Connect with us

ગુજરાત

યશરાજ ફિલ્મના વિરોધમાં જૂનાગઢમાં કાલે સંત સંમેલન

Published

on

વિવાદાસ્પદ ફિલ્મ ઉપર કાયમી પ્રતિબંધ મુકવાની માગણી: પુસ્તકના પ્રકાશકો, ફિલ્મ નિર્માતા-કલાકારો સામે ગુનો નોંધવા ફરિયાદ


યશરાજ ફિલ્મની વિવાદાસ્પદ ફિલ્મ મહારાજ સામે હવે સંતો-મહંતો મેદાને આવ્યા છે. આ ફિલ્મ ઉપર કાયમી પ્રતિબંધ મુકવાની માંગણી સાથે આવતી કાલે રવિવારે જુનાગઢના પુષ્ટિ સંસ્કારધામ ખાતે સૌરાષ્ટ્ર સનાતન સ્વાભિમાન સંત સંમેલનનું આયોજન કરવામાં આવ્યું છે. આ સંમેલનમાં મહારાજ ફિલ્મ સામે આગળની રણનીતિ ઘડવામાં આવનાર છે.
યશરાજ ફિલ્મ્સ દ્વારા બનાવવામાં આવેલી ‘મહારાજ’ ફિલ્મમાં વૈષ્ણવ સંપ્રદાયની લાગણીને ઠેંસ પહોંચે તેવું ચિત્રણ કરાયું હોવાના આક્ષેપ સાથે વૈષ્ણવો દ્વારા ઠેર ઠેર વિરોધ પ્રદર્શન કરવામાં આવી રહ્યો છે. આ ફિલ્મ પર કાયમી પ્રતિબંધ મૂકવાની માગ કરવામાં આવી છે. તો બીજી તરફ જૂનાગઢના પુષ્ટિ સંસ્કાર ધામ ખાતે રવિવારે સંત સંમેલન બોલાવવામાં આવ્યું છે. જેમાં તમામ સંતો-મહંતોને હાજરી આપવા માટે આહવાન કરવામાં આવ્યું છે.
જૂનાગઢ પૃષ્ટિ માર્ગ સંપ્રદાયના વૈષ્ણવ સંતો અને ભક્તો અને જૂનાગઢના સાધુ સંતો અને સનાતનિઓમાં મહારાજ ફિલ્મને લઈ રોષ ફેલાયો છે. જેને લઇ વૈષ્ણવ સંપ્રદાય ,હિન્દુ સનાતન ધર્મના તમામ સંસ્થાના આગેવાનો અને ભક્તો દ્વારા અગાઉ પણ જુનાગઢ કલેક્ટરને આવેદનપત્ર પાઠવી ફિલ્મ મામલે રજૂઆત કરવામાં આવી હતી.મહારાજ પુસ્તકના પ્રકાશકો, ફીલ્મના નિર્માતા નિર્દેશક કલાકારો વિરૂૂધ્ધ ગુન્હો દાખલ કરવા ગત 16 તારીખે પુષ્ટિ સંપ્રદાયના રઘુનાથજી બાવાએ બી ડિવિઝન પોલીસ સ્ટેશનમાં કરી હતી.
પૃષ્ટિ વૈષ્ણવ સંપ્રદાયના આચાર્ય રઘુનાથજી દીક્ષિતે જણાવ્યું હતું કે વૈષ્ણવ સંપ્રદાય અને સનાતન હિંદુ સંપ્રદાય દ્વારા મહારાજ ફિલ્મને લઈને ઘણો ઉગ્ર વિરોધ કરવામાં આવ્યો હતો. જેમાં ફરિયાદો કરવામાં આવી આવેદનપત્ર આપ્યા, અને તમામ હિન્દુ વૈષ્ણવ સનાતન ધર્મના લોકો રોડ પર આવ્યા છતાં પણ સરકારે કોઈ નિર્ણય ન લીધો. ત્યારે અમારી રજૂઆત સરકારને સંભળાવવા માટે આગામી 23/6/2019 ને રવિવાર સંત સંમેલનનું આયોજન કરાયું છે. જે સંમેલનમાં સનાતન ધર્મના તમામ સાધુ સંતો, વૈષ્ણવ સંપ્રદાયના સંતો સંમેલનમાં ઉપસ્થિત રહેશે.આગામી તારીખ 23/06/2024 રવિવારના પૃષ્ટિ સંસ્કાર ધામ ખાતે સવારે 9:00 વાગ્યાથી સંત સંમેલનનું આયોજન કરાયું છે. દરેક સનાતનની, વૈષ્ણવ દરેક વૈષ્ણવ આચાર્ય અને દરેક સાધુ સંતો આ સંમેલનમાં હાજર રહેશે.
આટલી રજૂઆત કરવા છતાં પણ સરકાર સાંભળતી નથી ત્યારે રસ્તા પર આવી અને રજૂઆત કરવામાં આવશે ત્યારે સરકારને સાંભળવું જ પડશે. જ્યારે દરેક હિન્દુ સનાતન અને વૈષ્ણવ સંપ્રદાયના લોકોએ આ સંત સંમેલનમાં હાજરી આપવી. વર્ષોથી હિન્દુ સનાતન ધર્મ પર પ્રહારો કરવામાં આવે છે. ત્યારે હાલના સમયમાં યશરાજ ફિલ્મ દ્વારા મહારાજ ફિલ્મ બનાવવામાં આવી રહ્યું છે તે હિન્દુ સનાતન ધર્મ અને વૈષ્ણવ સનાતન ધર્મ પર પ્રહાર છે. જેના વિરોધમાં આગામી રવિવારે સંત સંમેલનનું આયોજન કરાયું છે.

