Connect with us

રાજકોટ

કુખ્યાત વિધર્મી પરિવારનો મઢમાં ઘુસી ભુવા પર હુમલો, માતા-પુત્રીને પણ માર માર્યો

Published

on

શહેરમાં કાયદો અને વ્યવસ્થા કથળી હોય તેમ છરી-તલવાર અને ધોકા-પાઈપથી હુમલાના બનાવો દિન બદીન વધી રહ્યા છે. ત્યારે ભગવતીપરામાં પડોશી વિધર્મી પરિવારે મઢમાં ઘુસી ભુવાને ઘર બહાર કાઢી છરી અને તલવારથી હુમલો કરી હાથ ભાંગી નાંખતા યુવકને સારવારમાં ખસેડાયો હતો. યુવાનને છોડાવવા વચ્ચે પડેલી માતા-પુત્રીને પણ ઇજા પહોંચી હતી. ખૂની હુમલો કરનાર કુખ્યાત શખ્સ સહિત આઠ વિરુદ્ધ ફરિયાદ નોંધી ત્રણ આરોપીને સકંજામાં લઈ કાર્યવાહી હાથ ધરી હતી.
આ બનાવ અંગે પોલીસમાંથી જાણવા મળતી વિગત મુજબ ભગવતીપરામાં વિજયવન સોસાયટીમાં રહેતાં કેવલભાઇ શૈલેષભાઇ પીપળીયા (ઉ.વ.30) એ નોંધાવેલ ફરિયાદમાં આરોપી તરીકે આદિલ હનીફ સોઢા, શાહરૂૂખ હનીફ સોઢા, જાવેદ હનીફ સોઢા, મહમદ સીદીક ધડકાઈ, રુહાન આદિલ સોઢા, રેશમા જાવેદ સોઢા, અક્ષા સીદીક ધડકાઈ અને સબાનાબેન ઉર્ફે ડાડણ ઇકબાલ મિયાણાનું નામ આપતાં બી. ડિવિઝન પોલીસે આરોપીઓ વિરૂૂદ્ધ 307, 323, 324, 325, 504, 506(2), 449, 427, 143, 147, 148 સહિતની કલમ હેઠળ ગુનો નોંધી કાયદેસરની કાર્યવાહી હાથ ધરી હતી. ફરિયાદીએ જણાવ્યું કે, તેઓ માધાપર ચોકડી પાસે ઈંડાની લારી હોય ત્યા બેસી વેપાર કરે છે. તે માતાજીના ભુવા છે. હાલમાં નોરતા શરૂૂ હોય હું કામ ઉપર જતો નથી અને મારા ઘરે જ માતાજીના પુજા પાઠ કરૂૂ છુ. ગઈકાલે સાંજના પાંચેક વાગ્યાના સુમારે ઘરે ઉપરના માળે હતો અને માતા રંજનબેન તથા બહેન જ્યોતી નીચેના માળે હતા અને ફઇની દિકરી પીયુ ઘર પાસે બહાર હતી. તે દરમ્યાન ઘરનો દરવાજો જોરથી બંધ થવાનો અવાજ આવેલ અને ઘર બહારથી મકાનના દરવાજા ઉપર કોઇ હથીયારો વડે માર મારવાનો તથા ગાળો બોલવાનો અવાજ આવતો હતો. દરમ્યાન ઘરનો દરાવાજો તુટી જતા જોયેલ તો ઘરની અંદર રેશમા સોઢા, અફસાના ધડકાઇ, શબાનાબેન ઉર્ફે ડાડણ મીયાણા ઘરમા ઘુસી આવેલ અને કહેલ કે, આ પીયુ છત ઉપર ચડી અમારા ઘરની છત ઉપર કેમ જોવે છે કહી ત્રણેયે મારી ફઇની દિકરી તથા માતા અને બહેન સાથે ગાળો બોલી જપાજપી કરવા લાગેલ હતાં.તેમજ શબાનાબેને ઘરમાં પડેલ લાકડાના ધોકો હાથમા લઇ બહેન તથા માતાને મારમારવા લાગેલ અને હું ઉપરથી તેમને સમજાવતો હતો તે દરમ્યાન શાહરૂૂખ સૌઢા, જાવેદ સોઢા છરી સાથે અને આદીલ સોઢા તલવાર સાથે તેમજ મહમદ ધડકાઇ અને રુહાન આદિલ ધોકા-પાઇપ સાથે ઘરમાં ઘુસી ગાળો આપવા લાગેલ જેથી તેમને ગાળો આપવાની ના પાડતા પાંચેય શખ્સો ફળીયામાં રહેલ સીડી વડે ઉપરના માળે આવતાં ફરિયાદી ભયભીત થઈ મઢવાળા રૂૂમમાં જતા રહેલ દરમ્યાન શાહરૂૂખે કહેલ કે, આજે તો તને પતાવી જ નાખવો છે કહી છરી વડે હુમલો કરતાં હાથમાં ઇજા પહોંચી હતી.
તેમજ સિદીક અને રૂૂહાને પાઇપ તથા ધોકા વડે શરીરે આડેધડ માર મારવા લાગેલા અને જાવેદ સોઢાએ છરી વડે તથા આદીલ સોઢાએ તલવાર વડે બેઠકના ભાગે તથા પીઠ પાછળના ભાગે ઘા ઝીંકતા તેમને ગંભીર ઇજા પહોંચી હતી. તેમજ હુમલાખોરો તેમને ઇજાગ્રસ્ત હાલતમાં ઘરની બહાર ઢસડી શેરીમા લઇ ગયેલ અને શેરીમા બધાએ ભેગા મળી હથીયારો વડે તથા ઢીકાપાટુનો ઢોર માર મારતા હતાં ત્યારે તેમને બચાવવા તેમની માતા અને બહેન વચ્ચે પડેલ જેઓને પણ આ લોકો માર મારવા લાગેલ બાદમાં શેરીમા લોકો એકઠાં થઇ જતા આ આરોપીઓ નાસી છૂટ્યા હતાં. બાદમાં 108 મારફતે તેમને સારવારમાં સિવિલ હોસ્પિટલમાં ખસેડાયા હતા. હાથમાં ગંભોર ઇજા પહોંચતા હાથમાં ફ્રેકચર થયેલ છે. બનાવ અંગેની ફરિયાદ પરથી બી. ડિવિઝન પોલીસે ગુનો નોંધી પીઆઇ આર.જી.બારોટ અને ટીમે ત્રણ આરોપીઓને સકંજામાં લઈ અન્ય આરોપીઓને પકડવા ચક્રો ગતિમાન કર્યા હતાં.

