Connect with us

રાજકોટ

ઢોર નિયંત્રણ કાયદાનો અમલ શરૂ, હવેથી ત્રણ ગણો દંડ

Published

on

મહાનગરપાલિકાની સ્ટેન્ડીંગ કમિટિની બેઠકમાં ગત વખતે પેન્ડીંગ રહેલ ઢોર નિયંત્રણ કાયદાની અમલવારી માટેની દરખાસ્ત આજે મંજુર કરવામાં આવી હતી. જેના કારણે રાજ્ય સરકારે નક્કી કરેલ ઢોર નિયંત્રણ કાયદાની દંડની અમલવારી આવતી કાલથી રાજકોટમાં શરૂ કરવામાં આવશે. રખડતું ઢોર પકડાય ત્યારે પશુ માલિકને હવે રૂા. 500ના બદલે રૂા. 1500 દંડભરી પશુ છોડાવવાનું રહેશે. તેમજ એનિમલ હોસ્ટેલમાં પશુ મુકવા માટે હવે રૂા. 1000ના બદલે 3000 ચાર્જ ચુકવવો પડશે. જેની મલવારી આવતી કાલથી શરૂ કરાશે તેમજ પશુ નિયંત્રણ કાયદામાં આવતા તમામ કડક નિયમો અંતર્ગત પણ શહેરમાં રખડતા ઢોર વિરુદ્ધ કાર્યવાહી હાથ ધરાશે. તેમ સ્ટેટન્ડીંગ ચેરમેન જયમીનભાઈ ઠાકરે જણાવ્યુ હતું.
આજની સ્ટેન્ડીંગ કમિટિની બેઠકમાં શહેરી વિસ્તારમાં પશુ ત્રાસ અટકાવવા અને નિયંત્રણ અંગે માર્ગદર્શીકા જાહેર કરે છે. તે અંતર્ગત દંડ અને એનિમલ હોસ્ટેલના ભાવમાં ત્રણ ગણો વધારોકરવામાં આવ્યો છે. જે દરખાસ્ત આજે મંજુર કરવામાં આવી હતી. અને આ મુદ્દે સ્ટેન્ડીંગ ચેરમેન જયમીનભાઈ ઠાકરે જણાવેલ કે, ગત સ્ટેન્ડીંગમાં દરખાસ્ત રજૂ કરવામાં આવેલ પરંતુ પશુ પાલકો સાથે ચર્ચા કર્યા બાદ આજે દરખાસ્ત મંજુર કરવામાં આવી છે. રાજ્ય સરકારની માર્ગદર્શીકા મુજબ રાજ્યના શહેરી વિસ્તારમાંના રહેવાસીઓ રખડતા ઢોરની સમસ્યાનો સામનો કરી રહ્યા છે. શહેરોમાં આસપાસ મુક્ત રીતે રખડતા ઢોર ગંભીર જોખમ બન્યા છે. ઘણા લોકોએ જીવ ગુમાવ્યા છે અને રખડતા ઢોરથી થતા અકસ્માતોને કારણે ઘણાં લોકોને ઈજા પહોંચી છે. આ જોખમ કોઈ કલ્પના કરે તેનાથી વધારે ગંભીર છે. પશુ રસ્તાની વચ્ચે દોડતા હોય છે અને અચાનક રસ્તાની વચ્ચે આવવાથી અકસ્માત સર્જાતા હોવાના કારણે મુક્ત રીતે ફરતા ઢોર વાહનચાલકો માટે જોખમરૂૂપ છે. આ સમસ્યાને