ગુજરાતના ઇતિહાસમાં પહેલી વાર ગેસ કેડરના 20 અધિકારીઓને IAS તરીકેનું પ્રમોશન મળ્યું છે, જે રાજ્ય માટે મહત્વપૂર્ણ ઘટના ગણાઈ રહી છે. ભારત સરકારના પર્સનલ ડિપાર્ટમેન્ટ દ્વારા આ અંગે આજે નોટિફિકેશન જાહેર કરવામાં આવ્યું છે. નોંધનીય છે કે, આ વખતનું પ્રમોશન માત્ર સંખ્યાની દૃષ્ટિએ જ નહીં, પરંતુ મહત્વપૂર્ણ અધિકારીઓને મળેલા પ્રતિષ્ઠિત હોદ્દાની દૃષ્ટિએ પણ વિશેષ છે.
જાહેર કરવામાં આવેલી યાદીમાં વર્તમાન ઈખઘના અધિકારી રાકેશ વ્યાસ અને પૂર્વ ઈખઘના અધિકારી ચંદ્રેશ કોટકનો સમાવેશ થયો છે. ઉપરાંત, ભારત સરકારના પર્સનલ વિભાગમાં અગાઉ ફરજ બજાવી ચૂકેલા સંજય જોષીને પણ આ સૂચિમાં સ્થાન મળ્યું છે. આ નોંધપાત્ર પ્રમોશન રાજ્યના પ્રશાસનિક વર્ગમાં મહત્વપૂર્ણ બદલાવ લાવનાર ગણાશે, કેમ કે ગેસ કેડરના અધિકારીઓને આટલા મોટા પ્રમાણમાં CMOનો હોદ્દો પહેલી વાર મળ્યો છે.
ભારત સરકારના પર્સનલ ડિપાર્ટમેન્ટ દ્વારા જાહેર કરાયેલા નામાંકન અનુસાર, પોરબંદર મ્યુનિસિપલ કમિશનર એચ.જે. પ્રજાપતિ, મહેસાણાના કે.જે. રાઠોડ, એસ.જે. જોષીનો સમાવેશ છે. સાથે જ સુપર સ્કેલ ધરાવતા અન્ય 15 અધિકારીઓને પણ IAS તરીકેના હોદ્દા પર પ્રમોશન મળ્યું છે.પ્રમોશન મેળવનાર અધિકારીઓમાં નીનામા, કે.પી. જોશી, બી.એમ. પટેલ, કવિતા રાકેશ શાહ, વી.ડી. દેવરા, એ.જે. ગામે, એસ.કે. પટેલ, એ.એન. ચૌધરી, એચ.પી. પટેલ, જાદવ, બી.કે. બ્રહ્મભટ્ટ, એમ.પી. પંડ્યા, આર.વી. વાળા, આર.વી. વ્યાસ અને એન.ડી. પરમારનો સમાવેશ થાય છે.
ગુજરાતના ઇતિહાસમાં આટલી મોટી સંખ્યામાં ગેસ કેડરના અધિકારીઓને IAS તરીકેનું પ્રમોશન મળવું પ્રથમ વખત છે, જેના કારણે પ્રશાસનિક વર્તુળમાં આ સમાચાર ચર્ચાનો વિષય બન્યા છે. સરકારના મહત્વપૂર્ણ વિભાગોમાં આ અધિકારીઓને વિશેષ જવાબદારીઓ આપવામાં આવશે.