ઝાડ કાપવાના મુદ્દે રોહિત શર્મા ધોવાયો

નવી દિલ્હી તા,9
ભારતીય ટીમના ઓપનિંગ બેટ્સમેન રોહિત શર્માએ મંગળવારે કહ્યું કે, મુંબઈની આરે કોલોનમાં વૃક્ષોનું છેદન ખૂબ જ ખરાબ છે. મુંબઈનો આ વિસ્તાર થોડો-ઘણો હરિયાળો છે અને અહીંના તાપમાનમાં થોડું અંતર રહે છે તેનું કારણ આરે કોલોની છે.
રોહિતે મંગળવારે ટ્વીટ કરી વૃક્ષછેદનનો વિરોધ કર્યો. તેણે લખ્યું, આ ખબરમાં ભલે વધારે કંઈ ન થાય પણ વૃક્ષોને કાપવા ખૂબ જ ખરાબ છે. મુંબઈનો આ હિસ્સો હર્યોભર્યો રહે છે અને અહીંનું તાપમાન પણ થોડું હળવું રહે છે તેનું કારણ આરે કોલોની છે. આપણે આને કેવી રીતે છીનવી શકીએ. સાથે જ હજારો જાનવરોને પણ ન ભૂલો, જેમની પાસે હવે રહેવા માટે જગ્યા નહીં હોય. બોમ્બે હાઈકોર્ટે ચાર ઑક્ટોબરના રોજ મહારાષ્ટ્ર સરકારને વૃક્ષો કાપવાની પરવાનગી આપી હતી. ત્યારબાદ રાજ્ય સરકારે મેટ્રો પ્રોજેક્ટ માટે વૃક્ષો કાપવાના સરૂ કરી દીધા હતા. જોકે, સોમવારે સુપ્રીમ કોર્ટે આરે કોલોનીમાં વૃક્ષછેદન પર રોક લગાવી દીધી હતી અને રાજ્ય સરકારને આદેશ આપ્યો હતો કે, 21 ઑક્ટોબરે થનારી આ કેસની આગામી સુનવણી સુધી યથાવત સ્થિતિને જાળવી રાખે. સુપ્રીમે રાજ્ય સરકારના તે નિવેદનને નોંધી લીધું છે તેમાં તેણે કહ્યું હતું કે, હવે આરેમાં વૃક્ષો કાપવામાં નહીં આવે. જોકે, રોહિતનું આ પ્રકારનું ટ્વીટ લોકોને પસંદ ન આવ્યું. કેટલાકે ટ્વીટ પર જવાબ આપતા કહ્યું કે, તેણે રમત પર ધ્યાન આપવું જોઈએ અને આ પ્રકારની વિવાદાસ્પદ ટિપ્પણીથી બચવું જોઈએ. એક યૂઝરે એમ પણ કહ્યું કે, રોહિતના ક્રિકેટના બેટ માટે પણ 10-20 વૃક્ષો કાપવામાં આવે છે, આવામાં તેણે ક્રિકેટ રમવાનું છોડી દેવું જોઈએ.

રિલેટેડ ન્યૂઝ