હળવી કરવા માટે, ગુજરાત રાજ્યના શહેરી વિસ્તારોમાં, તેવા ઢોરના લાઈસન્સ આપવા અને તેનું નિયમન કરવા અથવા તેના પર પ્રતિબંધ મુકવા, તેને રાખવા અને તેની હેરફેર માટે જોગવાઈ કરવા માટે માર્ગદર્શિકા પ્રસિધ્ધ કરી, શહેરી વિસ્તારમાં ઢોરને રાખવા અને તેની હેરફેરની પ્રવૃતિઓને નિયંત્રીત કરવાનું જરૂૂરી જણાયું છે.
મહાનગરપાલિકાનાં વિસ્તારમાં પશુઓનો ત્રાસ વધતો હોઈ જેના અટાકાવ અને નિયમન માટે વધુ સઘન કાર્યવાહી કરવી જરૂૂરી છે. હાલ મહાનગરપાલિકા વિસ્તારમાં પશુ ત્રાસ અટકાવ અને નિયમન માટે રખડતા પશુઓ પકડવાની તથા નિયત થયેલ દંડ/ચાર્જ ભર્યેથી પશુ માલિકોને પરત સોંપવાની કાર્યવાહી સંબંધિત મહાનગરપાલિકા દ્વારા હાથ ધરવામાં આવે છે. પરિણામે પશુ માલિકો દડ/ચાર્જ ભર્યા બાદ પશુઓને પુન:રખડતા મુકે છે અને આ પ્રક્રિયા સતત ચાલુ છે. જેના પરિણામે પશુઓનો ત્રાસ અટકતો નથી અને નિયમન થતું નથી. અથી આ માટે ધી ગુજરાત પ્રોવિન્સિઅલ મ્યુનિસીપલ કોર્પોરેશન એકટ 1949, ધી ગુજરાત મ્યુનિસિ પાલિટીઝ એક્ટ, 1963 તેમજ નામ. ગુજરાત હાઈકોર્ટ દ્વારા આ સંદર્ભે વખતોવખત આપેલા નિર્દેશો/સૂચનો ધ્યાને લઈને શહેરી વિકાસ અને શહેરી ગૃહ નિર્માણ વિભાગ દ્વારા સંદર્ભ-2-3 અન્વયે નીચે મુજબની વિગતે મહાનગર પાલિકા માટે શહેરી વિસ્તારમાં પશુ ત્રાસ અટકાવ અને નિયંત્રણ અંગે માર્ગદર્શિકા-2023 પ્રસિધ્ધ કરવામાં આવેલ છે. શહેરમાં ઢોર રાખવા અંગે રખડતા ઢોરના ત્રાસને નિયંત્રણમાં રાખવા અંગે પાલિકાઓ દ્વારા ધી જી.પી. એમ. સી. એક્ટ, 1949 ની વિવિધ કલમો અંતર્ગત વિવિધ કામગીરી કરવામાં આવે છે. જે અંતર્ગત સી.એન. સી. ડી. વિભાગ કાર્યરત કરી પશુઓની નોંધણી, જાહેરમાં ઘાસ વેચાણ પ્રવૃતિ બંધ કરવી, રખડતા ઢોરને પકડી ઢોર ડબ્બે પુરવા ઢોર ડબ્બાની જાળવણી, વિરોધ કરતા, રોડ ઉપર રખડતા મુકતા પશુ માલિક સામે પોલિસ ફરિયાદ વિગેરે કામગીરી વિભાગ દ્વારા કરવામાં આવે છે.

