ભારત અને ઓસ્ટ્રેલિયા વચ્ચે ચાલી રહેલી બોર્ડર-ગાવસ્કર ટ્રોફીની ત્રીજી ટેસ્ટના પ્રથમ દિવસની રમત વરસાદને કારણે રદ કરવામાં આવી છે. બ્રિસ્બેનમાં શનિવારે વરસાદ પડયો હતો. દિવસના છેલ્લા બે સેશનમાં એક પણ બોલ ફેંકી શકાયો નહોતો.

વરસાદ શરૂ થયો તે પહેલા ઓસ્ટ્રેલિયાએ કોઈપણ નુકશાન વિના 28 રન બનાવી લીધા હતા. નાથન મેકસ્વીની અને ઉસ્માન ખ્વાજા અણનમ પરત ફર્યા હતા. ધ ગાબા સ્ટેડિયમમાં ભારતીય ટીમે ટોસ જીતીને બોલિંગ પસંદ કરી હતી. રવિવારે બીજા દિવસની રમત અડધો કલાક વહેલા સવારે 5:20 વાગ્યે શરૂૂ થશે.

5 મેચની સિરીઝ 1-1 થી બરાબરી પર છે. આ સિરીઝમાં ભારતે પહેલી મેચ 295 રને અને બીજી મેચ ઓસ્ટ્રેલિયાએ 10 વિકેટે જીતી હતી. બ્રિસ્બેનમાં બંને ટીમ વચ્ચે અત્યાર સુધીમાં 7 મેચ રમાઈ છે, જેમાં ભારત માત્ર 1 મેચ જીતી શક્યું છે. ઓસ્ટ્રેલિયાએ 5 મેચ જીતી હતી, જ્યારે એક મેચ ડ્રો રહી હતી.
બન્ને ટીમની પ્લેઇંગ-11 ભારતમાં રોહિત શર્મા (કેપ્ટન), યશસ્વી જયસ્વાલ, કેએલ રાહુલ, શુભમન ગિલ, વિરાટ કોહલી, રિષભ પંત (વિકેટકીપર), નીતિશ કુમાર રેડ્ડી, રવીન્દ્ર જાડેજા, આકાશ દીપ, જસપ્રીત બુમરાહ (વાઇસ-કેપ્ટન) અને મોહમ્મદ સિરાજ તેમજ ઓસ્ટ્રેલિયામાં પેટ કમિન્સ (કેપ્ટન), નાથન મેકસ્વીની, ઉસ્માન ખ્વાજા, માર્નસ લાબુશેન, સ્ટીવ સ્મિથ, ટ્રેવિસ હેડ, મિચેલ માર્શ, એલેક્સ કેરી (વિકેટકીપર), મિચેલ સ્ટાર્ક, નાથન લાયન અને જોશ હેઝલવુડનો સમાવેશ થાય છે.

ખેડૂતો છેલ્લા ઘણા મહિનાઓથી શંભુ બોર્ડર પર તેમની કેટલીક માંગણીઓ માટે આંદોલન કરી રહ્યા છે. આ દરમિયાન આજે ફરી એકવાર ખેડૂતોએ દિલ્હી તરફ કૂચ કરવાનો પ્રયાસ કર્યો હતો. ખેડૂતો આગળ વધતાં પોલીસે તેમને રોકવા વોટર કેનનનો ઉપયોગ કર્યો હતો. ખેડૂતો દિલ્હી તરફ કૂચ કરે તે પહેલા જ શંભુ બોર્ડર અને તેની આસપાસના 12 ગામોની ઈન્ટરનેટ સેવા બંધ કરી દેવામાં આવી હતી.

ખેડૂત નેતા સર્વન સિંહ પઢેરે કહ્યું કે આંદોલન શરૂ થયાને 306 દિવસ થઈ ગયા છે અને જગજીત સિંહ દલ્લેવાલના આમરણાંત ઉપવાસને 18 દિવસ થઈ ગયા છે. જગજીત સિંહ દલ્લેવાલની તબિયત સતત બગડી રહી છે.

