Connect with us

આંતરરાષ્ટ્રીય

કુવૈતમાં 10 ગુજરાતી સહિત 500 ભારતીયોને જેલમાં ધકેલી દીધા

Published

on

આગની દુર્ઘટના બાદ પરિવારજનોને વીડિયો-ફોટોગ્રાફસ મોકલનાર ભારતીય શ્રમિકો ઉપર સરકારનો અત્યાચાર

ઇમારતોના વીજજોડાણો કાપી નાખ્યા, અનેક કામદારો ભયના માર્યા છુપાઇ ગયા, ભારત સરકાર પાસે માંગેલી મદદ

કુવૈતમાં બહુમાળી બિલ્ડિંગમાં આગ લાગવાની ઘટનામાં 46 જેટલા ભારતીય કામદારોના મોત થયા બાદ કુવૈત સરકારે ભારતીય કામદારો ઉપર રીતસર અત્યાચાર ગુજારવાનું શરૂ કર્યુ છે અને કુવૈતની ઘટનાઓ તેમજ ત્યાં કામદારો ઉપર થતા અત્યાચાર અંગે પરિવારજનોને વીડિયો કે ફોટોગ્રાફસ મોકલનાર કામદારો તથા તેના પરિવારજનોને જેલમાં ધકેલી દેવામાં આવ્યા છે.


હાલમાં કુવૈતા સરકારે ગુજરાતના દસ સહિત 500 જેટલા ભારતીયોને જેલમાં ધકેલી દીધાનું ભાજપના સાબરકાંઠાના સાંસદ શોભનાબેન બારૈયાએ જણાવી કેન્દ્ર સરકાર પાસે મદદ માંગતા સમગ્ર મામલો પ્રકાશમાં આવ્યો છે. કુવૈતમાં રહેલા દસ લાખથી વધુ ભારતીયો ફ્ફડી રહ્યા છે.


સાબરકાંઠાના દઢવાવ ગામના 10 લોકોની યુએઇની કુવૈત પોલીસે અટકાયત કરી છે. , આ 10 લોકોના પરિવારજનોએ પ્રધાનમંત્રીને પત્ર લખીને મદદની માંગ કરી છે.આ સાથે તેમણે સાબરકાંઠાના સાંસદ શોભનાબેન બારૈયાને પણ મદદની માંગ કરતો પત્ર લખ્યો છે.. જે લોકોને ડિટેઇન કરાયા છે તે લોકો વર્ષોથી કુવૈતમાં ધંધા રોજગાર માટે ગયા હતા. પરિવારજનોનો આક્ષેપ છે કે ગેરકાયદેસર રીતે અટકાયત કરીને તેમને અજ્ઞાત સ્થળે લઈ ગયા છે.


કુવૈતના મંગાફ શહેરની 6 માળની ઈમારતમાં આગ લાગ્યા બાદ કુવૈત સરકારે કડક કાર્યવાહી કરી છે. કુવૈતના બનેદ અલ-ગર શહેરના ઇસ્તિકલાલમાં ઈમારત 17 અને 18નું વીજ કનેક્શન કાપી નાંખ્યા બાદ કુવૈત પોલીસે હવે તે ઈમારતોમાં રહેતા 500 ભારતીય શ્રમિકોની અટકાયત કરી છે.. કુવૈત સરકારના ગૃહ અને રાજ્ય મંત્રાલયે ભારતીય શ્રમિકોનો વીડિયો બહાર પાડ્યો છે.. ભારતીય કામદારોએ જણાવ્યું હતું કે પોલીસે રવિવારે 500 લોકોની ધરપકડ કરી છે અને તેમને કુવૈતની એક શાળામાં બંધ કરી દીધા છે. મોટાભાગના મજૂરો રાજસ્થાનના ડુંગરપુર-બાંસવાડાના છે.


અન્ય કેટલાક ભારતીય કામદારોએ કહ્યું કે તેઓ કુવૈત પોલીસના ડરથી શેરીઓમાં તેમજ હોટલની બહાર છુપાયેલા છે. .સ્થિતિ એ છે કે જો તમે આ ઘટનાનો વીડિયો બનાવો છો અને તેને સોશિયલ મીડિયા પર શેર કરો છો અથવા પરિવારના સભ્યો સાથે શેર કરો છો, તો તમારી ધરપકડ પણ થઈ શકે છે.