Continue Reading
Click to comment

Leave a Reply

Your email address will not be published. Required fields are marked *

ગુજરાત

રાજકોટના ટોચના બિલ્ડર ગ્રૂપના 30 સ્થળે આઇ.ટી.ના દરોડા

Published

on

By

  • ઓરબીટ ગ્રૂપવાળા લાડાણી એસોસિએટ્સના તમામ ભાગીદારોના નિવાસસ્થાનો, ઓફિસો સહિતના સ્થળોએ 150 જેટલા અધિકારીઓનો કાફલો ત્રાટક્યો

ગુજરાતમાં ચાલુ વર્ષે બિલ્ડરો ઉપર ઇન્કમટેકસ વિભાગની સતત તવાઇ ચાલુ જ રહી હોય તેમ અમદાવાદ- સુરતના બિલ્ડરો બાદ આજે ઇન્કમટેકસ વિભાગે રાજકોટમાં ટોચના બિલ્ડર ગૃપ ઉપર તવાઇ ઉતારી છે અને આજે રાજકોટમાં બેરીંગ તથા બિલ્ડીંગ ક્ષેત્ર સાથે સંકળાયેલા ઓરબીટ ગૃપ અને તેની સાથે જોડાયેલા લોકોના કુલ 30 જેટલા સ્થળે સર્ચ ઓપરેશન હાથ ધરતા બિલ્ડર લોબીમાં ફફડાટ ફેલાઇ જવા પામેલ છે. ઇન્કમટેકસ વિભાગની આ તપાસ દરમિયાન મોટી રકમના બિનહિસાબી વ્યવહારો ઝડપાવાની શકયતા દર્શાવાઇ રહી છે.

જાણવા મળતી માહિતી મુજબ આજે વહેલી સવારથી ઓરબીટ બેરીંગ ગૃપ તથા અગ્રણી બિલ્ડર દિલીપ લાડાણીની ભાગીદારીવાળા અને તેની સાથે જોડાયેલા તમામ ભાગીદારોના ઓફિસો, નિવાસસ્થાનો તેમજ બાંધકામ સાઇટો સહીતના 30 જેટલા સ્થળોએ ઇન્કમટેકસ વિભાગના 150 જેટલા અધિકારીઓનો કાફલો ત્રાટકયો હતો.

મળતી માહિતી મુજબ આ બિલ્ડર ગૃપના નવા રીંગરોડ ઉપર સ્પીડવેલ પાર્ટી પ્લોટ પાસે આવેલ ગેલેકસી ગાર્ડન, મોટામવામાં આવેલ ટિવન ટાવર, સ્કાય હિલ ગાર્ડન સહીતના લાડાણી એસોસીએટસના તમામ ભાગીદારોના ઠેકાણાઓ ઉપર ઇન્કમટેકસ વિભાગે તપાસ હાથ ધરી છે.

લાડાણી એસોસીએટસ સાથે દિલીપ લાડાણી ઉપરાંત ઉત્સવ લાડાણી, રાજ વિનેશ પટેલ, વિનેશ બાબુલાલ પટેલ, વિપુલ બાબુલાલ પટેલ સહીતના ભાગીદારો જોડાયેલા છે. આ તમામ ભાગીદારોના નિવાસસ્થાનો તેમજ ઓફિસો સહીતના સ્થળો ઉપર તપાસ હાથ ધરવામાં આવી છે. ઇન્કમટેકસ વિભાગ દ્વારા લાડાણી એસોસીએટસના તમામ ભાગીદારોના કોમ્પ્યુટર, હિસાબી સાહિત્ય, કાચી-પાકી ચિઠ્ઠીઓ સહીતનાં હિસાબી સાહિત્યની ચકાસણી શરૂ કરી છે. આ તપાસ દરમિયાન મોટી રકમના બિનહિસાબી વ્યવહારો મળી આવવાની શકયતા છે.

બિલ્ડરના કર્મચારીઓના નિવાસે પણ તપાસ હાથ ધરાઇ
રાજકોટનાં બિલ્ડર ગૃપ લાડાણી એસોસીએટસના ભાગીદારોને ત્યાં સવારથી ઇન્કમટેકસ વિભાગે દરોડા પાડયા છે સાથો સાથ આ બિલ્ડર ગૃપને ત્યાં નોકરી કરતા કર્મચારીઓના નિવાસસ્થાનો ઉપર પણ ઇન્કમટેકસ વિભાગે તપાસો હાથ ધરી હોવાનું જાણવા મળે છે. બિલ્ડરો પોતાના બે નંબરના વ્યવહારો કર્મચારીઓના નિવાસ સ્થાનોમાં રાખતા હોવાની શંકાથી કેટલાક કર્મચારીઓના નિવાસે પણ સવારમાં ઇન્કમટેકસના અધિકારીઓ પહોંચ્યા હતા અને હિસાબી સાહિત્ય તેમજ લેપટોપ જપ્ત કરી લીધા હતા. સાથો સાથ કર્મચારીઓના મોબાઇલ જપ્ત કરી તેમને પણ ઓફિસે બેસાડી દેવામાં આવ્યા છે.

