Connect with us

ગુજરાત

ખંભાળિયાના યુવાન ઉપર પાઇપ વડે હુમલો: ચુર ગામના ત્રણ શખ્સો સામે ફરિયાદ

Published

on

 

 

ખંભાળિયા તાબેના રામનગર વિસ્તારમાં રહેતા ધવલભાઈ ધરણાતભાઈ ગોજીયા નામના 23 વર્ષના યુવાન તારીખ 1 ના રોજ કલ્યાણપુર તાલુકાના ચુર ગામના વાડી વિસ્તારમાંથી તેમનો જી.જે. 10 ટી.એક્સ. 6120 નંબરનો ટ્રક લઈને માટી ખાલી કરીને પરત માટી ભરવા માટે જઈ રહ્યા હતા. ત્યારે ચૂર ગામના નેભા કારા ગોજીયા, કેવિન નેભા ગોજીયા અને હરદાસ ગોજીયા નામના ત્રણ શખ્સોએ તેમને અટકાવી અને “અમારી ગાડીનો કાચ સિધ્ધનાથ લખેલા ટ્રકના ચાલકે તોડી નાખેલ છે”- તેમ કહી, ફરિયાદી ધવલભાઈ તેમજ સાહેદ જેસાભાઈ ખીમાણંદભાઈ ભાટિયાને ધોકા તથા લોખંડના પાઇપ વડે બેફામ માર મારી, બિભત્સ ગાળો કાઢી, ઇજાઓ કર્યાની ફરિયાદ કલ્યાણપુર પોલીસ મથકમાં નોંધાવવામાં આવી છે. જે અંગે પોલીસે ત્રણેય શખ્સો સામે આઈપીસી કલમ 323, 504, 114 તથા જી.પી. એક્ટની કલમ હેઠળ ગુનો નોંધી, જરૂરી કાર્યવાહી હાથ ધરી છે.

_________________________

પતિ સાથે લઈ ન જતાં ભાણવડમાં પરપ્રાંતિય મહિલાએ ઝેરના પારખા કર્યા

ભાણવડથી આશરે 17 કિલોમીટર દૂર જંબુસર વાડી વિસ્તારમાં હાલ રહેતી અને મૂળ મધ્ય પ્રદેશના ખરગોન જિલ્લાના ભગવાનપુરા તાલુકાની વતની સુનીતાબેન રાજુભાઈ સસ્તિયા નામની 26 વર્ષની આદિવાસી મહિલાએ ગત તારીખ 31 મી ના રોજ પોતાના હાથે પાકમાં છાંટવાની ઝેરી દવા પી લેતા તેણીનું મૃત્યુ નિપજ્યું હતું.
મૃતક મહિલાના પતિએ તેણીને પોતાની સાથે તેમના ઘરે લઈ ન જતા આ બાબતે તેણીને મનમાં લાગી આવતા તેણીએ આ પગલું ભર્યું હોવાની જાણ ભાણવડમાં રહેતા કુલસિંહ બડોલે આદિવાસી (ઉ.વ. 55, મૂળ ભગવાનપુરા, હાલ જંબુસર) એ ભાણવડ પોલીસને કરી છે. જે અંગે પોલીસે જરૂરી નોંધ કરી, આગળની કાર્યવાહી કરી હતી.

 

 

