Connect with us

ગુજરાત

લોકસભાની ચૂંટણી શાંતિપૂર્વક કરાવનાર પોલીસ ઉપર ગર્વ છે: ડીજીપી

Published

on

ચૂંટણી બાદ ડીજીપી વિકાસ સહાયની રાજકોટમાં મહત્ત્વની બેઠક

શહેર પોલીસ અને ત્રણેય રેન્જના અધિકારીઓ પાસેથી ચૂંટણીલક્ષી કામગીરીની માહિતી મેળવી

શાંતિપૂર્ણ રીતે ચૂંટણી યોજાતા તમામ પોલીસ આધિકારીઓ અને કર્મચારીઓને અભિનંદન આપી પ્રોત્સાહિત કર્યા


ગુજરાતના પોલીસ વડા વિકાસ સહાય આજરોજ રાજકોટ આવી પહોંચ્યા હતાં. રાજકોટ શહેર અને પાંચ જિલ્લાના પોલીસ અધિકારીઓ સાથે બેઠક યોજી કાયદો અને વ્યવસ્થા અંગે ચર્ચા કરી હતી. ડીજીપી વિકાસ સહાયનું પોલીસ કમિશનર કચેરી ખાતે ગાર્ડ ઓફ ઓનર સાથે સ્વાગત કરવામાં આવ્યું હતું. પોલીસ કમિશ્નર રાજુ ભાર્ગવ તેમજ રેન્જ આઈજી અશોકકુમાર યાદવ સહિતના અધિકારીઓએ તેમનું પુષ્પગુચ્છ આપી તેમને આવકાર્યા હતા. ત્યારબાદ બપોરે ડીજીપી વિકાસ સહાય સાથે રાજકોટ શહેર અને ત્રણેય રેન્જના તમામ જિલ્લાના પોલીસ વડા સહિતના અધિકારીઓ સાતેહ મહત્વની બેઠક યોજાઈ હતી. લોકસભાની ચુંટણીમાં થયેલ કામગીરી અંગેની વિગતો મેળવી હતી. જરૂૂરી સૂચનો પણ આપવામાં આવ્યા હતાં.


ડીજીપી વિકાસ સહાયે પત્રકારો સાથેની વાતચીતમાં જણાવ્યું કે, ગુજરાત રાજ્યમાં લોકસભાની ચૂંટણી ખુબ જ શાંતિપૂર્ણ માહોલમાં સફળતા પૂર્વક સંપન્ન થઇ છે. સમગ્ર પ્રચારના સમયગાળા અને મતદાનના દિવસે ગુજરાત પોલીસની અલગ અલગ એકમોના અધિકારીઓ અને કર્મચારીઓ દ્વારા જે પ્રશંસનીય કામગીરી કરવામાં આવી. ચૂંટણી કમિશનની જે માર્ગદર્શિકા હતી, જે આદેશે હતા, તે ધ્યાનમાં રાખીને ગુજરાત પોલીસ દ્વારા જે કામગીરી કરવામાં આવી, તે કામગીરીથી હું ગુજરાત પોલીસના વડા તરીકે સંતોષ, પ્રસન્નતા અને ગર્વ છે. આપણે જાણીએ છીએ કે, ચૂંટણી દરમિયાન અલગ અલગ પ્રકારના પડકારો હતા. તેનો સામનો કરવો, તેના કારણે કોઇ અનિચ્છનીય બનાવ ન બને તે માટે પોલીસે ખાસ ધ્યાન કેન્દ્રિત કરવાનું હોય છે. ગુજરાતમાં શાંતિપૂર્ણ રીતે લોકસભાની ચૂંટણી યોજાઈ જે બદલ તમામ પોલીસ અધિકારીઓ અને કર્મચારીઓને અભિનંદન આપ્યા હતા. ચૂંટણી કમિશન તરફથી રાજ્ય પોલીસને આપેલી સુચનાનું પાલન કરવામાં આવ્યું છે. રાજ્ય પોલીસ વડા તરીકે ચુંટણીલક્ષી કામગીરી શાંતિપૂર્ણ રીતે થઇ તે બદલ ગર્વ વ્યક્ત કર્યું હતું. વધુમાં વિકાસ સહાયે ઉમેર્યું હતું કે પોલીસ વતી હું રાજકીય પક્ષો અને મતદારોનો આભાર માનું છું. મતદાનના દિવસે ગુજરાત પોલીસને મતદારો તરફથી જે સાથ, સહયોગ અને સહકાર મળ્યો છે. તે બદલ તમામનો પોલીસ વતી આભાર વ્યક્ત કરું છું. લોકસભાની ચૂંટણી પૂર્વે ક્ષત્રિય આંદોલનની શરૂૂઆત થી લઇ મતદાનના દિવસ સુધી ડીજીપી સતત રાજકોટ શહેરના પોલીસ અધિકારીઓ સાથે સંપર્કમાં રહ્યા હતા.