મહારાજ ફિલ્મ પરથી હાઇકોર્ટે સ્ટે હટાવ્યો
મંગળવારે ગુજરાત હાઈકોર્ટે બોલીવુડ સ્ટાર આમિર ખાનના પુત્ર જુનૈદની ડેબ્યૂ ફિલ્મ મહારાજ પર સ્ટે મુકી દીધો હતો. જેને ગુજરાત હાઈકોર્ટે આજે હટાવી દીધો છે, હાઈકોર્ટ તરફથી કહેવાયું છે કે આ ફિલ્મમાં કંઈ વિવાદીત નથી. હાઈકોર્ટે ફિલ્મની રિલીઝ પરથી સ્ટે હટાવી દીધો છે. તેથી હવે આગામી દિવસોમાં આ ફિલ્મ ઓટીટી પ્લેટફોર્મ પર જોવા મળશે. બોલિવૂડ સુપરસ્ટાર આમિર ખાનનો પુત્ર જુનૈદ ખાન અભિનય ક્ષેત્રે પોતાની કારકિર્દીની શરૂૂઆત કરવા જઈ રહ્યો છે. તેની પ્રથમ ફિલ્મ ‘મહારાજ’ તૈયાર છે પરંતુ OTT Netflix પર રિલીઝ થાય તે પહેલા જ આ ફિલ્મ વિવાદોમાં ફસાઈ ગઈ હતી. છેલ્લા કેટલાક દિવસોથી ઘણા હિન્દુ સંગઠનો સતત ફિલ્મનો વિરોધ કરી રહ્યા હતા. ‘મહારાજ’ ફિલ્મ સામે ગુજરાત કોર્ટે અગાઉ વચગાળાનો સ્ટે આપ્યો હતો. સુનાવણીમાં કોર્ટમાં અરજદારે કહ્યું હતું કે, અમને કોઈ કોમર્શિયલ લાભ નથી જોઈતા, ધાર્મિક લાગણી ન દુભાવી જોઈએ. કોર્ટનો જે નિર્ણય હશે તે માન્ય રહેશે. બીજી તરફ મહારાજ ફિલ્મનો પોરબંદરમાં વૈષ્ણવ સમાજે વિરોધ કર્યો હતો. જૂદી જૂદી હવેલીના બાબાશ્રીઓની આગેવાનીમાં વૈષ્ણવ સંપ્રદાયના અનુયાયીઓએ કલેક્ટર અને એસપીને આવેદન આપ્યું હતું. આ કેસમાં આજે ગુજરાત હાઈકોર્ટમાંથી આજે સ્ટે હટાવી દેવામાં આવ્યો છે અને ફિલ્મ હવે ઓટીટી પર રિલીઝ થશે.

ગુજરાત

દ્વારકા: પાનેલી ગામે નદીમાં ફસાયેલા 3 લોકોની વ્હારે આવ્યા સૈનિકો, હેલિકોપ્ટરથી કરાયું દિલધડક રેસક્યૂ, જુઓ વિડીયો

Published

on

By

સૌરાષ્ટ્રમાં મેઘરાજા ઓળઘોળ થઈને વરસી રહ્યા છે. ત્યારે દ્વારકામાં આજે ફરી જળબંબાકાર થયો છે. કલ્યાણપુરમાં પણ અભ ફાટ્યા જેવી સ્થિતિ સર્જાય હતી. કલ્યાણપુર તાલુકાના વાડી વિસ્તારમાં ભારે વરસાદી પાણી ભરાઈ ગયા હતાં. જેના પગલે અનેક લોકો પાણીના પ્રવાહ વચ્ચે ફસાઈ ગયા હતા. જેઓનું હેલિકોપ્ટરથી દિલધડક રેસ્ક્યૂ કરાયું હતું.

