જુગાર રમાડવાના આરોપી ‘કોહલી’ની ધરપકડ કરો!

- બોલિવૂડ એકટ્રેસ તમન્ના ભાટિયા સામે પણ કેસ
નવી દિલ્હી: ભારતીય ટીમના કેપ્ટન વિરાટ કોહલી વિરુદ્ધ મદ્રાસ હાઈકોર્ટમાં એક અરજી દાખલ કરવામાં આવી છે. વિરાટ ઉપરાંત બોલિવૂડ એક્ટ્રેસ તમન્ના ભાટિયા પર ઓનલાઈન જુગારને પ્રોત્સાહન આપવાનો આરોપ લગાવાયો છે. ચેન્નાઈના એક વકીલ તરફથી આ અરજી દાખલ કરવામાં આવી છે. જેમાં વિરાટ અને તમન્નાની ધરપકડ કરવાની માગણી કરવામાં આવી છે.
રિપોર્ટ
અનુસાર, અરજી કરનારે હાઈકોર્ટને ઓનલાઈન જુગારને પ્રતિબંધ કરવા માટે નિર્દેશની માગણી કરી છે. તેણે એક યુવકનો પણ ઉલ્લેખ કર્યો છે, જેણે તાજેતરમાં જ આત્મહત્યા કરી હતી. કારણકે તે ઓનલાઈન જુગાર માટે લીધેલા રુપિયા પરત કરી શક્યો નહોતો.
અરજીમાં કહેવામાં આવ્યું છે કે યુવાનો ઓનલાઈન જુગારની લતમાં ફસાઈ રહ્યાં છે અને જુગાર કંપનીઓ વિરાટ અને તમન્ના જેવા સ્ટાર્સનો ઉપયોગ યુવાનોનો બ્રેનવોશ કરવા



માટે કરી રહી છે વિરાટ અન્ય સ્ટાર્સની જેમ જ ઓનલાઈન જુગારને પ્રમોટ કરતા એક જાહેરાતમાં જોવા મળ્યો. અરજી કરનારે તામિલનાડુમાં તાજેતરમાં જ આત્મહત્યાના વધતા કેસનો પણ ઉલ્લેખ કર્યો છે. જ્યાં
યુવાનોએ ઓનલાઈન જુગારમાં અઢળક રુપિયા ગુમાવ્યા પછી આવું પગલું ઉઠાવ્યું હોય.

અરજી કરનારે એ પણ જણાવ્યું છે કે, યુવાનો જુગાર રમવા માટે ઉધાર અને વ્યાજ પર રુપિયા લે છે અને જ્યારે તેઓ હારી જાય છે ત્યારે આત્મહત્યા કરવાનું વિચારે છે. અરજી કરનારે આ ઓનલાઈન ગેમની સરખામણી બ્લુ વ્હેલ ગેમ સાથે પણ કરી હતી. જેના કારણે અનેક યુવાનોએ પોતાનો જીવ ગુમાવ્યો હતો, જે આ ગેમની લત ધરાવતા હતાં.



રિલેટેડ ન્યૂઝ