વર્લ્ડ કપમાં સૌથી વધુ સદી, સૌથી ઝડપી અડધી સદી, આંતરરાષ્ટ્રીય ક્રિકેટમાં સૌથી વધુ સિક્સર સહિતના રેકોર્ડ રોહિતના નામે, ભારતીય ટીમ ફુલ ફોર્મમાં

ટીમ ઈન્ડિયા માટે વર્લ્ડ કપની શરૂૂઆત ખૂબ જ સારી રહી છે. ઓસ્ટ્રેલિયા પછી ટીમ ઈન્ડિયાએ અફઘાનિસ્તાનની ટીમને પણ હરાવી છે. મેચમાં અફઘાનિસ્તાનની ટીમે ટોસ જીતી પહેલા બેટિંગનો નિર્ણય કર્યો હતો. પ્રથમ બેટિંગ કરતા અફઘાન ટીમે 272 રન બનાવ્યા હતા. 273 રનના મળેલા લક્ષ્યને ટીમ ઈન્ડિયાએ આસાનીથી હાંસિલ કર્યો હતો.

વર્લ્ડ કપ 2023 ની દસમી મેચમાં ભારતે અફઘાનિસ્તાનને હરાવ્યું છે. આ જીત સાથે ભારતે વર્લ્ડ કપમાં બેક ટુ બેક મેચ જીતી લીધી છે. ભારત તરફથી કેપ્ટન રોહિત શર્માએ ધમાકેદારની ઇનિંગ રમી છે. રોહિતે માત્ર 84 બોલમાં 131 રનની ઇનિંગ રમી હતી. આ સિવાય વિરાટ કોહલીએ પણ શાનદાર ઇનિંગ રમી છે. ભારતે આ મેચ 8 વિકેટે જીતી લીધી છે. જ્યારે અફઘાનિસ્તાન બંને મેચમાં હારી ગયું છે. રોહિતે આ મેચમાં ઘણા રેકોર્ડ તોડ્યા છે.
પ્રથમ બેટિંગ કરતા અફઘાનિસ્તાને 50 ઓવરમાં 8 વિકેટ ગુમાવીને 272 રન બનાવ્યા હતા. અફઘાનિસ્તાન તરફથી હશમતુલ્લાહ શાહિદીએ સૌથી વધુ રન બનાવ્યા હતા. તેણે 88 બોલમાં 8 ચોગ્ગા અને એક છગ્ગાની મદદથી 80 રનની અડધી સદી ફટકારી હતી. હશમતુલ્લા ઓમરઝાઈએ 69 બોલમાં 2 ચોગ્ગા અને 4 છગ્ગાની મદદથી 62 રનની અડધી સદીની ઇનિંગ રમી હતી. અઝમતુલ્લાહ અને હશમતુલ્લાએ 121 (128) રન ઉમેર્યા હતા. ભારત તરફથી જસપ્રીત બુમરાહે સૌથી વધુ 4 વિકેટ લીધી હતી. હાર્દિક પંડ્યાએ 2 વિકેટ લીધી હતી. કુલદીપ યાદવ અને શાર્દુલ ઠાકુર એક-એક વિકેટ લેવામાં સફળ રહ્યા હતા.

લક્ષ્યનો પીછો કરવા ઉતરેલી ભારતીય ટીમે 35 ઓવરમાં 2 વિકેટ ગુમાવીને 273 રન બનાવીને મેચ જીતી લીધી હતી. ભારત તરફથી કેપ્ટન રોહિત શર્માએ સૌથી વધુ રન બનાવ્યા હતા. તેણે 84 બોલમાં 14 ચોગ્ગા અને 5 છગ્ગાની મદદથી 131 રનની સદીની ઇનિંગ રમી હતી. તેણે આ સદી 63 બોલમાં ફટકારી હતી. વિરાટ કોહલીએ 56 બોલમાં 6 ચોગ્ગાની મદદથી 55 રનની અણનમ અડધી સદી ફટકારી હતી. જ્યારે ઈશાન કિશને 47 બોલમાં 5 ચોગ્ગા અને 2 છગ્ગાની મદદથી 47 રનની ઈનિંગ રમી હતી. રોહિતે તેની સાથે પ્રથમ વિકેટ માટે 156 (112) રનની શાનદાર ભાગીદારી કરી હતી. અફઘાનિસ્તાન તરફથી રાશિદ ખાને 2 વિકેટ ઝડપી હતી.