ડીજીપી વિકાસ સહાય દ્વારા યોજાયેલ ક્રાઇમ કોન્ફરન્સમાં પોલીસ કમિશનર રાજુ ભાર્ગવ, અધિક પોલીસ કમિશ્નર વિધિ ચૌધરી,રેન્જ આઈજી અશોકકુમાર યાદવ,જુનાગઢ રેન્જ આઈજી નીલેશ જાંજડિયા, ભાવનગર રેન્જ આઈજી ગૌતમ પરમાર ઉપરાંત રાજકોટ જિલ્લા પોલીસ વડા જયપાલસિંહ રાઠૌડ ઉપરાંત શહેર પોલીસ વિભાગના ડીસીપી ક્રાઈમ ડો.પાર્થરાજસિંહ ગોહિલ,ડીસીપી સુધીરકુમાર દેસાઈ, ડીસીપી સજનસિંહ પરમાર, ડીસીપી પૂજા યાદવ, જામનગર જિલ્લા પોલીસ વડા પ્રેમસુખ ડેલું,સુરેન્દ્રનગર જિલ્લા પોલીસ વડા ડો.ગીરીશ પંડ્યા, મોરબી જિલ્લા પોલીસ વડા રાહુલ ત્રિપાઠી, દેવભૂમિ દ્વારકા જિલ્લા પોલીસ વડા નિતેશ પાંડેય,જુનાગઢ જિલ્લા પોલસ વડા હર્ષદ મહેતા,ગીર સોમનાથ જિલ્લા પોલીસ વડા મનોહરસિંહ જાડેજા તેમજ ભાવનગર રેન્જના પોલીસ અધિકારીઓ ઉપસ્થિત રહ્યા હતા. ચુંટણી પૂર્વે અને મતદાન સમયની કાયદો વ્યસ્થાની સ્થિતિ અંગે રાજય પોલીસ વડાએ સમીક્ષા કરી હતી.

સાયબર ક્રાઈમ પોલીસ મથકની વિઝિટ કરી
ડીજીપી વિકાસ સહાયે પોલીસ અધિકારીઓ સાથે કાયદો અને વ્યવસ્થા અંગે ચર્ચા કર્યા બાદ રાજકોટના નવનિર્મિત સાઈબર ક્રાઈમ પોલીસ મથકની વિઝીટ લીધી હતી. આજના ટેક્નોલોજીના યુગમાં આંગળીના ટેરવે બનતા સાયબર ક્રાઇમના ગુના સામે રક્ષણ આપવા માટે ગુજરાત પોલીસ સાયબર ક્રાઇમ હવે સજ્જ થયુ છે. ત્યારે રાજકોટના દરેક નાગરિકને સાયબર ક્રાઇમ સુરક્ષા આપવા માટે પોલીસ સજ્જ છે. રાજકોટમાં સાયબર સુરક્ષાના અત્યાધુનિક કંટ્રોલરૂૂમની વિઝીટ કરી જરૂૂરી સૂચનો આપ્યા હતા.

