Connect with us

ગુજરાત

ગોંડલના કમઢિયાળા ગામે માથાકૂટ થતાં પત્નીને માથામાં લાકડાનો ઘા ઝીંકી પતિએ પતાવી દીધી

Published

on

યુવનીના શરીર પર ઈજાના નિશાન મળ્યા : ફોરેન્સિક પીએમમાં થયો ઘટ્ટસ્ફોટ

રાજકોટ જિલ્લાના ગોંડલ તાલુકાના કમઢિયાળા ગામે બે વર્ષથી ખેત મજુરી કરતા આદીવાસી પરિવારની મહિલાનો ગઈકાલે કુવામાંથી ર્શંંકાસ્પદ હાલતમાં મુતદેહ મળી આવ્યો હતો. યુવતિને શરીરે ઈજાના નિશાન હોય આ બનાવની જાણ થતા પોલીસ કાફલો ઘટના સ્થળે જઈ યુવતિના મૃતદેહનો કબ્જો મેળવી મોતનું ચોક્કસ કારણ જાણવા ફોરેન્સીક પોસ્ટમોટર્મ માટે રાજકોટની મેડીકલ કોલેજમાં મોકલી આપ્યો છે. જ્યારે યુવતિનો પતિ શંકાના પરિધમાં હોય પોલીસે તેની અટકાયત કરી પુછપરછ કરી હાથ ધરી છે. પોસ્ટમોર્ટમ રિપોર્ટમાં યુવતીને પતિએ માથામાં લાકડાના ઘા ઝીંકી હત્યા કર્યા બાદ કૂવામાં પડી ગઈ હોય તેવું નાટક કર્યું હોવાનું બાર આવ્યું છે.

આ બનાવ અંગેની જાણવા મળતી વિગત મુજબ મુળ ઉત્તર પ્રદેશના વતની અને છેલ્લા બે વર્ષથી પતિ અને ચાર પુત્રી સાથે ગોંડલના કમઢિયાળા ગામે કાનજીભાઈ દુધાભાઈ હિરપરાની વાડીમાં રહી ખેતમજુરી કામ કરતી મીનકાબાઈ ગુડુભાઈ આદીવાસી ઉ.વ.30 નામની યુવતિની ગઈકાલે બપોરે વાડીના કુવામાંથી લાશ મળી આવી હતી.

આ બનાવ અંગે યુવતીના પતિ ગુડુભાઈએ વાડીના માલીક કાનજીભાઈ હિરપરાને ફોન કરી પોતાની ઘરવાળી કુવામાં પડી ગઈ હોવાનું જણાવ્યું હતું. બનાવ શંકાસ્પદ લાગતા વાડીના માલીકે સુલતાનપુર પોલીસે જાણ કરતા પોલીસ કાફલો ઘટના સ્થળે દોડી ગયો હતો.

પોલીસે વાડીમાંથી બહાર કાઢેલ આદીવાસી યુવતીના મૃતદેહનું પ્રાથમિક નિરિક્ષણ કરતા શરીર ઉપર ઈજાના નિશાન જોવા મળતા યુવતિને મારમારી કુવામાં ફેંકી દીધાની શંકા દ્રઢ બની હતી. જેના કારણે પોલીસે મૃતદેહનો કબ્જો મેળવી મોતનું ચોક્કસ કારણ જાણવા ફોરેન્સીક પોસ્ટમોટર્મ અર્થે રાજકોટની સિવિલ હોસ્પિટલમાં મોકલી આપ્યો છે.

પોસ્ટ મોર્ટમ રિપોર્ટમાં આદિવાસી યુવતીને માથામાં બોથડ પદાર્થના ઘા ઝીંકી હત્યા કરી હોવાનું બહાર આવતા પોલીસે ખુનનો ગુનો નોંધવાની કાર્યવાહી હાથ ધરી છે. જ્યારે આરોપી પતિની પણ અટકાયત કરી લેવામાં આવી છે.
પોલીસની પૂછપરછમાં પતિ-પત્ની વચ્ચે સવારે ઝઘડો થતાં ઉશ્કેરાયેલા પતિએ લાકડાનો ધોકો પત્નીના માથામાં ઝીંકી દેતાં તેનું ઘટના સ્થળે જ મૃત્યુ થયું હતું. ત્યારબાદ હત્યાના બનાવને છુપાવવા પત્ની કૂવામાં પડી ગઈ હોય તેવું પતિએ નાટક કર્યું હતું.

