ગુજરાતના જૂનાગઢમાં એક સહકારી અને ગ્રામીણ કૃષિ બેંકના 52 વર્ષીય મેનેજર કનુભાઈએ પોતાના રૂૂમમાં પંખા સાથે લટકીને આત્મહત્યા કરી લીધી. માહિતી મળ્યા બાદ, પોલીસ ઘટનાસ્થળે પહોંચી અને તપાસ શરૂૂ કરી, જ્યાં તેમને કનુભાઈની એક સુસાઈડ નોટ મળી, જે તેમની પત્ની અને પુત્રના નામે લખેલી હતી. નોંધમાં તેણે લખ્યું, પમને રુદ્ર ખૂબ જ યાદ આવે છે અને હું તેના વિના રહી શકતો નથી, તેથી હું મૃત્યુને ભેટી રહ્યો છું.
પોલીસના જણાવ્યા અનુસાર, કનુભાઈ છેલ્લા 20 વર્ષથી બેંકમાં મેનેજર તરીકે કામ કરતા હતા અને તેમની વિવિધ જિલ્લાઓમાં બદલી થઈ હતી. હાલમાં તેઓ જૂનાગઢમાં પોસ્ટેડ હતા અને બેંકના ગેસ્ટ હાઉસમાં રહેતા હતા. સોમવારે, તેણે આ જ ગેસ્ટ હાઉસમાં પંખા સાથે લટકીને આત્મહત્યા કરી લીધી. પોલીસે આકસ્મિક મૃત્યુનો કેસ નોંધીને તપાસ શરૂૂ કરી છે.
સુસાઇડ નોટમાં કનુભાઈએ લખ્યું છે કે, હું મૃત્યુને ભેટી રહ્યો છું. જ્યારે હું સીડી પરથી પડી ગયો ત્યારે મને મારા રુદ્રની ખૂબ યાદ આવી. એટલા માટે હું હવે જીવી શકતો નથી. તું અને તારી માતા શાંતિથી રહે, કોઈ પણ વાતની ચિંતા ના કર. હું રુદ્ર વગર રહી શકતો નથી. પરિવારના જણાવ્યા મુજબ, કનુભાઈને બે પુત્રો હતા, જેમાંથી નાના પુત્ર રુદ્રએ દોઢ વર્ષ પહેલાં પંખા સાથે લટકીને આત્મહત્યા કરી હતી. તે સમયે કનુભાઈએ તેમના દીકરાને કોઈ વાતે ઠપકો આપ્યો હતો, જેના પછી તેમણે આ પગલું ભર્યું. રુદ્રના મૃત્યુ પછી કનુભાઈ તણાવમાં હતા અને આખરે તેમણે પણ એ જ દુ:ખને કારણે આત્મહત્યા કરી લીધી. પોલીસ અને પરિવારના નિવેદનો પરથી જાણવા મળ્યું કે કનુભાઈ તેમના પુત્રના મૃત્યુના દુ:ખમાંથી બહાર આવી શક્યા ન હતા. આ ઘટનાથી તેમના પરિવાર અને સાથીદારોને ઘેરા આઘાતમાં મૂકી દીધા છે.