કુવૈતમાં તેમની ધરપકડના સમાચાર સાંભળીને મજૂરોના પરિવારો ચિંતિત છે. તેમના પરિવારના સભ્યોએ જણાવ્યું હતું કે તેઓ તેમનો સંપર્ક કરી શક્યા નથી. અને ખબર નથી કે તેઓ ક્યાં બંધ છે. કુવૈતમાં રહેતા સંબંધીઓને ધરપકડની જાણ કરવામાં આવી છે. તેમણે વડા પ્રધાન નરેન્દ્ર મોદીને તેમને બચાવવા અને ભારત પરત લાવવા વિનંતી કરી છે.. દરમિયાન, કુવૈત પોલીસ ધરપકડ કરાયેલા કામદારોને ટૂંક સમયમાં ભારત મોકલવાની તૈયારી કરી રહી છે. કુવૈતના નિયમો અનુસાર, એકવાર ધરપકડ કરાયેલી વ્યક્તિ કુવૈત પરત જઈ શકતી નથી.

કુવૈતમાં પકડાયેલા 10 ગુજરાતી
(1) અલ્પેશભાઈ રમણલાલ મોઢપટેલ
(2) હિમાંશુકુમાર રસિકલાલ મોઢપટેલ
(3) બિપીનકુમાર શિવલાલ મોઢપટેલ
(4) મિલનકુમાર દિનેશભાઈ મોઢપટેલ
(5) નિલવ અશોકભાઈ મોઢપટેલ
(6) લલિતભાઈ દેવચંદભાઈ મોઢપટેલ
(7) અનિલભાઈ નારાયણદાસ મોઢપટેલ
(8) નટવરલાલ ભીમજીભાઈ મોઢપટેલ
(9) બિપીનભાઈ કોદરભાઈ મોઢપટેલ
(10) વિવેકભાઈ ખેમજીભાઈ મોઢપટેલ

આંતરરાષ્ટ્રીય

મસ્કે મોદી સહિતના વિશ્ર્વના નેતાઓનો AI ફેશન શો શેર કર્યો

Published

on

By

એલોન મસ્ક, આર્ટિફિશિયલ ઇન્ટેલિજન્સ (AI) પરના તેમના સ્પષ્ટવક્તા મંતવ્યો માટે જાણીતા છે, તાજેતરમાં તેમના માઇક્રો બ્લોગિંગ એકાઉન્ટ પર એક વિડિઓ શેર કર્યો છે જેણે મનોરંજનને વેગ આપ્યો છે. એઆઈ એનિમેશન ટેકનિકનો ઉપયોગ કરીને બનાવવામાં આવેલ આ વિડિયોમાં વિશ્વના નેતાઓ અને અગ્રણી વ્યક્તિઓનો ફેશન મોડલ્સની જેમ વીડિયો બનાવવામાં આવ્યો છે.વિડિયોમાં દર્શાવવામાં આવેલા લોકોમાં યુનાઇટેડ સ્ટેટ્સના પ્રમુખ જો બાઇડન ઉપરાંત ઉત્તર કોરિયાના સર્વોચ્ચ નેતા કિમ જોંગ ઉન, યુનાઇટેડ સ્ટેટ્સના ભૂતપૂર્વ પ્રમુખ ડોનાલ્ડ ટ્રમ્પ, ભૂતપૂર્વ યુએસ પ્રમુખ બરાક ઓબામા, રશિયાના પ્રમુખ વ્લાદિમીર પુટિન, ચીનના પ્રમુખ શી જિનપિંગ, મેટાના સીઈઓ (અગાઉ ફેસબુક)માર્ક ઝકરબર્ગ, એલોન મસ્ક પોતે, યુનાઇટેડ સ્ટેટ્સ હાઉસ ઓફ રિપ્રેઝન્ટેટિવ્સના સ્પીકર નેન્સી પેલોસી સહિતના નેતાઓ વીડિયો દેખાઈ છે. દરેક નેતાને અલગ અને વૈવિધ્યસભર પોશાકમાં દર્શાવવામાં આવ્યા છે.


