Connect with us

ક્રાઇમ

મુંબઈ ATSએ ચાર બાંગ્લાદેશી ઘૂસણખોરની કરી ધરપકડ, નકલી આધાર કાર્ડ સાથે કર્યું હતું મતદાન

Published

on




દેશમાં ગેરકાયદેસર રીતે રહેતા બાંગ્લાદેશી નાગરિકો સામે મહારાષ્ટ્ર ATS દ્વારા મોટી કાર્યવાહી કરવામાં આવી છે. મુંબઈ એન્ટી ટેરરિઝમ સ્ક્વોડ (ATS) એ બનાવટી દસ્તાવેજોનો ઉપયોગ કરીને ભારતીય પાસપોર્ટ અને મતદાર આઈડી કાર્ડ બનાવવા બદલ ચાર બાંગ્લાદેશી નાગરિકોની ધરપકડ કરી છે. ચારેયને આજે મઝગાંવ કોર્ટમાં રજૂ કરવામાં આવ્યા હતા. કોર્ટે ત્રણને જ્યુડિશિયલ કસ્ટડીમાં અને એકને 14 જૂન સુધી એટીએસ કસ્ટડીમાં મોકલી દીધા છે.

અધિકારીઓએ આજે જણાવ્યું હતું કે એક ચોક્કસ બાતમીના આધારે, એટીએસના મુંબઈના જુહુ યુનિટે રિયાઝ હુસૈન શેખ (33), સુલતાન સિદ્ધિયાઉ શેખ (54), ઇબ્રાહિમ શફીઉલ્લા શેખ (44) અને ફારૂક ઉસ્મંગાની શેખ (39)ની ધરપકડ કરી છે. પકડાયેલા બાંગ્લાદેશીઓ નકલી દસ્તાવેજો દ્વારા લાંબા સમયથી મુંબઈના જુદા જુદા ભાગોમાં ગેરકાયદેસર રીતે રહેતા હતા. તેમણે ગયા મહિને લોકસભાની ચૂંટણીમાં પણ મતદાન પણ કર્યું હતું.

એટીએસના જણાવ્યા મુજબ આરોપીઓ બાંગ્લાદેશના વતની છે અને મુંબઈના જુદા જુદા ભાગોમાં ગેરકાયદેસર રીતે રહેતા હતા. એક અધિકારીએ જણાવ્યું કે પકડાયેલા બાંગ્લાદેશી નાગરિકો ઘણા વર્ષો પહેલા ગેરકાયદેસર રીતે ભારતમાં પ્રવેશ્યા હતા. તપાસમાં સામે આવ્યું છે કે આરોપીઓએ પોતાને ભારતીય નાગરિક સાબિત કરવા માટે ભારતીય પાસપોર્ટ પણ બનાવ્યા હતા. આરોપીઓએ પાસપોર્ટ મેળવવા માટે બનાવટી દસ્તાવેજોનો ઉપયોગ કર્યો હતો, જે સુરત, ગુજરાતના રહેવાસી હોવાનો દાવો કર્યો હતો.

એક અધિકારીના જણાવ્યા અનુસાર ATSએ વધુ 5 બાંગ્લાદેશીઓને ઓળખી લીધા છે અને તેમની શોધ ચાલી રહી છે. ધરપકડ કરાયેલા બાંગ્લાદેશીઓની જેમ આ પાંચેયને પણ આવી જ રીતે બનાવેલા પાસપોર્ટ મળ્યા હતા અને તેમાંથી એક સાઉદી અરેબિયા પણ ગયો હતો. એટીએસની તપાસમાં એ પણ સામે આવ્યું છે કે આરોપીઓએ તાજેતરમાં યોજાયેલી ચૂંટણીમાં પણ પાસપોર્ટની મદદથી મતદાન કર્યું હતું. અધિકારીઓએ જણાવ્યું કે આરોપીઓએ નકલી નાગરિકતાના દસ્તાવેજો આપીને મતદાર ઓળખ કાર્ડ મેળવ્યા હતા અને લોકસભા ચૂંટણીમાં મતદાન કર્યું હતું