ટીમ ઈન્ડિયાના કેપ્ટન રોહિત શર્માની ગણતરી વિશ્વના શ્રેષ્ઠ ખેલાડીઓમાં થાય છે. તેણે અફઘાનિસ્તાન સામે ચાલી રહેલી વર્લ્ડ કપ મેચમાં શાનદાર બેટિંગ કરી છે. અરુણ જેટલી ક્રિકેટ સ્ટેડિયમમાં ચાલી રહેલી ભારત અને અફઘાનિસ્તાન વચ્ચેની મેચમાં ઓપનિંગ કરતા તેણે 63 બોલમાં પોતાની સદી પૂરી કરી હતી. આ તેની ઘઉઈં વર્લ્ડ કપમાં ભારત માટે સૌથી ઝડપી સદી હતી. રોહિત શર્માએ પ્રથમ વખત વર્લ્ડ કપમાં પોતાના 1000 રન પૂરા કર્યા હતા અને તેણે માત્ર 19 ઇનિંગ્સમાં આ સિદ્ધિ મેળવી હતી. તેના થોડા સમય બાદ રોહિત શર્માએ એક મોટો વર્લ્ડ રેકોર્ડ બનાવ્યો.

રોહિત શર્માના નામે હવે આંતરરાષ્ટ્રીય ક્રિકેટમાં સૌથી વધુ સિક્સર છે. તેણે ક્રિકેટના ત્રણેય ફોર્મેટમાં કુલ 554 સિક્સર ફટકારી છે, ક્રિસ ગેલના 553 રનના વર્લ્ડ રેકોર્ડને તેણે પાછળ છોડી દીધો છે.
વર્લ્ડ કપમાં સૌથી વધુ સદી ફટકારવાનો રેકોર્ડ ભૂતપૂર્વ ભારતીય ક્રિકેટર સચિન તેંડુલકરના નામે હતો. સચિને વર્લ્ડ કપમાં 6 સદી ફટકારી છે, જ્યારે રોહિતની આ સાતમી વર્લ્ડ કપ સદી છે. આ સિવાય ઓપનર તરીકે રોહિત શર્માની આ 29મી સદી છે. આ મામલે તેણે શ્રીલંકાના સનથ જયસૂર્યાને પાછળ છોડીને બીજા નંબર પર આવી ગયો છે. પ્રથમ ક્રમે સચિને ઓપનિંગ બેટ્સમેન તરીકે 49 સદી ફટકારી છે.

રોહિત શર્માએ 63 બોલમાં પોતાની સદી પૂરી કરી હતી, જે વિશ્વ કપમાં કોઈપણ ભારતીય બેટ્સમેનની સૌથી ઝડપી સદી છે. રોહિત શર્મા હવે વર્લ્ડ કપમાં સૌથી વધુ સદી ફટકારનાર બેટ્સમેન બની ગયો છે, આ તેની વર્લ્ડ કપમાં સાતમી સદી છે.

કેપ્ટન રોહિત શર્માએ અફઘાનિસ્તાન સામે રમતા પોતાની 31મી ઘઉઈં સદી પૂરી કરી છે અને તે આ યાદીમાં ત્રીજા સ્થાને પહોંચી ગયો છે. રોહિતે ઓસ્ટ્રેલિયાના ભૂતપૂર્વ મહાન ખેલાડી રિકી પોન્ટિંગને પાછળ છોડી દીધો છે. પોન્ટિંગે 30 ઘઉઈં સદી ફટકારી છે. આ યાદીમાં સચિન તેંડુલકર (49) પ્રથમ સ્થાને અને વિરાટ કોહલી (47) બીજા સ્થાને છે.

વર્લ્ડ કપમાં સેન્ચુરી ફટકારવી સ્પેશિયલ ફીલિંગ: રોહિત શર્મા

રોહિતે કહ્યું કે, વર્લ્ડ કપમાં સેન્ચુરી ફટકારવી એક બહુ જ સ્પેશિયલ ફીલિંગ છે. હું બહુ જ ખુશ છું, જો કે વધુ વિચારવા માગતો નથી. હું મારો ફોકસ ગુમાવવા માગતો નથી. અમુક શોટ્સ હું પહેલેથી વિચારી લઉં છું. ક્યારેક ગટ ફીલિંગ સાથે આગળ વધુ છું. રનચેઝમાં ટીમને સારી શરૂઆત મળે એ સુનિશ્ચિત કરવું મારુ કામ છે. મેં ભૂતકાળમાં આવું કર્યું છે અને આગળ પણ કરતો રહેવાં માગું છું. મેચ વિશે વાત કરતાં રોહિત શર્માએ કહ્યું કે, અમે આ મેચ સારી રીતે જીત્યા છીએ. આ પ્રકારની લય મેળવવી બહુ જરૂરી છે. ક્યારેક વિરોધી ટીમ તમને દબાણમાં નાખશે. તે દબાણનો સામનો કરીને સારી પોઝિશનમાં આવું મહત્ત્વનું છે. અમારી પાસે દરેક પરિસ્થિતિ માટે પ્લેયર છે. એવા પણ બેટ્સમેન છે, જે ફીયરલેસ ક્રિકેટ રમતા જાણે છે. જ્યારે તમારી પાસે ઓલરાઉન્ડ પ્લેયર્સ હોય, તો બધું મેનેજ થઈ જાય છે.