_________________________

ખંભાળિયા નજીક હાઇવે પર પુરપાટ જતા કાર ચાલક દ્વારા બેરીકેટ સાથે ટક્કર

ખંભાળિયામાં સ્ટેશન રોડ ઉપર આવેલા નરસિંહ ભુવનની પાછળના ભાગે રહેતા વિશ્વરાજસિંહ મયુરસિંહ પરમાર નામના 22 વર્ષના શખ્સએ રાત્રિના દોઢ વાગ્યાના સમયે ખંભાળિયા – જામનગર હાઈવે પર દેવરીયા ચેક પોસ્ટ પાસેથી પોતાની જીજે. 37 બી. 2627 નંબરની ફોર્ચ્યુનર મોટરકારને પૂરઝડપે અને બેફિકરાઈપૂર્વક માનવ જિંદગી જોખમાય તે રીતે ચલાવી અને સરકારી બેરીકેટને ટક્કર મારી હતી.
આમ, સરકારી મિલકતને તોડી પાડી અને નુકસાની પહોંચાડવા સબબ ખંભાળિયા પોલીસે કાર ચાલક વિશ્વરાજસિંહ પરમાર સામે આઈપીસી કલમ 279 તથા એમ.વી. એક્ટ અને પ્રિવેન્શન ઓફ ડેમેજીસ્ટ ટુ પબ્લિક પ્રોપર્ટી એક્ટની કલમ હેઠળ ગુનો નોંધી, તેની અટકાયત કરી લેવામાં આવી હતી.

_________________________

ખંભાળિયામાં વિદેશી દારૂ સાથે બે ઝડપાયા: એકની શોધખોળ

ખંભાળિયાના ભગવતી ગ્રાઉન્ડ વિસ્તારમાં પોલીસે ગતરાત્રીના સમયે અત્રે રામનાથ સોસાયટીમાં રહેતા કુશ જીતેન્દ્રભાઈ દતાણી (ઉ.વ. 27) અને હિતેશ નારણભાઈ ધારાણી (ઉ.વ. 24, રહે. શક્તિ નગર) ને વિદેશી દારૂની બોટલ તથા મોટરસાયકલ મળી, કુલ રૂપિયા 40,500 ના મુદ્દામાલ સાથે ઝડપી લીધા હતા.
દારૂની આ બોટલ તેઓએ અહીંના બંગલા વાડી વિસ્તારમાં રહેતા ઈમરાન કાસમભાઈ બ્લોચ પાસેથી મેળવી હોવાની કબુલાત પોલીસ સમક્ષ આપી હતી. જે અંગે ખંભાળિયા પોલીસે પ્રોહીબીશન એક્ટ હેઠળ ગુનો નોંધી, આગળની તપાસ હાથ ધરી છે.

ક્રાઇમ

મોરબીમાં જૂની અદાવતમાં બે શખ્સે મિત્રની ચપ્પલની લારી સળગાવી: ઠારવા જતાં વૃદ્વ દાઝયા

Published

on

By

  • અગાઉ ગાળો અને ધાક-ધમકી આપનાર બંને શખ્સો વિરુદ્ધ ફરિયાદ

મોરબીમાં આવેલા રામકૃષ્ણનગરમાં જુની અદાવતનો ખાર રાખી બે શખ્સોએ મિત્રની ચપ્પલની લારી સળગાવી દીધી હતી. પુત્રની સળગતી લારી ઠારવા જતા પથારીવસ પિતા દાઝી જતા તાત્કાલિક સારવાર માટે ખસેડવામાં આવ્યા હતા.

આ બનાવ અંગે પોલીસમાંથી જાણવા મળતી વિગત મુજબ મોરબીમાં સામાકાંઠા વિસ્તારમાં આવેલા રામકૃષ્ણનગરમાં રહેતા મનુભાઈ ખોડાભાઈ ડુંગરા નામના 55 વર્ષના આધેડ પોતાના ઘરે હતા ત્યારે સાંજના સાડા સાતેક વાગ્યાના આરસામાં પુત્ર નવઘણના મિત્ર વેલા રાવળ અને જયુભા દરબાર નામના બંને શખ્સોએ ઝઘડો કરી પુત્ર મહેશ ડુંગરાની ચપલની લારી સળગાવી દીધી હતી પથારીવસ મનુભાઈ ડુંગરા પુત્રની સળગતી લારી ઠારવા જતા દાઝી ગયા હતા ગંભીર રીતે દાઝી ગયેલા મનુભાઈ ડુંગરાને તાત્કાલિક સારવાર માટે રાજકોટ સિવિલ હોસ્પિટલમાં દાખલ કરવામાં આવ્યા હતા.

