Connect with us

ગુજરાત

વાગુદળ નજીક બળેલા કેમિકલનો નિકાલ કરતા ઝેરી ગેસની અસર

Published

on

ખેતરમાં ઉભેલા પાકને નુકસાન થવાની ભીતિ, ખેડૂતો અને રસ્તે પસાર થતા લોકોને શ્વાસ લેવામાં તકલીફ પડતી હોવાની રાવ: કંપનીની બેદરકારીથી સર્જાયેલી સમસ્યા: સ્થાનિકો- કિસાનોનો વિરોધ

મેટોડા જીઆઇડીસીમાં આવેલી એક કંપનીમાં આગ લાગા કેમીકલ યુકત માલસામાન બળીને ખાખ થઇ ગયો હતો જેનો નિકાસ કંપની દ્વારા વાગુદળ- મેટોડા રોડ પર કરવામાં આવતા આ કેમીકલ વેસ્ટની દુર્ગંધ ચોતરફ ફેલાતા આસપાસના ખેતરમાં ઉભેલા પાકને નુકસાન થઇ રહ્યું છે અને કેમીકલની દુર્ગંધથી લોકોના આરોગ્ય ઉપર અસર પડી રહી હોવાની નજીકના ખેતરના ખેડુતોએ ફરીયાદ કરી છે.

સ્થાનિકો એ ખેડુતોના જણાવ્યા મુજબ મેટોડામાં આવેલી અગરબતીની કંપનીમાં અઠવાડીયા પહેલા આગ લાગી હતી. જે આગમાં કંપનીનો માલ સામાન ભળીને ખાખ થઇ ગયો હતો જે વેસ્ટનો નિકાલ કરવામાં આવ્યો હતો કંપની દ્વારા ગેઇટ નં.3 પરથી આવેલો વાગુદળ- મેટોડા રોડ પર આગમાં બળી ગયેલા વેસ્ટ માલનો નિકાલ કરવામાં આવ્યો હતો. કંપની દ્વારા નિકાલ કરવામાં આવેલા વેસ્ટ જથ્થાની વિપરીત અસર થઇ હતી અને ત્યાંના વાતાવરણમાં દુર્ગંધ ભળી ગઇ હોય લોકોને ભારે મુશ્કેલી થઇ રહી છે.

આજુબાજુમાં ખેતર ધરાવતા ખેડુતોએ રોષ વ્યકત કરતા જણાવ્યું હતું કે કંપની દ્વારા બળેલો વેસ્ટ માલ અહીં નાખી જતા કેમીકલવાળા માલથી વાતાવરણમાં ભયંકર અસર થઇ છે. અને લોકોને તેની દુર્ગંધના કારણે શ્વાસ લેવામાં તકલીફ પડી રહી છે અને મજુરો અનુભવી રહ્યા છે તેમજ ત્યાંથી પસાર થવમાં પણ મુશ્કેલી પડી રહી છે. હવા ઝેરી થતા તેની અસરથી ખેતરમાં ઉભેલા પાકને પણ અસર પડી રહી છે. જેથી કંપનીમાં વારંવાર રજુઆત કરવામાં આવી હતી. પરંતુ કંપની દ્વારા આંખ આડા કાન કરવામાં આવી રહ્યા હતા.

જાગૃત નાગરીક દ્વારા આ સમગગ ઘટનાનો વિડીયો વાઇરલ કરવામાં આવ્યો હતો જેથી કંપનીના લોકો સફાળા જાગ્યા હતા અને આ વેસ્ટ માલ ઉપર પાણીનો મારો ચલાવવા ટેન્કર દોડાવવાની ખાતરી આપી હતી. જો કે ખેડુતોએ ભેગા થઇ અને તેનો વિરોધ કરી કાર્યવાહી કરવા માટે મામલતદારમાં રજુઆત કરવાની ચિમકી ઉચ્ચારી હતી અને હોબાળો મચાવતા કંપનીના લોકો પણ સ્થળ પર આવ્યા હોવાની ચર્ચા થઇ રહી છે.

ચાર-પાંચ દિવસથી વેસ્ટ માલ ઠલવાતો હોવાની રાવ
સ્થાનિકો અને ખેડુતોના જણાવ્યા મુજબ અઠવાડીયા પહેલા આગ લાગી હતી જેથી કંપની દ્વારા વેસ્ટ થયેલો કેમીકલ યુકત માલ ટે્રકટર મારફત ચાર-પાંચ દિવસથી ઠાલવવામાં આવી રહ્યો છે અને આ કામગીરી રાતનાં સમયે જ કરવામાં આવી હતી. જેથી રાતના સમયે કોઇ જોનાર અને ટોકનાર ન હોય અને સરળતાથી વેસ્ટ કેમીકલ યુકત માલનો નિકાલ થઇ શકે.

