નાણામંત્રી મારી બાજુમાં બેઠા છે, હું તેમને કહીશ કે ઇન્કમટેકસવાળા ન આવે: મોદી

મુદ્રા યોજનાના 10 વર્ષ પૂર્ણ થવાના અવસરે, વડાપ્રધાન નરેન્દ્ર મોદીએ મંગળવારે મુદ્રા યોજનાના લાભાર્થીઓ સાથે વાતચીત કરી. આ દરમિયાન કેટલાક એવા પ્રસંગો આવ્યા જ્યારે પીએમ મોદીએ લોકો સાથે રમૂજી રીતે વાત કરી.આ દરમિયાન પીએમ મોદીએ એક લાભાર્થીને પૂછ્યું, તમારી વર્તમાન આવક કેટલી છે? આ માણસની સંકોચ જોઈને પીએમ મોદીએ કહ્યું કે મારી બાજુમાં નાણામંત્રી બેઠા છે, હું તેમને કહીશ કે ઈન્કમટેક્સવાળા નહીં આવે. આ સાંભળીને બધા જોર જોરથી હસવા લાગ્યા. પીએમ મોદીએ સોશિયલ મીડિયા પોસ્ટમાં કહ્યું કે મુદ્રા યોજનાના 10 વર્ષ પૂરા થવાના અવસરે મેં દેશભરના મુદ્રા લાભાર્થીઓને મારા ઘરે આમંત્રિત કર્યા હતા. લાભાર્થીઓએ અમને જણાવ્યું કે કેવી રીતે આ યોજનાએ તેમના જીવનમાં પરિવર્તન લાવ્યું છે.