વિડિયોએ શેર કર્યાની માત્ર 30 મિનિટમાં જ 1 મિલિયનથી વધુ વ્યૂઝ મેળવ્યા. ત્યારથી સોશિયલ મીડિયા પ્લેટફોર્મ પર લોકોનું ધ્યાન આકર્ષિત કરવાનું અને ટિપ્પણી મેળવવાનું ચાલુ રાખ્યું છે, ઘણા વપરાશકર્તાઓ એઆઈ-જનરેટેડ ઉત્પાદન પાછળની સર્જનાત્મકતા અને તકનીકી કૌશલ્યથી આશ્ચર્યચકિત છે. અગાઉ 20 જુલાઈના રોજ, એલોન મસ્કએ એકસ પર એક વીડિયો શેર કર્યો હતો જેણે ઑનલાઇન ચર્ચા જગાવી હતી. એઆઈ ટેક્નોલોજીનો ઉપયોગ કરીને બનાવવામાં આવેલ વિડિયો, તાજેતરની ચૂંટણીઓ સાથે જોડાયેલી એક કાલ્પનિક કથાનું ચિત્રણ કરે છે, જેમાં ડોનાલ્ડ ટ્રમ્પ, જો બાઇડેન, બરાક ઓબામા અને માર્ક ઝુકરબર્ગ જેવી અગ્રણી વ્યક્તિઓનું એનિમેટેડ નિરૂૂપણ દર્શાવવામાં આવ્યું હતું.

Continue Reading

આંતરરાષ્ટ્રીય

અમેરિકામાં નવપરિણીત ભારતીય યુવાનની ગોળી ધરબીને હત્યા

Published

on

By

અમેરિકામાં છેલ્લા ઘણા સમયથી ભારતીયો પરના હુમલાઓમાં વધારો થઈ રહ્યો છે. ત્યારે ફરી એકવખત ભારતીય મૂળના વ્યક્તિની હત્યા થતા ચકચાર મચી જવા પામ્યો છે. રસ્તાની વચ્ચે કારમાં બેઠેલા બે લોકો વચ્ચે નજીવી બાબતે બોલાચાલી થઈ હતી અને ગોળીબાર થયો હતો, જેમાં એક વ્યક્તિનું મોત થયું હતું. આ ઘટના અમેરિકાની છે. અમેરિકાના ઈન્ડિયાના રાજ્યમાં એક શંકાસ્પદ રોડ રેજની ઘટનામાં ભારતીય મૂળના 29 વર્ષીય યુવકની ગોળી મારીને હત્યા કરવામાં આવી હતી.


પોલીસે જણાવ્યું હતું કે નવપરિણીત ગેવિન દસૌર તેની મેક્સીકન પત્ની સાથે ઘરે જઈ રહ્યો હતો ત્યારે ઈન્ડી શહેરના દક્ષિણપૂર્વ ભાગમાં એક આંતરછેદ પર વિવાદ બાદ શંકાસ્પદ વ્યક્તિએ તેને ગોળી મારી દીધી હતી.મૃત્યુ પામનાર વ્યક્તિ દસૌર આગ્રાના રહેવાસી હતા. તેમના લગ્ન 29 જૂનના રોજ થયા હતા. લગ્નને બે અઠવાડિયા કરતાં પણ ઓછો સમય વીતી ગયો હતો. ભારતીય મૂળના વ્યક્તિની હત્યાની આ ઘટનાનો વીડિયો સોશિયલ મીડિયા પર વાયરલ થયો છે. વીડિયોમાં દસૌર તેની કારમાંથી બહાર નીકળતો અને પીકઅપ ટ્રકના ડ્રાઈવર પર બૂમો પાડી રહ્યો છે. પછી તે હાથમાં બંદૂક લઈને ટ્રકનો દરવાજો ખખડાવે છે. જવાબમાં પીકઅપ ટ્રકના ડ્રાઇવરે તેને ગોળી મારી દીધી.