કોને ત્યાં તપાસ
દિલીપભાઇ લાડાણી
ઉત્સવ દિલીપભાઇ લાડાણી
રાજ વિનેશભાઇ પટેલ
વિનેશ બાબુલાલ પટેલ
વિપુલ બાબુલાલ પટેલ
દાનુભા જાડેજા

Continue Reading

ગુજરાત

દૂધસાગર રોડ પરની 12 સોસાયટીમાં અશાંતધારો લાગુ કરવા દરખાસ્ત

Published

on

By

  • ધારાસભ્ય ઉદય કાનગડે કલેકટરને મોકલી દરખાસ્ત: સબ રજિસ્ટ્રાર, મામલતદાર પાસેથી રિપોર્ટ મગાવતા કલેકટર

રંગીલા રાજકોટ શહેરને રૈયા રોડ અને કોઠારીયા રોડ પર અમક અસામાજીક તત્વોના કારણે રાજય સરકાર દ્વારા અશાંત ધારો લાગુ કરવામાં આવ્યો છે ત્યારે દુધસાગર રોડની એક ડઝન સોસાયટીમાં પણ અશાંત ધારો લાગુ કરવા જિલ્લા કલેકટર સમક્ષ દરખાસ્ત આપતા પ્રાંત અધિકારી દ્વારા સબરજીસ્ટ્રાર કચેરી સીટી સર્વે અને મામલતદાર પાસેથી અભિપ્રાય મંગાવ્યો છે.

રાજકોટ શહેરના કોઠારીયા રોડ જંગલેશ્વર નજીકની સોસાયટી અને રૈયારોડ પર અમુક અસામાજીક તત્વોના કારણે કિંમતી મકાન સસ્તામાં પડાવી લેતા હોવાનં તંત્રના ધ્યાન પર આવતા રૈયા રોડ અને કોઠારિયા રોડ પર જિલ્લા કલેક્ટનરા અભિપ્રાયના આધારે ગૃહ વિભાગે અશાંતધારો લાગુ કરી દીધો છે.

અશાંતધારામાં આવતી સોસાયટીઓમાં મકાન કે કોમર્શીયલ બિલ્ડીંગ કે દુકાન લે-વેચ માટે જિલ્લા કલેક્ટર કે પ્રાંત અધિકારીની મંજુરી મળે તે પછી જ દસ્તાવેજ થઈ શકે છે. જેના કારણે હવે અસમાજીક તત્વોએ નવા વિસ્તારોમાં પોતાનો ડોળો જમાવ્યો છે.રાજકોટ દૂધસાગર રોડ પર આવેલ એક ડઝન જેટલી સોસાયટીમાં પણ છેલ્લા ઘણા સમયથી અસામાજીક તત્વો અને પરપ્રાતિય શખ્સોનો ત્રાસ વધી ગયો છે અને આવા વિસ્તારમાં ઘુસણખોરી કર્યા બાદ રહેવાસીઓ પાસેથી ધાક ધમકી આપી કિંમતી મિલ્કત સસ્તામાં પડાવી લેવામાં આતી હોવાની અનેક ફરિયાદો ઉઠવા પામી છે.