ગુજરાત

રાજકોટના TRP ગેમ ઝોનમાં લાગી ભીષણ આગ, અનેક લોકો ફયાસા હોવાની આશંકા, જુઓ વિડીયો

Published

on

By

રાજકોટ શહેરમાંથી એક મોટા સમાચાર સામે આવી રહ્યા છે. રાજકોટના નાના મવા રોડ પર આવેલા TRP ગેમઝોનમાં ભીષણ આગ લાગી છે. ગેમઝોનમાં લોકો ફસાયા હોવાની શંકા વ્યક્ત કરવામાં આવી છે. આગ લાગતા ત્યાં હાજર પ્રત્યક્ષદર્શીએ દાવો કર્યો છે કે 10થી 12 લોકોને બહાર કાઢવામાં આવ્યા છે. આગ લાગતા ફાયરબ્રિગેડની 8 ટીમો ઘટનાસ્થળ પર પહોંચી છે. આગના ધૂમાડા 3 કિલોમીટર સુધી દેખાઈ રહ્યા છે. ફાયરબ્રિગેડ અને એમ્બ્યુલન્સ ઘટનાસ્થળ પર હાજર છે. ગેમઝોનમાં આગ લાગવાનું કારણ હજુ સુધી બહાર નથી આવ્યું. પ્રાપ્ત માહિતી અનુસાર ૨ બાળકોના મોત થયા હોવાનું સામે આવ્યું છે.

રાજકોટ શહેર ભાજપ પ્રમુખ મુકેશ દોશીએ આગના બનાવને પગલે ઘટનાસ્થળે દોડી ગયા હતા. તેમણે જણાવ્યું હતું કે, થોડીવાર પહેલા આગના બનાવની જાણ થતાં આવ્યો છું. આવ્યા પછી ગંભીરતા જોતા લાગે છે કે કાંઈક જાનહાનિ થઈ છે, ઈશ્વરને પ્રાર્થના કે બધા સલામત રીતે બહાર આવે. બાળક કે કોઈ વાલીને કોઈ નુકસાન ન થાય. અંદર કેટલા છે એની માહિતી નથી મળી રહી. હાલની પ્રાયોરિટી આગ બુઝાવવાની છે અને સલામત લાવવાની. જવાબદારોને છોડવામાં નહીં આવે તેની ખાતરી આપું છું. તંત્રમાં અધિકારીઓ જવાબદાર હશે તેમને કોઈ બાંધછોડ ન કરાય.

https://www.facebook.com/reel/323686807288108

Continue Reading

ગુજરાત

એક દી’માં 18.70 કરોડની વિક્રમી વેરા વસૂલાત

Published

on

By

દોઢ માસમાં 2.57 લાખ કરદાતાઓએ રૂા.181 કરોડ કોર્પોરેશનની તિજોરીમાં ઠાલવ્યા

રાજકોટ મહાનગરપાલિકા દ્વારા હાલ નવા નાણાકીય વર્ષના શરૂૂઆતના તબક્કાથી જ વેરા વસુલાત ઝુંબેશ મ્યુનિસિપલ કમિશ્નર આનંદ પટેલના આદેશ તથા નાયબ મ્યુનિસિપલ કમિશ્નરશ્રી ચેતન નંદાણીના નેતૃત્વમાં હાથ ધરવામાં આવી છે. જેમાં રાજકોટ મહાનગરપાલિકાની વેરા વસુલાત શાખાના સહાયક કમિશનર સમીર ધડુકના માર્ગદર્શનમાં ઝુંબેશના રૂૂપમાં મિલકત વેરા વસુલાતની કામગીરી કરવામાં આવી રહી છે. જે અન્વયે વિવિધ સરકારી વિભાગો તેમજ ત્રણેય ઝોન કક્ષાએ મેનેજર-ટેક્ષ દ્વારા શહેરમાં વેરા વસુલાતની કામગીરી દરમ્યાન તા.24/05/2024ના રોજ સાંજે 6:00 વાગ્યા સુધીમાં (એક જ દિવસમાં) રાજકોટ મહાનગરપાલિકામાં અંદાજીત રૂૂ. 18.70 કરોડ વિક્રમી વેરાની વસુલાત થયેલ છે. દરમ્યાન રાજકોટ મહાનગરપાલિકા દ્વારા તા.08/04/2024થી તા.24/05/2024 દરમ્યાન 257559 કરદાતાઓએ રૂૂ.181.30 કરોડનો વેરો ભરપાઈ કર્યો છે.


આજની આ વેરા વસુલાત ઝુંબેશ દરમ્યાન શહેરના વિવિધ સ્થળોએ રહેલા મોબાઇલ ટાવરના ટેક્સ પેટે રૂૂ.6.64 કરોડની વસુલાત થયેલ છે.