https://www.facebook.com/watch/?v=889506663014072

દ્વારકાના પાનેલી ગામની નદીમાં ત્રણ લોકો ફસાયા હતા. સ્થાનિક નદીમાં ઘોડા પૂર આવવાને લઈ આ લોકો ફસાયા હતા. જેમને બચાવવા માટે એનડીઆરએફની પણ મદદ લેવામાં આવી હતી. પરંતુ આ ત્રણ લોકોને બચાવવા મુશ્કેલ થતા આખરે જામનગરના સાંસદ પૂનમ માડમ દ્વારા તંત્ર સાથે વાત કરવામાં આવી હતી. ત્યારબાદ હેલિકોપ્ટરની વ્યવસ્થા કરવામાં આવી હતી. જેની મદદથી રેસક્યૂ કરીને તે ત્રણેય લોકોને બચાવી લેવામાં આવ્યા હતા. ક્લેકટર પણ જણાવ્યું હતુ, કે હવે કોઈ વ્યક્તિ ફસાયેલ નથી. 11 લોકો ફસાયેલા હોવાનું જણાતા તે તમામને રેસક્યૂ કરી લેવામાં આવ્યું હતુ.

Continue Reading

ગુજરાત

પતિના મિત્રએ પ્રેમજાળમાં ફસાવતા પરિણીતાનો આપઘાતનો પ્રયાસ

Published

on

By

પ્રેમલગ્ન કરનાર મહિલાને પતિ સાથે છૂટાછેડા લેવડાવી બે વર્ષ સબંધ રાખી બદનામ કરતો હોવાનો આક્ષેપ

શહેરમાં કાલાવડ રોડ ઉપર પ્રેમ લગ્ન કરનાર પરિણીતાને પતિના પ્રેમીઓ પ્રેમજાળમાં ફસાવી છુટાછેડા લેવડાવી બે વર્ષ સુધી હવસનો શિકાર બનાવી ત્રાસ આપતો હોવાના આક્ષેપ સાથે પરિણીતાએ ફીનાલ પી આપઘાતનો પ્રયાસ કર્યો હતો. પરિણીતાને ઝેરી અસર થતા તાત્કાલિક સારવાર માટે સિવિલમાં દાખલ કરવામાં આવી હતી.
આ બનાવ અંગે પોલીસમાંથી જાણવા મળતી વિગત મુજબ શહેરમાં કાલાવડ રોડ ઉપર રહેતી 27 વર્ષની પરિણીતા પોતાના ઘર ઘરે હતી. ત્યારે રાત્રિના સાડા બારેક વાગ્યાના અરસામાં ફીનાલ પી લીધું હતું. પરિણીતાને ઝેરી અસર થતા હોસ્પિટલમાં ખસેડવામાં આવી હતી.

આ અંગે સિવિલ હોસ્પિટલ પોલીસ ચોકીના સ્ટાફે રાજકોટ તાલુકા પોલીસને જાણ કરતા તાલુકા પોલીસ મથકનો સ્ટાફ તાત્કાલિક સિવિલ હોસ્પિટલ ખાતે દોડી ગયો હતો. પ્રાથમિક પૂછપરછમાં ફીનાઇલ પી લેનાર 27 વર્ષની પરિણીતાએ જણાવ્યું હતું કે તેણીએ પાંચ વર્ષ પહેલા પ્રેમ લગ્ન કર્યા હતા અને પ્રેમ લગ્ન બાદ પતિના મિત્રએ તેણીને પ્રેમ જાળમાં ફસાવી ત્રણ માસ પહેલા જ છુટાછેડા લેવડાવી લીધા હતા અને છેલ્લા બે વર્ષથી પ્રેમજાળમાં ફસાવી પતિના મિત્રએ હવસનો શિકાર બનાવી હતી. છેલ્લા એક માસથી સબંધ ટૂંકાવી લીધા હોવા છતાં ત્રાસ ગુજરતો હોવાનો આક્ષેપ કરવામાં આવ્યો છે. આ બનાવ અંગે તાલુકા પોલીસે નોંધ કરી પરિણીતાના આક્ષેપોને પગલે વધુ તપાસ હાથ ધરી છે.

