1992માં 300 છોકરીઓને નગ્ન ફોટાની આડમાં બ્લેકમેલ કરી બળાત્કાર ગુજારાયાની થિમ ઉપર આધારિત બનશે ફિલ્મ

ગુજરાત મિરર, મુંબઇ, તા.30
વર્ષ 2022માં રિલીઝ થયેલી વિવેક અગ્નિહોત્રીની ધ કાશ્મીર ફાઇલ્સ હોય કે સુદીપ્તો સેનની ધ કેરલા સ્ટોરી, બંને ફિલ્મોને બોક્સ ઓફિસ પર જબરદસ્ત સફળતા મળી. જ્યારે કાશ્મીર ફાઇલ્સે 250 કરોડથી વધુની કમાણી કરી હતી, ત્યારે કેરળ સ્ટોરી પણ ટૂંક સમયમાં આ આંકડો પાર કરવા જઈ રહી છે. કાશ્મીર ફાઇલ્સમાં કાશ્મીરી પંડિતોની હિજરતની વાર્તા બતાવવામાં આવી હતી.
બીજી તરફ, ધ કેરળ સ્ટોરી અંગે, નિર્માતાઓ દાવો કરે છે કે આ ફિલ્મ કેરળની એક સાચી ઘટના પર આધારિત છે, જ્યારે કેરળની 30,000 થી વધુ છોકરીઓનું બ્રેઈનવોશ કરીને ધર્મ પરિવર્તનની રમત રમાઈ હતી. કાશ્મીર અને કેરળ બાદ હવે અજમેરની વાર્તા પર ફિલ્મ આવવાની છે.
હાલમાં જ અજમેરની એક સત્ય ઘટના પર ફિલ્મની જાહેરાત કરવામાં આવી છે. ફિલ્મનું ટાઇટલ અજમેર 92’ છે. આ ફિલ્મ રિલાયન્સ એન્ટરટેઈનમેન્ટના બેનર હેઠળ બનવા જઈ રહી છે, જેનું નિર્દેશન પુષ્પુંદ્ર સિંહ કરી રહ્યા છે અને ઉમેશ કુમાર તિવારી નિર્મિત છે. હાલમાં જ આ ફિલ્મનું પોસ્ટર સામે આવ્યું છે.
અજમેર 92 નું જે પોસ્ટર આવ્યું છે તે ઘણા અખબારોના કટિંગ્સમાંથી તૈયાર કરવામાં આવ્યું છે, જેમાં ઘણી મોટી અને સનસનાટીભરી હેડલાઈન્સ જોવા મળી રહી છે. જેમ કે- ન250 કોલેજીયન યુવતીઓ બની શિકાર, નગ્ન ફોટા વહેંચવા લાગ્યા, નએક પછી એક આત્મહત્યા પરથી પડદો ઉંચકાયો, આ આત્મહત્યા નહીં પણ હત્યા છે અને તેની પાછળ શહેરના મોટા લોકોનો હાથ છે. વર્ષ 1992માં અજમેરમાં આવી ઘટના બની હતી જેણે દરેકના દિલને હચમચાવી નાખ્યું હતું. કહેવાય છે કે અજમેરમાં લગભગ 300 છોકરીઓને નગ્ન ફોટાની આડમાં બ્લેકમેલ કરીને બળાત્કાર ગુજારવામાં આવ્યો હતો. કહેવાય છે કે આ ઘટનાને શહેરના એક મોટા પરિવાર અને તેમના નજીકના લોકોએ અંજામ આપ્યો હતો. મેકર્સે પોસ્ટરમાં 250 છોકરીઓનો ઉલ્લેખ કર્યો છે. જણાવી દઈએ કે આ ફિલ્મ 14 જુલાઈના રોજ સિનેમાઘરોમાં રિલીઝ થશે.

બોલીવૂડના ખેલાડી કુમાર અક્ષય કુમાર એક પછી એક પોતાની ફિલ્મને લઇને ચર્ચામાં રહે છે. તે એક વર્ષમાં ચારથી પાંચ ફિલ્મો પૂરી કરે છે. એક્ટરની ફિલ્મો પણ લોકોને ગમે છે. હાલ અભિનેતા ઉત્તરાખંડમાં પોતાની આગામી એક ફિલ્મના શૂટિંગ બાદ મુંબઇ પરત ફર્યો છે. આ દરમિયાન તે ખાનગી એરપોર્ટ પર જોવા મળ્યો હતો.

