ચીનમાં થિયેટર્સ ખુલ્યા પણ જોનારા કોઈ ના મળ્યા રે લોલ !

નવીદિલ્હી,તા.26
સમગ્ર દુનિયામાં કોરોના વાયરસનો હાહાકાર જોવા મળી રહ્યો છે. આ જીવલેણ વાયરસ ચીનથી ફેલાવાની શરૂઆત થઈ હતી જેને કારણે હજારો લોકોના મોત થયા. ચીન બાદ હવે આ વાયરસ એશિયાના અન્ય દેશો, યૂરોપ અને અમેરિકા સુધી પહોંચી ગયો છે. મોટાભાગના દેશો આ વાયરસને કારણે લોકડાઉન કરવામાં આવ્યા છે. ચીનમાં લોકડાઉન લાંબા સમયથી ચાલી રહ્યું છે જેમાં થિયેટર્સ અને અન્ય જાહેર સ્થળો બંધ કરવામાં આવ્યા હતા.
હાલમાં જે સમાચાર આવી રહ્યા છે તે મુજબ હવે ચીનમાં આ વાયરસ પર કાબુ મેળવી લેવામાં આવ્યો છે. કોરોનાના વાયરસના કેસોમાં ઘટાડો જોવા મળી રહ્યો છે. તેને ધ્યાનમાં રાખીને ચીનની


સરકારે થિયેટર્સને ખોલવાની જાહેરાત કરી દીધી છે. મીડિયા રિપોટ્સ મુજબ ચીને પોતાના 17 હજાર થિયેટર્સમાંથી 500 થિયેટર્સ ખોલવાની પરવાનગી આપી છે. આ થિયેટર્સ એવા વિસ્તારોમાં છે જ્યાં છેલ્લા એક
મહિનાથી કોરોના વાયરસનો એક પણ કેસ આવ્યો નથી.
જોકે કોરોના વાયરસનો ડર હજુ પણ એટલો જ છે. સોમવારે ઓપન થયેલા આ થિયેટર્સમાં કોઈ પણ શોની એક પણ ટિકિટ વેચાઈ નથી. તેનાથી ખ્યાલ આવી શકે છે કે હુજ પણ લોકો
ભીડભાડવાળી જગ્યા પર જવાનું ટાળી રહ્યા છે. ઉલ્લેખનીય છે કે ભારત સહિત દુનિયાભરના દેશોમાં થિયેટર્સને બંધ કરી દેવામાં આવ્યા છે.

રિલેટેડ ન્યૂઝ