ટેસ્ટ ચેમ્પિયનશિપમાં ટીમ ઇન્ડિયા નંબર વન

આઇસીસી ટેસ્ટ રેન્કિંગમાં પણ ઓસ્ટ્રેલિયાને પછાડ્યું


બ્રિસબેન તા.20
બ્રિસબેનના ગાબામાં ભારતીય ક્રિકેટ ટીમની યુવા બ્રિગેડે ઓસ્ટ્રેલિયાનું ઘમંડ તોડવાની સાથે અનેક કીર્તિમાન સ્થાપિત કર્યા છે. હકિકતમાં આ ટેસ્ટ શ્રેણી જીતવાથી ટીમ ઈન્ડિયા ટેસ્ટ ચેમ્પિયનશિપના પોઈન્ટ ટેબલમાં ફરી ટોપ પર પહોંચી ગઈ છે. તો ન્યૂઝીલેન્ડ બીજા અને ઓસ્ટ્રેલિયા ત્રીજા નંબર પહોંચી ગયું છે. બ્રિસબેનમાં જીતનો ફાયદો ભારતને ઈંઈઈ ટેસ્ટ રેન્કિંગમાં પણ થયો છે. ટીમ ઈન્ડિયા હવે ન્યૂઝલેન્ડ પછી બીજા નંબર પહોંચી ગઈ છે, તો ભારતે ઓસ્ટ્રેલિયાને ત્રીજા સ્થાને ધકેલી દીધું છે અને 118 પોઈન્ટની સાથે બીજા સ્થાને મજબૂતી સાથે કદમ જમાવી દિધા છે.
ટીમ ઈન્ડિયાએ અત્યાર સુધીમાં ગાબામાં સાત મેચ રમી છે અને પહેલી વખત જીત પ્રાપ્ત કરી



છે. આ જીતની સાથે ટીમ ઈન્ડિયા ટેસ્ટ ચેમ્પિયનશિપના પોઈન્ટ ટેબલમાં પ્રથમ ક્રમાંક પહોંચી ગઈ છે. પોઈન્ટ ટેબલ મુજબ, ટીમ ઈન્ડિયાના કુલ 430 પોઈન્ટ થઈ ગયા છે. તો ટીમની વિનિંગ પર્સન્ટેજ 71.1 ટકા છે, જે સૌથી
વધુ છે. ભારતે અત્યાર સુધીમાં પાંચ સીરીઝ અંતર્ગત કુલ 13 મેચ રમી છે જેમાંથી 9માં જીત હાંસલ કરી છે. ભારતીય ટીમને ત્રણ મેચમાં હારનો સામનો કરવો પડ્યો છે. જ્યારે કે એક મેચ ડ્રો રહી છે. ગાબામાં હાર મેળવ્યા બાદ ઓસ્ટ્રેલિયા આ પોઈન્ટ ટેબલમાં ત્રીજા સ્થાને ધકેલાઇ ગયું છે.





રિલેટેડ ન્યૂઝ