Connect with us

Uncategorized

ગુટકા ખાવાની આદત ભારે પડી: યુવક ચાલુ બસમાંથી પટકાયો

Published

on

કેશોદના અજાળ ગામે રહેતા યુવકને ગુટકા ખાવાની આદત ભારે પડી હોય તેમ ધોરાજીથી રાજકોટ આવતી વખતે યુવાન ગુટકા ખાવા ટ્રાવેલ્સ બસના દરવાજે ઉભો રહ્યો હતો તે દરમિયાન ભરૂૂડી ટોલનાકા પાસે ચાલુ બસમાંથી નીચે પટકાતા તાત્કાલિક સારવાર માટે ખસેડવામાં આવ્યો હતો.
આ બનાવ અંગે પોલીસમાંથી જાણવા મળતી વિગત મુજબ કેશોદના અજાળ ગામે રહેતા ભાવેશ દામોદરભાઈ કનેરિયા નામનો 42 વર્ષનો યુવાન ગુરુકૃપા ટ્રાવેલ્સમાં બેસીને જઈ રહ્યો હતો ત્યારે ભરૂૂડી ટોલનાકા પાસે ચાલુ બસમાંથી પડી જતા તેને તાત્કાલિક સારવાર માટે રાજકોટ સિવિલ હોસ્પિટલમાં દાખલ કરવામાં આવ્યો હતો. પ્રાથમિક પૂછપરછમાં ભાવેશ કનેરિયા પોતે ટ્રાવેલ્સ બસમાં ડ્રાઇવિંગ કામ કરે છે અને ધોરાજીથી રાજકોટ આવતો હતો ત્યારે ગુટકા ખાવા ભાવેશ કનેરિયા દરવાજા પાસે ઉભો રહ્યો હતો તે દરમિયાન ચાલુ બસમાંથી નીચે પડી જતા ગંભીર ઇજા પહોંચી હોવાનું જાણવા મળ્યું છે આ બનાવ અંગે ગોંડલ પોલીસે નોંધ કરી વધુ તપાસ હાથ ધરી છે.

Uncategorized

રાજકોટ બસ પોર્ટ, સુવિધા ઓછી ને દુવિધા વધુ

Published

on

By

  • 150 કરોડનો ખર્ચ છતા ખાતર ઉપર દીવો, આયોજનના નામે અક્કલનું દેવાળુ
  • આધુનિક બસ સ્ટેશનના નામે થાળી ભાંગીને વાટકો કર્યો, હવે જનતાએ કાયમ ભોગવવાનું: બહારના વિસ્તારોમાં સેટેલાઈટના નામે નિષ્ફળતા ઢાંકવાના પ્રયાસો
  • બસ સ્ટેશન ઓછું અને શોપિંગ સેન્ટર વધુ, સરકાર ડિઝાઈન બનાવવામાં થાપ ખાઈ ગઈ કે બીજું કાંઈ ?
  • બસ સ્ટેશનમાં બસ પાર્ક કરવા માટે પણ વેઈટિંગના કારણે ઢેબર રોડ ઉપર ટ્રાફિક જામની રોજીંદી સમસ્યા

