Connect with us

ભાવનગર

ભાવનગરના સોસિયા શિપ યાર્ડના મજૂરોના રહેઠાણ તોડી નાખતા લુખ્ખા તત્ત્વો

Published

on

ભાવનગરના સોસીયા શિપ બ્રેકિંગ યાર્ડ ખાતે પ્લોટ નંબર, 147ની સામે આવેલી મજૂરોની ખોલી અમુક સામાજિક તત્વો આવીને જી.સી.બી. લગાડીને મજૂરોની ખોલી તોડી નાખવામાં આવેલ છે. અમુક મજૂરો પોતાની રોજીરોટી માટે આ સમયે પ્લોટ માં કામગીરી કરતા હતા તેમ જ અમુક મજૂરો પોતાની ખોલીયો બંધ કરીને હાલમાં અલંગ સોસીયા શિપ બ્રેકિંગ યાર્ડમાં મંદી હોવાના કારણે પોતાના વતનમાં ગયા હોવાથી ખોલીની અંદર પોતાની જીવન જરૂૂરી વસ્તુઓ પણ હતી. અલંગ સોસીયા શિપ બ્રેકિંગ યાર્ડ કામદાર સંઘ દ્વારા જે આ જમીનમાં ખોલી કરીને રહેતા હતા તે મજૂરોને ભેગા કરીને અમોએ જણાવેલ કે આ ખોલીની માલિકી તમારી કે મારી ન હોવાથી આગામી દિવસોમાં તમારે આ ખોલ્યો ખાલી કરી દેવાની રહેશે અને આ બાબતમાં તમામ મંજૂરોએ પણ સંમતિ આપેલી હતી તેમજ અમારા દ્વારા પણ ડેપ્યુટી કલેક્ટર સાહેબ તળાજાને પણ લેખિતમાં જાણ કરવામાં આવેલ કે અમે આગામી દિવસોમાં સરકારની માપણી થયા બાદ જે જમીન હશે તે ખાલી કરી. તેમ જ આ જમીનના મૂળ માલિક મિત્રને ટેલીફોન ઉપર પણ મેં પણ અમે ટેલીફોન દ્વારા જાણ કરેલી કે અમને અને રહેતા મજૂરોને પંદર દિવસનો સમય આપો. અમે તમને આ જગ્યા માપણી બાદ ખાલી કરી આપશુ તેમ છતાં પણ અસામાજિક તત્વો આવીને પોતાની ધાક ધમકીથી અમુક મજૂરોને ભગાડીને આ ખોલીમાં લાખો રૂૂપિયાનું નુકસાન કરેલ છે ખોલીની અંદર મજૂરોના પૈસા તેમજ ઘરવખરી હોવા છતાં આડેધડ ખોલી તોડી દેવામાં આવેલ છે.અને આવતીકાલે પાછા આવીને જે પોતાની માલિકી નથી ગુજરાત મેરીટાઇમ બોર્ડની માલિકી છે તેવી જગ્યા ઉપર મજૂર દ્વારા બનાવ્યા આવેલી ખોલી પણ અમે આવતીકાલે તોડી પાડવાના. ગુજરાત મેરીટાઇમ બોર્ડ દ્વારા બનાવવામાં આવેલ સંડાસ બાથરૂમ પણ આવતીકાલે તોડી નાખવાના છીએ તેવી મજૂરોને ધમકી પણ આપી ગયેલા છીએ. ગુજરાત મેરીટાઇમ બોર્ડની તમામ જગ્યા ઉપર અનેક લોકોએ ખોલ્યો બનાવી અને મજૂરો રહે છે. તેમ છતાં પણ મજૂરોએ જણાવેલ કે ગુજરાત મેરીટાઇમ બોર્ડ કહેશે તો એ જગ્યા પણ અમે ખાલી કરવા તૈયાર છીએ જે જગ્યાના આ માલિક ન હોવા છતાં તે જગ્યા કઈ રીતે ખાલી કરાવી શકે.તેમની જમીનને આગળના ભાગમાં ગુજરાત મેરીટાઇમ બોર્ડની જમીન છે. આ મજૂરોને યોગ્ય ન્યાય મળે તેવી અલંગ સોસીયા શિપ બ્રેકિંગ યાર્ડ કામદાર સંઘના મંત્રી સુખદેવસિંહ ગોહિલે માંગણી કરેલી છે તેમ જ આ બારામાં અલંગ સોસીયા શિપ બ્રેકિંગ યાર્ડ કામદાર સંઘ પ્રમુખ અને વડગામના ધારાસભ્ય જીગ્નેશભાઈ મેવાણીને પણ ટેલીફોન દ્વારા જાણ કરવામાં આવેલ છે હાલ તેઓ અન્ય રાજ્યોની ચૂંટણી કાર્યમાં હોવાથી બીજા રાજ્યમાં હોવાથી ટૂંક જ સમયની અંદર અલંગની મુલાકાતે આવી અને મજૂરોને આ નુકસાની જેના દ્વારા કરવામાં આવેલી છે. તે નુકસાની ભરપાઈ કરવામાં આવે તેવી પણ કામદાર સંઘ દ્વારા માગણી કરવામાં આવેલી છે અને આ મજૂરોને જો ન્યાય નહીં મળે તો કામદાર સંઘ દ્વારા આંદોલન પણ ગાંધી સિંધિયા રાહે આંદોલન કરવામાં આવશે અને જરૂૂર પડશે તો આ બધાય મજૂરોને સાથે રાખીને ઉપવાસ આંદોલન પણ કરીશું તાત્કાલિક આ લોકો સામે ન્યાયની કાર્યવાહી થાય અને અમારા મજૂરોને ન્યાય મળે તેવી અમારી માંગણી છે. આ ખોલીયો પ્લોટ નંબર 144ના માલિક દ્વારા વર્ષો પહેલા બનાવી આપેલી હતી અને એમના મજૂરો ત્યાં રહેતા હતા પરંતુ 144 નો પ્લોટ બંધ થઈ જવાથી એમના માલિક દ્વારા આ મજૂરોને કાયમી રહેવા માટે કોઈપણ જાતના પૈસા લીધા વગર કે ભાડા વગર વિના મૂલ્ય આપેલ હતી અને એમાં આ લોકો છેલ્લા 20થી 25 જુદા જુદા રાજ્યના મજૂરો રહેતા હતા. પરંતુ આજે કોઈ પણ જાતની મજૂરોને જાણ કર્યા વગરના આ ખોલી તોડી નાખવામાં આવેલ છે. તેમ સુખદેવસિંહ ગોહિલ સોસીયા દ્વારા જણાવાયું છે.

