CAB લોકસભામાં પાસ: PM ખુશ હૂવે !

નવી દિલ્હી: તા. 10
નાગરિકતા સંશોધન બિલને લોકસભાએ મંજૂરી આપી દીધી છે. આ બિલના પક્ષમાં 311 વોટ પડ્યા, જ્યારે 80 સાંસદોએ તેની વિરુદ્ધમાં મતદાન કર્યું. હવે આ બિલને રાજ્યસભામં રજૂ કરાશે. પાકિસ્તાન, બાંગ્લાદેશ અને અફઘાનિસ્તાનથી આવેલા શરણાર્થીઓને આ બિલમાં નાગરિકતા આપવાનો પ્રસ્તાવ છે. આ બિલમાં આ ત્રણ દેશોમાંથી આવનારા હિંદુ, જૈન, શીખ, બૌદ્ધ, પારસી અને ખ્રિસ્તી સમુદાયના શરણાર્થીઓને નાગરિકતાનો
પ્રસ્તાવ છે.
જેડીયુ, બીજેડી અને વાયઆરએસ કોંગ્રેસ જેવા પક્ષો તરફથી લોકસભામાં બિલનું સમર્થન કરાયા બાદ હવે રાજ્યસભામાંથી પણ તે પાસ થવાની આશા વધી ગઈ છે. આ પહેલા બિલ પર ચર્ચાનો જવાબ આપતા ગૃહ મંત્રી અમિત શાહે કહ્યું કે, આ બિલ લાખો કરોડો લોકોને યાતનામાંથી મુક્તિ આપશે. તેમણે કહ્યું કે, આ બિલ કોઈ સમુદાય વિશેષ માટે નથી, પરંતુ લઘુમતીઓ માટે છે.
નાગરિકતા સંશોધન બિલ લોકસભામાં પસાર થવા પર પીએમ મોદીએ ટ્વિટ કરી સાંસદોનો આભાર માન્યો હતો. તેમણે ટ્વિટ કરી કે, સમૃદ્ધ અને લાંબી ચર્ચા બાદ નાગરિકતા સંશોધન બિલ, 2019 લોકસભામાં પાસ થયું તે આનંદની વાત છે. હું સાંસદો અને પાર્ટીઓનો આ બિલનું સમર્થન કરવા બદલ આભાર માનું છું.
અમિત શાહે કહ્યું કે 1947માં પાકિસ્તાનમાં અલ્પસંખ્યકોની વસ્તી 23 ટકા હતી, જોકે, 2011માં 3.7 ટકા થઈ હતી. બાંગ્લાદેશમાં 47માં 22 ટકા વસ્તી હતી, જોકે, 2011માં આ 7.8 થઈ હતી. છેલ્લે આ લોકો ક્યાંક ચાલ્યા ગયા અથવા તો મારવામાં આવ્યાં. ભાગી ગયા અથવા તો ધર્માંતરણ થઈ ગયું. આખરે તેમનો દોષ શું હતો? અમે ઈચ્છીએ છીએ કે આ લોકોનું સન્માન જળવાય. એવું કહેવામાં આવે છે કે ભારત હિંદુ રાષ્ટ્ર બનવા જઈ રહ્યું છે.

રિલેટેડ ન્યૂઝ