રાજકોટના ઢેબર રોડ ઉપર નિગમ દ્વારા કરોડોના ખર્ચે મુસાફરોની સુવિધા વધારવા માટે અતિઆધુનિક બસ પોર્ટનું નિર્માણ કરવામાં આવ્યું છે. પરંતુ આ બસ પોર્ટ સુવિધાના બદલે દુવિધા જનક બની ગયું હોવાનો ઘાટ સર્જાયો છે. આધુનિક બસ સ્ટેશનના નામે તંત્રએ થાળી ભાંગીને વાટકો કર્યો છે. જે હવે કાયમી રીતે પ્રજાના ભાગે ભોગવવાનો વારો આવ્યો છે. બસ સ્ટેશનનો પ્લાન બસ પોર્ટ ઓછું અને શોપીંગ સેન્ટર વધારે હોય તેવું તાદાદ થઈ રહ્યું છે. સરકારે ડીઝાઈન બનાવવાનમાં થાપ ખાઈ ગઈ છે કે શું ? તેવા સવાલો મુસાફરોમાં ઉઠી રહ્યાં છે. કરોડોના ખર્ચે બનાવવામાં આવેલ સેન્ટ્રલ બસ પોઈન્ટનો હેતુ મરી પરવાડયો છે. બસ સ્ટેશનમાં છાશવારે અકસ્માતોના બનાવો બની રહ્યાં છે. અસલામત ગણાતી એસ.ટી.બસની હડફેટે બસ પોર્ટમાં મુસાફરો પોતાનો જીવ ગુમાવી રહ્યાં છે. પોતાની નિષ્ફળતાને ઢાકવા માટે સેન્ટ્રલ બસ સ્ટેશનનું નિર્માણ કરવામાં આવ્યું છે.

રાજકોટ મહાનગરપાલિકાની બાજુમાં જ ઢેબર રોડ પર સેન્ટ્રલ બસ પોર્ટ આવેલું છે. સરકાર દ્વારા બસ સ્ટેશનોને સ્માર્ટ અને આધુનિક બનાવવાનો પ્રોજેકટ હાથ પર ધરાયો હતો. જેમાં રાજકોટ સેન્ટ્રલ બસ સ્ટેશનને રૂા.150 કરોડના ખર્ચે અતિઆધુનિક ટચ આપવામાં આવ્યો હતો. જેમાં મુસાફરોની આવકની સાથેસાથે રેવન્યુ આવકને જોડવામાં આવી હતી અને બસ સ્ટેશનમાં કોમ્પલેક્ષ બનાવવામાં આવ્યા હતાં. હાલ આ કોમ્પલેક્ષ ધુણધાણી અવસ્થામાં જોવા મળી રહ્યાં છે. બસ સ્ટેશનને આધુનિક ટચ આપતાં વિશાળ જગ્યા ખાબોચીયા જેવી બની ગઈ છે અને પાર્કીગં સહિતની સમસ્યાઓ ખુદ એસ.ટી.ના કર્મચારીઓ ભોગવી રહ્યાં છે.

જુના બસ સ્ટેશનમાં સૌરાષ્ટ્ર-ગુજરાતના વિભાગો અલગ અલગ હતાં જેમાં 32 જેટલા પ્લેટફોર્મ હતાં જેમાં અલગ અલગ રૂટની બસો સ્ટોપ કરતી હતી. હાલ નવા બસ સ્ટેશનમાં માત્ર 22 જ પ્લેટફોર્મ રાખવામાં આવ્યા છે. જુના બસ સ્ટેશનમાં પ્લેટફોર્મ સહિત 100 થી વધુ ગાડીઓ પાર્કીંગ થઈ શકતી હતી પરંતુ નવા બસ સ્ટેશનની ડિઝાઈનથી જગ્યાનો અભાવ જોવા મળી રહ્યો છે અને હાલ માત્ર 28થી 30 જેટલી બસો જ પાર્કીંગમાં રાખી શકાય છે. તેના કારણે પણ બસ પોર્ટમાં ટ્રાફીક સમસ્યા સર્જાય છે. ડ્રાઈવરોને એસ.ટી.બસ રિર્વસ લેવામાં તકલીફ પડી રહી છે અને તેના કારણે અકસ્માતો સર્જાઈ રહ્યાં છે. આજે સવારે જ એસ.ટીની બે બસો વચ્ચે વિદ્યાર્થી આવી જતાં તેનું મોત નિપજ્યું હતું.
વિશાળ જગ્યામાંથી બસ સ્ટેશનનો વિસ્તાર ઘટી જતાં ભારે હાલાકી થઈ પડી છે. બસ પોર્ટમાં અંદર જગ્યા નહીં હોવાથી ઘણી વખત રૂટમાંથી આવતી બસોને ઢેબર રોડ પર પાર્કીંગ કરી દેવામાં આવે છે તેમજ કયારેક દરવાજાઓ પર લાઈન લાગી હોવાથી રોડ ઉપર ટ્રાફીક જામના દ્રશ્યો સર્જાય છે અને કલાકો સુધી વાહન ચાલકોને રોડ ઉપર જ સમય કાઢવો પડતો હોય છે. જગ્યાના અભાવે અન્ય કામગીરીઓમાં પણ મુશ્કેલી પડતી હોય છે. બસ સ્ટેશનમાં કરોડોનો ખર્ચ કરવા છતાં પણ મુસાફરોને જે પ્રકારે સુવિધા મળવી જોઈએ તે પ્રકારની સુવિધા આપવામાં તંત્ર નિષ્ફળ ગયું છે. એજેન્સી દ્વારા મેન્ટેનન્શની યોગ્ય જાળવણી નહીં કરતાં ઠેર ઠેર ગાબડા પડવા લાગ્યા છે. તાજેતરમાં જ બસ સ્ટેશન ઉપરથી જ પાણીના સુવા પડવા લાગ્યા હતાં અને કેટલોક ભાગ પાણીથી જ ભરાઈ ગયો હતો. તંત્ર દ્વારા ડોલ રાખી અને પાણીનો નિકાલ કરવામાં આવ્યો હતો તેમજ ગટરો પણ ઉભરાઈ રહી છે. ઉભરાયેલી ગટરોના પાણી ઢેબર રોડ પર ફરી વળતા વેપારીઓને પણ ભારે મુશ્કેલી થઈ હતી.

