Connect with us

Sports

ICC વન ડે રેન્કિંગમાં કોહલીને એક સ્થાનનું નુકસાન, રોહિત શર્માની છલાંગ

Published

on

ઈન્ટરનેશનલ ક્રિકેટ કાઉન્સિલે બુધવારે વનડે ખેલાડીઓના રેન્કિંગ જાહેરાત કરી છે. ભારતના દિગ્ગજ બેટ્સમેન વિરાટ કોહલીને સામાન્ય નુકસાન થયું છે. કોહલી સાતમા નંબરથી ખસીને સંયુક્ત રુપે આઠમા નંબરે પહોંચી ગયો છે. તેના 711 રેટિંગ પોઈન્ટ છે. કોહલી પાકિસ્તાન સામે વર્લ્ડ કપની મેચમાં માત્ર 16 રન જ બનાવી શક્યો હતો. આ ઉપરાંત ઈંગ્લેન્ડના ડેવિડ મિલાનના પણ 711 પોઈન્ટ છે. હિટમેન એટલે કે કેપ્ટન રોહિત શર્મા પાંચ સ્થાનની છલાંગ મારીને છઠ્ઠા નંબરે પહોંચ્યો છે. તેના 719 પોઈન્ટ છે. રોહિતે અફઘાનિસ્તાન વિરુદ્ધ 131 અને પાકિસ્તાન વિરુદ્ધ 86 રનની શાનદાર ઈનિંગ રમી હતી.
દક્ષિણ આફ્રિકાના વિકેટકીપર બેટ્સમેન ક્વિન્ટન ડિકોકને ત્રણ સ્થાનનો ફાયદો થયો છે. તે હવે ત્રીજા નંબરે આવી ગયો છે. તેના 742 પોઈન્ટ છે. ડિકોકે ઓસ્ટ્રેલિયા સામે 109 રન બનાવ્યા હતા પરંતુ નેધરલેન્ડ સામે 20 રન જ કરી શક્યો. તો ભારતના સ્ટાર ઓપનર શુભમન ગિલ 818 પોઈન્ટ સાથે બીજા નંબરે યથાવત છે. તે ડેન્ગ્યૂમાંથી સ્વસ્થ થયા બાદ પાકિસ્તાન વિરુદ્ધ 16 રન કરી શક્યો હતો. પાકિસ્તાનો કેપ્ટન બાબર આઝમ ટોચ પર યથાવત છે, તેના 836 પોઈન્ટ છે. બાબરે ભારત સામે અમદાવાદના મેદાનમાં 50 રનની ઈનિંગ રમી. અફઘાનિસ્તાનના ઓપનર રહમાનુલ્લાહ ગુરબાઝ 19 સ્થાન ઉપર આવીને 18માં નંબર પહોંચ્યો છે. તો નેધરલેન્ડનો કેપ્ટન સ્કોટ એડવર્ડસ 16 સ્થાન ઉપર 27માં નંબરે પહોંચ્યો છે.
વનડે બોલર્સની રેન્કિંગની વાત કરીએ તો ન્યૂઝીલેન્ડના પેસર ટ્રેન્ટ બોલ્ટ નંબર વન બનવાની નજીક છે. તેણે એક સ્થાન ઉપર આવીને બીજા નંબરે પહોંચી ગયો છે. તેના 659 અંક છે. ઓસ્ટ્રેલિયાના ફાસ્ટ બોલર જોશ હેઝલવુડ 660 પોઈન્ટની સાથે ટોપ પર છે. ભારતનો પેસર જસપ્રીત બુમરાહ સાત સ્થાન ઉપર અને દક્ષિણ આફ્રિકાનો બલર કગિસો રબાડા એક સ્થાન ઉપર આવીને બંને સંયુક્ત રુપે 14માં નંબરે છે. લુંગી એનગિડી છ સ્થાન ઉપર 16માં નંબરે આવી ગયો છે. દક્ષિણ આફ્રિકાના સ્પિનર કેશવ મહારાજ સાત સ્થાનની છલાંક લગાવીને મુજીબ ઉર રહમાનની સાથે પાંચમા નંબરે પહોંચી ગયો છે.

