ગોવિંદા અને તેની પત્ની સુનિતા આહુજાને વચ્ચે ચાલી રહેલી અફવાઓ વચ્ચે, બોલિવૂડના નંબર 1 હીરોએ પહેલી વાર ખુલીને વાત કરી છે. છેલ્લા ઘણા મહિનાઓથી, તેમના લગ્નજીવનમાં તિરાડ પડી હોવાના અહેવાલો સામે આવી રહ્યા છે, જેના કારણે લોકો વિચારી રહ્યા છે કે તેમના સંબંધોનું ભવિષ્ય શું હશે. હવે, ગોવિંદાએ પોતાનું મૌન તોડયું છે.
ગોવિંદાએ કહ્યું, મેં તાજેતરમાં જોયું છે કે જ્યારે આપણે ચૂપ રહીએ છીએ, ત્યારે આપણને નબળા માનવામાં આવે છે અથવા આપણને બધી સમસ્યાઓનું મૂળ માનવામાં આવે છે. એટલા માટે હું આજે જવાબ આપી રહ્યો છું. મને પહેલાથી જ કહેવામાં આવ્યું હતું કે મારા પરિવારના સભ્યો કોઈ મોટા ષડયંત્રનો ભાગ બની શકે છે, અને તેનો ખ્યાલ પણ નથી આવતો.
પત્ની સાથેના તેમના સંબંધો વિશે, અભિનેતા ગોવિંદાએ કહ્યું, કેટલીકવાર પરિવારો સુનિયોજિત ષડયંત્રનો ભોગ બને છે, જેના કારણે અલગ થઈ જાય છે. મને પહેલાથી જ કહેવામાં આવ્યું હતું કે આવી સ્થિતિમાં, મારા પરિવારનું શોષણ થશે અને હું સમાજથી અલગ થઈ જઈશ.
ગોવિંદાએ આગળ કહ્યું, મેં કૃષ્ણાને એમ પણ કહ્યું હતું કે તેનો ઉપયોગ મારું અપમાન કરવા માટે થઈ રહ્યો છે, તેથી તેણે મારા સન્માનનું પણ ધ્યાન રાખવું જોઈએ. સુનિતા આના પર ગુસ્સે થતી હતી. મે આટલા વર્ષોથી જે ઉદ્યોગમાં કામ કર્યું છે તેને કલંકિત કરવા માંગતી નથી, પરંતુ સતર્ક રહેવું મહત્વપૂર્ણ છે.
અભિનેતાએ કહ્યું, હું ભગવાનને પ્રાર્થના કરું છું કે મને આ મુશ્કેલીમાંથી બહાર કાઢે અને મારા બાળકોના સુખાકારી માટે પણ પ્રાર્થના કરું છું. હું ફક્ત એટલું જ ઇચ્છું છું કે કોઈ ગેરસમજ ન થાય અને મને ગૂંગળામણ ન થાય. હું ખાસ કરીને મારા પોતાના પરિવારને હાથ જોડીને આ વિનંતી કરું છું.