પ્રાથમિક પૂછપરછમાં વેલા રાવળ અને જયુભા દરબાર બને નવઘણના મિત્રો છે અને ફોન ઉપર ગાળો દેવા મુદ્દે બંનેએ ઝઘડો કરી ધમકી આપી હતી અને બાદમાં હોસ્પિટલે જતા માતા પુત્રને આંતરી ઝઘડો કર્યો હતો અને બાદમાં હોસ્પિટલે રહેલા ગૌરીબેન મનુભાઈ ડુંગરાને ફોન કરી તું તારા ઘરે આવી તારું ઘર જોઈ લે તેવી ધમકી આપી હતી. જે ધમકીને પગલે ગૌરીબેન ડુંગરાએ ઘરે ફોન કરીને તપાસ કરતા બંને શખ્સોએ પુત્રની ચપ્પલની લારી સળગાવી દીધી હતી અને પથારીવસ પિતા પુત્રની લારી ઠારવા જતા અકસ્માતે દાઝી ગયા હોવાનું જાણવા મળ્યું હતું. આ બનાવ અંગે ગૌરીબેન મનુભાઈ ડુંગરાએ મોરબી પોલીસ મથકમાં બંને શખ્સો વિરુદ્ધ ફરિયાદ નોંધાવી છે. ફરિયાદના આધારે પોલીસે વધુ તપાસ હાથ ધરી છે.

Continue Reading

ગુજરાત

ટાટા-ટેસ્લાએ હાથ મિલાવ્યા: ધાલેરામાં સેમિક્ધડક્ટર બનાવાશે

Published

on

By

  • એલન મસ્કની ભારત મુલાકાત પહેલાં અગત્યની જાહેરાત,ગુજરાતમાંથી ચિપ બનાવી સમગ્ર વિશ્ર્વમાં મોકલશે

એલોન મસ્કની આગેવાની હેઠળના ટેસ્લાએ સેમિક્ધડક્ટર ચિપ્સ માટે ટાટા ઇલેક્ટ્રોનિક્સ સાથે વ્યૂહાત્મક સોદા પર હસ્તાક્ષર કર્યા: અહેવાલએલોન મસ્કની આગેવાની હેઠળની ટેસ્લાએ તેની વૈશ્વિક કામગીરી માટે સેમિક્ધડક્ટર ચિપ્સ મેળવવા માટે ટાટા ઇલેક્ટ્રોનિક્સ સાથે વ્યૂહાત્મક સોદો કર્યો હોવાનું કહેવાય છે. આ પગલું સ્થાનિક આવક જનરેશન ઉપરાંત ભારતમાં ટેસ્લાના વધતા રસને દર્શાવે છે.

ETએ વિશિષ્ટપણે અહેવાલ આપ્યો હતો કે થોડા મહિનાઓ પહેલાં સમજદારીપૂર્વક અમલમાં મૂકાયેલો કરાર, ભારતમાં તેમની સેમિક્ધડક્ટર મૂલ્ય સાંકળના નિર્ણાયક સેગમેન્ટની સ્થાપના કરવા માંગતા ટોચના-સ્તરના વૈશ્વિક ક્લાયન્ટ્સ માટે વિશ્વસનીય સપ્લાયર તરીકે ટાટા ઇલેક્ટ્રોનિક્સનું સ્થાન ધરાવે છે.

ટેસ્લા, એક અગ્રણી યુએસ-આધારિત ઇલેક્ટ્રિક વાહન કંપની, વિશ્વના સૌથી ઝડપથી વિકસતા ઓટોમોટિવ માર્કેટ, ભારતમાં પ્રવેશ કરવા માંગે છે. ઇલોન મસ્ક આ મહિને તેમની ભારત મુલાકાત દરમિયાન વડાપ્રધાન નરેન્દ્ર મોદી સાથે મુલાકાત કરવાના છે. મસ્ક ભારતમાં સંભવિત રોકાણોની જાહેરાત કરે તેવી અપેક્ષા છે, જેમાં ઊટ ઉત્પાદન સુવિધાઓ માટેની યોજનાઓ સામેલ છે. ટેસ્લા હાલમાં બજાર મૂલ્ય દ્વારા વિશ્વની સૌથી મોટી ઓટોમોટિવ કંપનીનું બિરુદ ધરાવે છે.