 

Sports

મેચ દરમ્યાન મેદાનની તસવીર કે વીડિયો ખેલાડીઓ શેર નહીં કરી શકે

Published

on

By

  • BCCI દ્વારા ખેલાડીઓ અને ફ્રેન્ચાઇઝી માટે નિયમો જારી

કોમેન્ટેટર્સ ઉપરાંત ઈન્ડિયન પ્રીમિયર લીગની સંચાલક સંસ્થા BCCIએ ફ્રેન્ચાઈઝી અને ખેલાડીઓ માટે પણ નવા નિયમો તૈયાર કર્યા છે. આ તમામને સલાહ આપવામાં આવી છે કે તેઓ મેચ દરમિયાન કોઈ પણ ફોટો કે વીડિયો સમજી વિચારીને શેર કરે. આ નિયમ એટલા માટે લાગુ કરવામાં આવ્યો છે કારણ કે થોડા દિવસો પહેલા એક કોમેન્ટેટર દ્વારા મેચ દરમિયાન એક તસવીર શેર કરી હતી.

આ તસવીર વાયરલ થયા બાદ બીસીસીઆઈના એક સ્ટાફ મેમ્બરે કોમેન્ટેટરને તરત જ તસવીર ડિલીટ કરવા કહ્યું હતું. આ સાથે ખેલાડીઓને પણ સલાહ આપવામાં આવી છે કે તેઓ મેચ દરમિયાન મેદાનના કોઈપણ ભાગની કોઈ તસવીર કે વીડિયો શેર ન કરે. તે કોમેન્ટેટરનાં લગભગ 10 લાખ ફોલોઅર્સ છે અને તેણે શરૂૂઆતમાં તસવીર ડિલીટ કરવાની ના પાડી દીધી હતી, પરંતુ વારંવારની વિનંતીઓ બાદ તેણે આખરે પોસ્ટ ડિલીટ કરી દીધી હતી. આઈપીએલના લાઈવ બ્રોડકાસ્ટિંગ ટીવી રાઈટ્સ હાલમાં સ્ટાર ઈન્ડિયા પાસે છે અને લાઈવ સ્ટ્રીમિંગ ડિજીટલ રાઈટ્સ વાયાકોમ 18 પાસે છે. કંપનીઓએ ઈંઙકમાં ઘણાં નાણાંનું રોકાણ કર્યું હોવાથી, તેઓ નથી ઈચ્છતા કે લાઈવ મેચની સામગ્રી અન્ય કોઈ ચેનલ અથવા એકાઉન્ટ દ્વારા શેર કરવામાં આવે. આઈપીએલ ટીમોને લાઈવ મેચની કોઈપણ તસવીરો કે વીડિયો શેર કરવાની પણ મંજૂરી નથી. જો કોઈ ફ્રેન્ચાઈઝી આ નિયમનો ભંગ કરવા માટે દોષિત ઠરશે તો તેમને દંડ કરવામાં આવશે. ખેલાડીઓ દ્વારા શેર કરવામાં આવેલી દરેક પોસ્ટ પર નજર રાખવામાં આવી રહી છે. તમામ ખેલાડીઓને નવા નિયમો વિશેજાણ કરવામાં આવી છે, પરંતુ હજુ પણ કેટલાક ખેલાડીઓ એવા છે જે નિયમોનું પાલન નથી કરી રહ્યા હતા.

