Connect with us

jamnagar

સરગમ નવરાત્રી મહોત્સવમાં કુલ 27 રાસોનો રસથાળ: 160 દીકરીઓ રૂમઝૂમ રમશે

Published

on

જામનગરના લોટસ ચેરિટેબલ ટ્રસ્ટ દ્વારા છેલ્લા આઠ વર્ષથી બેનમૂન રાસોત્સવ યોજવામાં આવે છે: કુલ પાંચ ગ્રૂપમાં દીકરીઓ અવનવા રાસગરબા રજૂ કરે છે: વિશાળ બેઠક વ્યવસ્થા અને ચુસ્ત સુરક્ષા વ્યવસ્થા: પ્રદર્શન ગ્રાઉન્ડમાં દરરોજ અંદાજે 10 હજાર ગરબા શોખીનો આ મહોત્સવને મનભરીને માણે છે…

 

જામનગર સહિત રાજયભરમાં આપણો નવરાત્રિ મહોત્સવ વિશ્ર્વના સૌથી લાંબા નૃત્ય મહોત્સવ તરીકે જાણીતો છે. જામનગરમાં લોટસ ચેરીટેબલ ટ્રસ્ટ દ્વારા દર વર્ષે પ્રદર્શન ગ્રાઉન્ડમાં સરગમ નવરાત્રિ મહોત્સવ નામના ભવ્ય રાસોત્સવનું ભવ્ય આયોજન કરવામાં આવે છે. જેમાં સુંદર બેઠક વ્યવસ્થા હોય છે અને ટ્રસ્ટના અંદાજે 50 જેટલા કાર્યકરો દ્વારા સમગ્ર મહોત્સવ દરમિયાન અફલાતુન વ્યવસ્થા ગોઠવવામાં આવે છે.

આ રાસોત્સવ જામનગર શહેરમાં જ નહીં, સમગ્ર હાલારમાં પ્રખ્યાત છે. સંપૂર્ણપણે ભારતીય સંસ્કૃતિને અનુરૂૂપ આ રાસોત્સવ માટે 160 દીકરીઓને ભરપૂર પ્રેક્ટિસ અને શ્રેષ્ઠ માર્ગદર્શન આપવા માટે અનુભવી કોરિયોગ્રાફર સાથે ટ્રસ્ટના 50થી વધુ કમિટેડ કાર્યકરો દિવસો સુધી રાતદિવસ જહેમત ઉઠાવે છે અને બાદમાં કદરદાન નગરજનો સમક્ષ પેશ થાય છે, બાળાઓના પાંચ ગ્રૂપ દ્વારા એક પછી એક કુલ 27 રાસ. જાણીતા કોરિયોગ્રાફર વૈશાલી સંઘવીની કોરિયોગ્રાફી હેઠળ બાળાઓ દ્વારા તૈયાર થયેલાં રાસગરબામાં ‘માડી તારાં અઘોર નગારાં વાગે..’ , ‘કીડીબાઈની જાન..’ , ‘લાડલી..’ , ‘ગણેશસ્તુતિ’ અને ‘મારું ગુજરાત..’ સહિતના ગરબાંઓ અને રાસોનો સમાવેશ થાય છે. જબરદસ્ત બેઠક વ્યવસ્થા અને સલામતી તથા સુરક્ષા સાથેનો આ રાસોત્સવ વર્ષોથી લોકપ્રિયતામાં શિરમોર છે.