ગુજરાત

રાજકોટના ટોચના બિલ્ડર ગ્રૂપના 30 સ્થળે આઇ.ટી.ના દરોડા

Published

on

By

  • ઓરબીટ ગ્રૂપવાળા લાડાણી એસોસિએટ્સના તમામ ભાગીદારોના નિવાસસ્થાનો, ઓફિસો સહિતના સ્થળોએ 150 જેટલા અધિકારીઓનો કાફલો ત્રાટક્યો

ગુજરાતમાં ચાલુ વર્ષે બિલ્ડરો ઉપર ઇન્કમટેકસ વિભાગની સતત તવાઇ ચાલુ જ રહી હોય તેમ અમદાવાદ- સુરતના બિલ્ડરો બાદ આજે ઇન્કમટેકસ વિભાગે રાજકોટમાં ટોચના બિલ્ડર ગૃપ ઉપર તવાઇ ઉતારી છે અને આજે રાજકોટમાં બેરીંગ તથા બિલ્ડીંગ ક્ષેત્ર સાથે સંકળાયેલા ઓરબીટ ગૃપ અને તેની સાથે જોડાયેલા લોકોના કુલ 30 જેટલા સ્થળે સર્ચ ઓપરેશન હાથ ધરતા બિલ્ડર લોબીમાં ફફડાટ ફેલાઇ જવા પામેલ છે. ઇન્કમટેકસ વિભાગની આ તપાસ દરમિયાન મોટી રકમના બિનહિસાબી વ્યવહારો ઝડપાવાની શકયતા દર્શાવાઇ રહી છે.