જયારે હાઈ વેલ્યુ ટેક્સ પેયર પાસેથી રૂૂ.8.90 કરોડના વેરાની રકમ વસુલ કરવામાં આવેલ છે. હાલ અર્લી બર્ડ ડિસ્કાઉન્ટ સ્કીમ ચાલી રહી છે જે અન્વયે 31-મે સુધીમાં એડવાન્સ વેરો ભરપાઈ કરનાર કરદાતાને મળવાપાત્ર મહત્તમ 22% ડિસ્કાઉન્ટ મેળવવા મ્યુનિસિપલ કમિશ્નરશ્રી આનંદ પટેલ દ્વારા અનુરોધ કરવામાં આવે છે.

Continue Reading

ગુજરાત

સિનિયર ફોટોગ્રાફરના પુત્ર અને બજાજ કેપિટલના બ્રાંચ મેનેજરનું હાર્ટએટેકથી મૃત્યુ

Published

on

By


રાજકોટ સહિત રાજ્યભરમાં કાળઝાળ ગરમી વચ્ચે હૃદયરોગના હુમલાનો ખતરો યથાવત હોય તેમ અનેક માનવ જીંદગી કાળના ખપરમાં હોમાઈ રહી છે ત્યારે વધુ એક કરૂણ ઘટનામાં રાજકોટના સિનિયર ફોટોગ્રાફરના પુત્ર અને બજાજ કેપીટલના બ્રાંચ મેનેજરનું હૃદયરોગના હુમલાથી મૃત્યુ નિપજ્યું હતું. યુવકના મોતથી બે માસુમ બાળકોએ પિતાનું છત્ર ગુમાવતા પરિવારમાં અરેરાટી સાથે કરૂણ કલ્પાંત સર્જાયો હતો.

આ બનાવ અંગે પોલીસમાંથી જાણવા મળતી વિગત મુજબ, રાજકોટમાં માધાપર ચોકડી પાસે સ્વામીનારાયણ મંદિર પાછળ આવેલ જીહિત પાર્કમાં રહેતા સિનિયર ફોટોગ્રાફર પ્રવિણભાઈ સેદાણીના પુત્ર અને બજાજ કેપિટલના બ્રાંચ મેનેજર સંદીપભાઈ પ્રવિણભાઈ સેદાણી (ઉ.39) પોતાના ઘરે હતાં ત્યારે બપોરના બારેક વાગ્યાના અરસામાં બેભાન હાલતમાં ઢળી પડયા હતાં. યુવકને બેભાન હાલતમાં તાત્કાલીક સારવાર માટે સિવિલ હોસ્પિટલમાં ખસેડવામાં આવ્યા હતાં. જ્યાં ફરજ પરના તબીબે સંદીપભાઈ સેદાણીનું હૃદયરોગના હુમલાથી મૃત્યુ નિપજ્યું હોવાનું જાહેર કરતાં પરિવારમાં અરેરાટી સાથે ગમગીની છવાઈ જવા પામી હતી. જાણ થતાં સેદાણી પરિવાર અને પત્રકારો સિવિલ હોસ્પિટલ ખાતે પરિવારને શાંત્વના પાઠવવા દોડી ગયા હતાં.
પ્રાથમિક પુછપરછમાં મૃતક સંદીપભાઈ સેદાણીના પિતા રાજકોટના ‘જય હિન્દ’ ન્યુઝ પેપરમાં સિનિયર ફોટોગ્રાફર તરીકે ફરજ બજાવે છે. મૃતક સંદીપભાઈ સેદાણી બે ભાઈમાં મોટા હતાં અને તેમને સંતાનમાં એક પુત્ર અને એક પુત્રી છે. સંદીપભાઈ સેદાણી બજાજ કેપિટલમાં બ્રાંચ મેનેજર તરીકે ફરજ બજાવતાં હતાં. સંદીપભાઈ સેદાણીનું હૃદયરોગના હુમલાથી મોત નિપજ્યું હોવાનું જાણવા મળ્યું છે. આ બનાવ અંગે ગાંધીગ્રામ પોલીસે નોંધ કરી વધુ તપાસ હાથ ધરી છે.

Continue Reading

Trending