ડોન્ટ વરી; દોઢ વર્ષ ચાલે એટલું અનાજ છે

કેન્દ્ર સરકાર રાજ્યોને ‘ઉધાર’માં અનાજ આપશે
(પ્રતિનિધિ)
નવીદિલ્હી તા,25
કોરોના વાઇરસને પગલે દેશભરમાં લોકડાઉન કરી દેવામાં આવ્યું છે. ત્યારે સરકારે એક મહત્વપૂર્ણ
માહિતી આપતા જણાવ્યું છે કે, દક્ષિણ એશિયાના દેશોમાં અનાજનું સારું એવું ઉત્પાદન થયું છે. જેના પગલે સરકારે અનાજનો એટલો સ્ટોક કરી રાખ્યો છે કે, જો લોકડાઉનનો સમય વધારવો પડે તો પણ કોઈ ચિંતા કરવાની જરૂર નથી. સરકારે કહ્યું કે, ગરીબોને દોઢ વર્ષ સુધી અનાજ આપી શકાય તેટલા અનાજનો સરકારે સ્ટોક કરી રાખ્યો છે.
સરકારી કંપની ફૂડ કોર્પોરેશન ઓફ ઈન્ડિયાના ચેરમેન ડી વી પ્રસાદે બ્લૂમબર્ગને જણાવ્યું કે,
વિશ્વની બીજા નંબરની વસ્તી ધરાવતા આ દેશમાં અનાજની અછત નહીં પડે. તેમણે કહ્યું કે, એપ્રિલના અંત સુધીમાં દેશભરમાં આવેલા ગોડાઉનોમાં 10 કરોડ ટન અનાજનો જથ્થો થઈ જશે. સરકારના વિવિધ વેલફેર પ્રોગ્રામ અંતર્ગત 5થી 6 કરોડ ટન અનાજની જરૂર પડે છે. વર્ષ 2019-20માં ભારતમાં 29.2 કરોડ ટન જેટલું રેકોર્ડ પ્રમાણમાં અનાજનું ઉત્પાદન થવાની શક્યતા છે.
પ્રસાદે કહ્યું કે, જ્યાં સુધી ઘઉં અને ચોખાની વાત છે તો તે માટે
ચિંતા કરવાની કોઈ જરૂર નથી. તેમણે કહ્યું કે, હજુ પણ કેટલીક રેશનિંગની દુકાનોમાં તેમની જરૂરિયાત મુજબનો સ્ટોક રાખવાની કેપેસિટી નથી. ફૂડ મિનિસ્ટર રામ વિલાસ પાસવાને ગત સપ્તાહે કહ્યું હતું કે,


જાહેર વિતરણ વ્યવસ્થાના લાભાર્થીઓ તેમના કોટામાંથી છ મહિના સુધીનું સબસિડીવાળું અનાજ તાત્કાલિક મેળવી શકશે.
રાજ્યોએ છ મહિના માટેની માંગને પહોંચી વળવા માટે કેન્દ્ર પાસેથી 3 કરોડ ટન ઘઉં અને
ચોખા ખરીદવાની જરૂર પડશે, એમ પ્રસાદે જણાવ્યું હતું. તેમણે કહ્યું કે, હાલમાં સરકાર પાસે 6.4 કરોડ ટન ઘઉંનો જથ્થો છે અને એપ્રિલમાં નવો પાક આવશે ત્યારે સરકાર પાસે વધારે સ્ટોક થઈ જશે.
નાણામંત્રી
નિર્મલા સિતારમણે સોમવારે ટ્વિટર પર કહ્યું હતું કે, રાજ્ય સરકારો ફૂડ કોર્પોરેશન પાસેથી ક્રેડિટ પર અનાજ લઈ શકશે. આ નિર્ણયને કારણે રાજ્યોને જરૂરિયાતમંદ લોકોને અનાજ પહોંચાડવામાં રોકડની અછતની સમસ્યા નડશે નહીં.
ફાર્મ મંત્રાલયના જણાવ્યા મુજબ, દેશમાં અનાજનું ઉત્પાદન 2019-20માં વધ્યું છે, જે એક વર્ષ પહેલા 28.52 કરોડ ટન હતું. ચોખાના ઉત્પાદનમાં 11.74 કરોડ ટનનો અત્યાર સુધીનો સૌથી મોટો વધારો જોવા
મળ્યો છે. જ્યારે ઘઉંના ઉત્પાદનમાં પણ ઐતિહાસિક 10.06 કરોડ ટનનો વધારો જોવા મળી શકે છે.
ચીન પણ ફૂડ સપ્લાય જાળવી રાખવાનો પ્રયાસ કરી રહ્યું છે. સરકારે ઈન્ડિકા રાઈસની ખરીદ કિંમતમાં વધારો કર્યો છે,
જેથી ખેડૂતો વર્ષમાં બે વખત પાક લેવા પ્રેરાય.

રિલેટેડ ન્યૂઝ