દૂધસાગર રોડ પર આવેલ ગુજરાત હાઉસીંગ બોર્ડ, જયહિન્દ નગર, ગંજીવાડા, ચુનારાવાડ, શિવાજી નગર, રાજારામ સોસાયટી, સીતારામ સોસાયટી, આંબાવાડી, ન્યુ શક્તિસોસાયટી સહિતના વિસ્તારના લોકોએ આ બાબતે ધારાસભ્ય ઉદય કાનગડ સમક્ષ રજૂઆત કરી હતી.લતાવાસીઓની રજૂઆતને ધ્યાને લઈને દૂધ સાગર રોડ પરની એક ડઝન જેટલી સોસાયટીઓમાં અશાંતધારો લાગુ કરવા જિલ્લા કલેક્ટર પ્રભવ જોશી સમક્ષ દરખાસ્ત કરવામાં આવી છે.કલેક્ટર દ્વયારા આ દરખાસ્તને ધ્યાને લઈને સીટી પ્રાંત અદિકારી ચાંદલી પરમારને કાર્યવાહી શરૂ કરી દીધી છે. પ્રાંત અધિકારી દ્વારા સબ રજીસ્ટ્રાર કચેરી, સીટીસર્વે અને મામલતદાર પાસેતી છેલ્લા થોડા સમયમાં થેયલા દસ્તાવેજોની માહીતી મંગાવી છે જે અહેવાલના આધારે રિપોર્ટ તૈયાર કરી ગૃહ વિભાગને મોકલી આપવામા આવશે. તેમ જાણવા મળેલ છે.

નંદનવન સોસાયટીને અશાંતધારામાં લેવા રજૂઆત
રૈયા રોડ પર અશાંતધારો લાગુ કરવામાં આવ્યો છે. ત્યારે રૈયા રોડની વધુ એક સોસાયટી નંદનવન સોસાયટીએ પણ આ વિસ્તારમાં અશાંતધારો લાગુ કરવા કલેક્ટરને દરખાસ્ત કરતા અભિપ્રાય મંગાવામાં આવ્યા છે.

 

અશાંતધારાની બે દરખાસ્ત પેન્ડિંગ
રાજકોટમાં અસામાજીક તત્વોના કારણે કોઠારિયા રોડ અને રૈયા રોડ ર અશાંતધારો લાગુ કરવામાં આવ્યો છે ત્યારે ઢેબર રોડ ભક્તિનગર સોસાયટી અને ગાયકવાડી, જંક્શન પ્લોટ વિસ્તારના રહેવાસીઓ દ્વારા પણ અસાંતધારો લાગુ કરવા દરખાસ્ત કરવામાં આવી છે. જે બન્ને દરખાસ્ત હાલ પેન્ડીંગ છે ત્યાં દુધસાગર રોડની વધુ એક દરખાસ્ત કલેક્ટર પાસે આવી છે.

Continue Reading

ગુજરાત

રાજકોટ ડિવિઝનના 12 રેલવે સ્ટેશનના પુન:વિકાસનો ઙખના હસ્તે શિલાન્યાસ

Published

on

By

  • અમૃત ભારત સ્ટેશન યોજના હેઠળ રૂ.19,000 કરોડના ખર્ચે દેશના 553 સ્ટેશનોની કાયાપલટ થશે

અમૃત ભારત સ્ટેશન યોજના હેઠળ રાજકોટ અને ડિવિઝનના 12 રેલવે સ્ટેશન સહિત દેશના 553 રેલવે સ્ટેશનના પુનવિકાસ માટે રૂ.19,000 કરોડના ખર્ચે તૈયાર થનાર સ્ટેશનોના કામનું વડાપ્રધાનના હસ્તે શિલાન્યાસ કરવામાં આવ્યો હતો. વડાપ્રધાને વચ્યુઅલ ખાતમુહૂર્ત કર્યું હતું. રાજકોટ ખાતે કેન્દ્રીય-રાજ્ય કક્ષાના મંત્રીઓ અને સાંસદ સભ્ય રેલવેના અધિકારીઓ ઉપસ્થિત રહ્યા હતા.

