Connect with us

ગુજરાત

તબીબ બનવાનું સ્વપ્ન જોતી ‘હીર’ ચક્ષુદાન થકી અન્યના જીવનમાં ઓજસ પાથરી ગઈ

Published

on

ધો.10ની પરીક્ષામાં 99.07 પી.આર. મેળવ્યા પણ રિઝલ્ટ આવે તે પહેલાં 15 વર્ષની તેજસ્વી છાત્રાનું બ્રેઈન હેમરેજથી કરુણ મોત : ચક્ષુ અને દેહદાન કરાયું

મોરબીના ઘેટિયા પરિવારને તેજસ્વી દીકરીના પરિણામની માતક નજરે રાહ હતી કારણ પરીવારજનોને ખબર જ હતી કે મોરના ઈંડા ચિતરવા ન પડે! પણ વિધિની વક્રતાએ સર્જેલી કરૂણાંતિકામાં ઘેટિયા પરિવાર ગરક થયો હોવાની વિગતો મળી ત્યારે ભલભલાના હદય દ્રુવી ઉઠ્યા … અત્યંત તેજસ્વી દિકરીએ ધો. 10નું ઝળહળતુનું પરીણામ મળે એ પહેલા જ અનંતની વાટ પકડીલેતા ઘેટિયા પરિવારમાં ગમગીની છવાઈ ગઈ છે.


સદગતના પરિવારજનોની માનવતાના દર્શન ત્યારે થયા કે, દિકરીના ચક્ષુઓનું અને દેહનું દાન કરાયું છે.
સમગ્ર કરૂણાંતિકાની વાત જોઈએ તો મોરબીમાં રહેતી અને તેજસ્વી અભ્યાસનો પર્યાય બનેલી હિર પ્રફુલભાઈ ઘેટિયા નામની છાત્રાએ ધો. 10ની હોંશે હોંશે પરીક્ષા આપ્યા બાદ વાલીઓ સમક્ષ ઝળહળતુ પરિણામ મેળવવાનો દાવો કર્યો હતો. પણ દીકરીનું પરિણામ આવે તે પહેલા દીકરીની હાજરી ‘પરોક્ષ’ બની જશે તેવી પરિવારજનોને કલ્પના પણ નહોતી.


અને બન્યું પણ એવું જ .. આજથી એકાદ મહિના પહેલા હિરને બ્રેઈન હેમરેજ થતાં જરૂરી સારવાર મળી જતાં દવાખાનેથી ઘરે લવાઈ હતી પરંતુ શ્ર્વાસની તકલીફ ઉપડતા હિરને ફરી દવાખાનામાં દાખલ કરાઈ તે દરમિયાન 80થી 90 ટકા મગજ કામ કરતું બંધ થઈ જતાં બ્રેઈન ડેડ અવસ્થા વચ્ચે વાલીઓના હાથમાંથી હિર સરકી જઈને આજે મૃત્યુ પામતા ઘેટિયા પરિવારનો તેજસ્વી દીકરીના ધો. 10માં 99.07 પર્સનટાઈલનો આનંદ આઘાતમાં ફેરવાઈ ગયો છે.

દેહદાન-ચક્ષુદાન થકી હીર ધબકશે અન્યોના જીવનમાં
લાડલી દિકરીને તબીબ બનવાનું સ્વપ્ન પુરુ કરવું હતું પણ હવે ગેરહાજરી વચ્ચે પણ દીકરી કાયમી અન્યોના જીવનમાં ધબકતી રહે તે માટે પરિવારજનોએ હિરના બન્ને ચક્ષુનું દાન કર્યુ છે. જ્યારે દિકરીની સ્મૂતિ કાયમી જળવાઈ રહે તે માટે મેડિકલ કોલેજને દેહદાન કરી ઘેટિયા પરિવારજનોએ માનવતાવાદી પ્રેરણાત્મક ઉદાહરણ પુરુ પાડયું છે.

