હતા.

Continue Reading

આંતરરાષ્ટ્રીય

15 અપહૃત ભારતીય ખલાસીઓને છોડાવવા વિદેશમંત્રી એક્શનમાં: ઈરાન સાથે વાતચીત

Published

on

By

ભારતના વિદેશ મંત્રી એસ. જયશંકરે માહિતી આપી છે કે તેમણે 17 ભારતીયોને મુક્ત કરવા અંગે ઈરાનના વિદેશ મંત્રી સાથે વાત કરી છે. ઈરાન-ઈઝરાયેલ વચ્ચે વધી રહેલા તણાવ અંગે પણ ચર્ચા કરી હતી. 13 એપ્રિલે ઈરાને એમએસસી અશિયત નામનું જહાજ કબજે કર્યું હતું, ભારતીય વિદેશ મંત્રાલયને આ માહિતી મળતા જ ભારતીય વિદેશ મંત્રાલય એક્શનમાં આવી ગયું છે. ત્યારથી વિદેશ મંત્રાલય ઈરાન સાથે સતત સંપર્કમાં છે. તેમજ ભારતીયોની મુક્તિ માટે પ્રયાસો ચાલુ છે. તમને જણાવી દઈએ કે આ જહાજ એક કાર્ગો જહાજ છે જે આંશિક રીતે ઈઝરાયેલના અબજોપતિ ઉદ્યોગપતિની માલિકીની કંપનીનું છે, વિદેશ મંત્રી જયશંકરે ઈરાન સાથે આ મુદ્દે વાતચીત કરતા કહેરાન ભારત સરકારના અધિકારીઓને આક્લાસીઓને મળવાની છૂટ આપે તેવા સ્પષ્ટ સંકેત મળ્યા છે.

હવે આ મામલે નવી માહિતી સામે આવી છે. જોકે કેન્દ્રીય વિદેશ મંત્રી એસ જયશંકરે સોશિયલ મીડિયા સાઇટ પર એક પોસ્ટ શેર કરી હતી. તેણે પોતાની પોસ્ટમાં લખ્યું છે કે, રવિવારે સાંજે ઇસ્લામિક રિપબ્લિક ઓફ ઈરાનના વિદેશ મંત્રી એચ. અમીરાબ્દોલ્લાહિયન સાથે વાત કરી હતી. એમએસસી અશિયત ના 17 ભારતીય ક્રૂ મેમ્બર્સની મુક્તિ અંગે ચર્ચા કરી. વિસ્તારની વર્તમાન સ્થિતિ અંગે પણ ચર્ચા કરવામાં આવી હતી. આ ચર્ચામાં એ વાત પર પણ ભાર મૂકવામાં આવ્યો હતો કે વધતા તણાવને ટાળવો જોઈએ, સંયમ રાખવો જોઈએ અને કૂટનીતિ દ્વારા મામલો ઉકેલવો જોઈએ.

ઈરાનના વિદેશ પ્રધાન ડો. અમીર અબ્દુલ્લાહિયાને જણાવ્યું હતું કે તેઓ અટકાયતમાં લેવાયેલા જહાજને લગતી વિગતોનું અનુસરણ કરી રહ્યા છે અને ઉલ્લેખિત જહાજના ક્રૂ સાથે ભારત સરકારના પ્રતિનિધિઓની મુલાકાતની શક્યતા ટૂંક સમયમાં પૂરી પાડવામાં આવશે.

Continue Reading

Entertainment

સલમાન ખાનના ઘર પર ફાયરિંગના કેસમાં 3ની અટકાયત, કેસ ક્રાઈમ બ્રાન્ચને કરાયો ટ્રાન્સફર

Published

on

By

 

મુંબઈ ક્રાઈમ બ્રાંચ હવે સલમાન ખાનના ઘર ગેલેક્સી એપાર્ટમેન્ટમાં થયેલા ગોળીબારના કેસની તપાસ કરશે. મામલાની ગંભીરતાને ધ્યાનમાં લઈને કેસ ક્રાઈમ બ્રાન્ચને ટ્રાન્સફર કરવામાં આવ્યો છે. રવિવારે સાંજે મુંબઈ ક્રાઈમ બ્રાન્ચની ટીમે સાંતાક્રુઝના વાકોલા વિસ્તારમાંથી ત્રણ લોકોની અટકાયત કરી હતી. ક્રાઈમ બ્રાન્ચ આ ત્રણેય શકમંદોની સઘન પૂછપરછ કરી રહી છે. કહેવામાં આવી રહ્યું છે કે ત્રણેય સ્થાનિક સમર્થક હતા અને તેમણે શૂટરોની મદદ કરી હતી.