જાણવા મળતી માહિતી મુજબ આજે વહેલી સવારથી ઓરબીટ બેરીંગ ગૃપ તથા અગ્રણી બિલ્ડર દિલીપ લાડાણીની ભાગીદારીવાળા અને તેની સાથે જોડાયેલા તમામ ભાગીદારોના ઓફિસો, નિવાસસ્થાનો તેમજ બાંધકામ સાઇટો સહીતના 30 જેટલા સ્થળોએ ઇન્કમટેકસ વિભાગના 150 જેટલા અધિકારીઓનો કાફલો ત્રાટકયો હતો.

મળતી માહિતી મુજબ આ બિલ્ડર ગૃપના નવા રીંગરોડ ઉપર સ્પીડવેલ પાર્ટી પ્લોટ પાસે આવેલ ગેલેકસી ગાર્ડન, મોટામવામાં આવેલ ટિવન ટાવર, સ્કાય હિલ ગાર્ડન સહીતના લાડાણી એસોસીએટસના તમામ ભાગીદારોના ઠેકાણાઓ ઉપર ઇન્કમટેકસ વિભાગે તપાસ હાથ ધરી છે.

લાડાણી એસોસીએટસ સાથે દિલીપ લાડાણી ઉપરાંત ઉત્સવ લાડાણી, રાજ વિનેશ પટેલ, વિનેશ બાબુલાલ પટેલ, વિપુલ બાબુલાલ પટેલ સહીતના ભાગીદારો જોડાયેલા છે. આ તમામ ભાગીદારોના નિવાસસ્થાનો તેમજ ઓફિસો સહીતના સ્થળો ઉપર તપાસ હાથ ધરવામાં આવી છે. ઇન્કમટેકસ વિભાગ દ્વારા લાડાણી એસોસીએટસના તમામ ભાગીદારોના કોમ્પ્યુટર, હિસાબી સાહિત્ય, કાચી-પાકી ચિઠ્ઠીઓ સહીતનાં હિસાબી સાહિત્યની ચકાસણી શરૂ કરી છે. આ તપાસ દરમિયાન મોટી રકમના બિનહિસાબી વ્યવહારો મળી આવવાની શકયતા છે.

બિલ્ડરના કર્મચારીઓના નિવાસે પણ તપાસ હાથ ધરાઇ
રાજકોટનાં બિલ્ડર ગૃપ લાડાણી એસોસીએટસના ભાગીદારોને ત્યાં સવારથી ઇન્કમટેકસ વિભાગે દરોડા પાડયા છે સાથો સાથ આ બિલ્ડર ગૃપને ત્યાં નોકરી કરતા કર્મચારીઓના નિવાસસ્થાનો ઉપર પણ ઇન્કમટેકસ વિભાગે તપાસો હાથ ધરી હોવાનું જાણવા મળે છે. બિલ્ડરો પોતાના બે નંબરના વ્યવહારો કર્મચારીઓના નિવાસ સ્થાનોમાં રાખતા હોવાની શંકાથી કેટલાક કર્મચારીઓના નિવાસે પણ સવારમાં ઇન્કમટેકસના અધિકારીઓ પહોંચ્યા હતા અને હિસાબી સાહિત્ય તેમજ લેપટોપ જપ્ત કરી લીધા હતા. સાથો સાથ કર્મચારીઓના મોબાઇલ જપ્ત કરી તેમને પણ ઓફિસે બેસાડી દેવામાં આવ્યા છે.