Continue Reading

ગુજરાત

ભારે વાહનોને પ્રવેશબંધી મામલે હાઈકોર્ટ લાલઘૂમ, માત્ર કાગળ પર નહીં નક્કર કામ કરો

Published

on

By

ડીજીપી અને આરટીઓ સહિતના અધિકારીઓને હાઈકોર્ટનું તેડું: શહેરમાં બેરોકટોક ઘૂસી જતી ખાનગી બસો સામે કાર્યવાહી કરવા આદેશ

ગુજરાતમાં વધતાં જતાં અકસ્માતના બનાવોમાં બે વાહનો વચ્ચે થયેલા અકસ્માત કેસમાં વળતર મુદ્દે જવાબદારી અંગેના કેસમાં હાઈકોર્ટે સરકારની જાટકણી કાઢી છે અને ભારે વાહનોના પ્રવેશબંધી મામલે હાઈકોર્ટ લાલઘુમ થઈ હતી અને પોલીસને માત્ર કાગળ ઉપર જ નહીં પણ નક્કર કાર્યવાહી કરવા આદેશ કરી ગૃહવિભાગનાં ડીજીપી તથા આરટીઓ સહિતના જવાબદાર અધિકારીઓને આગામી કોર્ટ મુદતમાં હાજર રહેવા ફરમાન જાહેર કર્યું છે.
હાઈકોર્ટે કરેલી હુકમમાં ભારે વાહનોની પ્રવેશબંધી છતાં બે રોકટોક આવા વાહનો શહેરમાં ઘુસી જતાં હોય જેને લઈને કોર્ટે જવાબદાર અધિકારીઓને કડક સુચના આપી છે તેમજ હાઈકોર્ટે પોલીસને વેધક સવાલ પણ કર્યો છે જેમાં શું પોલીસને માત્ર ખાનગી વાહનોને દંડવા માટે છે ?

નિયમો શું બધા માટે અલગ હોય છે ? તેવું જણાવી હાઈકોર્ટે એક વાહનને રોકી 10 પોલીસ કર્મચારીઓ તેને ઘેરીને ઉભા હોય છે તે બાબતને લઈને હાઈકોર્ટે આવી કામગીરીનો ઉદ્દેશ શું ? તેવો પણ સવાલ કર્યો હતો. વધતાં જતાં અકસ્માતો અને ભારે વાહનો બેફામ ગતિએ દોડી રહ્યાં છે ત્યારે આ મામલે હાઈકોર્ટે જવાબદાર અધિકારીઓને ટકોર કરી 15 દિવસમાં કામગીરી બતાવવા સુચના આપી છે અને કાયદો અને વ્યવસ્થા સાચવવા માટેની પણ ટકોર કરી છે.


હાઈકોર્ટના ન્યાયાધીશે ભારે વાહનોની શહેરમાં બેરોકટોક ઘુસણખોરી બાબતે જણાવ્યું કે, લકઝરી બસ શહેરમાં બેરોકટોક આંટા મારે છે તેનું શું કરવા માંગો છો ? જ્યારે એક ટુ વ્હીલર પટ્ટાની બહાર હોય તો તુરંત જ ઉપડી જાય છે. જ્યારે મોટી લકઝરી બસ તમને કેમ દેખાતી નથી. જીપ અને રીક્ષા ઉપરાંત સ્કૂલે બાળકોને લઈ જતાં વાહનો બાબતે પણ હાઈકોર્ટે ટકોર કરી હતી જેમાં સીએનજીની ટાંકી ઉપર બેસેલા માસુમ ભુલકાઓ અને રીક્ષાની બહાર લટકતા બાળકોને જોયેલા છે ત્યારે આવા સ્કૂલ વાહન ચાલકો સામે શા માટે કાર્યવાહી ન કરી શકાય ? 500 વાહનોમાંથી તમે કોઈ પાંચ વાહનો કે જે કાયદેસર નિયમનો ભંગ કરતાં હોય તેને પકડો તે બાબત યોગ્ય છે.


હાઈકોર્ટે ભારે વાહનોની પ્રવેશબંધીને લઈને ખુબ ગંભીરતા દાખવી આરટીઓ અને પોલીસ વિભાગને 24 કલાક માટે ચેકીંગની કામગીરી માટે સ્ટાફ ભરવો હોય તો તાત્કાલીક ભરતી કરો પરંતુ અમને કામગીરી કરીને આપો તેવું સ્પષ્ટ જણાવી દીધું છે. તેમજ સરકારને ત્રણ અઠવાડિયામાં આ મામલે સોંગદનામુ દાખલ કરીને નક્કર કાર્યવાહીની માહિતી આપવા પણ જણાવાયું છે. હાઈકોર્ટે વિમા વગરના વાહનો, ખાનગી લકઝરી બસો તેમજ રીક્ષા સહિતના વાહનો મામલે ખુલાસો કરવા પણ આદેશ કર્યો છે.

Continue Reading

Trending