હીરને તબીબ બનવું’ તું… પણ
નાનપણથી જ અભ્યાસિક ધોરણે ઉત્કૃષ્ટ પરિણામો લાવનારી હિર ઘેટિયાએ ધો. 10માં પણ 99.07 પર્સનટાઈસ મેળવીને પોતાના મગજની તીવ્ર તેજસ્વિતા સાબિત કરી હતી પણ કુદરતે હિરને મગજની જ બિમારીમાં પટકી દઈને ઘેટિયા પરિવારનો આનંદ છીનવી લીધો છે. પરિવારજનોએ રડમસ સ્વરૂપે જણાવ્યું હતું કે, દિકરી હિટને ડોક્ટર બનવું’ તુ પણ ઈશ્ર્વર ઈચ્છા બળવાન, પ્રભુ તેના આત્માને શાંતિ આપે….

બિગબજાર પાસે અકસ્માતમાં ઘવાયેલા પ્રૌઢનું મોત: કિડની, લીવર સહિતના અંગોનું દાન કરાયું


શહેરના 150 ફૂટ રીંગ રોડ પર બીગ બજાર પાસે ત્રણ દિવસ પહેલા અકસતમાં ઘવાયેલા પ્રૌઢે સારવારમાં દમ તોડી દેતા તેનું મોત નિપજ્યું હતુ. પરિવારજનો દ્વારા મૃતકના કિડની, લીવર, આંખ અને ત્વચાનું દાન કરવામાં આવ્યું આ બનાવમાં પોલીસે અકસ્માત સર્જનાર કાર ચાલક વિરુદ્ધ ગુનો નોંધી વધુ તપાસ હાથ ધરી છે.
જાણવા મળતી વિગત મુજબ મવડીમાં જીવરાજપાર્ક વિસ્તારમાં આવેલી અંબિકા ટાઉનશીપ પાસે રહેતા ગીરીશભાઈ જયશંકરભાઈ પંડ્યયા (ઉ.વ.53) નામના પ્રૌઢ ગત તા. 12ના રોજ બપોરે પોતાનું બાઈક લઈને જતા હતા ત્યારે પૂરપાટ ઝડપે આવતા કારના ચાલકે બાઈકને ઠોકરે લેતા અકસ્માત સર્જાયો હતો જેમાં પ્રૌઢને ગંભીર ઈજા થતાં સારવાર માટે સિવિલ હોસ્પિટલમાં ખસેડાયો હતો. જ્યાંથી વધુ સારવાર માટે ખાનગી હોસ્પિટલમાં ખસેડવામાં આવ્યા હતાં. અને માથાના ભાગે ગંભીર ઈજા થવાથી બ્રેઈનડેડ થઈ ગયાનું જાણાવ્યું હતું. સારવાર દરમિયાન તેમનું મોત નિપજ્તા પરિવારજનો દ્વારા મૃતક પ્રૌઢની બે કિડની, લીવર, અને બન્ને આંખ અને ચામડીનું દાન કરવામા આવ્યું હતું.


પ્રાથમિક તપાસમાં મૃતક પ્રૌઢ ચાર ભાઈ ત્રણ બહેનમાં નાના અને પ્રાઈવેટ કુરિયર કંપનીમાં કામ કરતા હતા તેમને સંતાનમાં બે પુત્રીઓ છે આબનાવમાં માલવિયાનગર પોલીસે મૃતકના પિતરાઈ ભાઈ સંદિપભાઈ જયશંકરભાઈ પંડ્યાની ફરિયાદ પરથી અકસ્માત સર્જનાર કારચાલક સામે ગુનો નોંધી વધુ તપાસ હાથ ધરી છે.