શંભુ બોર્ડર અને તેની આસપાસના વિસ્તારોમાં ઈન્ટરનેટ બંધ થવા પર પઢેરે કહ્યું કે સરકાર અમારા પર ડિજિટલ ઈમરજન્સી લાદવાની તૈયારી કરી રહી છે. અમારા સોશિયલ મીડિયા પેજ પર કાર્યવાહી કરવામાં આવી રહી છે. અમારા અવાજને દબાવવાના પ્રયાસો થઈ રહ્યા છે.

તેમણે કહ્યું કે દર વખતે હરિયાણા પોલીસ દ્વારા અમારા જૂથ સામે કાર્યવાહી કરવામાં આવે છે જે દિલ્હી તરફ આગળ વધે છે. ખેડૂતો પર હુમલા થઈ રહ્યા છે અને તેના કારણે સરકાર ખુલ્લી પડી રહી છે. અમારો સંદેશ દેશના દરેક ગામ સુધી પહોંચી રહ્યો છે. આ કારણે હચમચી ગયેલી સરકાર અમારી સામે આવાં પગલાં લઈ રહી છે.

ખેડૂત નેતા પઢેરે કહ્યું કે સુપ્રીમ કોર્ટે સારી વાત કહી છે કે સરકારે અમારી સાથે સીધી વાત કરવી જોઈએ. ખેડૂતો પર બળપ્રયોગ કરશો નહીં. અમે બંને ફોરમમાં સુપ્રીમ કોર્ટની ટિપ્પણીઓ પર ચર્ચા કરીશું અને નિવેદન આપીશું, પરંતુ સરકાર આ ટિપ્પણીઓ પર શું કરે છે તે જોવું રહ્યું.

ખેડૂતોના આંદોલનને લઈને ગઈકાલે સુપ્રીમ કોર્ટમાં સુનાવણી હાથ ધરવામાં આવી હતી. જેમાં ખેડૂતોના આંદોલનનો અંત લાવવા માંગ કરવામાં આવી હતી. જેના પર કોર્ટે કહ્યું કે અમે એવો કોઈ આદેશ આપવાના નથી જેનાથી ખેડૂતોના આંદોલનને અસર થાય. તેઓ શાંતિપૂર્ણ રીતે પ્રદર્શન કરી રહ્યા છે.

ગુજરાત-મહારાષ્ટ્ર-કર્ણાટકે ટેક્નિકલ અને ઓદ્યોગીક વિકાસમાં મેદાન માર્યું, કેરળ-રાજસ્થાન-ગોવા પ્રવાસન ક્ષેત્રે આગળ

‘બીજા કવાર્ટરમાં દેશનો વિકાસ દર 5.4% રહ્યો, પણ 25 રાજ્યોનો દેખાવ ખૂબ સારો’

બીજા ક્વાર્ટરમાં દેશની જીડીપી ભલે ઘટીને 5.4 ટકા થઈ ગઈ હોય પરંતુ કોવિડ 19 બાદ ગુજરાત સહીત દેશના 17 રાજ્યોએ 9 ટકાનો વિકાસ દર હાંસીલ કર્યો છે. ગુજરાતે કર્ણાટક અને મહારાષ્ટ્રની સાથે ટેકનીકલ તથા ઔદ્યોગીક વિકાસમાં 9 ટકાથી વધુ ગ્રોથ હાંસલ કર્યો છે. રાજય સરકારના વાઇબ્રન્ટ સમિટના કારણે ગુજરાતમાં ઔદ્યોગીક ક્ષેત્રે રોકાણ વધતા દેશના જીડીપીમાં ગુજરાતે મહત્વનું યોગદાન આપ્યું છે.

પીએચડી ચેમ્બર ઓફ કોમર્સ એન્ડ ઇન્ડસ્ટ્રીના રિપોર્ટ મુજબ, 25 રાજ્યોએ નાણાકીય વર્ષ 2021-22 અને 2022-23 દરમિયાન તેમના ગ્રોસ સ્ટેટ ડોમેસ્ટિક પ્રોડક્ટમાં 7 ટકાથી વધુ વૃદ્ધિ કરી છે. આ રિપોર્ટમાં જણાવાયુ છે કે તેમાંથી 17 રાજ્યોએ 9 ટકાના વિકાસ દરને પાર કરી લીધો છે. જેમાં ગુજરાત, કેરળ, તેલંગાણા, રાજસ્થાન, પશ્ચિમ બંગાળ, બિહાર, કર્ણાટક, ઉત્તર પ્રદેશ, હરિયાણા અને જેવા રાજ્યોનો સમાવેશ થાય છે.