તંત્ર દ્વારા મુસાફરોને સલામત સવારી અને આધુનિક સુવિધા આપવાનો જે પ્રોજેકટ હાથ ધરવામાં આવ્યો છે તેમાં સંપૂર્ણ રીતે નિષ્ફળતા હાથ ધરી છે. કારણ કે આ પ્રોજેકટ સુવિધા નહીં પણ દુવિધા બની ગયો છે . તંત્ર માત્ર કમાવવા ખાતર માટે જ હાથ ધર્યો હોય તેવો ઘાટ સર્જાયો છે. વારંવાર થતી હેરાનગતિથી મુસાફરો પણ રોષે ભરાયા છે.

364 દુકાનોમાંથી 252 દુકાનો ધૂળધાણી: અનૈતિક પ્રવૃત્તિનો અડ્ડો બની
નવા બસ સ્ટેશનમાં કોમર્શિયલ હેતુના કારણે થાળી ભાંગીને વાટકો કરવામાં આવ્યો છે. તંત્ર દ્વારા ચાર માળની ઈમારત બનાવવામાં આવી છે જેમાં 364 જેટલી દુકાનો બનાવવામાં આવી છે. ગ્રાઉન્ડ ફલોર પર 59, ફર્સ્ટ ફલોર પર 57 સેક્ધડ અને થર્ડ ફલોર પર 94-94 અને ચોથા માળે 42 જેટલી દુકાનો બનાવાઈ છે. જેમાંથી માત્ર 112 જેટલી દુકાનો જ વેચાઈ છે જ્યારે 252 જેટલી દુકાનો ધુળ ખાઈ રહી છે. બસ સ્ટેશનનું સ્ટ્રેકચર એવું બનાવવામાં આવ્યું છે કે ઉપરના માળે કોઈ અવરજવર નહીં હોવાથી હાલ ત્યાં અનૈતિક પ્રવૃતિઓ ધમધમી રહી છે. જેમાં ઘણીવાર નશાકારક પદાર્થો પણ મળી રહ્યાં છે.