દસૌરને હોસ્પિટલમાં લઈ જવામાં આવ્યો હતો, પરંતુ સારવાર દરમિયાન તેનું મોત થયું હતું. પોલીસ પ્રવક્તાએ જણાવ્યું હતું કે, વધુ તપાસ અને મેરિયન કાઉન્ટી પ્રોસીક્યુટર ઓફિસ સાથે પરામર્શ કર્યા પછી, વ્યક્તિને છોડી દેવામાં આવ્યો હતો.

Continue Reading

આંતરરાષ્ટ્રીય

અમેરિકન પ્રમુખ પદની ચૂંટણીમાંથી અંતે બાઈડને ઉમેદવારી પરત ખેંચી

Published

on

By

અમેરિકાની ચૂંટણીને લઈને મોટા સમાચાર સામે આવ્યા છે. જેમાં જો બાઈડને ચૂંટણી ન લડવાનો નિર્ણય કર્યો છે. અમેરિકાના પ્રમુખપદની ચૂંટણીમાં જો બાઈડને પોતાની ઉમેદવારી પાછી ખેંચી લીધી છે. તેણે આ અંગે પત્ર લખીને ચૂંટણી નહીં લડવાની જાહેરાત કરી છે. બાઈડનનો આ નિર્ણય ત્યારે આવ્યો છે જ્યારે ડેમોક્રેટ પાર્ટીના વરિષ્ઠ નેતાઓ અને તેમના સમર્થકો તેમને તેમનું નામ પાછું ખેંચવાની અપીલ કરી રહ્યા હતા.


જો બાઈડન 81 વર્ષના છે અને દાવો કરવામાં આવે છે કે તેમને સ્મૃતિ ભ્રંશ છે. તાજેતરના કાર્યક્રમોમાં તેઓ એટલા સક્રિય દેખાતા ન હતા અને આ જ કારણ હતું કે તેમના સમર્થકો તેમની ઉમેદવારીથી નિરાશ થયા હતા. પાર્ટીની અંદર અને પાર્ટીના સમર્થકો તરફથી એવું પણ કહેવામાં આવી રહ્યું હતું કે બાઈડનની જગ્યાએ કમલા હેરિસને રાષ્ટ્રપતિ પદના ઉમેદવાર બનાવવામાં આવી શકે છે. મારા સાથી ડેમોક્રેટ્સ, મેં નામાંકન ન સ્વીકારવાનો અને મારી બાકીની મુદત માટે રાષ્ટ્રપતિ તરીકેની મારી ફરજો પર ધ્યાન કેન્દ્રિત કરવાનો નિર્ણય કર્યો છે. રાષ્ટ્રપતિ બાઈડને એક એકસ પોસ્ટમાં જણાવ્યું હતું કે પ્રમુખ તરીકે મારો પ્રથમ નિર્ણય કમલાને પસંદ કરવાનો હતો હેરિસ મારા વાઈસ પ્રેસિડેન્ટ તરીકે છે અને તે મેં લીધેલો શ્રેષ્ઠ નિર્ણય રહ્યો છે. બાઈડને કહ્યું, આજે હું કમલાને આ વર્ષે અમારી પાર્ટીની નોમિની બનવા માટે મારું સંપૂર્ણ સમર્થન આપવા માંગુ છું. ડેમોક્રેટ્સ – હવે સાથે મળીને ટ્રમ્પને હરાવવાનો સમય આવી ગયો છે.


અમેરિકન લોકશાહીની બે સદીઓમાં એવું જોવા મળ્યું છે કે મતદારોએ બરાક ઓબામાના રૂૂપમાં માત્ર એક જ અશ્વેત રાષ્ટ્રપતિને ચૂંટ્યા છે, પરંતુ અત્યાર સુધી કોઈ અશ્વેત મહિલા રાષ્ટ્રપતિ બની નથી. આવી સ્થિતિમાં જો ડેમોક્રેટ્સ કમલા હેરિસને પોતાના ઉમેદવાર બનાવે છે તો અશ્વેત મતદારોની મોટી વસ્તી એકત્ર થઈ શકે છે.

Continue Reading

Trending