Connect with us

આંતરરાષ્ટ્રીય

ઇઝરાયલ-હમાસ યુદ્ધનો એક મહિનો પૂરો: 11,000થી વધુ મોત

Published

on

ઈઝરાયેલ અને હમાસ વચ્ચે ચાલી રહેલા યુદ્ધને એક મહિનો પૂરો થવા જઈ રહ્યો છે. આ દરમિયાન ગાઝામાં ઈઝરાયેલના હુમલામાં જીવ ગુમાવનારા લોકોની સંખ્યા 11 હજારને પાર થઈ ગઈ છે. અલ જઝીરાના અહેવાલમાં પેલેસ્ટિનિયન સ્વાસ્થ્ય અધિકારીઓને ટાંકીને કહેવામાં આવ્યું છે કે આ યુદ્ધમાં 10,022 પેલેસ્ટિનિયન નાગરિકોના મોત થયા છે. જેમાંથી 4104 બાળકો છે. આ સિવાય હજુ પણ ઘણા લોકો કાટમાળ નીચે ફસાયેલા છે.
મળતી માહિતી મુજબ આ ઘાતક હુમલામાં અંદાજીત 2,000થી વધુ લોકો હજુ પણ કાટમાળ નીચે દટાયેલા છે, જેમને ભારે સાધનો અને મશીનરીના અભાવે બહાર નીકળવામાં મુશ્કેલીનો સામનો કરવો પડી રહ્યો છે.
ઈઝરાયેલના ઘેરાબંધીને કારણે લોકોને ઈંધણ, ખોરાક અને વીજળી જેવી આવશ્યક ચીજવસ્તુઓ મળી શકતી નથી. ઇઝરાયેલ પર પણ હુમલો કરી રહ્યું છે અને હમાસના યુદ્ધની અસર હવે લેબેનોન પર પણ પડી રહી છે. હિઝબુલ્લાહ ઉગ્રવાદીઓ સતત ઈઝરાયેલ પર એન્ટી ટેન્ક વડે હુમલા કરી રહ્યા છે. આને ધ્યાનમાં રાખીને, બ્રિટને સાવચેતીના પગલા તરીકે લેબનોનમાંથી બ્રિટિશ દૂતાવાસના કેટલાક કર્મચારીઓને અસ્થાયી ધોરણે પાછા બોલાવવાનો નિર્ણય લીધો છે.
ઓછા ઈંધણના પુરવઠાને કારણે ગાઝાની 35 હોસ્પિટલોમાંથી ઘણી સ્થગિત થઈ ગઈ છે. ઇઝરાયેલ દ્વારા કરવામાં આવેલા બોમ્બમારાથી અત્યાર સુધીમાં 25,000થી વધુ લોકો ઘાયલ થયા છે, આ દરમિયાન સંયુક્ત રાષ્ટ્રએ કહ્યું છે કે ગાઝામાંથી 15 લાખથી વધુ લોકોનું સ્થળાંતર કરવામાં આવ્યું છે.
ઉલ્લેખનીય છે કે આમ, 7 ઓક્ટોબરે હમાસે ઈઝરાયેલ પર હુમલો કર્યો હતો, જેમાં 1400 થી વધુ લોકો માર્યા ગયા હતા. આ પછી ઈઝરાયેલે ગાઝા સ્થિત હમાસ પર જોરદાર હુમલા કર્યા. હમાસે 200 થી વધુ લોકોને બંધક બનાવ્યા છે.
બીજી તરફ અમેરિકન રાષ્ટ્રપતી જો બાઈડન અને ઇઝરાયેલના વડા પ્રધાન નેતન્યાહુએ માનવતાવાદી કારણોસર ગાઝામાં લડાઈમાં વ્યૂહાત્મક વિરામ અને બંધકોની મુક્તિની શક્યતા અંગે ચર્ચા કરી હતી. વ્હાઇટ હાઉસના પ્રવક્તા જોન કિર્બીએ કહ્યું કે અમે લડાઈમાં અસ્થાયી અને સ્થાનિક વિરામ હાંસલ કરવાનો પ્રયાસ ચાલુ રાખીશું.