અક્ષય કુમાર ખૂબ જ શાનદાર અંદાજમાં જોવા મળ્યો હતો. અક્ષયે બ્લેક કલરનું ટ્રેક પેન્ટ અને સ્વેટ શર્ટ પહેર્યું હતું. આ સાથે તેણે બેગ કેરી કર્યું હતું, જેણે બધાનું ધ્યાન ખેંચ્યું હતું. તે એકદમ કૂલ અને ફંકી લાગતું હતું. આ બેગમાં બે એલઈડી પેનલ પણ છે. અભિનેતાની આ બેગ ઘણી મોંઘી છે. અભિનેતા તેની આ બેગ ફ્લોન્ટ કરતો જોવા મળ્યો છે. આ મોંઘી બેગની કિંમત જાણીને તમને આશ્ચર્ય થશે. અક્ષય કુમારની આ બેગની કિંમત 35,000 રૂપિયા જણાવવામાં આવી રહી છે. તેની બેગ તેની સ્ટાઇલને ખૂબ જ સૂટ કરે છે. આ બેગને અક્ષય કુમારે ફરી સ્પોટ કરી હતી. તે લંડન જવા રવાના થયો હતો.

તાજેતરમાં પોતાના શૂટિંગ દરમિયાન અક્ષય કુમાર દેવભૂમિ ઉત્તરાખંડના જુદા જુદા વિસ્તારોની મુલાકાત લેતો રહ્યો હતો. અક્ષય કુમારે બદ્રીનાથ અને કેદારનાથના દર્શન પણ કર્યા હતા. તેમણે તેમના ફોટા અને વીડિયો શેર કર્યા છે.

તમને જણાવી દઇએ કે, અક્ષય કુમાર છેલ્લે ઇમરાન હાશ્મી સાથે ફિલ્મ ‘સેલ્ફી’માં જોવા મળ્યો હતો. તે ટૂંક સમયમાં ‘હીરોપંતી’ ફેમ એક્ટર ટાઇગર શ્રોફ સાથે ‘છોટે મિયાં બડે મિયાં’માં જોવા મળશે. આ ફિલ્મની રિલીઝ ડેટ હજુ સુધી જાહેર કરવામાં આવી નથી, પરંતુ આશા રાખવામાં આવી રહી છે કે આ ફિલ્મ આ વર્ષના અંત સુધીમાં રિલીઝ થઈ જશે. આ ઉપરાંત અભિનેતા ઘણી ફિલ્મોના શૂટિંગમાં પણ વ્યસ્ત છે.

પ્રથમ નંબરે અનુપમા, યે રિશ્તા કયા કહેલાતા હૈ નંબર બે પર

TV શો તારક મહેતા કા ઉલ્ટા ચશ્મા સતત વિવાદોમાં રહે છે. તેની સીધી અસર આ અઠવાડિયે શોની TRP પર પડી છે. સતત વિવાદોને કારણે શોના નિર્માતાઓને મોટો ઝટકો લાગ્યો છે, ‘તારક મહેતા કા ઉલ્ટા ચશ્મા‘, જે હંમેશા TPR લિસ્ટમાં ટોચ પર રહે છે, તે પણ આ અઠવાડિયે ટોપ 10 ની યાદીમાંથી બહાર થઈ ગઈ છે. એવું માનવામાં આવે છે કે આ દિવસોમાં જે રીતે શોના મેકર્સ વિવાદોમાં ફસાયા છે, તેનાથી શોની લોકપ્રિયતા અને ગ્રાફમાં ઘટાડો થઈ રહ્યો છે.

બ્રોડકાસ્ટ ઓડિયન્સ રિસર્ચ કાઉન્સિલ દર અઠવાડિયે TV ઉદ્યોગમાં દરરોજની સિરિયલનું પ્રદર્શનની યાદી બહાર પાડે છે. તેના દ્વારા કયો શો કયા નંબર પર રહ્યો છે અને તેની લોકપ્રિયતાની પણ માહિતી મળી રહે છે. અસિત મોદીનો શો તારક મહેતા કા ઉલ્ટા ચશ્મા ઘણા વર્ષોથી ઝછઙ લિસ્ટમાં ટોચ પર રહ્યો છે, પરંતુ આ વખતે એવું બન્યું નહીં.

દર વખતની જેમ આ અઠવાડિયે પણ અનુપમા નંબર 1 પર રહી છે. અનુપમા અને અનુજના અલગ થવાનો ટ્વિસ્ટ ચાહકોને પસંદ આવી રહ્યો છે. શો ‘યે રિશ્તા ક્યા કહેલાતા હૈ’ આ અઠવાડિયે બીજા નંબર પર છે. ‘ગુમ હૈ કિસી કે પ્યાર મેં’ ત્રીજા નંબર પર, ‘ફાલતુ’ ચોથા નંબર પર અને ‘ઇમલી’ પાંચમા નંબર પર છે. બીજી તરફ, ‘તારક મહેતા..’ આ અઠવાડિયે 11માં નંબર પર પહોંચી ગયો છે.