ઈન્ડિયા ઈલેક્ટ્રોનિક્સ એન્ડ સેમિક્ધડક્ટર એસોસિએશન  ના પ્રમુખ અશોક ચાંડકે નોંધ્યું હતું કે ઈલેક્ટ્રોનિક્સ અને સબસિસ્ટમ્સ માટે સ્થાનિક સપ્લાયર ઈકોસિસ્ટમ સ્થાપિત કરવાના ટેસ્લાના પ્રયાસો તેની સપ્લાય ચેઈનને વૈવિધ્યીકરણ કરવા માટે તેની પ્રતિબદ્ધતા દર્શાવે છે. જો કે, તેમણે ઓટોમોટિવ જેવા ઉદ્યોગોને ટેકો આપવા માટે સ્થાનિક સેમિક્ધડક્ટર સોર્સિંગ ઇકોસિસ્ટમમાં સુધારાની જરૂૂરિયાત પર પ્રકાશ પાડ્યો હતો, જેને તેમની સપ્લાય ચેઇન્સમાં ઉચ્ચ મૂલ્ય વધારાની જરૂૂર છે.

ટેસ્લા ઈલેક્ટ્રિક કારના ઉત્પાદન માટે ભારતમાં અંદાજે 2-3 બિલિયનનું રોકાણ કરે તેવી ધારણા છે, જે દેશના પર્સનલ મોબિલિટી માર્કેટમાં ઊટતમાં વધી રહેલા રસને પ્રતિબિંબિત કરે છે.તાજેતરના પોલિસી એડજસ્ટમેન્ટે ઓટોમેકર્સને 35,000 ડોલર થી વધુ કિંમતની ઊટત આયાત કરવા માટે 15% ના ઘટાડેલા આયાત ડ્યુટી દરે સક્ષમ બનાવ્યા છે. જો કે, આ વિશેષાધિકાર ઓટોમેકર્સ ભારતમાં ઉત્પાદન સુવિધાઓ સ્થાપિત કરવા માટે ત્રણ વર્ષમાં 500 મિલિયનનું રોકાણ કરવા પ્રતિબદ્ધ છે. ટેસ્લા શરૂૂઆતમાં પ્રીમિયમ ઇલેક્ટ્રિક મોડલ્સને પ્રાથમિકતા આપે તેવી શક્યતા છે, જ્યારે એન્ટ્રી-લેવલ ઇલેક્ટ્રિક વાહનોના સ્થાનિક ઉત્પાદન પર પણ વિચારણા કરશે.
ટાટા ઈલેક્ટ્રોનિકસે તાજેતરના મહિનાઓમાં 50-60 ઉચ્ચ-સ્તરના પ્રવાસીઓની ભરતી કરીને તેના કર્મચારીઓને પ્રોત્સાહન આપ્યું છે, જેનો ઉદ્દેશ સેમિક્ધડક્ટર ટેક્નોલોજી, વ્યૂહાત્મક આયોજન અને તેના વ્યવસાયિક કામગીરીને વધારવા માટે ડિઝાઇનમાં તેમની કુશળતાનો લાભ લેવાનો છે.

કોવિડ-19 રોગચાળાને પગલે, ટેસ્લાએ નિર્ણાયક ઈલેક્ટ્રોનિક, ઈલેક્ટ્રીકલ અને મિકેનિકલ ભાગો માટે ચીનની બહાર તેના ઘટકોના સોર્સિંગમાં વૈવિધ્યીકરણ કર્યું છે.
ટાટા ઇલેક્ટ્રોનિક્સે ભારતમાં સારી રીતે સંકલિત સપ્લાય ચેઇન બનાવવા માટે વધુ વિસ્તરણની યોજના સાથે હોસુર (તામિલનાડુ), ધોલેરા (ગુજરાત) અને આસામમાં સેમિક્ધડક્ટર ઉત્પાદન સુવિધાઓની સ્થાપના કરી છે. કંપનીએ અત્યાર સુધીમાં તેના બિઝનેસ ઓપરેશન્સમાં 14 બિલિયનનું રોકાણ કર્યું છે.