કોને ત્યાં તપાસ
દિલીપભાઇ લાડાણી
ઉત્સવ દિલીપભાઇ લાડાણી
રાજ વિનેશભાઇ પટેલ
વિનેશ બાબુલાલ પટેલ
વિપુલ બાબુલાલ પટેલ
દાનુભા જાડેજા

Continue Reading

ગુજરાત

દૂધસાગર રોડ પરની 12 સોસાયટીમાં અશાંતધારો લાગુ કરવા દરખાસ્ત

Published

on

By

  • ધારાસભ્ય ઉદય કાનગડે કલેકટરને મોકલી દરખાસ્ત: સબ રજિસ્ટ્રાર, મામલતદાર પાસેથી રિપોર્ટ મગાવતા કલેકટર

રંગીલા રાજકોટ શહેરને રૈયા રોડ અને કોઠારીયા રોડ પર અમક અસામાજીક તત્વોના કારણે રાજય સરકાર દ્વારા અશાંત ધારો લાગુ કરવામાં આવ્યો છે ત્યારે દુધસાગર રોડની એક ડઝન સોસાયટીમાં પણ અશાંત ધારો લાગુ કરવા જિલ્લા કલેકટર સમક્ષ દરખાસ્ત આપતા પ્રાંત અધિકારી દ્વારા સબરજીસ્ટ્રાર કચેરી સીટી સર્વે અને મામલતદાર પાસેથી અભિપ્રાય મંગાવ્યો છે.

રાજકોટ શહેરના કોઠારીયા રોડ જંગલેશ્વર નજીકની સોસાયટી અને રૈયારોડ પર અમુક અસામાજીક તત્વોના કારણે કિંમતી મકાન સસ્તામાં પડાવી લેતા હોવાનં તંત્રના ધ્યાન પર આવતા રૈયા રોડ અને કોઠારિયા રોડ પર જિલ્લા કલેક્ટનરા અભિપ્રાયના આધારે ગૃહ વિભાગે અશાંતધારો લાગુ કરી દીધો છે.

અશાંતધારામાં આવતી સોસાયટીઓમાં મકાન કે કોમર્શીયલ બિલ્ડીંગ કે દુકાન લે-વેચ માટે જિલ્લા કલેક્ટર કે પ્રાંત અધિકારીની મંજુરી મળે તે પછી જ દસ્તાવેજ થઈ શકે છે. જેના કારણે હવે અસમાજીક તત્વોએ નવા વિસ્તારોમાં પોતાનો ડોળો જમાવ્યો છે.રાજકોટ દૂધસાગર રોડ પર આવેલ એક ડઝન જેટલી સોસાયટીમાં પણ છેલ્લા ઘણા સમયથી અસામાજીક તત્વો અને પરપ્રાતિય શખ્સોનો ત્રાસ વધી ગયો છે અને આવા વિસ્તારમાં ઘુસણખોરી કર્યા બાદ રહેવાસીઓ પાસેથી ધાક ધમકી આપી કિંમતી મિલ્કત સસ્તામાં પડાવી લેવામાં આતી હોવાની અનેક ફરિયાદો ઉઠવા પામી છે.

દૂધસાગર રોડ પર આવેલ ગુજરાત હાઉસીંગ બોર્ડ, જયહિન્દ નગર, ગંજીવાડા, ચુનારાવાડ, શિવાજી નગર, રાજારામ સોસાયટી, સીતારામ સોસાયટી, આંબાવાડી, ન્યુ શક્તિસોસાયટી સહિતના વિસ્તારના લોકોએ આ બાબતે ધારાસભ્ય ઉદય કાનગડ સમક્ષ રજૂઆત કરી હતી.લતાવાસીઓની રજૂઆતને ધ્યાને લઈને દૂધ સાગર રોડ પરની એક ડઝન જેટલી સોસાયટીઓમાં અશાંતધારો લાગુ કરવા જિલ્લા કલેક્ટર પ્રભવ જોશી સમક્ષ દરખાસ્ત કરવામાં આવી છે.કલેક્ટર દ્વયારા આ દરખાસ્તને ધ્યાને લઈને સીટી પ્રાંત અદિકારી ચાંદલી પરમારને કાર્યવાહી શરૂ કરી દીધી છે. પ્રાંત અધિકારી દ્વારા સબ રજીસ્ટ્રાર કચેરી, સીટીસર્વે અને મામલતદાર પાસેતી છેલ્લા થોડા સમયમાં થેયલા દસ્તાવેજોની માહીતી મંગાવી છે જે અહેવાલના આધારે રિપોર્ટ તૈયાર કરી ગૃહ વિભાગને મોકલી આપવામા આવશે. તેમ જાણવા મળેલ છે.