સૂત્રોના જણાવ્યા અનુસાર, સલમાન ખાનના ઘરની રેકી શૂટર્સના અન્ય સહયોગીઓ દ્વારા કરવામાં આવી હતી, જેની માહિતી શૂટર્સને આપવામાં આવી હતી જેથી આ દરમિયાન શૂટર્સ પકડાય નહીં. જે બાદ પ્લાનિંગ મુજબ સવારે 5 વાગે શૂટરોએ ગોળીબાર કર્યો હતો. હુમલાખોરોએ સલમાનના ઘરની બહાર બાઇકમાંથી પાંચ ગોળીઓ ચલાવી હતી, જેમાંથી બે ગેલેક્સી એપાર્ટમેન્ટની દિવાલ પર વાગી હતી અને બાકીની ત્રણ ગોળી રોડ પર જ ફાયર કરવામાં આવી હતી.

ફાયરિંગની ઘટનાને અંજામ આપ્યા પછી, બંને આરોપીઓએ બાંદ્રા સ્ટેશનના પ્લેટફોર્મ નંબર એક પરથી સવારે 5.08 વાગ્યે બોરીવલી જતી લોકલ ટ્રેન પકડી. સાંજે 5.13 કલાકે તે સાંતાક્રુઝ સ્ટેશનના પ્લેટફોર્મ નંબર 3 પર ઉતર્યો હતો. સાંતાક્રુઝ સ્ટેશનથી તે પૂર્વમાં વાકોલા તરફ આવ્યો અને ત્યાંથી ઓટો પકડી. સાંતાક્રુઝ સ્ટેશનના સીસીટીવી ફૂટેજ અને પછી ત્યાંથી નીકળતા અને ઓટોને પકડતા પોલીસે મેળવ્યા છે અને વધુ સીસીટીવી ફૂટેજની તપાસ કરવામાં આવી રહી છે.

સલમાન ખાન લાંબા સમયથી લોરેન્સ બિશ્નોઈ ગેંગના નિશાના પર હોવાનું કહેવાય છે. તેને ઘણી વખત ધમકીઓ પણ મળી હતી. રવિવારે સલમાનના ઘર પર થયેલા હુમલા બાદ મહારાષ્ટ્રના મુખ્યમંત્રી એકનાથ શિંદેએ તેની સાથે વાત કરી હતી. આ સિવાય સીએમ શિંદેએ સલમાનની સુરક્ષા વધુ કડક કરવાની વાત પણ કરી હતી. પોલીસ પણ આ મામલે સક્રિય દેખાઈ હતી અને અભિનેતાના ઘરની સુરક્ષા કડક કરી દેવામાં આવી હતી. ઝડપભેર તપાસ કરતાં ક્રાઈમ બ્રાન્ચે બંને શકમંદોના ફોટોગ્રાફ્સ જાહેર કર્યા હતા અને એક શકમંદની ઓળખ પણ થઈ હતી.

ફાયરિંગની ઘટના બાદ ઘણા લોકો સલમાન ખાનની ખબર પૂછવા ગેલેક્સી એપાર્ટમેન્ટ પહોંચ્યા હતા. તેમાં રાજકારણી બાબા સિદ્દીકી, MNS ચીફ રાજ ઠાકરે, સલમાનના ભાઈઓ અરબાઝ ખાન અને સોહેલ ખાન, તેનો ભત્રીજો અરહાન ખાન અને સલમાનના નજીકના મિત્ર રાહુલ કનાલનો સમાવેશ થાય છે. આ સિવાય ઘણા ટોચના અધિકારીઓ પણ સલમાનના ઘરે પહોંચ્યા હતા.

સલમાન ખાનના ઘરે ફાયરિંગની ઘટનાને બે હુમલાખોરોએ અંજામ આપ્યો હતો. હુમલાખોરો પૈકી એકની ઓળખ થઈ ગઈ છે. તેનું નામ વિશાલ ઉર્ફે કાલુ જણાવવામાં આવી રહ્યું છે. વિશાલ ઉર્ફે કાલુ હરિયાણાના ગુરુગ્રામનો રહેવાસી છે. થોડા મહિના પહેલા વિશાલે પોતે જ ગુરુગ્રામના ભંગારના વેપારી સચિનને ​​રોહતકના ઢાબા પર ગોળી મારીને હત્યા કરી દીધી હતી. કહેવાય છે કે વિશાલ વિદેશમાં બેસી ગેંગસ્ટર રોહિત ગોદારા માટે કામ કરે છે. તેણે રોહિતની સલાહ પર જ સચિનની હત્યા કરી હતી.

Continue Reading

Trending