Continue Reading

Sports

ઋષભ પંતના સ્ટમ્પિંગ પર ભારે વિવાદ બાદ શાહરૂખ ખાનને આઉટ અપાયો

Published

on

By

 

ટી20 વર્લ્ડ કપ પહેલા દિલ્હી કેપિટલ્સનો કેપ્ટન રિષભ પંત માત્ર બેટિંગમાં જ નહીં પરંતુ વિકેટકીપિંગમાં પણ સૌ કોઇના દિલ જીતી રહ્યો છે. પંતે 17 એપ્રિલે અમદાવાદના નરેન્દ્ર મોદી સ્ટેડિયમમાં ગુજરાત ટાઇટન્સ સામે જબરદસ્ત સ્ટમ્પિંગ કર્યું હતું. તેણે તેને તેના ગુરુ મહેન્દ્ર સિંહ ધોનીની યાદ અપાવી. પંતે એક નહીં પરંતુ બે બેટ્સમેનોના સ્ટમ્પિંગ કર્યા હતા. તેનો વીડિયો સોશિયલ મીડિયા પર વાયરલ થયો છે. જોકે, પંતના બીજા સ્ટમ્પિંગને લઈને ઘણો વિવાદ થયો હતો. જેમાં શાહરૂૂખ ખાન આઉટ જાહેર કરાયો હતો.

ગુજરાતની ઈનિંગની નવમી ઓવરમાં ટ્રિસ્ટન સ્ટબ્સે પંતના હાથે બે ખેલાડીઓને સ્ટમ્પ કર્યા હતા. પંતે ઓવરના ત્રીજા બોલ પર અભિનવ મનોહરનુ સ્ટમ્પિંગ કર્યુ હતું. જે બાદ શાહરૂૂખ ખાન પાંચમા બોલ પર સ્ટમ્પિંગ થઈ ગયો હતો. પંત દ્વારા કરવામાં આવેલા બીજા સ્ટમ્પિંગને લઈને વિવાદ થયો હતો. સ્ટમ્બ્સે રાઉન્ડ ધ વિકેટ બોલ કર્યો. શાહરૂૂખ થોડો આગળ નીકળી ગયો હતો. તે બોલ રમી શક્યો ન હતો. વિકેટકીપર પંતે તેની ભૂલનો ફાયદો ઉઠાવ્યો અને તેનું સ્ટમ્પિંગ કરી દીધું.
પંત બોલને યોગ્ય રીતે પકડવામાં નિષ્ફળ રહ્યો હતો. બોલ તેના હાથમાંથી નીકળી ગયો હતો, પરંતુ દિલ્હી કેપિટલ્સ ટીમ નસીબદાર હતી કે બોલ સ્ટમ્પ પર પડ્યો હતો. શાહરૂૂખ તેની ક્રિઝની બહાર હતો પરંતુ શંકા હતી કે પંતનો હાથ પહેલા સ્ટમ્પને અડ્યો કે નહીં. રિપ્લેમાં જાણવા મળ્યું કે બોલ સ્ટમ્પ સાથે અથડાયો હતો. અમ્પાયરે લાંબી વિચારણા બાદ શાહરૂૂખને આઉટ આપ્યો હતો. પંતનો હાથ સ્ટમ્પને સ્પર્શ્યો હતો, પરંતુ બોલ સ્ટમ્પ પર અથડાતાં જ બેઇલ પડી ગયા હતા. આખરે શાહરૂૂખ ખાન ગોલ્ડન ડકનો શિકાર બન્યો. તેણે પેવેલિયન પરત ફરવું પડ્યું.