વર્લ્ડ કપમાં સૌથી વધુ સદી ફટકારનાર બેટ્સમેન
7 – રોહિત શર્મા
6 -સચિન તેંડુલકર
5 – રિકી પોન્ટિંગ
5 – કુમાર સંગાકારા

સૌથી વધુ ODI સદી ફટકારનાર બેટ્સમેન
49 – સચિન તેંડુલકર
47 – વિરાટ કોહલી
31 – રોહિત શર્મા
30 – રિકી પોન્ટિંગ
28 – સનથ જ્યસૂર્યા

ઓપનિંગ બેટ્સમેન તરીકે સૌથી વધુ ઘઉઈં સદી
45 – સચિન તેંડુલકર
29 – રોહિત શર્મા
28 – સનથ જયસૂર્યા
27 – હાશિમ અમલા
25 – ક્રિસ ગેલ

આંતરરાષ્ટ્રીય ક્રિકેટમાં સૌથી વધુ સિક્સર
વિશ્વ કપમાં સૌથી ઝડપી સદી ફટકારનાર બેટ્સમેન (ઓછા બોલમાં)
49 – એડન માર્કરામ (દક્ષિણ આફ્રિકા) VS શ્રીલંકા, દિલ્હી, 2023
50 – કેવિન ઓથબ્રાયન (આયર્લેન્ડ) VS ઈંગ્લેન્ડ, બેંગ્લોર, 2011
51 – ગ્લેન મેક્સવેલ (ઓસ્ટ્રેલિયા) VS શ્રીલંકા, સિડની, 2015
52 – એબી ડી વિલિયર્સ (દક્ષિણ આફ્રિકા) VS  વેસ્ટ ઈન્ડિઝ, સિડની, 2015
57 – ઇઓન મોર્ગન (ઇંગ્લેન્ડ) VS અફઘાનિસ્તાન, માન્ચેસ્ટર, 2019
63 – રોહિત શર્મા VS અફઘાનિસ્તાન, દિલ્હી, 2023

ભારત માટે સૌથી ઝડપી ODI સદી ફટકારનાર બેટ્સમેન (ઓછા બોલમાં)
52 – વિરાટ કોહલી VS ઓસ્ટ્રેલિયા, જયપુર, 2013
60 – વિરેન્દ્ર સેહવાગ VS ન્યુઝીલેન્ડ, હેમિલ્ટન, 2009
61 – વિરાટ કોહલી VS ઓસ્ટ્રેલિયા, નાગપુર, 2013
62 – મોહમ્મદ અઝહરુદ્દીન VS ન્યુઝીલેન્ડ, બરોડા, 1988
63 – રોહિત શર્મા VS અફઘાનિસ્તાન, દિલ્હી, 2023

ખેલમાં ખેલદિલી, વિરાટ કોહલી-નવિન ઉલહક ગળે મળ્યા

ભારતીય ખેલાડી વિરાટ કોહલી અને અફઘાન ફાસ્ટ બોલર નવીન ઉલ હક વચ્ચે એક અલગ જ દ્રશ્ય જોવા મળ્યું. વાસ્તવમાં, ઈંઙક દરમિયાન બંને ખેલાડીઓની ટક્કર થઈ હતી, પરંતુ આજે બંને ખેલાડીઓ જે રીતે મળ્યા તેના પર ફેન્સ વિશ્વાસ કરી શક્યા નહીં.

દિલ્હીના અરુણ જેટલી સ્ટેડિયમમાં હાજર પ્રશંસકો વિરાટ-વિરાટની બૂમો પાડી રહ્યા હતા. આ દરમિયાન નવીન ઉલ હક વિરાટ કોહલી પાસે ગયો. જે બાદ વિરાટ કોહલીએ નવીન ઉલ હકને ગળે લગાવ્યો હતો. આ પછી બંને ખેલાડીઓએ એકબીજાને પ્રોત્સાહિત કર્યા. તેમજ બંને ખેલાડીઓના ચહેરા પર સ્મિત સ્પષ્ટ દેખાઈ રહ્યું હતું.
વિરાટ કોહલી ઈંઙક 2023માં છઈઇનો ભાગ હતો. જ્યારે નવીન ઉલ હક લખનૌ સુપર જાયન્ટ્સ તરફથી રમી રહ્યો હતો. આ મેચ બાદ બંને ખેલાડીઓ વચ્ચે બોલાચાલી થઈ હતી. ભારત-અફઘાનિસ્તાન મેચ પછી પણ વિરાટ કોહલી અને નવીન ઉલ હક મળ્યા હતા. આ દરમિયાન બંને ખેલાડીઓ વાત કરતા જોવા મળ્યા હતા.