ઈરાનના આરોગ્ય મંત્રી પણ ‘કોરોના’માં સપડાયા

તેહરાન તા,27
કોરોનાની ઝપેટમાં હવે ઈરાનના ડેપ્યુટી હેલ્થ મિનિસ્ટર પણ આવી ગયા છે. તેમને કોરોનાનો ચેપ લાગી ગયો છે. મંત્રાલયના એક અધિકારીએ મંગળવારે આ જાણકારી આપી. સ્વાસ્થ્ય મંત્રીના મીડિયા સલાહકાર અલીરજા વહાબજાદેહએ એક ટ્વિટમાં કહ્યું કે, 8216;ઉપ સ્વાસ્થ્ય મંત્રી ઈરાજ હરીચીનો કોરોના વાયરસ રિપોર્ટ પોઝિટિવ આવ્યો છે.હરીચીને સતત ઉધરસ આવતી હતી અને સોમવારે સરકારી પ્રવક્તા અલી રબીની સાથે પત્રકાર પરિષદ દરમિયાન તેમને પરસેવો આવતો પણ દેખાયો હતો. હરીચીએ સંમેલનમાં એક સાંસદના એ દાવાને ફગાવી દીધો હતો કે શિયા તીર્થ શહેર કોમમાં વાયરસથી 50 લોકો માર્યા ગયા છે.ઈરાને મંગળવારે ત્રણ અન્ય મોત અને ચેપના 34 નવા મામલાની પુષ્ટિ કરી. ઈરાનમાં આ વાયરસથી મરનારાઓની સંખ્યા વધીને 15 અને ચેપ ગ્રસ્ત લોકોની સંખ્યા 95 થઈ ગઈ છે. જોકે, ત્યાંના સ્થાનિક રિપોર્ટમાં કહેવાયું છે કે, સ્થિતિ


ખતરનાક થઈ રહી છે, પરંતુ સરકાર આંકડા છૂપાવી રહી છે. મામલો ધર્મથી જોડાયેલો છે, એટલે કોમમાં મસ્જિદને બંધ નથી કરવામાં આવી રહી, જેથી તે ફેલાવાનો ખતરો વધી ગયો છે.ઈરાનમાં મેડિકલ સુવિધાનો પણ અભાવ છે.
ત્યાં સારી હોસ્ટિપલ અને ડોક્ટરની અછત છે. ત્યાં સુધી દાવો કરવામાં આવી રહ્યો છે કે ઈરાનના લોકો માટે પૂરતી સંખ્યામાં માસ્ક પણ ઉપલબ્ધ નથી. ઘણી નર્સને પણ કોરોનાનો ચેપ લાગ્યો હોવાનું જણાવાઈ રહ્યું છે, જેના કારણે તેમાં ભયનો માહોલ છે. પૂરતી સુરક્ષાના અભાવમાં તે દર્દીઓની દેખરેખ કરવાની આનાકાની કરી રહી છે.

રિલેટેડ ન્યૂઝ