નંદનવન સોસાયટીને અશાંતધારામાં લેવા રજૂઆત
રૈયા રોડ પર અશાંતધારો લાગુ કરવામાં આવ્યો છે. ત્યારે રૈયા રોડની વધુ એક સોસાયટી નંદનવન સોસાયટીએ પણ આ વિસ્તારમાં અશાંતધારો લાગુ કરવા કલેક્ટરને દરખાસ્ત કરતા અભિપ્રાય મંગાવામાં આવ્યા છે.

 

અશાંતધારાની બે દરખાસ્ત પેન્ડિંગ
રાજકોટમાં અસામાજીક તત્વોના કારણે કોઠારિયા રોડ અને રૈયા રોડ ર અશાંતધારો લાગુ કરવામાં આવ્યો છે ત્યારે ઢેબર રોડ ભક્તિનગર સોસાયટી અને ગાયકવાડી, જંક્શન પ્લોટ વિસ્તારના રહેવાસીઓ દ્વારા પણ અસાંતધારો લાગુ કરવા દરખાસ્ત કરવામાં આવી છે. જે બન્ને દરખાસ્ત હાલ પેન્ડીંગ છે ત્યાં દુધસાગર રોડની વધુ એક દરખાસ્ત કલેક્ટર પાસે આવી છે.

Continue Reading

ગુજરાત

રાજકોટ ડિવિઝનના 12 રેલવે સ્ટેશનના પુન:વિકાસનો ઙખના હસ્તે શિલાન્યાસ

Published

on

By

  • અમૃત ભારત સ્ટેશન યોજના હેઠળ રૂ.19,000 કરોડના ખર્ચે દેશના 553 સ્ટેશનોની કાયાપલટ થશે

અમૃત ભારત સ્ટેશન યોજના હેઠળ રાજકોટ અને ડિવિઝનના 12 રેલવે સ્ટેશન સહિત દેશના 553 રેલવે સ્ટેશનના પુનવિકાસ માટે રૂ.19,000 કરોડના ખર્ચે તૈયાર થનાર સ્ટેશનોના કામનું વડાપ્રધાનના હસ્તે શિલાન્યાસ કરવામાં આવ્યો હતો. વડાપ્રધાને વચ્યુઅલ ખાતમુહૂર્ત કર્યું હતું. રાજકોટ ખાતે કેન્દ્રીય-રાજ્ય કક્ષાના મંત્રીઓ અને સાંસદ સભ્ય રેલવેના અધિકારીઓ ઉપસ્થિત રહ્યા હતા.

