કપિલ દેવે વીર નર્મદ યુનિ.માં શિક્ષણની નવી વ્યાખ્યા કરી

સુરત તા.27
ભારતને પ્રથમ વિશ્વકપ અપાવનાર પૂર્વ ક્રિકેટર કપિલ દેવ બુધવારે વીર નર્મદ ગુજરાત યુનિવર્સિટી (વીએનએસજીયુ)માં યોજાયેલા પદવીદાન સમારોહમાં ઉપસ્થિત રહ્યા હતા, જ્યાં તેમણે વિદ્યાર્થીઓને સંબોધન કર્યું હતું.યુનિવર્સિટીના ક્ધવેન્શન હોલમાં યોજાયેલા વીએનએસજીયુના 51મા પદવીદાન સમારોહમાં ભારતીય ઓલરાઉન્ડરે મુખ્ય અતિથિ તરીકે હાજરી આપી હતી.કપિલ દેવની એક ઝલક મેળવવા તેમજ તેમને સાંભળવા માટે ગ્રેજ્યુએટ થયેલા વિદ્યાર્થીઓ અને વાલીઓમાં ભારે ઉત્સાહ જોવા મળ્યો હતો, જેના કારણે હોલ હાઉસફુલ થઈ ગયો હતો. આટલું જ નહીં કેટલાક વિદ્યાર્થીઓ તો કપિલ દેવને સાંભળવા માટે હોલની બહાર પર ઊભા રહ્યા હતા.
વિદ્યાર્થીઓના ઉત્સાહને જોઈને ક્રિકેટ આઈકન એટલા પ્રભાવિત થયા હતા, કે તેમણે જેઓ હોલના ગેટ પાસે તેમજ બહાર ઊભા રહેલા વિદ્યાર્થીઓને સ્ટેજ પાસે બેસી જવાની વિનંતી
કરી હતી.
કપિલ દેવે એન્કર સાથે હળવી મજાક કરી હતી અને મારા માટે પણ બોલવા માટે કંઈક રહેવા દો તેમ કહીને સ્પીચની શરૂઆત કરી હતી.
પોતાના જીવનના અનુભવો શેર કરતાં, કપિલ દેવે કહ્યું હતું કે તેમને
કોઈપણ કોલેજમાં અભ્યાસ કરવાની તક મળી નથી, પરંતુ સખત મહેનત અને સમર્પણના કારણે સ્ટેજ પર બેસવાનો ચાન્સ મળ્યો છે.
શિક્ષણ આનંદ આપનારૂં હોવું જોઈએ, દબાણ આપનારૂં નહીં. તમે જે કરો છો તેને તમે એન્જોય


નહીં કરો, તો તેનો કોઈ અર્થ રહેશે નહીં તેમ તેમણે કહ્યું.
તેમણે વિદ્યાર્થીઓને તેમની અંદર છુપાયેલા જુસ્સાને શોધવા માટે કહ્યું હતું. મારી દીકરીએ મને એકવાર પૂછ્યું હતું કે, હું તેને શું બનાવવા
ઈચ્છું છું. મેં તેને કહ્યું કે, તે જાણવું વધારે મહત્વનું છે કે તું શું બનવા માગે છે, તેમ તેમણે કહ્યું.કોઈને માફ કરી દેવાના મહત્વ વિશે વાત કરતાં તેમણે નેલ્સન મંડેલાના એક ક્વોટને યાદ કર્યો હતો, જે તેમણે 26 વર્ષની કેદમાંથી છૂટ્યા પછી આપ્યો હતો.મંડેલા મારા હીરો હતા અને મને તેમની સાથે મુલાકાત કરવાની તક પણ મળી હતી. જેલમાંથી છૂટ્યા બાદ તેમણે કહ્યું હતું કે-જે લોકોએ મને જેલમાં રાખ્યો તે તમામને મેં માફ કરી દીધા છે. તેથી લોકોને માફ કરતા શીખો અને જીવનમાં આગળ વધો તેમ કપિલ દેવે કહ્યું હતું.તેમણે વિદ્યાર્થીઓને કોઈની નકલ ન કરવાની સલાહ પણ આપી હતી સાથે જ કહ્યું હતું કે તેઓ જે પણ ક્ષેત્રમાં આગળ વધવા માગે છે તેમાં પોતાને સાર્થક કરીને બતાવે.ગુજરાતી વાક્ય સાથે સ્પીચ પૂરી કરતાં તેમણે કહ્યું હતું કે, મને ગુજરાતી આવડે નહીં, જો હું ગુજરાતી જાણતો હોત તો તમારી સાથે વધારે સારી રીતે વાતચીત કરી શકત.ગાયક રાજેશ રેડ્ડીએ પદવીદાન સમારોહ દરમિયાન યુનિવર્સિટીના ઉચ્ચ અધિકારીઓની વિનંતી પર એક ગઝલ પણ સંભળાવી હતી.

રિલેટેડ ન્યૂઝ