કોરોનાથી તહસનહસ બ્રિટનનો શાહી પરિવાર

સ્કોટલેન્ડ,તા.26
ખતરનાક કોરોના વાયરસના ઝપેટમાં હવે બ્રિટનનો રાજવી પરિવાર પણ આવી ગયો છે. બ્રિટનના પ્રિન્સ ચાલ્ર્સનો કોરોના વાયરસ ટેસ્ટ પોઝિટિવ આવ્યો છે. તે પહેલેથી જ સ્કોટલેન્ડમાં આઈસોલેશનમાં છે. બીજી તરફ તેમની પત્ની કેમિલાનો રિપોર્ટ નેગેટિવ આવ્યો છે. થોડા દિવસ પહેલા જ ચાલ્ર્સની મુલાકાત મોનેકોના પ્રિન્સ આલ્બર્ટ સાથે થઈ હતી જે બાદમાં કોરોના પોઝિટિવ નોંધાયા હતા. બ્રિટનમાં અત્યાર સુધી 422 લોકો કોરોનાથી મૃત્યુ પામી ચૂક્યા છે જ્યારે 8077 લોકોને ચેપ લાગી ચૂક્યો છે. ક્લેરેન્સ હાઉસના પ્રવક્તાએ જણાવ્યું કે, પ્રિન્સ ઑફ વેલ્સનો કોરોના ટેસ્સ પોઝિટિવ આવ્યો છે. તેમનામાં બીમારીના થોડા લક્ષણો છે પણ તેને બાદ કરતા તેઓ સ્વસ્થ છે. તે છેલ્લા ઘણા દિવસોથી ઘરેથી કામ કરી રહ્યાં છે. ડચેઝ ઑફ કોર્નવોલનો ટેસ્ટ પણ કરવામાં આવ્યો હતો. સરકારી અને મેડિકલ સલાહ અનુસાર, પ્રિન્સ અને ડચેઝ સ્કોટલેન્ડના બાલમોરલ કાસલમાં આઈસોલેશનમાં રહી રહ્યાં છે.
બ્રિટનનાં મહારાણી એલિઝાબેથ દ્વિતિયએ પહેલા જ બર્મિંઘમ પેલેસ છોડી દીધો હતો. તેમને વિન્ડસર


કાસલ લઈ જવામાં આવ્યા. બીજી તરફ શાહી જવાબદારીઓ છોડી ચૂકેલા પ્રિન્સ હેરી અને તેમની પત્ની મેગન મોર્કેલે સંદેશ આપ્યો હતો કે તેઓ કોરોનાના કારણે માનસિક અને ભાવનાત્મક તણાવથી પસાર થઈ રહેલા લોકોની
મદદ કરવા માગે છે. તેમણે કહ્યું કે, કોરના સામે લડવા માટે સંસાધન હોય કે સૂચના, આગામી દિવસોમાં તે દરેક વસ્તુ શેર કરશે.
આના પહેલા બ્રિટનના વડાપ્રધાન બોરિસ જ્હોનસને દેશમાં કોવિડ-109 ફેલાતો રોકવા
માટે લોકોના આવનજાવન ર ઓછામાં ઓછા ત્રણ સપ્તાહનો સખત પ્રતિબંધ લગાવી દીધો હતો. બોરિસે કહ્યું હતું કે, કોઈપણ વડાપ્રધાન પોતાના લોકો પર આ પ્રકારનું દબાણ બનાવવા નથી માગતા પણ સ્થિતિ એ પ્રકારની છે કે, લોકોના આવનજાવનને પ્રતિબંધિત કરવા અને બેથી વધુ લોકોના એકઠાં થવા માટે વિરુદ્ધ કાર્યવાહી કરવા પર મજબૂર થવું પડ્યું છે.

રિલેટેડ ન્યૂઝ