યુરોપમાં કોરોના સંક્રમણના કેસમાં 11 ટકાનો વધારો

વર્લ્ડ હેલ્થ ઓર્ગેનાઈઝેશન (ડબ્લ્યુએચઓ) એ અહેવાલ આપ્યો છે કે, યુરોપ ક્ષેત્રમાં ગયા અઠવાડિયે કોરોનાના કેસોમાં 11 ટકાનો વધારો થયો છે. આ એકમાત્ર એવો વિસ્તાર છે જ્યાં ઓક્ટોબરના મધ્યથી કેસ સતત વધી રહ્યા છે. સમાચાર એજન્સી એપીના અહેવાલ અનુસાર, ડબ્લ્યુએચઓએ જાહેર કરેલા સાપ્તાહિક રિપોર્ટમાં કહ્યું છે કે, વૈશ્વિક સ્તરે સંક્રમણ અને મૃત્યુના કેસમાં છ ટકાનો વધારો થયો છે. ગયા અઠવાડિયે, વિશ્વમાં ચેપના લગભગ 36 લાખ કેસ હતા.
ડબ્લ્યુએચઓએ કહ્યું કે બાળકોમાં કોરોના સંક્રમણનું જોખમ પ્રમાણમાં ઓછું છે. તેથી, કોવેક્સ પ્રોગ્રામ હેઠળ ગરીબ દેશોને વધુ રસી પૂરી પાડવાની જરૂૂર
છે.
રશિયાએ 12-17 વર્ષની વયના બાળકો અને કિશોરો માટે સ્પુટનિકની રસી નોંધાવી છે. બીજી તરફ, રાષ્ટ્રપતિ વ્લાદિમીર પુતિને નાકની રસી ટ્રાયલ તરીકે લીધી છે. તેણે ત્રણ દિવસ અગાઉ બૂસ્ટર ડોઝ લીધો હતો.



બેલ્જિયમના પી.એમ એલેક્ઝાન્ડ્રે ડી ક્રુ, જેઓ સોમવારે ફ્રાન્સના વડા પ્રધાન જીન કાસ્ટ્યુક્સને મળ્યા હતા, તેઓ કોવિડ નેગેટિવ હોવાનું જાણવા મળ્યું છે. મીટિંગના બીજા જ દિવસે કેસ્ટેક્સ કોરોના
પોઝિટિવ હોવાનું જાણવા મળ્યું હતું. યુએસએ 22 જાન્યુઆરીથી સરહદમાં પ્રવેશતા વિદેશી ટ્રક ડ્રાઇવરો, સરકારી અને કટોકટી અધિકારીઓ માટે સંપૂર્ણ રસીકરણ ફરજિયાત બનાવવાનો નિર્ણય લીધો છે. બીજી તરફ ન્યુઝીલેન્ડે જાન્યુઆરીથી વિદેશમાં ફસાયેલા તેના નાગરિકો માટે સરહદો ખોલવાની જાહેરાત કરી છે.





રિલેટેડ ન્યૂઝ