રાસગરબા માટેના વિશાળ સ્ટેજની પાછળ 54 બાય 14 ચોરસફૂટનો ભવ્ય કઊઉ સ્ક્રીન ગોઠવવામાં આવશે જેમાં ગરબાને અનુરૂૂપ થીમ દર્શાવી, સમગ્ર ફ્રેમમાં વાસ્તવિક વાતાવરણ નિર્મિત કરવાનો અજીબ પ્રયોગ હજારો દર્શકો માટે એક વિશિષ્ટ અહેસાસ પૂરવાર થશે. જાણીતા મ્યૂઝિક ડિરેક્ટર રાજ રાણા અને તેની સમગ્ર ટીમ અદભૂત સંગીત વડે રાસોત્સવને મન ડોલાવનારો બનાવશે. ગાયકોનું વૃંદ પણ વિશાળ અને વૈવિધ્યપૂર્ણ છે, જેમાં હરેશ વ્યાસ, ચંદ્રસેન સેવક, તરુલતા ચૌહાણ, મેઘના ગાંગુલી અને અનુભવી કોરસનો સમાવેશ થાય છે.

આ નવરાત્રિ મહોત્સવમાં તમામ દિકરીઓ 60*60 ફૂટના વિશાળ સ્ટેજ પર રાસ-ગરબાનો રજૂ કરશે અને સમગ્ર એરેનાની વ્યવસ્થા માટે 25 થી વધુ ખાનગી સિકયુરીટી ગાર્ડ તેમજ 15 થી વધુ સ્વયં સેવક ભાઇઓ ખડેપગે રહેશે. 15 ઓકટોબરથી 24 ઓકટોબર દરમિયાન દરરોજ રાત્રે 8-30 થી 12-00 વાગ્યા સુધી યોજાનારા આ નવરાત્રિ મહોત્સવમાં શહેરના શ્રેષ્ઠીઓ ઉપસ્થિત રહેશે. સમગ્ર કાર્યક્રમનો લાઇવ પ્રસારણ જયકેબલ દ્વારા કરવામાં આવશે. એરેનાના કવરેજ માટે 10 થી વધુ સીસીટીવી ગોઠવવામાં આવશે અને મહોત્સવમાં આવનાર દરેક દર્શક માટે પાર્કિંગની સુવિધા વિનામુલ્યે પુરી પાડવામાં આવશે તેમજ સરકારના નિયમ મુજબ ગ્રાઉન્ડ પર મેડીકલ ટીમ સજ્જ રહેશે.

સરગમ નવરાત્રી મહોત્સવની ટીમનુ શાનદાર આયોજન
સરગમ નવરાત્રિ મહોત્સવ સમગ્ર હાલારમાં પ્રખ્યાત છે. નવરાત્રિની નવે-નવ રાત દરમિયાન શહેરના પ્રદર્શન ગ્રાઉન્ડ ખાતે આ વર્ષે સતત નવમી વખત નવરાત્રિ મહોત્સવનું આયોજન કરવામાં આવ્યું છે. લોટસ ચેરીટેબલ ટ્રસ્ટના સલાહકાર અને સંખ્યાબંધ કાર્યકરો સમગ્ર આયોજનને અફલાતુન ઓપ આપવા માટે દિવસો સુધી જહેમત ઉઠાવે છે અને કોર્ડિયો ગ્રાફર તથા સંગીતકારો અને ગાયકોની મદદથી બાળાઓને અદ્દભૂત રાસો માટે ભરપુર પ્રેકટીસ કરાવે છે. જેને પરિણામે સરગમ નવરાત્રી મહોત્સવ સમગ્ર હાલારના રાસગરબા શોખીનો માટે દર વર્ષે નવરાત્રિમાં એક અદ્દભૂત અહેસાસ સાબિત થાય છે. ભકિત અને અલગ દ્રષ્ટિનો સંગમ એવો આ સરગમ નવરાત્રિ મહોત્સવ હાલારમાં મોટાભાગના લોકોએ કમસેકમ એક વખત નિહાળ્યો હોય છે એટલી હદે આ નવરાત્રિ મહોત્સવ લોકપ્રિય હોવાનું સૌ જાણે છે.
સરગમ નવરાત્રિ મહોત્સવને સફળ બનાવવા માટે લોટસ ચેરીટેબલ ટ્રસ્ટના ટ્રસ્ટી ભરત ઢોલરીયા ઉપરાંત શૈલેષ પટેલ, બિપીન સોરઠીયા, જમન બાબીયા, સંજય સુદાણી, અરવિંદ કોડીનારીયા, હેમત દોમડીયા, ઉપરાંત નવરાત્રી ક્ધવીનર તરીકે રાજન મુંગરા, અશ્ર્વિન કપુરીયા, આર.પી. ઘાડીયા, હેમંત પરમાર, પરેશ સંઘાણી, વિપુલ હીરપરા તેમજ વિવિધ વ્યવસ્થા કમિટીના ચેરમેન અને સમગ્ર ટીમ ખંભે ખંભા મીલાવીને કામ કરી રહ્યા છે.

