વધુ 9 હોટલ, પાનની દુકાન 7 દિવસ સીલ

સોશિયલ ડિસ્ટન્સનો ભંગ કરી ધંધા ઉપર ટોળા એકઠા કરનાર દુકાનદારો વિરૂધ્ધ ઝૂંબેશ

ગઈકાલે 6 દૂકાન સીલ કર્યા બાદ આજે વધુ 9 હોટલ-દુકાન સીલ કરાતા વેપારીઓમાં સન્નાટો

શનિવારી બજારમાં 200થી વધુ માસ્કનું વિતરણ કરાયું

રાજકોટ શહેરમાં કોરોના પોઝિટીવના કેસમાં વધારો થતાં મહાનગરપાલિકા દ્વારા સોશિયલ ડિસ્ટન્સ અને માસ્ક વિરૂધ્ધ ઝૂંબેશ શરૂ કરવામાં આવી છે. જે અંતર્ગત પાનની દૂકાનો અને હોટલો પર એકઠી થતી ભીડ માટે દૂકાનદારને જવાબદાર ઠેરવી આજરોજ ભીડ એકઠી કરનાર 9 ચાની હોટલ અને પાનની દૂકાન સાત દિવસ માટે સિલ કરી દેવામાં આવી હતી અને જનજાગૃતિ અંગે ફરજીયાત માસ્ક પહેરવું અને સોશિયલ ડિસ્ટન્સનું પાલન કરવા સુચના આપવામાં આવી હતી. મ્હો અને નાક સરખું ઢંકાઈ એ રીતે માસ્ક પહેરવા માર્ગદર્શન પણ આપવામાં આવ્યું હતું.
દરમ્યાન રાજકોટ મહાનગરપાલિકા શહેરીજનોને એવી અપીલ કરે છે કે, લોકો ફરજીયાત માસ્ક પહેરે એ જરૂરી છે. કેટલાક લોકોએ માસ્ક પહેર્યું હોય છે પરંતુ તેમના નાક અને મ્હો ઉઘાડા હોય છે. આવા નાગરિકો
સામે પણ દંડની વસૂલાત કરવાની કાર્યવાહી કરવામાં આવશે. લોકો માસ્ક એવી રીતે પહેરે જેથી મ્હો અને નાક બરોબર ઢંકાયેલ રહે. રાજકોટ મહાનગરપાલિકાનો આશય લોકોને દંડિત કરવાનો નહી પરંતુ તેઓ સાવચેતી રાખે અને પોતાના તથા અન્ય લોકોના સ્વાસ્થ્યના હિતમાં વ્યવસ્થિત માસ્ક પહેરે તે જરૂરી છે.
રાજકોટ મહાનગરપાલિકા લોકોને ખાસ અપીલ કરે છે કે, ઘરની બહાર નીકળવાનું ટાળો, અને બહુ જ જરૂરી કામે બહાર
નીકળવાનું થાય તો મ્હો અને નાક ઢંકાઈ તે માસ્ક પહેરવું. વારંવાર સાબુથી હાથ સાફ કરવા, સોશિયલ ડિસ્ટન્સનું પાલન કરવું, પોતે કોરોનાથી બચશે તો અન્ય અને પોતાના પરિવારને કોરોનાથી બચાવી શકાશે.
સરકાર



દ્વારા કેટલીક શરતો સાથે લોકોને પોતાનો વ્યવસાયની છૂટ આપવામાં આવેલ છે ત્યારે લોકોએ સામાજિક અંતર રાખવું, માસ્ક પહેરવું જેવા નિયમોનું પાલન કરવું આવશ્યક છે. આમ છતાં શહેરમાં સોશિયલ ડિસ્ટન્સનો
અને ફરજીયાત માસ્ક અંગેના ભંગ કરતા ધંધાર્થીઓ અને લોકો વધુ સતર્ક બને, સમજદારીથી પોતાની નાગરિક ફરજ બજાવે તેવા ઉમદા આશય સાથે રાજકોટ મહાનગરપાલિકા દ્વારા દંડ વસુલ કરવાની કાર્યવાહી હાથ ધરવામાં આવેલ છે. શહેરમાં કોરોના વધુ ના વકરે એ માટે આ નિયમોના પાલન માટે તંત્ર વધુ સતર્ક રહી નિયમોનો ભંગ કરનાર લોકો સામે કડક કાર્યવાહી કરશે. શહેરના જે-જે સ્થળોએ સોશિયલ ડિસ્ટન્સનો ભંગ થાય છે તેવા સ્થળોએ દંડ અથવા સીલ કરવાની કાર્યવાહી કરવામાં આવશે. કાલાવડ રોડ પર દર શનિવારે બજાર ભરાય છે, જે સંદર્ભે આજે શનિવારી બજારમાં માણસોના ટોળા જોવા મળતા નાયબ મ્યુનિ. કમિશનર એ.આર.સિંહ સહિતના અધિકારીઓ દ્વારા સ્થળ પર જઈને 200 થી વધુ માસ્કનું વિનામુલ્યે વિતરણ કરવામાં આવ્યું હતું

સીલ થયેલ 9 હોટલ-દૂકાન
આજ બપોર સુધીમાં સોશિયલ ડિસ્ટન્સના ભંગ બદલ જે દુકાનો સીલ કરવામાં આવેલ છે તેમાં 80 ફૂટ રોડ અમુલ સર્કલ પાસે ભારત પાન એન્ડ કોલ્ડ્રીંક્સ, ડીલક્સ પાન, ગેલેક્સી પાન એન્ડ કોલ્ડ્રીંક્સ, બાબા પાન એન્ડ કોલ્ડ્રીંક્સ, સંતોષ કોલ્ડ્રીંક્સ, શક્તિ ટી સ્ટોલ, ખેતલાઆપા પાન એન્ડ ટી તેમજ આત્મીય કોલેજ સામે કાલાવડ રોડ ખાતેના ખેતલાઆપા ટી સ્ટોલ અને શક્તિ ટી સ્ટોલનો સમાવેશ થાય છે.





રિલેટેડ ન્યૂઝ