ક્રાઇમ

ગાંજાના રવાડે ચડેલા 150 સગીર નબીરાઓનું કાઉન્સેલિંગ

Published

on

By

વિદેશથી ગિફટ આર્ટિકલની આડમાં મગાવાયેલ કરોડો રૂપિયાનો ગાંજો ઝડપાયા બાદ પોલીસનું નવું અભિયાન

નશાના રવાડે ચડેલા 15 થી 17 વર્ષના તરુણોના વાલીઓને પણ બોલાવી અપાઇ ચેતવણી, 7 પેડલરોની ધરપકડ

અમદાવાદ ક્રાઇમ બ્રાંચે વિદેશી પાર્સલમાં છુપાવીને મોકલેલા રૂા.3.48 કરોડા 11 કિલો હાઇબ્રીડ અને 60 શીશી લીકવીડ ગાંજાનો જથ્થો ઝડપી પાડી તપાસ કરતા ગુજરાતના 7 પેડલરોની ધરપકડ કી છે. અમદાવાદ, સુરત, ભરૂચ, અંકલેશ્ર્વર અને પાલનપુરના પેડલરોની પુછપરછ શરૂ કી છે. બીજી તરફ આ ગાંજો મંગાવનાર 15 થી 17 વર્ષના 150 તરૂણોનું કાઉન્સલીંગ કરી આવા નશાના રવાડે ચડેલા તરૂણોના પરિવારજનોને પણ ચેતવ્યા હતા.
ક્રાઇમ બ્રાંચે પ્રાથમિક તપાસમાં અમદાવાદ, વડોદરા, સુરત અને પાલનપુરના સાત તરુણોની પૂછપરછ કરી હતી. જ્યારે 20 દિવસ પહેલા પણ જે ગાંજાનો જથ્થો પકડાયો હતો તેની સાથે સંકળાયેલા તરુણોની તપાસ કરતાં કૂલ દોઢસોથી વધુ તરુણ આ નશાના રવાડે ચડ્યા હોવાનું સામે આવ્યું છે અને પોલીસે તેમનું કાઉન્સેલિંગ કરીને તમને આ દૂષણથી દૂર રહેવા માટે સમજણ આપી છે.


અમદાવાદ ક્રાઇમ બ્રાંચ દ્વારા નશાના દૂષણથી તરુણો દૂર રહે તેના માટે ખાસ પ્રયાસ કરવામાં આવી રહ્યા છે. અગાઉ જ્યારે ગાંજો પકડાયો હતો ત્યારે જે તરુણોની પૂછપરછ કરવામાં આવી હતી. તેમણે જ કબૂલાત કરી હતી કે હજુ મહિનામાં એક મોટું ક્ધસાઇન્મેટ આવી રહ્યું છે. જેને પગલે પોલીસે એલર્ટ બની ગઇ હતી અને ફોરેન પોસ્ટ ઓફિસમાં જેવા રમકડાં, લંચ બોક્સ, ડાયપર, સ્પીકર અને વિટામીન કેન્ડીના 60 પાર્સલ આવ્યા કે તરત જ સ્નિફર ડોગથી તેની તપાસ કરાતા તેમાંના 58 બોક્સમાંથી કરોડો રૂૂપિયાનો હાઇબ્રીડ ગાંજો મળી આવ્યો હતો. જૈ પૈકીના બે પેકેટમાં તો લિક્વીડ ગાંજો પણ મળ્યો હતો. ક્રાઇમ બ્રાંચે આ મામલે ગુજરાતના અમદાવાદ, ભરૂચ, અંકલેશ્વર, સુરત અને પાલનપુરના 7 પેડલરોના નામ ખુલ્યજા બાદ તેની ધરપકડ કરી છે.


