SPG થી ‘છૂટકારો’ મળતાં રાહુલ ગાંધી ‘હળવા’ થયા !

નવી દિલ્હી તા.9
સરકારે ગાંધી પરિવારની એસપીજી સુરક્ષા પાછી લઈ લીધી છે. તે પછી રાહુલ ગાંધીએ ટ્વિટ કરી એસપીજીના જવાનોનો આભાર માન્યો છે. તેમણે કહ્યું કે, એસપીજીના બધા ભાઈઓ અને બહેનોનો ઘણો-ઘણો આભાર, જેમણે વર્ષો સુધી મારી અને મારા પરિવારની સુરક્ષાની જવાબદારી નિભાવી. તમારા સમર્પણ માટે આભાર. તમારો સતત સહકાર મળ્યો અને આ સફર શીખ અને પ્રેમભર્યો રહ્યો હતો. તે અમારું સૌભાગ્ય હતું. ભવિષ્ય માટે શુભેચ્છાઓ. ઉલ્લેખનીય છે કે, સોનિયા ગાંધી, રાહુલ ગાંધી અને પ્રિયંકા ગાંધીની એસપીજી સુરક્ષા હટાવવાનો નિર્ણય લેવાયો છે. હવે તેમને ઝેડ પ્લસ સિક્યોરિટી આપવામાં આવશે.
આ પહેલા ઓગસ્ટમાં સરકારે પૂર્વ વડાપ્રધાન મનમોહન સિંહની એસપીજી સુરક્ષા પાછી ખેંચી લીધી હતી. ગાંધી પરિવારની એસપીજી સુરક્ષા પાછી લેવા પર કોંગ્રેસે કેન્દ્ર સરકાર પ્રત્યે નારાજગી વ્યક્ત કરી. કોંગ્રેસના વરિષ્ઠ નેતા અહમદ પટેલે કહ્યું કે, એ બે પૂર્વ વડાપ્રધાનોના પરિવારોની સુરક્ષા સાથે સમજૂતી થઈ, જેમણએ આતંક અને હિંસા સામે કાર્યવાહી કરી હતી.

રિલેટેડ ન્યૂઝ