jamnagar

શેખપાટ ગામમાં 70 વર્ષના વૃધ્ધનું વીજઆંચકો લાગતાં અપમૃત્યુ

Published

on

જામનગર તાલુકાના શેખપાટ ગામમાં રહેતા 70 વર્ષના બુઝુર્ગને પોતાના ઘરે ઈલેક્ટ્રીક લેમ્પ બદલાવતી વેળાએ અચાનક વીજ આંચકો લાગ્યો હતો, અને તેઓનું સ્થળ પર જ મૃત્યુ નીપજયું હતું. જે મામલે પોલીસ તપાસ ચલાવે છે. આ બનાવની વિગત એવી છે કે જામનગર તાલુકાના શેખપાટ ગામમાં રહેતા ગોકરભાઈ ભીમાભાઇ ચાવડા નામના 70 વર્ષના સતવારા જ્ઞાતિના બુઝુર્ગ કે જેઓ પોતાની વાડીની ઓરડી પાસે લેમ્પ બદલાવવાનું કામ કરતા હતા, જે દરમિયાન પોતાને ઇલેક્ટ્રીક લેમ્પ બદલાવતી વખતે એકાએક વીજ આંચકો લાગતાં તેઓ બેભાન થઈને નીચે પટકાઈ પડ્યા હતા. જેઓને સારવાર માટે હોસ્પિટલમાં લઈ જવાયા હતા, જયાં ફરજ પરના તબીબે તેઓનું મૃત્યુ નીપજયું હોવાનું જાહેર કર્યું હતું. આ બનાવ અંગે મૃતકના પુત્ર કરમશીભાઈ ગોકરભાઈ ચાવડાએ પોલીસને જાણ કરતાં પંચકોશી એ. ડિવિઝનના પોલીસ સ્ટાફે ઘટના સ્થળે દોડી જઈ મૃતદેહનો કબજો સંભાળ્યો છે, અને પોસ્ટમોર્ટમ સહિતની કાર્યવાહી હાથ ધરી છે.

Continue Reading

jamnagar

સાંસદ પૂનમબેન માડમના અધ્યક્ષસ્થાને ઠેબા ગામમાં વિકસિત ભારત સંકલ્પ યાત્રા કાર્યક્રમ