રાજકોટ ડિવિઝનમાં આપતા ખંભાળિયા, ઓખામઢી, પીપલી, હાપા, જામવંથલી, સિંધાવદર, વણીરોડ, મોડપુર, ચણોસ, હડમતિયા, લીલાપુર, જેગડવા, અલીગઢ અને લાખામાંચી ગામમાં આવેલ 11 રોડ ઓવરબ્રિજ અને અંડરપાસનું શિલાન્યાસ તેમજ 9 રોડ અંડરપાસનું ઉદ્દઘાટન કરાયું હતું. ઉપરાંત રાજકોટ, જામનગર, મોરબી, વાંકાનેર, ભાટિયા, ખંભાળિયા, દ્વારકા, હાપા, પડધરી, કાનાલુર, થાન અને ઓખા રેલવે સ્ટેશનના પુનવિકાસ કાર્યો થશે.
અગાઉ, વડાપ્રધાને રેલ્વે સ્ટેશનો પર વિશ્વસ્તરીય સુવિધાઓ પૂરી પાડવાના મહત્વ પર સતત ભાર મૂક્યો છે. આ પ્રયાસ તરફના એક મોટા પગલા તરીકે, વડાપ્રધાન અમૃત ભારત સ્ટેશન યોજના હેઠળ 553 રેલ્વે સ્ટેશનોના પુન:વિકાસ માટે શિલાન્યાસ કર્યો હતો. 27 રાજ્યો અને કેન્દ્રશાસિત પ્રદેશોમાં સ્થિત આ સ્ટેશનોને રૂ. 19,000 કરોડથી વધુના ખર્ચે પુન:વિકાસ કરવામાં આવશે. આ સ્ટેશનો પસિટી સેન્ટર્સથ તરીકે કામ કરશે, જે શહેરની બંને બાજુઓને એક સાથે જોડશે. આ સ્ટેશનો પર આધુનિક પેસેન્જર સુવિધાઓ ઉપલબ્ધ હશે. આમાં રૂૂફટોપ પ્લાઝા, સુંદર લેન્ડસ્કેપિંગ, ઇન્ટર-મોડલ કનેક્ટિવિટી, બહેતર આધુનિક રવેશ, બાળકોના રમતના વિસ્તારો, કિઓસ્ક, ફૂડ કોર્ટ વગેરેનો સમાવેશ થાય છે. ઉપરાંત, તે પુન:વિકાસિત પર્યાવરણ અને વિકલાંગોને અનુકૂળ હશે. આ સ્ટેશન ઇમારતોની ડિઝાઇન સ્થાનિક સંસ્કૃતિ, વારસો અને સ્થાપત્યથી પ્રેરિત હશે. આ ઉપરાંત, વડાપ્રધાન ઉત્તર પ્રદેશમાં ગોમતી નગર સ્ટેશનનું ઉદ્ઘાટન કર્યું હતું, જે લગભગ રૂ. 385 કરોડના ખર્ચે પુન:વિકાસિત કરવામાં આવ્યું છે. ભવિષ્યમાં મુસાફરોની વધતી સંખ્યાને ધ્યાનમાં રાખીને, આ સ્ટેશન પર આગમન અને પ્રસ્થાન સુવિધાઓ અલગ કરવામાં આવી છે. તે શહેરના બંને ભાગોને જોડે છે. આ કેન્દ્રિય વાતાનુકૂલિત સ્ટેશનમાં આધુનિક પેસેન્જર સુવિધાઓ છે જેમ કે એર કોન્કોર્સ, ભીડમુક્ત પરિભ્રમણ, ફૂડ કોર્ટ અને ઉપરના અને નીચેના ભોંયરામાં પૂરતી પાર્કિંગ જગ્યા છે. આ ઉપરાંત વડાપ્રધાને 1500 રોડ ઓવરબ્રિજ અને અંડરપાસનો શિલાન્યાસ પણ કર્યો હતોે અને તેને રાષ્ટ્રને સમર્પિત કર્યું હતું. આ રોડ ઓવરબ્રિજ અને અંડરપાસ 24 રાજ્યો અને કેન્દ્રશાસિત પ્રદેશોમાં આવેલા છે. આ પ્રોજેક્ટ્સ અંદાજે રૂૂ. 21,520 કરોડના ખર્ચે બાંધવામાં આવ્યા છે. આ પ્રોજેક્ટ્સ ભીડમાં ઘટાડો કરશે, સલામતી અને કનેક્ટિવિટી વધારશે અને રેલ મુસાફરીની ક્ષમતા અને કાર્યક્ષમતામાં સુધારો કરશે.

Continue Reading

Trending