 

આંતરરાષ્ટ્રીય

સૈયદના સૈફુદ્દીનને પાક.નું સર્વોચ્ચ સન્માન

Published

on

દાઉદી વોહરા સમાજના ધાર્મિક નેતા સૈયદના મુફદ્દલ સૈફુદ્દીનને પાકિસ્તાને સર્વોચ્ચ સન્માન નિશાન-એ-પાકિસ્તાનથી સમ્માનિત કર્યા છે. તે આ સન્માન મેળવનારા ચોથા ભારતીય બન્યા છે. આ સમ્માન તે લોકોને આપવામાં આવે છે જેમણે વૈશ્વિક સ્તર પર નેતૃત્વ કર્યું છે અને અસાધારણ પ્રતિભા બતાવી હોય. માનવીય કાર્યો માટે પણ આ સમ્માન આપવામાં આવે છે.
પાકિસ્તાને આ સમ્માન 1990માં પૂર્વ વડાપ્રધાન મોરારજી દેસાઇ, 1998માં એક્ટર દિલીપ કુમાર અને 2020માં કાશ્મીરના અલગાવવાદી નેતા સૈયદ અલી શાહ ગિલાનીને આપ્યુ હતું.
પાકિસ્તાનના રાષ્ટ્રપતિ ભવનમાં સમ્માન સમારંભનું આયોજન કરવામાં આવ્યું હતું જેમાં રાષ્ટ્રપતિ આરિફ અલ્વીએ સૈયદનાને સમ્માનિત કર્યા હતા. આ દરમિયાન સિંધના ગવર્નર કામરાન તેસોરી અને વિદેશ મંત્રી જલીલ અબ્બાસ જિલાની પણ હાજર હતા.
સૈયદના સૈફુદ્દીનના કાર્યાલયે જણાવ્યુ કે તેમણે હેલ્થ, એજ્યુકેશન અને પર્યાવરણમાં યોગદાન માટે સમ્માન આપવામાં આવ્યું છે. આ સિવાય વિશ્વમાં શાંતિનો સંદેશ આપવા માટે પણ તેમણે સમ્માનિત કરાયા છે. કાર્યક્રમ દરમિયાન રાષ્ટ્રપતિએ સૈયદનાની પ્રશંસા કરી હતી અને કહ્યું કે તેમણે પાકિસ્તાનમાં કેટલાક અલગ અલગ પ્રયાસ કર્યા છે, જેનાથી દેશના સામાજિક આર્થિક વિકાસને ગતિ મળી છે.સૈયદના 20 નવેમ્બરે પાકિસ્તાન સરકાર અને દાઉદી વોહરા સમાજના આમંત્રણ પર પાકિસ્તાન પહોંચ્યા હતા. આ મુસાફરી દરમિયાન તેમણે કરાચી યૂનિવર્સિટીમાં સૈયદના સૈફુદીન સ્કૂલ ઓફ લોનું ઉદ્દઘાટન પણ કર્યું હતું. પાકિસ્તાનમાં વોહરા સમાજની થોડી વસ્તી છે અને ખાસ કરીને તે કરાચીમાં જ છે. કરાચીમાં વોહરા સમાજની એક સંસ્થા પણ છે.

Continue Reading

આંતરરાષ્ટ્રીય

અમેરિકાની નેવાદા યુનિ.માં ફાયરિંગ, હુમલાખોર સહિત ચારનાં મોત

Published

on

અમેરિકાના લાસ વેગાસ શહેરમાં નેવાદા યુનિવર્સિટીમાં ગોળીબારની ઘટના સામે આવી. આ ઘટનમાં શંકાસ્પદ હુમલાખોરનું પણ મોત થયું છે. પોલીસે કહ્યું કે આ હુમલામાં 3 લોકોના મોત થયા છે તો એક વ્યક્તિ ગંભીર રીતે ઘાયલ છે. સંદિગ્ધ શૂટર પણ મૃત મળ્યો છે. બુધવારે બપોર પહેલા આ ઘટના બની અને પછી પોલીસ અહીં પહોંચી હતી.
મીડિયા રિપોર્ટના અનુસાર પોલીસે કહ્યું કે ઘટના યુનિવર્સિટીમાં બીમ હોલ પાસે બની છે. અહીં બિઝનેસ સ્કૂલ અને અન્ય સુવિધાઓ છે. અત્યાર સુધી પીડિતોને વિશેની કોઈ માહિતિ મળી નથી. આ ઘટના બાદ યુનિવર્સિટી પ્રશાસને પણ વિદ્યાર્થીઓને આ વિસ્તાર ખાલી કરવાની અપીલ કરી છે. પરંતુ પોલીસ ચીફનું કહેવું છે કે કેમ્પસ હવે સુરક્ષિત છે. અહીં કોઈ ખતરો નથી. આ ઘટનામાં ઘાયલ પીડિતોને સ્થાનિક હોસ્પિટલ લઈ જવાયા છે. પણ ગોળીબારી શા માટે કરાઈ તેનું કોઈ કારણ સામે આવ્યું નથી.
પોલીસે કહ્યું કે આ ઘટના બીમ હોલની પાસે બની જે બિલ્ડિંગનો એક ભાગ છે. તેમાં બિઝનેસ સ્કૂલ અને અન્ય અનેક સુવિધાઓ છે. એક પોસ્ટમાં વિદ્યાર્થીઓ આ વિસ્તાારને ખાલી કરવાનો પણ આગ્રહ કરાયો પણ પછી પોલીસ તપાસમાં તે સેફ ગણાઈ હતી. વોશિંગ્ટનમાં વ્હાઈટ હાઉસે કહ્યું છે કે તે લાસ વેગાસની સ્થિતિ પર નજર રાખી રહ્યું છે.