પીએચડી ચેમ્બર ઓફ કોમર્સ એન્ડ ઇન્ડસ્ટ્રીના રિપોર્ટ મુજબ પંજાબ, હરિયાણા અને ઉત્તર પ્રદેશ કૃષિ ઉત્પાદનમાં અગ્રણી છે. તો છત્તીસગઢ, મધ્યપ્રદેશ અને ઓડિશાએ ખનિજ સંપત્તિનો ઉપયોગ કરીને ઔદ્યોગિક પ્રગતિ કરી છે. મહારાષ્ટ્ર, ગુજરાત અને કર્ણાટકે ટેકનિકલ અને ઔદ્યોગિક વિકાસમાં સારો દેખાવ કર્યો છે. કેરળ, રાજસ્થાન અને ગોવા જેવા પ્રવાસન રાજ્યોએ ભારતના સાંસ્કૃતિક વારસાનો લાભ લીધો છે, જેના કારણે વિદેશી હૂંડિયામણ વધ્યું છે.

તમિલનાડુ અને આંધ્ર પ્રદેશે ઈન્ફ્રાસ્ટ્રક્ચર પ્રોજેક્ટ્સમાં સારી એવી પ્રગતિ કરી છે. જ્યારે રાજસ્થાન અને ગુજરાતે પુન:પ્રાપ્ય ઉર્જામાં સારો એવો વિકાસ કર્યો છે. પૂર્વોત્તર રાજ્યોમાં કનેક્ટિવિટી સુધારે આ પ્રદેશોને વેપાર અને પર્યટનના હબમાં પરિવર્તિત કર્યા છે. કેરળ અને તમિલનાડુએ શિક્ષણ અને આરોગ્ય સેવાઓમાં નવાચાર લાવીને માનવ વિકાસ સૂચકાંકમાં સુધારો કર્યો છે. ગુજરાતમાં વાઈબ્રન્ટ ગુજરાત સમિટ, પંજાબમાં ઙઈંઝઊડ ટ્રેડ ફેર અને તેલંગાણામાં આઈટી કોરિડોર જેવી પહેલોએ વિદેશી રોકાણકારોને આકર્ષ્યા છે.

હવે ફિચે પણ વિકાસ દરનો અંદાજ ઘટાડયો
એશિયન ડેવલપમેન્ટ બેંક (એડીબી) પછી, ફિચ રેટિંગ્સે નાણાકીય વર્ષ 2024-25 માટે ભારતના આર્થિક વિકાસ દરના અંદાજને ઘટાડીને 6.4 ટકા કર્યો છે. રેટિંગ એજન્સીએ અગાઉ દેશની અર્થવ્યવસ્થા 7.0 ટકાના દરે વૃદ્ધિ પામવાનો અંદાજ મૂક્યો હતો. ગયા અઠવાડિયે મોનેટરી પોલિસી કમિટીની સમીક્ષા બાદ રિઝર્વ બેન્ક ઓફ ઈન્ડિયાએ તેની વૃદ્ધિ અનુમાન 7.2 ટકાથી ઘટાડીને 6.6 ટકા કર્યા પછી, શુક્રવારે ફિચ રેટિંગ્સે આ સુધારો કર્યો હતો. એજન્સીએ તેના તાજેતરના અંદાજમાં જણાવ્યું છે કે ભારતનો જીડીપી નાણાકીય વર્ષ 2024-25માં 6.4 ટકા અને નાણાકીય વર્ષ 2025-26માં 6.5 ટકાના દરે વૃદ્ધિ પામશે, જે નાણાકીય વર્ષ 2023-24માં 8.2 ટકા વૃદ્ધિ દર કરતાં ધીમી રહેશે .