ગુજરાત

રાજકોટના TRP ગેમ ઝોનમાં લાગી ભીષણ આગ, અનેક લોકો ફયાસા હોવાની આશંકા, જુઓ વિડીયો

Published

on

By

રાજકોટ શહેરમાંથી એક મોટા સમાચાર સામે આવી રહ્યા છે. રાજકોટના નાના મવા રોડ પર આવેલા TRP ગેમઝોનમાં ભીષણ આગ લાગી છે. ગેમઝોનમાં લોકો ફસાયા હોવાની શંકા વ્યક્ત કરવામાં આવી છે. આગ લાગતા ત્યાં હાજર પ્રત્યક્ષદર્શીએ દાવો કર્યો છે કે 10થી 12 લોકોને બહાર કાઢવામાં આવ્યા છે. આગ લાગતા ફાયરબ્રિગેડની 8 ટીમો ઘટનાસ્થળ પર પહોંચી છે. આગના ધૂમાડા 3 કિલોમીટર સુધી દેખાઈ રહ્યા છે. ફાયરબ્રિગેડ અને એમ્બ્યુલન્સ ઘટનાસ્થળ પર હાજર છે. ગેમઝોનમાં આગ લાગવાનું કારણ હજુ સુધી બહાર નથી આવ્યું. પ્રાપ્ત માહિતી અનુસાર ૨ બાળકોના મોત થયા હોવાનું સામે આવ્યું છે.

રાજકોટ શહેર ભાજપ પ્રમુખ મુકેશ દોશીએ આગના બનાવને પગલે ઘટનાસ્થળે દોડી ગયા હતા. તેમણે જણાવ્યું હતું કે, થોડીવાર પહેલા આગના બનાવની જાણ થતાં આવ્યો છું. આવ્યા પછી ગંભીરતા જોતા લાગે છે કે કાંઈક જાનહાનિ થઈ છે, ઈશ્વરને પ્રાર્થના કે બધા સલામત રીતે બહાર આવે. બાળક કે કોઈ વાલીને કોઈ નુકસાન ન થાય. અંદર કેટલા છે એની માહિતી નથી મળી રહી. હાલની પ્રાયોરિટી આગ બુઝાવવાની છે અને સલામત લાવવાની. જવાબદારોને છોડવામાં નહીં આવે તેની ખાતરી આપું છું. તંત્રમાં અધિકારીઓ જવાબદાર હશે તેમને કોઈ બાંધછોડ ન કરાય.

https://www.facebook.com/reel/323686807288108

Continue Reading

ગુજરાત

એક દી’માં 18.70 કરોડની વિક્રમી વેરા વસૂલાત

Published

on

By

દોઢ માસમાં 2.57 લાખ કરદાતાઓએ રૂા.181 કરોડ કોર્પોરેશનની તિજોરીમાં ઠાલવ્યા

રાજકોટ મહાનગરપાલિકા દ્વારા હાલ નવા નાણાકીય વર્ષના શરૂૂઆતના તબક્કાથી જ વેરા વસુલાત ઝુંબેશ મ્યુનિસિપલ કમિશ્નર આનંદ પટેલના આદેશ તથા નાયબ મ્યુનિસિપલ કમિશ્નરશ્રી ચેતન નંદાણીના નેતૃત્વમાં હાથ ધરવામાં આવી છે. જેમાં રાજકોટ મહાનગરપાલિકાની વેરા વસુલાત શાખાના સહાયક કમિશનર સમીર ધડુકના માર્ગદર્શનમાં ઝુંબેશના રૂૂપમાં મિલકત વેરા વસુલાતની કામગીરી કરવામાં આવી રહી છે. જે અન્વયે વિવિધ સરકારી વિભાગો તેમજ ત્રણેય ઝોન કક્ષાએ મેનેજર-ટેક્ષ દ્વારા શહેરમાં વેરા વસુલાતની કામગીરી દરમ્યાન તા.24/05/2024ના રોજ સાંજે 6:00 વાગ્યા સુધીમાં (એક જ દિવસમાં) રાજકોટ મહાનગરપાલિકામાં અંદાજીત રૂૂ. 18.70 કરોડ વિક્રમી વેરાની વસુલાત થયેલ છે. દરમ્યાન રાજકોટ મહાનગરપાલિકા દ્વારા તા.08/04/2024થી તા.24/05/2024 દરમ્યાન 257559 કરદાતાઓએ રૂૂ.181.30 કરોડનો વેરો ભરપાઈ કર્યો છે.


આજની આ વેરા વસુલાત ઝુંબેશ દરમ્યાન શહેરના વિવિધ સ્થળોએ રહેલા મોબાઇલ ટાવરના ટેક્સ પેટે રૂૂ.6.64 કરોડની વસુલાત થયેલ છે.