રાજકોટ ડિવિઝનમાં આપતા ખંભાળિયા, ઓખામઢી, પીપલી, હાપા, જામવંથલી, સિંધાવદર, વણીરોડ, મોડપુર, ચણોસ, હડમતિયા, લીલાપુર, જેગડવા, અલીગઢ અને લાખામાંચી ગામમાં આવેલ 11 રોડ ઓવરબ્રિજ અને અંડરપાસનું શિલાન્યાસ તેમજ 9 રોડ અંડરપાસનું ઉદ્દઘાટન કરાયું હતું. ઉપરાંત રાજકોટ, જામનગર, મોરબી, વાંકાનેર, ભાટિયા, ખંભાળિયા, દ્વારકા, હાપા, પડધરી, કાનાલુર, થાન અને ઓખા રેલવે સ્ટેશનના પુનવિકાસ કાર્યો થશે.
અગાઉ, વડાપ્રધાને રેલ્વે સ્ટેશનો પર વિશ્વસ્તરીય સુવિધાઓ પૂરી પાડવાના મહત્વ પર સતત ભાર મૂક્યો છે. આ પ્રયાસ તરફના એક મોટા પગલા તરીકે, વડાપ્રધાન અમૃત ભારત સ્ટેશન યોજના હેઠળ 553 રેલ્વે સ્ટેશનોના પુન:વિકાસ માટે શિલાન્યાસ કર્યો હતો. 27 રાજ્યો અને કેન્દ્રશાસિત પ્રદેશોમાં સ્થિત આ સ્ટેશનોને રૂ. 19,000 કરોડથી વધુના ખર્ચે પુન:વિકાસ કરવામાં આવશે. આ સ્ટેશનો પસિટી સેન્ટર્સથ તરીકે કામ કરશે, જે શહેરની બંને બાજુઓને એક સાથે જોડશે. આ સ્ટેશનો પર આધુનિક પેસેન્જર સુવિધાઓ ઉપલબ્ધ હશે. આમાં રૂૂફટોપ પ્લાઝા, સુંદર લેન્ડસ્કેપિંગ, ઇન્ટર-મોડલ કનેક્ટિવિટી, બહેતર આધુનિક રવેશ, બાળકોના રમતના વિસ્તારો, કિઓસ્ક, ફૂડ કોર્ટ વગેરેનો સમાવેશ થાય છે. ઉપરાંત, તે પુન:વિકાસિત પર્યાવરણ અને વિકલાંગોને અનુકૂળ હશે. આ સ્ટેશન ઇમારતોની ડિઝાઇન સ્થાનિક સંસ્કૃતિ, વારસો અને સ્થાપત્યથી પ્રેરિત હશે. આ ઉપરાંત, વડાપ્રધાન ઉત્તર પ્રદેશમાં ગોમતી નગર સ્ટેશનનું ઉદ્ઘાટન કર્યું હતું, જે લગભગ રૂ. 385 કરોડના ખર્ચે પુન:વિકાસિત કરવામાં આવ્યું છે. ભવિષ્યમાં મુસાફરોની વધતી સંખ્યાને ધ્યાનમાં રાખીને, આ સ્ટેશન પર આગમન અને પ્રસ્થાન સુવિધાઓ અલગ કરવામાં આવી છે. તે શહેરના બંને ભાગોને જોડે છે. આ કેન્દ્રિય વાતાનુકૂલિત સ્ટેશનમાં આધુનિક પેસેન્જર સુવિધાઓ છે જેમ કે એર કોન્કોર્સ, ભીડમુક્ત પરિભ્રમણ, ફૂડ કોર્ટ અને ઉપરના અને નીચેના ભોંયરામાં પૂરતી પાર્કિંગ જગ્યા છે. આ ઉપરાંત વડાપ્રધાને 1500 રોડ ઓવરબ્રિજ અને અંડરપાસનો શિલાન્યાસ પણ કર્યો હતોે અને તેને રાષ્ટ્રને સમર્પિત કર્યું હતું. આ રોડ ઓવરબ્રિજ અને અંડરપાસ 24 રાજ્યો અને કેન્દ્રશાસિત પ્રદેશોમાં આવેલા છે. આ પ્રોજેક્ટ્સ અંદાજે રૂૂ. 21,520 કરોડના ખર્ચે બાંધવામાં આવ્યા છે. આ પ્રોજેક્ટ્સ ભીડમાં ઘટાડો કરશે, સલામતી અને કનેક્ટિવિટી વધારશે અને રેલ મુસાફરીની ક્ષમતા અને કાર્યક્ષમતામાં સુધારો કરશે.

Continue Reading

Trending