Published

on

સાંસદ પૂનમબેન માડમના અધ્યક્ષસ્થાને જામનગર તાલુકાના ઠેબા ગામમાં વિકસિત ભારત સંકલ્પ યાત્રા કાર્યક્રમ યોજાયો હતો, જેમાં તેઓએ કહ્યું હતું કે, “વિકસિત ભારત સંકલ્પ યાત્રા થકી સમગ્ર દેશ વિકાસ માટે એકજુથ બની રહ્યો છે, અને નાગરિકો પોતાના અધિકારો માટે જાગૃત બની રહ્યા છે”.
વડાપ્રધાન નરેન્દ્રભાઈ મોદીના સક્ષમ માર્ગદર્શન તળે ગત તા.15મી નવેમ્બરના રોજ જનજાતીય ગૌરવ દિવસ થી સમગ્ર દેશમાં વિકસિત ભારત સંકલ્પ યાત્રા કાર્યક્રમનો પ્રારંભ કરવામાં આવ્યો છે. આ યાત્રા દરમિયાન અત્યાર સુધીમાં 30 લાખ જેટલા નાગરિકો સહભાગી બન્યા છે, અને વિવિધ યોજનાઓ વિષે જાણકારી મેળવી શક્યા છે. જે અંતર્ગત, સાંસદ પૂનમબેન માડમના અધ્યક્ષસ્થાને જામનગર તાલુકાના ઠેબા ગામમાં વિકસિત ભારત સંકલ્પ યાત્રા કાર્યક્રમનું આયોજન કરવામાં આવ્યું હતું.
કાર્યક્રમના અધ્યક્ષ અને સાંસદ પૂનમબેન માડમે જણાવ્યું હતું કે, સમગ્ર દેશમાં 15 દિવસથી વિકસિત ભારત સંકલ્પ યાત્રા કાર્યક્રમનું આયોજન કરવામાં આવી રહ્યું છે. આ કાર્યક્રમમાં અત્યાર સુધીમાં 30 લાખ લોકો જોડાયા છે, અને તેઓ વિવિધ સરકારી યોજનાઓથી લાભાન્વિત બની રહ્યા છે. કાર્યક્રમમાં સમાવિષ્ટ સંકલ્પ રથનું નામ બદલીને તેને ”મોદીજીની ગેરેન્ટી વાળી ગાડી” આવા નવા નામથી નાગરિકો તેને ઓળખી રહયા છે. વર્ષ 2047 સુધીમાં વિકસિત ભારતનું સપનું સૌએ ભેગા મળીને સાકાર કરવાનું છે.
ઉલ્લેખનીય છે કે, કાર્યક્રમમાં વડાપ્રધાન નરેન્દ્રભાઈ મોદી વર્ચ્યુઅલ માધ્યમ થકી દેશભરના નાગરિકો સાથે જોડાયા હતા. તેમજ દેશભરમાંથી વિવિધ યોજનાઓના 5 લાભાર્થીઓ સાથે સંવાદ કર્યો હતો. વડાપ્રધાનશ્રીના હસ્તે દેશભરમાં 25,000 નવા પ્રધાનમંત્રી જન ઔષધિ કેન્દ્રનું ઈ-લોન્ચિંગ કરવામાં આવ્યું હતું, અને 10,000મા પ્રધાનમંત્રી જન ઔષધિ કેન્દ્રનો ઝારખંડ રાજ્યના દેવઘર જિલ્લામાં પ્રારંભ કરવામાં આવ્યો હતો. વડાપ્રધાનશ્રી દ્વારા નમો ડ્રોન દીદી કાર્યક્રમ લોન્ચ કરવામાં આવ્યો છે, જેના થકી મહિલા ખેડૂતોને ડ્રોન ચલાવવા અંગે તાલીમ આપવામાંં આવશે.