Continue Reading

Sports

ઘરઆંગણે ગુજરાતની દિલ્હી સામે શરમજનક હાર

Published

on

By

  • ગુજરાતના ત્રણ ખેલાડીઓ જ ડબલ ફિગર પાર કરી શકયા, માત્ર 8.5 ઓવરમાં દિલ્હીનો વિજય વાવટો

દિલ્હી કેપિટલ્સે ગુજરાત ટાઇટન્સને એકતરફી રીતે 6 વિકેટથી હરાવ્યું છે. નરેન્દ્ર મોદી સ્ટેડિયમ ખાતે રમાયેલી આ મેચમાં પ્રથમ બેટિંગ કરતા ગુજરાતની ટીમ માત્ર 89 રનના સ્કોર સુધી મર્યાદિત રહી હતી. જીટીના માત્ર 3 ખેલાડીઓ જ ડબલ ફિગર પાર કરી શક્યા. તો બીજી તરફ, લક્ષ્યનો પીછો કરતી વખતે દિલ્હીને ખૂબ જ સારી શરૂૂઆત મળી કારણ કે જેક ફ્રેઝર મેકગર્કે બીજી ઓવરમાં જ ટીમનો સ્કોર 20થી આગળ લઈ ગયો.

મોટો શોટ રમવાનો પ્રયાસ કરી રહ્યો હતો ત્યારે મેકગર્ક 10 બોલમાં 20 રન બનાવીને આઉટ થયો હતો. તેણે પોતાની ઇનિંગમાં 2 ચોગ્ગા અને 2 છગ્ગા પણ ફટકાર્યા હતા. દરમિયાન સતત વિકેટો પડવાને કારણે દિલ્હી પણ સંઘર્ષની સ્થિતિમાં જોવા મળી રહ્યું હતું.પ્રથમ મેકગર્ક અને પૃથ્વી શોના આઉટ થયા પછી, સાઈ હોપ અને અભિષેક પોરેલે કમાન સંભાળી. લો-સ્કોરિંગ મેચમાં અભિષેકે માત્ર 7 બોલમાં 15 રન બનાવ્યા અને 2ચોગ્ગા અને 1 છગ્ગા પણ ફટકાર્યા. પાવરપ્લેની 6 ઓવરમાં દિલ્હીનો સ્કોર 67 રન સુધી પહોંચી ગયો હતો, પરંતુ ટીમે 4 વિકેટ પણ ગુમાવી દીધી હતી. જો કે હવે ટીમને જીતવા માટે માત્ર 23 રનની જરૂૂર હતી, પરંતુ સતત વિકેટો પડવાથી ડીસી બેટ્સમેનો પર દબાણ સર્જાવા લાગ્યું. આવી સ્થિતિમાં કેપ્ટન રિષભ પંતે જવાબદારી લીધી, જેણે 11 બોલમાં 16 રનની ઇનિંગ રમીને ટીમની 6 વિકેટે જીત સુનિશ્ચિત કરી. દિલ્હીએ 67 બોલ બાકી રહેતા આ વિજય મેળવ્યો હોવાથી તેની નેટ રન રેટમાં ઘણો સુધારો થયો છે.

દિલ્હીએ આ મેચ એકતરફી રીતે 6 વિકેટથી જીતી લીધી હતી. પ્રથમ બોલિંગમાં મુકેશ કુમારે 3 વિકેટ લઈને ગુજરાત ટાઇટન્સની બેટિંગની કમર તોડી નાખી હતી. તેમના સિવાય ઈશાંત શર્મા અને ટ્રિસ્ટન સ્ટબ્સે પણ એક જ ઓવરમાં 2 વિકેટ લઈને ગુજરાતને બેકફૂટ પર મોકલી દીધું હતું. ખરેખર, જેક ફ્રેઝર મેકગર્કે દિલ્હી કેપિટલ્સની જીતનો પાયો નાખ્યો હતો. જો તેણે 20 રનની તોફાની ઇનિંગ ન રમી હોત તો ડીસી શરૂૂઆતમાં જ દબાણમાં હોત. જે બાદ અભિષેક પોરેલ અને શાઈ હોપ દ્વારા સિક્સરોના વરસાદે મેચને એકતરફી બનાવી દીધી હતી. અંતમાં કેપ્ટન ઋષભ પંત ટીમની જીતનો હીરો બન્યો, જેણે 16 રન બનાવ્યા.

Continue Reading

Trending