Continue Reading

આંતરરાષ્ટ્રીય

પુલવામા હુમલાનો માસ્ટરમાઇન્ડ અદનાન કરાચીમાં ઠાર

Published

on

ભારતનો વધુ એક મોસ્ટ વોન્ટેડ આતંકવાદી પાકિસ્તાનમાં માર્યો ગયો. લશ્કર-એ-તૈયબાના મુખ્ય આતંકવાદી અદનાન અહેમદ ઉર્ફે હંજલા અદનાનને કરાચીમાં અજાણ્યા હુમલાખોરોએ માર્યો હતો. હંજલા 2016માં પમ્પોરમાં સીઆરપીએફના કાફલા પર હુમલાનો માસ્ટરમાઈન્ડ હતો. આ હુમલામાં 8 જવાનો શહીદ થયા હતા, જ્યારે 22 જવાનો ઘાયલ થયા હતા.
એટલું જ નહીં, હંજલાએ વર્ષ 2015માં જમ્મુના ઉધમપુરમાં બીએસએફના કાફલા પર હુમલાનું આયોજન કર્યું હતું. આ હુમલામાં ઇજઋના 2 જવાન શહીદ થયા હતા જ્યારે 13 ઇજઋ જવાનો ઘાયલ થયા હતા. આ હુમલાની તપાસ ગઈંઅ દ્વારા કરવામાં આવી હતી અને 6 ઓગસ્ટ 2015ના રોજ ચાર્જશીટ દાખલ કરવામાં આવી હતી. આ બંને હુમલામાં હંજાલા પાકિસ્તાનમાં બેસીને આતંકીઓને સૂચના આપી રહ્યો હતો.
જમ્મુ-કાશ્મીરના શ્રીનગર અને પુલવામા વિસ્તારમાં થયેલા આત્મઘાતી હુમલામાં હંજલાએ મોટી ભૂમિકા ભજવી હતી. નવા ભરતી થયેલા આતંકવાદીઓ, ખાસ કરીને એવા આતંકવાદીઓ કે જેઓ ભારતમાં ઘૂસણખોરી કરીને આતંકવાદી હુમલા કરવાના હતા તેમને ગેરમાર્ગે દોરવા માટે હંજલાને પીઓકેના લશ્કર કેમ્પમાં મોકલવામાં આવ્યો હતો. અદનાનને લશ્કર કોમ્યુનિકેશન એક્સપર્ટ પણ કહેવામાં આવતો હતો.
હંજલાના મોતને લશ્કર ચીફ હાફિઝ સઈદ માટે મોટો ઝટકો માનવામાં આવી રહ્યો છે. અદનાન અહેમદ ઉર્ફે હંજલા અદનાન લશ્કર ચીફ હાફિઝની ખૂબ નજીક હતો. 2-3 ડિસેમ્બરની રાત્રે અજાણ્યા હુમલાખોરોએ 4 ગોળીઓ ચલાવીને હત્યાકાંડને અંજામ આપ્યો હતો. કડક સુરક્ષા વચ્ચે અદનાનની હત્યા કરવામાં આવી હતી. સૂત્રોના જણાવ્યા અનુસાર, અદનાન અહેમદને તેના સેફ હાઉસની બહાર ગોળી મારી દેવામાં આવી હતી, ગોળી માર્યા બાદ તેને પાકિસ્તાની સેના દ્વારા ગુપ્ત રીતે કરાચીની એક હોસ્પિટલમાં દાખલ કરવામાં આવ્યો હતો. 5 ડિસેમ્બરે તેમનું અવસાન થયું. હાફિઝ માટે આ એક મોટો ઝટકો માનવામાં આવી રહ્યો છે. હંજલાએ તાજેતરમાં તેનું ઓપરેશન બેઝ રાવલપિંડીથી કરાચી શિફ્ટ કર્યું હતું.
એટલું જ નહીં તાજેતરમાં મોસ્ટ વોન્ટેડ આતંકી શાહિદ લતીફની હત્યા કરવામાં આવી હતી. લતીફની સિયાલકોટમાં અજાણ્યા હુમલાખોરોએ ગોળી મારીને હત્યા કરી હતી. લતીફ 2016માં પઠાણ કોટ એરફોર્સ સ્ટેશન પર હુમલાનો માસ્ટરમાઈન્ડ હતો. સ્ટેશન પર હુમલો કરનારા ચાર આતંકીઓને તે પાકિસ્તાન તરફથી સૂચના આપી રહ્યો હતો.

Continue Reading

Trending