Continue Reading

ગુજરાત

વિધાનસભા અધ્યક્ષ પ્રચાર ન કરી શકે તેવો કોઇ નિયમ નથી

Published

on

By

બનાસકાંઠા જિલ્લાના ડીસાના સમશેરપુરામાં રવિવારે રબારી સમાજનું સંમેલન યોજાયું હતું. આ સંમેલનમાં વિધાનસભાના અધ્યક્ષ શંકર ચૌધરી, ડીસાના ધારાસભ્ય પ્રવીણ માળી, પૂર્વ ધારાસભ્ય શશીકાંત પંડ્યા સહિત મોટી સંખ્યામાં રબારી સમાજના આગેવાનો ઉપસ્થિત રહ્યા હતા. ત્યારે આ સંમેલનમાં શંકર ચૌધરીએ કોંગ્રેસ દ્વારા તેમની સામે આચારસંહિતાના ભંગની ફરિયાદ કરવાના મામલે મોટું નિવેદન આપ્યું છે.

સમશેરપુરામાં યોજાયેલા રબારી સમાજના સંમેલન શંકર ચૌધરીએ આચારસંહિતાના ભંગની ફરિયાદ પર નિવેદન આપતા કહ્યું કે, હું સંવૈધાનિક જગ્યા ઉપર છું એટલે કોઈ રાજકીય ભાષણ કરતો નથી. મને કોઈ રીતનું કાયદાકીય બંધન નથી. કાયદાકીય એવો કોઈ નિયમ નથી કે વિધાનસભા અધ્યક્ષ હોય તો એ ચૂંટણીનો પ્રચાર ના કરી શકે. રાજકીય પ્રવૃત્તિમાં ભાગ ન લઈ શકે એવું સંવૈધાનિક કોઈ નથી. પરંતુ હું બંધારણનું સન્માન કરવા વાળો માણસ છું.

ઉલ્લેખનીય છે કે, ગુજરાત વિધાનસભા અધ્યક્ષ શંકર ચૌધરી વિરુદ્ધ કોંગ્રેસે આચારસંહિતા ભંગની ચૂંટણીપંચ સમક્ષ ફરિયાદ કરી હતી. કોંગ્રેસે આક્ષેપ કર્યો છે કે ગુજરાત વિધાનસભાના અધ્યક્ષ હોવા છતાં શંકર ચૌધરી બનાસકાંઠામાં ભાજપ ઉમેદવારનો પ્રચાર કરતા દેખાયા હતા, જે બંધારણીય રીતે યોગ્ય નથી.

કોંગ્રેસે શંકર ચૌધરી વિરુદ્ધ ચૂંટણીપંચમાં ફરિયાદ કરી છે તે અંગે કોંગ્રેસ પ્રવક્તા મનીષ દોશીએ કહ્યું કે વિધાનસભા અધ્યક્ષ શંકર ચૌધરી બનાસકાંઠા લોકસભામાં ભાજપ ઉમેદવાર માટે પ્રચાર કરી રહ્યા છે. સંસદીય પ્રણાલી અને કાર્યરીતિમાં અધ્યક્ષ અંગેના નિયમો છે. જેમાં અધ્યક્ષ કોઈપણ પક્ષ માટે પ્રચાર કે વિરોધમાં કામ ન કરી શકે. શંકર ચૌધરી બંધારણીય પદ પર બેઠેલા છે. આથી તેમણે ભાજપ ઉમેદવારનો પ્રચાર કરીને ચૂંટણી પંચે જાહેર કરેલી આદર્શ આચારસંહિતાનો ભંગ કર્યો છે.

Continue Reading

Trending