ગુજરાત

ભાવનગરમાં પ્રચાર દરમિયાન પંજાબના મુખ્યમંત્રી ભગવંત માન રડી પડ્યા!

Published

on

By

ગુજરાતમાં આમ આદમી પાર્ટીના ઉમેદવારના પ્રચાર દરમિયાન ભગવંત માનની આંખોમાં આંસુ આવી ગયા હતા. માન ભાષણ દરમિયાન અરવિંદ કેજરીવાલ સાથેની તેમની મુલાકાતનો ઉલ્લેખ કરી રહ્યા હતા. ભગવંત માને જેલના તાળા તૂટશે, કેજરીવાલ મુક્ત થશેના નારા પણ લગાવ્યા હતા.

ભાષણ આપતાં ભગવંત માને કહ્યું કે તેઓ અરવિંદ કેજરીવાલના સાચા સૈનિક છે. આજે ઉમેશ મકવાણાએ ઉમેદવારી નોંધાવી હતી. ગુજરાતમાં આજથી ક્રાંતિ શરૂૂ થશે. આજે બંધારણ અને લોકશાહીને બચાવવાની લડાઈ છે. તમે કેજરીવાલને અંદર કરી દેશો, પણ તેમની વિચારસરણી કેવી રીતે રોકશો?

પંજાબના મુખ્યમંત્રીએ કહ્યું, પહેલા ઘરો અને દુકાનોની સફાઈ થતી હતી, હવે અરવિંદ કેજરીવાલના નેતૃત્વમાં આખા ભારતને ઝાડુથી સાફ કરવામાં આવશે. શબ્દસમૂહોની ફેક્ટરી ચાલી રહી છે.

આ લોકો જે જઈ રહ્યા છે તેમના ખાતામાં 15 લાખ રૂૂપિયા આવી ગયા હશે, પરંતુ તે આપણા પંજાબમાં આવ્યા નથી. મશીનમાં બટન વિજેતા નંબર પર હોવું જોઈએ, પ્રથમ આવવું એ નંબર વન છે.

