Connect with us

ગુજરાત

વહુના અંગત પળોના ફોટા-વીડિયો પોર્ન સાઇટ પર અપલોડ કરનાર પતિ-સાસુ-સસરાને માફી નહીં

Published

on

વહુના અંગત પળોના ન્યૂડ ફોટા અને વીડિયો પોર્ન વેબસાઇટ અને વોટ્સએપ પર અપલોડ કરીને રૂૂપિયા કમાવવાનો અત્યંત જઘન્ય ગુનો કરનારા પતિ અને સાસુ-સસરા વિરૂૂદ્ધની પોલીસ ફરિયાદ કરવાનો આદેશ હાઇકોર્ટે કર્યો છે. હાઇકોર્ટના જસ્ટિસ એચ.ડી.સુથારે આ ગુનો માત્ર એક મહિલા નહીં પરંતુ સમગ્ર સમાજ પર વિપરીત અસર પાડનારો ગુનો હોવાથી અને આવા મામલે પીડિતા સાથે સમાધાન થઇ ગયું હોય તો પણ ફરિયાદ કે અન્ય કાનૂની કાર્યવાહીને રદ કરી શકાય નહીં એવું મહત્ત્વપૂર્ણ અવલોકન કર્યું છે.


ચુકાદામાં કોર્ટે નોંધ્યું છે કે, ગુનાની ગંભીરતા અને કેસના તથ્યોને જોતાં આ ગુનો સમાજ અને રાજ્યની વિરૂૂદ્ધ છે અને તેની સમાજ પર વિપરીત અસર પડી શકે તેમ છે. તેથી અરજદાર આરોપીઓને કોઇ પણ પ્રકારની રાહત આપી શકાય નહીં.


સામાજીક તાણાવાણા અને લગ્ન જેવા પવિત્ર સંસ્કારનું કચ્ચરધાણ કાઢતાં અત્યંત ચોંકાવનારા કેસમાં હાઇકોર્ટે મર્મસ્પર્શી અવલોકન કર્યું હતું કે, પ્રસ્તુત કેસમાં કાયદાના દુરુપયોગની શ્રેણીમાં આવતો નથી. ઊલટાનું જો અરજી ગ્રાહ્ય રાખીને સમાધાન થઇ ગયું હોવાના આધારે ફરિયાદ રદ કરવાનો આદેશ કરવામાં આવે તો એ કાયદાની પ્રક્રિયાના દુરુપયોગ સમાન થશે. કોર્ટ જ્યારે ઈઙિઈની ધારા 482નો ઉપયોગ કરી નિર્ણય કરતી હોય છે, ત્યારે સમાધાનનું ટાઇમિંગ સૌથી મહત્ત્વની ભૂમિકા ભજવે છે. જે કેસોમાં ગુનો બન્યાના તરત બાદ સમાધાન થઇ ગયું હોય અને ગુનાની તપાસ ચાલી રહી હોય તેવા સંજોગોમાં કોર્ટ સામાન્ય રીતે ઉદાર વલણ દાખવતા ફોજદારી કાર્યવાહીને રદ કરવાનો હુકમ કરતી હોય છે. પંરતુ પ્રસ્તુત કેસમાં તપાસ પૂર્ણ થઇ ગઇ છે અને ચાર્જશિટ ફાઇલ થઇને સેશન્સ કેસનો નંબર પણ પડી ગયો છે. ત્યારે પીડિતા અને આરોપીઓ વચ્ચે સમાધાન થઇ ગયું હોવાના આધારે પ્રસ્તુત અરજી એન્ટરટેઇન કરી શકાય નહીં. ખાસ કરીને જ્યારે ચાર્જશિટ ફાઇલ થઇ ગઇ હોય. આ દ્રષ્ટિએ અરજી મેરિટ વિનાની જણાય છે અને તે રદ થવાને પાત્ર છે. જોકે ટ્રાયલ કોર્ટને આદેશ કરવામાં આવે છે કે અરજદારો અંડર ટ્રાયલ કેદીઓ હોઇ ટ્રાયલ ઝડપથી ચલાવવામાં આવે. પ્રસ્તુત કેસના અવલોકનો કામચલાઉ પ્રકારના છે અને ટ્રાયલ કોર્ટે કેસના ગુણદોષોના આધારે કેસનો નિર્ણય કરવાનો રહેશે. આ પ્રકારના આદેશ કરી હાઇકોર્ટે અરજીનો નિકાલ કર્યો હતો.


