દિલ્હીમાં તોફાનીઓ સાથે દેખાયા ‘આપ’ના નેતા

નવી દિલ્હી: ઉત્તર-પૂર્વ દિલ્હીમાં સુરક્ષા કર્મચારીઓના ધાડેધાડા ઉતરી આવ્યા છે. એનએસએ અજિત ડોભાલની વિસ્તારમાં મુલાકાત પછી શાંતિ છે, પરંતુ છેલ્લા 3 દિવસમાં થયેલી હિંસા અને તસવીરો તેમજ અને વિડીયો હવે બહાર આવી રહ્યાં છે. જે ખૂબ જ ભયાનક છે. બુધવારે રાતે આવો જ એક વિડીયો સોશિયલ મીડિયા પર વાઈરલ થયો હતો. જેમાં કથિત રીતે આપના કોર્પોરેટર તાહિર હુસૈન હિંસા કરી રહેલા યુવકો સાથે હાથમાં ડંડો લઈને જોવા મળે છે. તાહિરે આરોપોનો બચાવ કરતા કહ્યું કે તેમની છત પર જબરદસ્તીથી લોકો ઘૂસી આવ્યા હતાં. પોલીસની મદદથી તેને ખાલી કરાવવામાં આવ્યું હતું.
હકીકતમાં, વિડીયો બીજેપીના કપિલ
મિશ્રાએ શેર કર્યો છે. તેમનો દાવો છે કે આ વિડીયોમાં છત પર મરુન સ્વેટરમાં જોવા મળતો વ્યક્તિ આપ કોર્પોરેટર તાહિર હુસૈન છે. આ છત પરથી જ પેટ્રોલ બોમ્બ અને પત્થર ફેંકવામાં આવ્યા હતાં. કપિલ મિશ્રાએ ટ્વીટ કરી કે,મરુન હાફ સ્વેટરમાં આપનો કોર્પોરેટર તાહિર હુસૈન, હાથમાં લાઠી, છતમાં નકાબ લગાવેલા છોકરાઓ. આ છતમાંથી જ પથ્થરમારો થયો હતો. પેટ્રોલ બોમ્બ ફેંકવામાં આવ્યા હતાં. ગોળીબાર થયો હતો. કપિલ મિશ્રાએ આઈબી કર્મચારી અંકિત શર્માની હત્યા પાછળ પણ તાહિરનો જ હાથ હોવાનું કહ્યું છે.
નોંધનીય છે કે અંકિતના પરિવારનો આરોપ છે કે, ઘરની પાસે અંકિતને ઘસેડીને તાહિરના લોકો જ લઈ ગયા હતાં. જે પછી
તેનો મૃતદેહ મળી આવ્યો હતો.
નોંધનીય છે કે સોશિયલ મીડિયા પર શેર થઈ રહેલા આ વિડીયોમાં છત પર અનેક યુવકો જોવા મળે છે અને પથ્થરો ફેંકી રહ્યાં છે. કેટલાકના હાથમાં ડંડા પણ જોવા મળે છે. તેની સાથે ડંડા


લઈને તાહિર પણ જોવા મળે છે. આ વિડીયો સામેની અગાશી પરથી બનાવવામાં આવ્યો છે. જેમાં મહિલાઓ અને પુરુષોના અવાજ આવી રહ્યાં છે. આ સાથે જ બેકગ્રાઉન્ડમાં શોરબકોરનો અવાજ આવી રહ્યો છે. જેમાં એવું લાગી
રહ્યું છે કે નીચે હિંસા થઈ રહી છે. વિડીયોમાં મહિલાઓ અને પુરુષો એવું બોલતા સાંભળવા મળે છે કે તાહિરે અગાશી પર લોકોને એકઠા કર્યા છે અને તેઓ જ પથ્થર ફેંકી રહ્યાં છે અને રમખાણ મચાવી રહ્યાં છે.
વિડીયોમાં લોકો એવું કહેતા સાંભળવા મળે છે કે, પથ્થર જમા કરાવવામાં આવી રહ્યાં છે જેથી રાતમાં ફેંકી શકાય. ટ્રેમાં ભરીને પથ્થર લાવી રહ્યાં છે. આ દરમિયાન તાહિર ફોન પર વાત કરી રહ્યો છે. વિડીયોમાં તાહિરનો ભાઈ પણ જોવા મળે છે. લોકો ઘરની નીચેથી પથ્થર ફેંકી રહ્યાં છે અને નીચે અનેક જગ્યાએ આગ લાગી છે. જેનો ધૂમાડો પણ નીકળી રહ્યો છે.
તાહિરે આ સવાલો દરમિયાન વિડીયો જાહેર કરીને પોતાનો બચાવ કર્યો.
તેણે કહ્યું કે, પરમદિવસે પણ અમારા વિસ્તારમાં હિંસા થઈ રહી હતી. અમે પોલીસને ફોન કર્યો. ભારે ભીડ અમારી ઓફિસનો ગેટ તોડીને અમારી અગાશી પર પહોંચી હતી. હું પોલીસના સંપર્કમાં જ હતો. પોલીસ આવી અને તેમની દેખરેખમાં જ સમગ્ર બિલ્ડિંગની તપાસ થઈ અને મને મારા પરિવાર સાથે સુરક્ષિત સ્થાન પર ખસેડવામાં આવ્યો. મને કહેવામાં આવ્યું કે અહીં રહેવું સુરક્ષિત નથી.

રિલેટેડ ન્યૂઝ