ડ્રગ્સના દૂષણને અટકાવવા માટે પોલીસ ડ્રગ્સ પેડલરોને પકડવાના બદલે જુદા જુદા કાર્યક્રમો કરી રહી છે. ત્યારે જ ગુજરાત પોલીસના એન્ટી ડ્રગ્સ કેમ્પેઇન ગૃહ રાજ્યમંત્રી હર્ષ સંઘવી દ્વારા શરૂૂ કરાવવામાં આવશે, જેમાં પોલીસ ડ્રગ્સ વિરોધી કાર્યક્રમો અને કાર્યવાહી કરશે.


અમદાવાદ જિલ્લા પોલીસ વડા તરીકે ફરજ બજાવતા વિરેન્દ્રસિંહ યાદવની ટીમે બોપલથી ચાલતા હાઇબ્રીડ ગાંજાના રેકેડનો પર્દાફાશ કરી બે યુવાનોને ઝડપી લીધા હતા. હવે તેમની પાસેથી નશો કરવા માટે હાઇબ્રીડ ગાંજો કોણ લેતું હતું તેની તપાસ કરવામાં આવી તો શહેરના લગભગ માલેતુજારોના સંતાનોના નામ ખુલ્યા હતા. જે પૈકી ઘણા તો વિદેશ પણ ભાગી ગયા હતા. બાકીના તરુણોનું પોલીસે કાઉન્સેલિંગ કર્યું હતું.

Continue Reading

ક્રાઇમ

માંગરોળના શીલમાં યુવકને ઝાડ સાથે બાંધી મોતને ઘાટ ઉતાર્યો

Published

on

By

જૂનાગઢ જિલ્લાના માંગરોળ પંથકમાં છેડતીના મામલે એક રખડતુ ભટકતું જીવન જીવતાં યુવકની ઝાડ સાથે બાંધી તાલીબાની સજા આપી મોતને ઘાટ ઉતારવામાં આવ્યાની ઘટના બહાર આવતાં ભારે ખળભળાટ મચી જવા પામેલ છે. આ ઘટના અંગે પોલીસે મહિલા સહિત પાંચ શખ્સો સામે હત્યાનો ગુનો નોંધી ઝડપી લેવા દોડધામ શરૂ કરી છે.


મળતી માહિતી મુજબ, માંગરોળ તાલુકાના શીલ પાસેના ચંદવાણા ગામે રહેતા સંગીતાબેન કારાભાઈ ઘોસીયા ગામની નફરી વાડી તરીકે ઓળખાતી સીમમાં નારણભાઈ ઘોસીયાના ખેતરમાં આવેલ મામાદેવના થાનકની જગ્યામાં દીવાબતી કરતા હતા. અને ચંદવાણા ગામના વરજાંગભાઈ વીરાભાઇ વાજા નામનો યુવાન મહિલા જ્યારે દિવાબતી કરવા જાય ત્યારે ત્યાં દર્શન કરવા જતો હતો. પરંતુ વરજાંગ મહિલાની પાછળ ફરે છે એવી શંકા રાખી તેમની પાછળ છેલ્લા ત્રણ દિવસથી હરેશ કારાભાઈ ઘોસીયા, તેનો ભાઈ જયેશ, પિતા કારા અરજણ તથા તેની પત્ની સંગીતા અને કંકણા ગામના સામત રાજા મજેઠીયા વરજાંગનો પીછો કરતા હતા.


દરમિયાન મોડી રાત્રે વરજાંગ મામાદેવના થાનકે દર્શન કરવા જતા આ શખ્સો તેને પકડી લઈ દોરડા વડે આંબાના ઝાડ સાથે બાંધી લાકડીઓ અને ધોકા વડે આડેધડ માર મારી મોતને ઘાટ ઉતારી દીધો હતો. અંગેની જાણ મૃતકના ભાઈ દિનેશ વીરાભાઇને થતા તેમને તેમના ભાઈનો મૃતદેહ જ હાથ આવ્યો હતો. આ અંગે શીલ પોલીસે મહિલા સહિત પાંચ શખ્સ વિરુદ્ધ હત્યાનો ગુનો નોંધી કાર્યવાહી કરી હતી વધુ તપાસ પીએસઆઇ એચ. વી. ચુડાસમા ચલાવી રહ્યા છે.