સમાજ માટે આંચકારૂૂપ કેસની હાઇકોર્ટે નોંધેલી હકીકત એવી છે કે પ્રસ્તુત કેસની પીડિતા(પત્ની)નો પતિ અને સાસુ-સસરા અનૈતિક જાતિય પ્રવૃત્તિઓમાં લિપ્ત હતા. સાસુએ સસરાની મદદથી પીડિતા જ્યારે તેના પતિ સાથે અંગત ક્ષણો માણી રહી હતી, એ વખતના દ્રશ્યો કેમેરામાં કેદ કરી લીધા હતા. જેમાં વિવાદાસ્પદ અને વાંધાજનક ફોટોગ્રાફ્સ અને વીડિયો પણ સામેલ છે. આ આપત્તિજનક ફોટો અને વીડિયો વોટ્સએપના ગ્રુપ ઉપરાંત અમુક પોર્ન વેબસાઇટ ઉપર પણ અપલોડ કરવામાં આવ્યા હતા. આ ગુનાખોરીમાં પતિની પણ સામેલગીરી હતી અને તે ગુનાને અંજામ આપવા ઉપરાંત મદદગીરી પણ કરતો હતો. એટલું જ નહીં બેડરૂૂમમાં છુપી રીતે ઈઈઝટ કેમેરો લગાવવામાં આવ્યો હતો. આ કેમેરામાં પીડિતાની અંગત પળો કેદ કરી લેવામાં આવતી હતી અને સાસુ-સસરા ઉપરાંત પતિ પણ આ પળો માણતા હતો અને સાથે સાથે વોટ્સએપ ગ્રુપમાં શેર પણ કરતાં હતાં.


હાઇકોર્ટે નોંધ્યું હતું કે, આરોપીઓના ગુનાના પુરાવા પણ તપાસમાં મળી આવ્યા છે. જેમાં આરોપીઓએ વોટ્સએપ ગ્રુપમાં પીડિતાના જે નગ્ન ફોટો-વીડિયો અપલોડ કર્યા હતા એ પણ પુરાવા મળ્યા છે. જેથી આવા ગંભીર ગુનામાં કોઇ પણ પ્રકારની રાહત સમાધાન થઇ ગયું હોવાના આધારે પણ આપી શકાય નહીં. ઉલ્લેખનીય છે આ મામલે રાજકોટ સાઇબર ક્રાઇમમાં ફરિયાદ નોંધાઇ છે.


હાઇકોર્ટે આદેશમાં કેસની એવી ચોંકાવનારી બાબતની નોંધ પણ લીધી હતી કે પીડિતા જ્યારે હોસ્પિટલમાં હતી અને તેના ટ્વિન્સને ફિડિંગ કરાવતી હતી ત્યારે સસરો તેની સાથે અડપલાં કરતો હતો અને તેના ગુપ્તાંગ સાથે ચેડાં પણ કરતો હતો. આ આક્ષેપો અત્યંત ગંભીર અને ચોંકાવનારા છે.હાઇકોર્ટે આદેશમાં નોંધ્યું હતું કે, આરોપીઓએ પીડિતાના બેડરૂૂમમાં ઈઈઝટ લગાવીને તેની અંગત ક્ષણોને રેકોર્ડ કરી તેનો ગેરલાભ ઉઠાવ્યો હતો. તપાસમાં સામે આવ્યું છે કે પીડિતાના નગ્ન ફોટા-વીડિયો પતિ અને સસરાએ વોટ્સએપ ગ્રૂપમાં અપલોડ કર્યા હતા.
આ રીતે મહિલાને નગ્ન અવસ્થામાં અન્યો સમક્ષ ફોટો-વીડિયો માધ્યમથી રજૂ કરી તેની પવિત્રતા સાથે ચેડાં કર્યા હતા. આરોપીઓએ એક બીજાના મેણાપીપણાંમાં રૂૂપિયા કમાવાની લાલચે સમાજ અને મહિલા સામેનો જઘન્ય અપરાધ કર્યો હોઇ તેમાં રાહત આપવી અશક્ય છે.

