‘અકસ્માતે’ રાજકોટ પોલીસ જ બૂટલેગર નીકળી

અકસ્માત પછી રસ્તા પર દારૂ, બિયરની રેલમછેલ: વાત જિલ્લા પોલીસવડા સુધી પહોંચી મામલો રફે દફે કરવાનો પ્રયાસ નાકામ: મુખ્યમંત્રીના આગમનના આગલા દિવસે જ પોલીસની છબી કલંકિત

દારૂની 250 થી 300 બોટલ પ્યાસીઓ ‘લૂંટી’ ગયા
જાંબુડીયા નજીક વહેલી સવારે દારૂ ભરેલી સ્કોર્પિયો પલટી મારી જતાં રોડ પર દારૂની રેલમછેલ થઇ પડી હતી. બનાવની જાણ થતાં જ પ્યાસીઓ દોડી આવ્યા હતા. અને હાથ લાગે એટલી દારૂ,બિયરની બોટલો લૂંટીને ભાગી ગયા હતા. કેટલાક લોકોએ આ ઘટનાનો વિડીયો ઉતારી લેતા ટુંક સમયમાં દારૂની લૂંટનો વિડીયો વાયરલ થવાની સંભાવના છે.
દારૂ સાથે પકડાયેલા એલઆરડી જવાન નશામાં હોવાની ચર્ચા? તપાસ
સૂત્રોમાંથી મળતી વિગત મુજબ, દારૂ ભરેલી સ્કોર્પિયો સાથે પકડાયેલા બન્ને એલઆરડી કોન્સ્ટેબલ ચિક્કાર નશામાં હોવાની પોલીસબેડામાં ચર્ચા થઇ રહી છે. દારુ ભરવા કયારે ગયા હતા? બન્ને નોકરી ક્યારની હતી? એ મુદ્દે તપાસ ચાલી રહી છે.
બે માસ પૂર્વે અમદાવાદના ASI દારૂની કારનું પાયલોટીંગ કરતા રાજકોટમાં પકડાયા’તા
શહેર પોલીસની એસઓજીના સ્ટાફે ત્રણ માસ પહેલાં વિદ્યાનગર મેઇન રોડ પરથી દારૂ ભરેલી કાર તેમજ અન્ય કારમાં દારૂ ભરેલી કારનું પાયલોટીંગ કરી રહેલા અમદાવાદના રામોલ આઇ ડીવીઝનના એસએસઆઇ વિરેન્દ્રસિંહ રણજીતસિંહ દરબાર સહિત ત્રણની ધરપકડ કરી હતી. એસઆઇ ચાલુ ફરજે અમદાવાદથી દારૂની કારનું પાયલોટીંગ કરી રહ્યો હતો અને હજી જામીન મળ્યા નથી.

રાજકોટ તા.20
ગુજરાતમાં દારુબંધીના કડક અમલ માટે સરકારે કડક કાયદો અમલી બનાવ્યો છે. પરંતુ કાયદાની અમલવારી કરવાની જવાબદારી સંભાળતા પોલીસકર્મીઓ જ દારૂની હેરાફેરીમાં ડૂબી ગયાનો વધુ એક બનાવ પ્રકાશમાં આવતા પોલીસબેડામાં ખળભળાટ મચી ગયો છે. રાજકોટમાં ફરજ બજાવતા બે પોલીસમેન વહેલી સવારે સ્કોર્પિયોમાં દારુ ભરીને આવી રહ્યા હતા ત્યારે મોરબી તાલકુાના જાંબુડીયા ગામ