સાંસદ અને અન્ય મંચસ્થ મહાનુભાવોના હસ્તે ઠેબા ગ્રામ પંચાયતને હર ઘર જલ યોજના અંતર્ગત હર ઘર જલ અભિનંદન પત્ર અને સ્વામિત્વ યોજના હેઠળ રેકોર્ડ ડીઝીટલાઈઝેશનના પ્રમાણપત્ર અર્પણ કરવામાં આવ્યા હતા. તેમજ મહાનુભાવો દ્વારા વિવિધ યોજનાઓની જાણકારી આપતા સ્ટોલ્સની મુલાકાત લેવામાં આવી હતી.
કાર્યક્રમમાં ઠેબા પ્રાથમિક શાળાના વિધાર્થીઓ દ્વારા “ધરતી કરે પુકાર- પ્રાકૃતિક કૃષિ” વિષય પરનું નાટક રજૂ કરવામાં આવ્યું હતું. સરકારની વિવિધ યોજનાઓની જાણકારી આપતી વિકસિત ભારત સંકલ્પ યાત્રા ફિલ્મનું પ્રસારણ કરવામાં આવ્યું હતું. ત્યારબાદ મેરી કહાની મેરી જુબાની સાફલ્ય ગાથા કાર્યક્રમમાં લાભાર્થીઓએ રાજ્ય સરકાર અને કેન્દ્ર સરકારની વિવિધ યોજનાઓ થકી તેઓને મળેલા લાભો અંગે પોતાના અનુભવ વ્યક્ત કર્યો હતો. પ્રધાનમંત્રી આવાસ યોજના, પ્રધાનમંત્રી જન આરોગ્ય યોજના, સ્વામિત્વ યોજના હેઠળ પ્રોપર્ટી કાર્ડનું વિતરણ, પ્રધાનમંત્રી ઉજજવલા યોજના, શ્રમિક અન્નપૂર્ણા યોજના અને અન્ય યોજનાઓના લાભાર્થીઓને મંજૂરી પત્રોનું વિ તરણ કરવામાં આવ્યું હતું.
સમારોહના અંતે આભારવિધિ જામનગર તાલુકા વિકાસ અધિકારીશ્રી સરવૈયાભાઈએ કરી હતી. આ કાર્યક્રમમાં, જિલ્લા પંચાયત પ્રમુખ મેયબેન ગરસર, જિલ્લા કલેકટર બી.એ.શાહ, જિલ્લા વિકાસ અધિકારી વિકલ્પ ભારદ્વાજ, નાયબ જિલ્લા વિકાસ અધિકારી ગઢવી, પ્રાંત અધિકારી (ગ્રામ્ય) ડોબરીયા, જામનગર તાલુકા પંચાયત પ્રમુખ સંગીતાબેન દુધાગરા, કારોબારી સમિતિના ચેરમેન ચંપાબેન પરમાર, મુખ્ય જિલ્લા આરોગ્ય અધિકારી ડો. ભાયા, નાયબ પશુપાલન નિયામક ડો.તેજસ શુક્લ, આજુબાજુના ગામોમાંથી પધારેલા અગ્રણીઓ, લાભાર્થીઓ તેમજ બહોળી સંખ્યામાં ગ્રામજનો ઉપસ્થિત રહ્યાં હતાં.