ગુજરાત

રાજકોટના TRP ગેમ ઝોનમાં લાગી ભીષણ આગ, અનેક લોકો ફયાસા હોવાની આશંકા, જુઓ વિડીયો

Published

on

By

રાજકોટ શહેરમાંથી એક મોટા સમાચાર સામે આવી રહ્યા છે. રાજકોટના નાના મવા રોડ પર આવેલા TRP ગેમઝોનમાં ભીષણ આગ લાગી છે. ગેમઝોનમાં લોકો ફસાયા હોવાની શંકા વ્યક્ત કરવામાં આવી છે. આગ લાગતા ત્યાં હાજર પ્રત્યક્ષદર્શીએ દાવો કર્યો છે કે 10થી 12 લોકોને બહાર કાઢવામાં આવ્યા છે. આગ લાગતા ફાયરબ્રિગેડની 8 ટીમો ઘટનાસ્થળ પર પહોંચી છે. આગના ધૂમાડા 3 કિલોમીટર સુધી દેખાઈ રહ્યા છે. ફાયરબ્રિગેડ અને એમ્બ્યુલન્સ ઘટનાસ્થળ પર હાજર છે. ગેમઝોનમાં આગ લાગવાનું કારણ હજુ સુધી બહાર નથી આવ્યું. પ્રાપ્ત માહિતી અનુસાર ૨ બાળકોના મોત થયા હોવાનું સામે આવ્યું છે.

રાજકોટ શહેર ભાજપ પ્રમુખ મુકેશ દોશીએ આગના બનાવને પગલે ઘટનાસ્થળે દોડી ગયા હતા. તેમણે જણાવ્યું હતું કે, થોડીવાર પહેલા આગના બનાવની જાણ થતાં આવ્યો છું. આવ્યા પછી ગંભીરતા જોતા લાગે છે કે કાંઈક જાનહાનિ થઈ છે, ઈશ્વરને પ્રાર્થના કે બધા સલામત રીતે બહાર આવે. બાળક કે કોઈ વાલીને કોઈ નુકસાન ન થાય. અંદર કેટલા છે એની માહિતી નથી મળી રહી. હાલની પ્રાયોરિટી આગ બુઝાવવાની છે અને સલામત લાવવાની. જવાબદારોને છોડવામાં નહીં આવે તેની ખાતરી આપું છું. તંત્રમાં અધિકારીઓ જવાબદાર હશે તેમને કોઈ બાંધછોડ ન કરાય.

https://www.facebook.com/reel/323686807288108

Continue Reading

ગુજરાત

એક દી’માં 18.70 કરોડની વિક્રમી વેરા વસૂલાત

Published

on

By

દોઢ માસમાં 2.57 લાખ કરદાતાઓએ રૂા.181 કરોડ કોર્પોરેશનની તિજોરીમાં ઠાલવ્યા

રાજકોટ મહાનગરપાલિકા દ્વારા હાલ નવા નાણાકીય વર્ષના શરૂૂઆતના તબક્કાથી જ વેરા વસુલાત ઝુંબેશ મ્યુનિસિપલ કમિશ્નર આનંદ પટેલના આદેશ તથા નાયબ મ્યુનિસિપલ કમિશ્નરશ્રી ચેતન નંદાણીના નેતૃત્વમાં હાથ ધરવામાં આવી છે. જેમાં રાજકોટ મહાનગરપાલિકાની વેરા વસુલાત શાખાના સહાયક કમિશનર સમીર ધડુકના માર્ગદર્શનમાં ઝુંબેશના રૂૂપમાં મિલકત વેરા વસુલાતની કામગીરી કરવામાં આવી રહી છે. જે અન્વયે વિવિધ સરકારી વિભાગો તેમજ ત્રણેય ઝોન કક્ષાએ મેનેજર-ટેક્ષ દ્વારા શહેરમાં વેરા વસુલાતની કામગીરી દરમ્યાન તા.24/05/2024ના રોજ સાંજે 6:00 વાગ્યા સુધીમાં (એક જ દિવસમાં) રાજકોટ મહાનગરપાલિકામાં અંદાજીત રૂૂ. 18.70 કરોડ વિક્રમી વેરાની વસુલાત થયેલ છે. દરમ્યાન રાજકોટ મહાનગરપાલિકા દ્વારા તા.08/04/2024થી તા.24/05/2024 દરમ્યાન 257559 કરદાતાઓએ રૂૂ.181.30 કરોડનો વેરો ભરપાઈ કર્યો છે.