પોલીસ ચોકીનો અભાવ : રજૂઆત છતાં તંત્રના આંખ આડા કાન
જુના બસ સ્ટેશનમાં પોલીસ ચોકી કાર્યરત કરવામાં આવી હતી. પરંતુ નવા બસ પોર્ટમાં પોલીસ ચોકીની જગ્યા જ રહી નહીં હોવાથી હાલ ત્યાં પોલીસ ચોકી કાર્યરત નહીં હોવાથી બસ સ્ટેશન અસામાજિક તત્વોનો અડ્ડો બની ગયું છે અને છાશવારે ચોરી અને તોડફોડના બનાવો બની રહ્યાં છે. આ બાબતે અસંખ્યવાર મુસાફરો દ્વારા રજૂઆત કરવામાં આવી હોવા છતાં તંત્ર દ્વારા આંખ આડા કાન કરવામાં આવી રહ્યાં છે.

ફ્રી પાર્કિંગની સુવિધા જ નથી
મુસાફરોમાં એવો પણ સૂર ઉઠયો છે કે લોકો પોતાના સંબંધીઓને બસ સ્ટેશને છોડવા આવે છે ત્યારે તેઓને ફરજિયાત પોતાના વાહન પાર્કીંગમાં મુકવા પડે છે અને તેનો ભારેખમ દંડ ભરવો પડે છે કારણકે પાર્કીંગમાં ઉઘાડી લુંટ ચલાવવામાં આવી રહી હોવાનો ગણગણાટ થઈ રહ્યો છે. પોાતાના સંબંધીઓને છોડવા માટે પાંચ દસ મીનીટ માટે આવતાં લોકોને ફ્રી પાર્કીંગની ખાસ જરૂરીયાત હોય તેની પણ માંગ ઉઠી છે.

સિંગલ લેડીઝ વેઈટિંગ રૂમ ખંઢેર જેવો
બસપોર્ટના નિર્માણ સમયે લેડીઝને ધ્યાનમાં રાખીને તેઓ માટે સિંગલ લેડીઝ વેઈટીંગ રૂમ બનાવવામાં આવ્યો હતો પરંતુ આ રૂમમાં આજ સુધી ખુરશીઓ સહિતની સુવિધાઓ જ મુકવામાં આવી નથી અને રૂમનો દરવાજો પણ ખોલવામાં આવ્યો નથી. તંત્ર દ્વારા બોર્ડ પણ ઉતારી લેવામાં આવ્યું છે. હાલ આ રૂમ ધૂળ ખાઈ રહ્યો હોવાથી તેને મહિલાઓ માટે શરૂ કરવા માંગ કરાઈ છે.

બસ પોર્ટમાંથી જ મુસાફરોને ઉપાડી જતાં ખાનગી વાહનચાલકો

બસ સ્ટેશનમાં સિકયુરિટીનો અભાવ જોવા મળી રહ્યો છે. પુરતી સંખ્યામાં સિકયોરિટી નહીં હોવાના કારણે ખાનગી વાહન ચાલકોના આંટાફેરા સતત વધી રહ્યાં છે અને પ્લેટફોર્મ પાસે પડયા પાથર્યા રહે છે. બસ પોર્ટ પાસેથી જ મુસાફરોને ઉપાડી જતાં રહે છે છતાં પણ એસ.ટી.ના તંત્ર દ્વારા કોઈપણ જાતની કાર્યવાહી કરવામાં આવી રહી નથી. તેવો પણ સૂર મુસાફરોમાં ઉઠી રહ્યો છે.

Continue Reading

Uncategorized

પ્રાથમિક આરોગ્ય કેન્દ્રો રામભરોસે, ડોકટરોની 1249 જગ્યાઓ ખાલી

Published

on

By

એક તરફ, ગુજરાતમાં શાળાઓમાં વિદ્યાર્થીઓને અભ્યાસ કરાવનારાં શિક્ષકો જ નથી. બીજી તરફ, રાજ્યના પ્રાથમિક આરોગ્ય કેન્દ્રોની પણ આ દશા છે કેમકે, અહીં દર્દીઓની સારવાર કરનારાં ડોક્ટરો નથી. સરકારી આંકડા જ કહે છેકે, ગુજરાતમાં પ્રાથમિક આરોગ્ય કેન્દ્રોમાં આજે 1249 ડોક્ટરોની જગ્યાઓ ખાલી પડી છે.