તેમને કહ્યું કે કૃપા કરીને મારા અહીં આવવાનું સન્માન કરો. 4 જૂને પરિણામ આવે ત્યારે તેમને થવું જોઈએ કે ભાવનગરનો ટ્રેન્ડ આવી ગયો છે અને ઝાડુ આગળ વધી રહ્યું છે. આપણે ભારતને બચાવવાનું છે. દેશને બચાવવાનો છે. ગઈકાલે હું અરવિંદ કેજરીવાલને મળ્યો અને તેમણે મને ગુજરાતની જનતાનો આભાર માનવા કહ્યું કે તમે 14% વોટ આપ્યા અને પછી આપ રાષ્ટ્રીય પાર્ટી બની. ગઈ કાલે જ્યારે હું અરવિંદ કેજરીવાલને મળ્યો ત્યારે મારી આંખોમાં આંસુ હતા. તે માણસે શું ખોટું કર્યું કે તેમને હોસ્પિટલો અને શાળાઓ સુધારી? તેઓ અરવિંદ કેજરીવાલ સાથે આતંકવાદી જેવો વ્યવહાર કરી રહ્યા છે. ગુજરાતની જનતાને કહો કે આપણે બધાએ કેજરીવાલ બનવું પડશે.

Continue Reading

ગુજરાત

ભાવનગરના પાલિતાણા પંથકમાં દીપડાએ મહિલાને ફાડી ખાધી

Published

on

By

 

ભાવનગર જિલ્લાના પાલીતાણા તાલુકાના આદપુર ગામના વાડી વિસ્તારમાં રહેતા મહિલા ઉપર દીપડાએ હુમલો કરતા મહિલાનું ગંભીર ઈજા થવાથી મોત નીપજ્યું છે. આ બનાવને પગલે ગામમાં અરેરાટી સાથે ભયની લાગણી ફેલાઈ છે.

પ્રાપ્ત થતી માહિતી મુજબ ભાવનગર જિલ્લાના પાલીતાણા, તળાજા, મહુવા, સિહોર સહિતના વિસ્તારોમાં રાની પશુઓના આટા ફેરા વધી ગયા છે. સમયાંતરેની પશુઓ દ્વારા પશુઓનું મારણ કરવાની ઘટનાઓ પ્રકાશમાં આવી રહી છે ત્યારે આજે પાલીતાણા નજીક આવેલ આદપુર ગામના વાડી વિસ્તારમાં રહેતા કાંતુબેન ગોબરભાઇ મકવાણા (ઉં.વ. 55 ) વહેલી સવારે 5:00 વાગ્યા આસપાસ ઘરની બહાર કોઈ કામ માટે ગયા હતા તે દરમિયાન દીપડાએ તેમની ઉપર હુમલો કરતા કાંતુબહેનને ગંભીર ઈજા પહોંચી હતી.દીપડાએ કરેલા હુમલાની ઘટનામાં ઈજાગ્રસ્ત મહિલાને સારવાર અર્થે ભાવનગર હોસ્પિટલ ખસેડવામાં આવ્યા હતા જ્યાં તેમનું મોત નીપજતા પરિવારમાં શોકનું મોજુ ફરી ગયું હતું.આ ઘટનાના પગલે આદપુર અને આસપાસના ગામોમાં પણ અરેરાટી સાથે આઘાતની લાગણી ફેલાઈ છે.

Continue Reading

ગુજરાત

પંજાબના CM ભગવંત માનનો ભાવનગરમાં રોડ-શો યોજાયો

Published

on

By

અમદાવાદ: લોકસભાની ચૂંટણી લઈને આમ આદમી પાર્ટી એક્ટિવ થઈ છે. પંજાબના મુખ્યમંત્રી ભગવંત માન અમદાવાદ પહોચ્યાં છે.આજે મંગળવારે પંજાબના મુખ્યમંત્રી ભગવંત માન ભાવનગર ખાતે રોડ શો સાથે ભાવનગર આપના ઉમેદવાર ઉમેશ મકવાણા ઉમેદવારી પત્ર ભરવા તે સમયે પણ તેઓ ઉપસ્થિત રહ્યા હતા વડોદરા ખાતે તેઓ રાત્રિ રોકાણ કરશે. 17 તારીખે રોડ શો યોજીને આપના ઉમેદવાર ચૈતર વસાવાનો ચૂંટણી પ્રચાર કરશે. ઇન્ડિયા ગઠબંધન હેઠળ આમ આદમીને ગુજરાતમાં બે બેઠકો મળી છે. ભાવનગર અને ભરૂૂચ બેઠક આમ આદમી પાર્ટીએ લોકસભાની બેઠકમાં ઉમેદવાર ઉતાર્યા છે.

ગુજરાત આવેલા ભગવંત માને કહ્યું, બે દિવસના ગુજરાત પ્રવાસે આવ્યો છું. દેશમાં જ્યાં અમારા ઉમેદવાર છે,ત્યાં પ્રચાર માટે જઈશું. ગુજરાતમાં પ્રેમ મળ્યો એટલે અમારો પક્ષ રાષ્ટ્રીય પક્ષ બન્યો.

Continue Reading

Trending