આજની આ વેરા વસુલાત ઝુંબેશ દરમ્યાન શહેરના વિવિધ સ્થળોએ રહેલા મોબાઇલ ટાવરના ટેક્સ પેટે રૂૂ.6.64 કરોડની વસુલાત થયેલ છે.


જયારે હાઈ વેલ્યુ ટેક્સ પેયર પાસેથી રૂૂ.8.90 કરોડના વેરાની રકમ વસુલ કરવામાં આવેલ છે. હાલ અર્લી બર્ડ ડિસ્કાઉન્ટ સ્કીમ ચાલી રહી છે જે અન્વયે 31-મે સુધીમાં એડવાન્સ વેરો ભરપાઈ કરનાર કરદાતાને મળવાપાત્ર મહત્તમ 22% ડિસ્કાઉન્ટ મેળવવા મ્યુનિસિપલ કમિશ્નરશ્રી આનંદ પટેલ દ્વારા અનુરોધ કરવામાં આવે છે.

Continue Reading

ગુજરાત

સિનિયર ફોટોગ્રાફરના પુત્ર અને બજાજ કેપિટલના બ્રાંચ મેનેજરનું હાર્ટએટેકથી મૃત્યુ

Published

on

By


રાજકોટ સહિત રાજ્યભરમાં કાળઝાળ ગરમી વચ્ચે હૃદયરોગના હુમલાનો ખતરો યથાવત હોય તેમ અનેક માનવ જીંદગી કાળના ખપરમાં હોમાઈ રહી છે ત્યારે વધુ એક કરૂણ ઘટનામાં રાજકોટના સિનિયર ફોટોગ્રાફરના પુત્ર અને બજાજ કેપીટલના બ્રાંચ મેનેજરનું હૃદયરોગના હુમલાથી મૃત્યુ નિપજ્યું હતું. યુવકના મોતથી બે માસુમ બાળકોએ પિતાનું છત્ર ગુમાવતા પરિવારમાં અરેરાટી સાથે કરૂણ કલ્પાંત સર્જાયો હતો.

આ બનાવ અંગે પોલીસમાંથી જાણવા મળતી વિગત મુજબ, રાજકોટમાં માધાપર ચોકડી પાસે સ્વામીનારાયણ મંદિર પાછળ આવેલ જીહિત પાર્કમાં રહેતા સિનિયર ફોટોગ્રાફર પ્રવિણભાઈ સેદાણીના પુત્ર અને બજાજ કેપિટલના બ્રાંચ મેનેજર સંદીપભાઈ પ્રવિણભાઈ સેદાણી (ઉ.39) પોતાના ઘરે હતાં ત્યારે બપોરના બારેક વાગ્યાના અરસામાં બેભાન હાલતમાં ઢળી પડયા હતાં. યુવકને બેભાન હાલતમાં તાત્કાલીક સારવાર માટે સિવિલ હોસ્પિટલમાં ખસેડવામાં આવ્યા હતાં. જ્યાં ફરજ પરના તબીબે સંદીપભાઈ સેદાણીનું હૃદયરોગના હુમલાથી મૃત્યુ નિપજ્યું હોવાનું જાહેર કરતાં પરિવારમાં અરેરાટી સાથે ગમગીની છવાઈ જવા પામી હતી. જાણ થતાં સેદાણી પરિવાર અને પત્રકારો સિવિલ હોસ્પિટલ ખાતે પરિવારને શાંત્વના પાઠવવા દોડી ગયા હતાં.
પ્રાથમિક પુછપરછમાં મૃતક સંદીપભાઈ સેદાણીના પિતા રાજકોટના ‘જય હિન્દ’ ન્યુઝ પેપરમાં સિનિયર ફોટોગ્રાફર તરીકે ફરજ બજાવે છે. મૃતક સંદીપભાઈ સેદાણી બે ભાઈમાં મોટા હતાં અને તેમને સંતાનમાં એક પુત્ર અને એક પુત્રી છે. સંદીપભાઈ સેદાણી બજાજ કેપિટલમાં બ્રાંચ મેનેજર તરીકે ફરજ બજાવતાં હતાં. સંદીપભાઈ સેદાણીનું હૃદયરોગના હુમલાથી મોત નિપજ્યું હોવાનું જાણવા મળ્યું છે. આ બનાવ અંગે ગાંધીગ્રામ પોલીસે નોંધ કરી વધુ તપાસ હાથ ધરી છે.

Continue Reading

Trending