ઉંચા પગાર સહિતની સવલતોને પગલે ડોક્ટરોને સરકારી દવાખાના-હોસ્પિટલો કરતાં ખાનગી-કોર્પોરેટ હોસ્પિટલમાં નોકરી કરવામાં વધુ રસ છે. ખુદ સરકારે બોન્ડ વસૂલીને કડક સૂચના આપી હોવા છતાંય ડોક્ટરો ફરજ પર હાજર જ થતા નથી. લાખો રૂૂપિયા બોન્ડ આપવા તૈયાર છે પણ ડોક્ટરો ગામડાઓમાં સરકારી હોસ્પિટલમાં નોકરી કરવા ઈચ્છુક નથી. આ સંજોગોમાં એવા ગામડાઓના પ્રાથમિક આરોગ્ય કેન્દ્રોની દશા દયનીય થઈ છે.

વર્ષ 2022ની સ્થિતીએ ગુજરાતમાં ગ્રામિણ આરોગ્ય કેન્દ્રમાં 1376 ડોક્ટરોની જગ્યાઓ સામે માત્ર 127 ડોક્ટરોની જગ્યાઓ ભરાઈ છે. જયારે 1249 ડોક્ટરોની જગ્યાઓ ખાલી પડી છે. આરોગ્ય વિભાગ પણ એ વાત કબૂલી રહ્યું છે કે, ગામડાઓમાં ડોક્ટરો નોકરી કરવા તૈયાર નથી. આ કારણોસર આરોગ્ય કેન્દ્રમાં ડોક્ટરોની જગ્યાઓ ભરાતી નથી. વર્ષ 2005માં પ્રાથમિક-સામૂહિક આરોગ્ય કેન્દ્રનિસંખ્યા કુલ મળીને 7274 હતી તે વર્ષ 2022માં વધીને 9132 સુધી પહોંચી છે. સરકારે કોન્ટ્રાકટરોને બખ્ખાં કરાવીને આરોગ્ય કેન્દ્રો તો બાંધી દીધા પણ આજેય તેમાં પુરતો સ્ટાફ નથી પરિણામે ડોક્ટરો-સ્ટાફના અભાવે ગામડાના દર્દીઓને સારવાર મેળવવા નાછુટકે શહેરોમાં આવવુ પડે છે.

Continue Reading

Uncategorized

કેડિલાના રાજીવ મોદી સામે સુપ્રીમમાં અરજીના 12 કલાક પહેલાં સમરી ભરી દેવાઇ

Published

on

By

  • દુષ્કર્મ થયા હોવાનો સ્વીકાર પણ રાજીવ સામે પુરાવા ન હોવાનો રીપોર્ટ રજૂ કરાયો, વધુ સુનાવણી બીજી માર્ચે થશે

કેડિલા ફાર્માના CMD વિરુદ્ધ દુષ્કર્મના બલ્ગેરિયન યુવતીના આક્ષેપના મામલે હવે નવો વળાંક આવ્યો છે. સોલા પોલીસ દ્વારા યુવતીની ફરિયાદના સંદર્ભમાં ચીફ જ્યુડિશિયલ મેજિસ્ટ્રેટ સમક્ષ નએથ સમરી ભરી દેવામાં આવી છે.
આ એ સમરીમાં કહેવામાં આવ્યું છે કે, યુવતીએ કરેલી ફરિયાદ તો સત્ય છે પરંતુ આરોપી વિરુદ્ધ કાર્યવાહી કરવા માટેના પૂરતાં પુરાવા મળી આવ્યા નથી. પોલીસના ઉચ્ચ અધિકારીએ પણ એ સમરી ભરી દેવાઇ હોવાનું જણાવ્યું છે. જ્યારે કે પીડિતાના એડવોકેટે જણાવ્યું છે કે સુપ્રીમ કોર્ટમાં સુનાવણીના 12 કલાક પહેલાં એ સમરી ભરી દેતાં સુપ્રીમ સમક્ષનો કેસ અર્થહીન થતાં પરત ખેંચી લેવામાં આવ્યો છે.