ગુજરાત

ભડકાઉ ભાષણ કેસમાં ફરિયાદ રદ કરવા મુફ્તી સલમાન અઝહરી હાઈકોર્ટમાં

Published

on

By

ભડકાઉ ભાષણ આપવાના મામલે મુફ્તી સલમાન અઝહરી વિરુદ્ધ જૂનાગઢ, કચ્છ અને અરવવલ્લીમાં ત્રણ ઋઈંછ નોંધાઇ છે અને એ ફરિયાદ રદ કરાવવાની માંગ સાથે તેણે હાઇકોર્ટમાં ધા કરી હતી. જોકે તેના તરફથી એડવોકેટ લીવ પર હોવાથી કેસની સુનાવણી ટળી હતી. આ કેસની વધુ સુનાવણી 18મી માર્ચના રોજ મુકરર કરવામાં આવી છે. ફેબ્રુઆરીના પ્રારંભમાં ગુજરાતમાં પોલીસે મંગળવારે મુંબઈ સ્થિત ઈસ્લામિક ઉપદેશક મુફ્તી સલમાન અઝહરી વિરુદ્ધ બીજી FIR નોંધી હતી.

કચ્છ જિલ્લાના સામખિયાળીમાં ધાર્મિક કાર્યક્રમમાં ભડકાઉ ભાષણ આપવા બદલ તેની ધરપકડ કરવામાં આવી હતી. એ અગાઉ જૂનાગઢમાં નોંધાયેલા અપ્રિય ભાષણના એક અલગ કેસમાં અઝહરીની રવિવારે મુંબઈથી ધરપકડ કરવામાં આવી હતી. ગુજરાત એન્ટી ટેરરિઝમ સ્ક્વોડ (અઝજ)ની એક ટીમ તેને અમદાવાદ લાવી હતી. આ પછી તેને અમદાવાદથી જૂનાગઢ લઈ જવામાં આવ્યો હતો.

કચ્છના સામખિયાળીમાં નોંધાયેલી ફરિયાદ મુજબ અહીં આયોજિત ધાર્મિક કાર્યક્રમમાં ભડકાઉ ભાષણ આપવા બદલ મુફ્તી સલમાન અઝહરી સામે એફઆઈઆર દાખલ કરવામાં આવી છે. આ કાર્યક્રમ માટે પોલીસની પરવાનગી આપવામાં આવી હતી, પરંતુ ભાષણ જૂનાગઢની ઘટના જેવું જ હતું. અઝહરી પર કચ્છ જિલ્લાની ઘટનાના સંબંધમાં ભારતીય દંડ સંહિતાની કલમ 153ઇ (વિવિધ ધાર્મિક જૂથો વચ્ચે દુશ્મનાવટને પ્રોત્સાહન આપવી) અને 505 (2) (જાહેર દુષ્કર્મ માટે અનુકૂળ નિવેદનો) હેઠળ કેસ દાખલ કરવામાં આવ્યો હતો.

જૂનાગઢ એફઆઈઆર મુજબ, ધરપકડ કરાયેલા લોકોએ પોલીસ પાસેથી એમ કહીને મીટિંગ માટે પરવાનગી લીધી હતી કે અઝહરી ધર્મ વિશે વાત કરશે અને વ્યસન મુક્તિ અંગે જાગૃતિ ફેલાવશે. જોકે તેના બદલે તેણે ઉશ્કેરણીજનક ભાષણ આપ્યું હોવાનો આક્ષેપ છે.

Continue Reading

ગુજરાત

આમાં કેમ ભણશે ગુજરાત, નથી પૂરતા ઓરડા કે નથી શિક્ષકો

Published

on

By

  • ગુજરાતની શાળાઓમાં 9153 ઓરડાની ઘટ, ભારતનું ભાવિ ખુલ્લામાં ભણવા મજબૂર

ભણશે ગુજરાત, વાંચશે ગુજરાતના સૂત્રો ગુંજવી સરકાર શિક્ષણ ક્ષેત્રે ગુજરાત અગ્રેસર છે તેવુ ચિત્ર ઉભુ કરી રહી છે પણ કડવી વાસ્તવિકતા એ છે કે, સરકારી પ્રાથમિક શાળાઓમાં વિદ્યાર્થીઓને ક્યાં ભણવું એ સવાલ ઉભો થયો છે. ખુદ શિક્ષણ વિભાગે જ વિધાનસભામાં એકરાર કર્યો છે કે, ગુજરાતમાં હજુ પણ 9 હજાર 153 ઓરડાની ઘટ છે.