જયારે હાઈ વેલ્યુ ટેક્સ પેયર પાસેથી રૂૂ.8.90 કરોડના વેરાની રકમ વસુલ કરવામાં આવેલ છે. હાલ અર્લી બર્ડ ડિસ્કાઉન્ટ સ્કીમ ચાલી રહી છે જે અન્વયે 31-મે સુધીમાં એડવાન્સ વેરો ભરપાઈ કરનાર કરદાતાને મળવાપાત્ર મહત્તમ 22% ડિસ્કાઉન્ટ મેળવવા મ્યુનિસિપલ કમિશ્નરશ્રી આનંદ પટેલ દ્વારા અનુરોધ કરવામાં આવે છે.

Continue Reading

ગુજરાત

સિનિયર ફોટોગ્રાફરના પુત્ર અને બજાજ કેપિટલના બ્રાંચ મેનેજરનું હાર્ટએટેકથી મૃત્યુ

Published

on

By


રાજકોટ સહિત રાજ્યભરમાં કાળઝાળ ગરમી વચ્ચે હૃદયરોગના હુમલાનો ખતરો યથાવત હોય તેમ અનેક માનવ જીંદગી કાળના ખપરમાં હોમાઈ રહી છે ત્યારે વધુ એક કરૂણ ઘટનામાં રાજકોટના સિનિયર ફોટોગ્રાફરના પુત્ર અને બજાજ કેપીટલના બ્રાંચ મેનેજરનું હૃદયરોગના હુમલાથી મૃત્યુ નિપજ્યું હતું. યુવકના મોતથી બે માસુમ બાળકોએ પિતાનું છત્ર ગુમાવતા પરિવારમાં અરેરાટી સાથે કરૂણ કલ્પાંત સર્જાયો હતો.

આ બનાવ અંગે પોલીસમાંથી જાણવા મળતી વિગત મુજબ, રાજકોટમાં માધાપર ચોકડી પાસે સ્વામીનારાયણ મંદિર પાછળ આવેલ જીહિત પાર્કમાં રહેતા સિનિયર ફોટોગ્રાફર પ્રવિણભાઈ સેદાણીના પુત્ર અને બજાજ કેપિટલના બ્રાંચ મેનેજર સંદીપભાઈ પ્રવિણભાઈ સેદાણી (ઉ.39) પોતાના ઘરે હતાં ત્યારે બપોરના બારેક વાગ્યાના અરસામાં બેભાન હાલતમાં ઢળી પડયા હતાં. યુવકને બેભાન હાલતમાં તાત્કાલીક સારવાર માટે સિવિલ હોસ્પિટલમાં ખસેડવામાં આવ્યા હતાં. જ્યાં ફરજ પરના તબીબે સંદીપભાઈ સેદાણીનું હૃદયરોગના હુમલાથી મૃત્યુ નિપજ્યું હોવાનું જાહેર કરતાં પરિવારમાં અરેરાટી સાથે ગમગીની છવાઈ જવા પામી હતી. જાણ થતાં સેદાણી પરિવાર અને પત્રકારો સિવિલ હોસ્પિટલ ખાતે પરિવારને શાંત્વના પાઠવવા દોડી ગયા હતાં.
પ્રાથમિક પુછપરછમાં મૃતક સંદીપભાઈ સેદાણીના પિતા રાજકોટના ‘જય હિન્દ’ ન્યુઝ પેપરમાં સિનિયર ફોટોગ્રાફર તરીકે ફરજ બજાવે છે. મૃતક સંદીપભાઈ સેદાણી બે ભાઈમાં મોટા હતાં અને તેમને સંતાનમાં એક પુત્ર અને એક પુત્રી છે. સંદીપભાઈ સેદાણી બજાજ કેપિટલમાં બ્રાંચ મેનેજર તરીકે ફરજ બજાવતાં હતાં. સંદીપભાઈ સેદાણીનું હૃદયરોગના હુમલાથી મોત નિપજ્યું હોવાનું જાણવા મળ્યું છે. આ બનાવ અંગે ગાંધીગ્રામ પોલીસે નોંધ કરી વધુ તપાસ હાથ ધરી છે.

Continue Reading

Trending