અલબત્ત, સમરી રિપોર્ટ મેજિસ્ટ્રેટ દ્વારા હાલ મંજૂર કરવામાં આવ્યો નથી અને હવે આ મામલે બીજી માર્ચના રોજ સુનાવણી રાખવામાં આવી છે.અતિ ચર્ચાસ્પદ આ કેસમાં મળતી માહિતી મુજબ 20મી ફેબ્રુઆરીના રોજ સુપ્રીમ કોર્ટ સમક્ષ બલ્ગેરિયન યુવતીએ સીબીઆઇ તપાસની માંગ કરતી અરજીની સુનાવણીના ઠીક 12 કલાક પહેલાં 19મી ફેબ્રુઆરીએ સોલા હાઇકોર્ટ પોલીસ સ્ટેશને આ પ્રકરણમાં એ સમરી રિપોર્ટ કર્યો હતો.

જેની જાણ ફરિયાદી યુવતીને ઇ-મેઇલના માધ્યમથી કરવામાં આવી હતી અને યુવતીએ એડવોકેટને જાણ કરી હતી. જેથી 20મી ફેબ્રુઆરીના રોજ સુપ્રીમ કોર્ટ સમક્ષ યુવતી તરફથી સીબીઆઇ તપાસની માંગ કરતી અરજી પરત ખેંચી લેવામાં આવી હતી.

બલ્ગેરિયન યુવતીના એડવોકેટ રાજેશ મિશ્રાએ કહ્યું હતું કે પોલીસને અમે તમામ પુરાવા આપ્યા છે અને ખુદ પોલીસે આરોપીની કલાકો સુધી પૂછપરછ કરી છે. તેમ છતાંય કોગ્નિઝેબલ ગુનામાં પુરાવા મળતાં નથી અને તેથી આરોપી વિરુદ્ધ કાર્યવાહી થઇ ન શકે એ મતલબની એ સમરી ભરી છે.

હવે અમે મેજિસ્ટ્રેટ સમક્ષ નએથ સમરી વિરુદ્ધ વાંધા અરજી દાખલ કરીને તેની સામે કેસ લડીશું. બીજી માર્ચે મેજિસ્ટ્રેટ સમક્ષ કેસની મુદત હોવાની જાણ યુવતીને કરી દેવાઇ છે અને તેને સોગંદનામું વગેરે કરવા માટે ભારત આવવા માટેની જાણ કરવામાં આવી છે.

બીજી તરફ એડવોકેટે એમ પણ કહ્યું છે કે, જો પોલીસને તપાસ છતાંય આરોપી સામે કાર્યવાહી કરવા માટેના મજબૂત પુરાવા ન મળ્યા હોય તો હવે અમે વધુ તપાસ અને તપાસને ઈઇઈંને સોંપવાની માગ સાથે હાઇકોર્ટ સમક્ષ કેસ કરીશું.

પોલીસની એ સમરીનો કાયદાકીય અર્થ શું?
એ સમરી રિપોર્ટ પોલીસ ત્યારે કરતી હોય જ્યારે ફરિયાદમાં તો સત્ય હોય છે પરંતુ એ સાબિત થઇ શકે તેમ હોતી નથી. એ સમરીનો કાયદાકીય અર્થ થાય છે કે ગુનો સાચો હોય પણ વણશોધાયેલો હોય. જેમાં આરોપીની જાણ તો હોય પરંતુ તેને મેજિસ્ટ્રેટ સમક્ષ કાર્યવાહી માટે મોકલી શકાય તે માટે પૂરતો પુરાવો ન હોય.

Continue Reading

Trending