ગુજરાતની પ્રાથમિક શાળામાં ઓરડાની ઘટ હોવાનું સામે આવ્યું છે. કોંગ્રેસના ધારાસભ્યએ સરકારને ગુજરાતની પ્રાથમિક શાળામાં ઓરડાની ઘટ અંગે સવાલ કર્યો હતો. જેમાં સરકારે પ્રાથમિક શાળામાં 9 હજારથી વધુ ઓરડાની ઘટ હોવાનું સ્વીકાર્યું છે. ઓરડાની ઘટના લીધે વિદ્યાર્થીઓને ખુલ્લામાં બેસીને અભ્યાસ કરવો પડે છે.

ગ્રામ્ય વિસ્તારમાં શિક્ષણનું સ્તર કથળેલી હાલતમાં છે જ તેવામાં હવે ઓરડાની ઘટ હોવાના સત્તાવાર આંકડા સામે આવ્યા છે. સરકારે છેલ્લા ત્રણ વર્ષમાં 10 હજારથી વધુ ઓરડા નવા બનાવ્યા છે. પરંતુ હજુ પણ 9 હજાર 153 ઓરડાની ઘટ છે. તો ગુજરાતના 6 જિલ્લામાં 2 હજાર 281 શિક્ષકોની ઘટ હોવાનું સામે આવ્યું છે.

ઉલ્લેખનીય છે કે રાજ્યમાં જાણે શિક્ષણ તંત્ર ખાડે ગયુ હોય તેમ લાગી રહ્યુ છે. પ્રાથમિક શાળાઓમાં ઓરડા સહિતની માળખાકીય સુવિધા જ નથી. સરકારને પણ સરકારી શાળાઓમાં પ્રાથમિક સુવિધા ઉભી કરવામાં રસ રહ્યો નથી. આ પરિસ્થિતીને કારણે ખાનગી શાળાઓને ફાવતુ ફાવ્યુ છે. વાલીઓને નાછૂટકે વધુ ફી ચૂકવી બાળકોને ખાનગી શાળાઓમાં ભણાવવા મજબૂર બન્યા છે.

Continue Reading

ગુજરાત

મુંદ્રામાં એક લાખની લાંચ લેતા કસ્ટમ્સના ત્રણ અધિકારી ઝડપાયા

Published

on

By

મુંદ્રામાં કસ્ટમ વિભાગમાં ફરજ બજાવતા 2 કસ્ટમ સુપ્રિટેન્ડન્ટ સહિત 3 આરોપીઓ વિદેશથી આવેલા ઈમ્પોર્ટેડ હેન્ડબેગના કંન્ટેનરને પોર્ટમાંથી પાસ કરવાની અવજીમાં 1 લાખની લાંચ લેતાં અઈઇના છટકામાં રંગે હાથે ઝડપાઇ ગયા હતા.

પ્રાપ્ત વિગતો મુજબ કચ્છના 1 વેપારીએ વિદેશથી આવેલી હેન્ડબેગનો જથ્થો દરિયાઈ માર્ગે ક્ધટેનરમાં આવ્યો હતો. આ ક્ધટેનરને અટકાવી પોર્ટમાંથી ક્ધટેનર પાસ કરવાની અવેજીમાં કસ્ટમ ઓફિસના સુપ્રિટેન્ડન્ટ શૈલેષ મનસુખ ગંગદેવ અર્ને પ્રિવેન્ટિવ વિભાગના સુપ્રિટેન્ડન્ટ આલોક લક્ષ્મીકાન્ત દુબે અને વચેટિયાની ભુમિકા ભજવનાર રમેશ ગોપાલ ગઢવીએ ફરિયાદી વેપારી પાસેથી લાંચ પેટે રૂૂપિયા એક લાખની માગણી કરી હતી.
વેપારીએ આ અંગે ભુજ એસીબીને ફરિયાદ આપતાં એસીબી પીઆઈ એલ. એસ. ચૌધરીએ તરત નિયામક કે.એચ.ગોહિલના માર્ગદર્શનમાં મુંદરા પોર્ટ ખાતે સોમવારે છટકું ગોઠવ્યું હતું. આ પછી વિદેશથી આવેલા ઈમ્પોર્ટેડ હેન્ડબેગના કંન્ટેનરને પોર્ટમાંથી પાસ કરવાની અવજીમાં 1 લાખની લાંચ લેતાં અઈઇના છટકામાં રંગે હાથે ઝડપ્યા હતા.

Continue Reading

Trending