Continue Reading

ક્રાઇમ

લખતરના લીલાપુર ગામે પરિવારને ઊંઘતો રાખી 15 તોલા સોનું અને રોકડની ચોરી

Published

on

By

બફારાને કારણે પરિવાર ધાબા પર સુવા ગયો હતો, ફરિયાદને આધારે તપાસનો ધમધમાટ શરૂ

દસાડા પંથકના કચોલીયા અને દસાડામાં ચોરીની ઘટનાનું પગેરું હજી સુધી મળ્યું નથી ત્યાં લખતર તાલુકાના લીલાપુર ગામે પરિવાર બહાર અને ધાબા પર સૂતો હતો ત્યારે તસ્કરો ઘરમાં પ્રવેશ કરી કબાટમાંથી 15 તોલા સોનુ, દોઢ તોલા ચાંદી અને રૂૂ. 40 હજાર રોકડા સહિતનો મુદામાલ ચોરી કરીને ફરાર થઇ ગયા હતા. ત્યારે આ ચોરીની ઘટનાની જાણ થતાં લખતર પોલીસ બનાવના સ્થળે દોડી ગઈ હતી, જ્યારે પરિવારજનો ચોરીની ફરિયાદ કરવા લખતર પોલીસ મથકે પહોંચ્યા હતા.


પાટડી તાલુકાના કચોલીયા ગામે પરિવાર ધાબા પર સુવા ગયો અને તસ્કરોએ મકાનમાં પ્રવેશ કરી સોના ચાંદીના દાગીના અને રોકડ મળી કુલ રૂ. 90,700ની ચોરી કરી ફરાર થઇ ગયા હતા. આ ઘટનાની બીજી જ રાત્રે દસાડાનો એક રબારી પરિવાર ઘરની બહાર ફળિયામાં સૂતો હતો અને તસ્કરોએ મકાનના પાછળના ભાગે હવા ઉજાસની બારી તોડી ઘરમાં પ્રવેશ કરી લાકડાના કબાટમાંથી સોના ચાંદીના દાગીના અને રૂ.1,10,000 રોકડા મળી કુલ રૂ. 1,95,000ની ચોરી કર્યાની ફરિયાદ નોંધાયાની ઘટના હજી તાજી છે ત્યાં લખતર તાલુકાના લીલાપુર ગામે પણ સોના ચાંદીના દાગીના અને રોકડ રકમની ચોરી થયાનો બનાવ સામે આવ્યો છે.


પ્રાપ્ત વિગતાનુસાર લખતર તાલુકાના લીલાપુર ગામે રહેતા રાજુભાઈ જેસીંગભાઇનો પરિવાર ઘરની બહાર સૂતો હતો અને બાળકો ધાબા પર સૂતો હતો, ત્યારે તસ્કરોએ એમના મકાનમાં પ્રવેશ કરી તિજોરીના તાળા તોડી અંદાજે 15 તોલા સોનુ, દોઢ તોલા ચાંદી અને રૂૂ. 40 હજાર રોકડા સહિતનો મુદામાલ ચોરી કરીને ફરાર થઇ ગયા હતા. ત્યારે આ ચોરીની ઘટનાની જાણ થતાં લખતર પોલીસ બનાવના સ્થળે દોડી ગઈ હતી, જ્યારે લીલાપુર ગામના રાજુભાઈ જેસીંગભાઇ સહિતના પરિવારજનો ચોરીની ફરિયાદને આધારે પોલીસે તપાસ શરૂ કરી છે.

Continue Reading

Trending