85 વર્ષ જૂની 7600 ટનની ઇમારતનું ‘અખંડ’ સ્થળાંતર

ચીનનાં એન્જીનિયરોએ 7600 ટન વજનની એક બિલ્ડીંગને તોડ્યા વિના એક સ્થળેથી બીજા સ્થાન પર શિફ્ટ કરી દીધી છે, આ ઇમારત શાંઘાઇ શહેરની એક સ્કુલ છે, જેને 1935માં બનાવવામાં આવી હતી. આ સમગ્ર પ્રક્રિયામાં ચીનનાં એન્જિનિયરોએ અદ્ધતન ટેકનોલોજીનો ઉપયોગ કર્યો છે, તેમની આ કમાલનો વિડિયો પણ સોસિયલ મિડિયામાં ઘણો વાયરલ થયો છે. સ્થાનિક વહીવટીતંત્રનાં જણાવ્યા અનુસાર, જ્યાં આ સ્કુલ છે, ત્યાં એક નવી બિલ્ડીંગ ઉભી થઇ રહી છે, ઐતિહાસિક હોવાના કારણે એન્જિનિયરોએ તેને તોડી પાડવાનાં બદલે તેને શિફ્ટ કરવા અંગે વિચાર્યું અને તેમની આ કવાયતમાં તે એન્જિનિયરોની ટીમ સફળ રહી. ચીનનાં સરકારી મિડિયા અનુસાર એન્જિનિયરોએ આ માટે 198 રોબોટિક ટ્રુલનો ઉપયોગ કર્યો અને હજારો ટનની ઇમારતને ખસેડીને લગભગ 62 મીટર દુર લઇ જવામાં આવી. ચીનનાં મિડિયા સીસીટીવી ન્યુઝ નેટવર્કનાં જણાવ્યા પ્રમાણે



આ કામમાં લગભગ 18 દિવસોનો સમય લાગ્યો. 15 ઓક્ટોબરનાં દિવસે આ કામને પુરૂ કરી લીધું હતું. અત્યાર સુધી ઇમારતોને મોટા પ્લેટફોર્મ પર વધુ ક્ષમતાવાળી રેલ અથવા તો ક્રેનથી ખેંચવામાં આવતી હતી, પરંતું આ
કામમાં રોબોટિક લેગ્સનો ઉપયોગ કરવામાં આવ્યો છે, તે ખરેખર અદભુત હતું. આ પહેલા 2017માં 135 વર્ષ જુના અને લગભગ બે હજાર ટન વજનનાં ઐતિહાસિક બૌધ્ધ મંદિરને લગભગ 30 મીટર સુધી ખસેડવામા આવ્યું હતું, તેમાં લગભગ 15 દિવસ લાગ્યા હતા.





રિલેટેડ ન્યૂઝ