Continue Reading

jamnagar

ધો.11ના છાત્ર પર સૃષ્ટિવિરુદ્ધનું કૃત્ય આચરી મોતને ઘાટ ઉતાર્યો

Published

on

જામનગરમાં મોહન નગર આવાસમાં રહેતા અને 11 માં ધોરણમાં અભ્યાસ કરતાં એક વિદ્યાર્થી નું ગઈકાલે અપહરણ થયું હતું આ અંગે તરૂૂણ નાં પિતા દ્વારા અપહરણની ફરિયાદ નોંધાવાઈ હતી. જે મામલામાં પોલીસે સીસીટીવી કેમેરાઓ ચેક કર્યા પછી તપાસ નો ધમધમાટ શરૂૂ કર્યો હતો.દરમ્યાન આજે આ તરૂૂણ નો અર્ધ સળગેલી હાલત મા મૃતદેહ મળી આવ્યો હતો. તેની ગળેટૂંપો આપી હત્યા નીપજાવાયા પછી મૃતદેહ ને સળગાવી નાખવામાં આવ્યો હતો. આખરે સમગ્ર પ્રકરણ નો ભાંડો ફૂટી જવા પામ્યો છે. અને મૃતક નાં જ બે અંગત મિત્રોએ આ કૃત્ય આચર્યું હોવાથી પોલીસે બંને ની ધરપકડ કરી છે.
આ સનસનીખેજ બનાવ ની વિગત એવી છે કે જામનગરમાં મોહનનગર આવાસના બિલ્ડીંગ નંબર 15 માં બ્લોક નંબર 302 માં રહેતા અને કેટરર્સ તરીકે નોકરી કરતા ગોપાલભાઈ વલ્લભભાઈ પીઠડીયા ના 17 વર્ષના પુત્ર હાર્દિક નું ગઇકાલે અપહરણ થયું હતું. 11 માં ધોરણમાં અભ્યાસ કરતો ગોપાલભાઈ નો પુત્ર હાર્દિક સ્કૂલે જવા માટે નીકળ્યો હતો, જે એકાએક લાપતા બન્યો હતો, અને સ્કૂલના ડ્રેસ અને દફતર સાથે જ ગાયબ થયો હતો. પરિવારજનો દ્વારા ભારે શોધખોળ પછી પણ તેનો પતો નહીં સાંપડતા આખરે પોલીસ નો સંપર્ક સાધવામાં આવ્યો હતો, અને માતા ઉષાબેન ગોપાલભાઈ પીઠડિયા ની ફરિયાદ નાં આધારે અપહરણ અંગેનો ગુનો દાખલ કરાવ્યો હતો.
બીજી તરફ આજે સવારે હાર્દિક નો અર્ધ સળગેલી હાલત મા મૃતદેહ સુવરડા અને બે ભાઈ ડુંગર વિસ્તાર માથી મળી આવ્યો હતો. આથી પોલીસ પણ સ્તબ્ધ બની ગઈ હતી.અને તપાસ ને વેગ આપ્યો હતો.પોલીસ તપાસ મા સૃષ્ટિ વિરુદ્ધનું કૃત્ય અને આકર્ષણ નાં કારણે તેના જ બે મિત્રો સુભમ નિલેશભાઈ પરમાર (24) અને ખુશાલ મનીષભાઈ બારડ (22) એ પ્રથમ અપહરણ કર્યું હતું.અને તેની ગળા ટુંપો આપી હત્યા નિપજાવી હતી.
ઉપરાંત તેને કોઈ પ્રવાહી વાળું ઇન્જેક્શન આપી તેના મૃતદેહ ને પેટ્રોલ છાંટી સળગાવ્યો હતો.
આ સમગ્ર પ્રકરણ નો ભેદ ઉકેલવામાં પોલીસ ને સફળતા મળી છે. અને બંને આરોપીઓ ની ધરપકડ કરી લેવામાં આવી છે.
આ મામલાની પોલીસ દ્વારા ઊંડાણપૂર્વકની તપાસ કરવામાં આવી હતી, અને મોહન નગર આવાસના બિલ્ડીંગના સીસીટીવી કેમેરા ચેક કરતાં ત્યાંથી જ એક બાઈકમાં બાળકનું અપહરણ કરી લેવાયું હોવાનું ધ્યાનમાં આવ્યું હતું.આથી પોલીસે તે દિશા મા તપાસ નો ધમધમાટ શરૂૂ કરી બાઈક ઉપર હાર્દિક ને સાથે લઈ જનાર બંને ની પોલીસે ઓળખ મેળવી તેની શોધી કાઢ્યા હતા.અને બંને ને ઝડપી લેવાયા પછી પુછપરછમાં સમગ્ર બનાવ નો ભાંડો ફૂટી જવા પામ્યો હતો.મૃતક હાર્દિક સાથે તેના બંને મિત્રો આકર્ષણ ધરાવતા હતા અને સૃષ્ટિ વિરૂૂદ્ધ નું કૃત્ય કરતા હોવાનું પણ અનુમાન લગાવાયું છે. ગઇકાલે પણ આ માટે જ હાર્દિક ને પોતાના બાઈક મા ઉપાડી ગયા હતા.જયાં આનાકાની થતા બંને મિત્રો એ જ હાર્દિક ને કોઈ ઈન્જેકશન આપ્યા પછી ગળાટુંપો આપી હત્યા નિપજાવી, પુરાવા નો નાશ કરવા માટે મૃતદેહ ને પેટ્રોલ છાંટી ને સળગાવી નાખ્યો હતો.
આખરે પોલીસે સમગ્ર બનાવ ઉપર થી પડદો ઊંચકી નાખી બંને આરોપીઓ ની ધરપકડ કરી છે.

Continue Reading

Trending