સોશિયલ મીડિયામાં વીડિયો વાઇરલ થતા તંત્ર પણ દોડયું
કંપની દ્વારા નાખવામાં આવેલા કેમીકલ યુકત વેસ્ટ માલમાંથી ઝેરી પ્રવાહી હવામાં પ્રસરી જવાપામી હતી અને તેની અસર વર્તાઇ રહી હોવાની રાવ સાથેનો વિડીયો સોશિયલ મિડિયામાં વાઇરલ થતા સ્થાનિક તંત્ર પણ દોડતું થયું હતું.

ગુજરાત

ખંભાળિયા નગરપાલિકાના વાર્ષિક બજેટમાં શિક્ષણ, તબીબી સેવાઓ અને સ્વચ્છતાને પ્રાધાન્ય

Published

on

By

 

 

ખંભાળિયા નગરપાલિકામાં આજરોજ જનરલ બોર્ડમાં રજૂ કરવામાં આવેલા વર્ષ 2024-25 ના બજેટમાં અનેકવિધ પાયાની જરૂરિયાતોને પ્રાધાન્ય આપવામાં આવ્યું છે.ખંભાળિયા નગરપાલિકાના નવનિયુક્ત એકાઉન્ટ ધવલભાઈ ગોસ્વામી દ્વારા તૈયાર કરવામાં આવેલા આગામી વર્ષના બજેટમાં વર્ષ દરમિયાન કર અને ભાડાની રૂપિયા 4.56 કરોડની ઉપજ, વિવિધ ગ્રાન્ટના રૂપિયા 50 કરોડ તેમજ વ્યાજના રૂપિયા 55 કરોડ અને રૂપિયા 4.28 કરોડની પરચુરણ ઉપજ, વિગેરે મળી વર્ષ દરમ્યાન કુલ 69,51,53,500 ની ઉપજ અંદાજવામાં આવી છે.

નગરપાલિકામાં આગામી વર્ષ દરમિયાન જાહેર બાંધકામ માટે રૂપિયા 28.29 કરોડ, પબ્લિક હેલ્થ એન્ડ સેનિટેશન માટે 13.11 કરોડ, જનરલ એડમિનિસ્ટ્રેશન માટે 2.71 કરોડ, શિક્ષણ અને સામાજિક કાર્યો માટે 28 લાખ, વોટર વકર્સની કામગીરી માટે 16.70 કરોડ સહિત વર્ષ દરમિયાન 70,18,58,000 નો ખર્ચ અંદાજવામાં આવ્યો છે.આમ, નગરપાલિકા માટે ચાલુ વર્ષની 23.09 કરોડની ઉઘડતી સિલક સાથે 69.51 કરોડની અંદાજિત ઉપજ માફીને કુલ 92,61,31,749 ની અંદાજિત આવક પછી 70,18,58,000 નો અંદાજિત ખર્ચ બાદ કરતાં 22,42,73,749 ની અંદાજિત સિલક આ બજેટમાં દર્શાવવામાં આવી છે. આ બજેટને જનરલ બોર્ડમાં મંજૂરી સાંપળી છે.

Continue Reading

ગુજરાત

ખંભાળિયાની નગરપાલિકાની જનરલ બોર્ડમાં 22.43 કરોડના પૂરાંતલક્ષી બજેટને મંજૂરી

Published

on

By

 

ખંભાળિયા નગરપાલિકાની સામાન્ય સભા આજરોજ સાંજે પાલિકાના સભાગૃહ ખાતે યોજવામાં આવી હતી. જેમાં આગામી વર્ષ 2024-25 માટેનું રૂપિયા 22.43 કરોડનું પુરાંતલક્ષી બજેટ રજૂ કરાયું હતું. આ સહિત કુલ 35 જેટલા ઠરાવો સર્વાનુમતે મંજૂર કરાયા હતા.

ખંભાળિયા નગરપાલિકાના પ્રમુખ રચનાબેન મોહિતભાઈ મોટાણીને અધ્યક્ષ સ્થાને આજરોજ સાંજે 4 વાગ્યે નગરપાલિકા કચેરીના સભાગૃહ ખાતે જનરલ બોર્ડની બેઠક યોજવામાં આવી હતી. આ બેઠકમાં એજન્ડામાં દર્શાવવામાં આવેલા વિવિધ પ્રકારની ખરીદી, ઘી નદીમાંથી ગાંડી વેલના નિકાલ, પશુઓના ત્રાસને કાબુમાં લેવા માટેના એક્શન પ્લાન, રામનગરમાં ગૌશાળા માટેની જગ્યા માટેની પ્રક્રિયા, સહિતના 35 જેટલા મહત્વના ઠરાવો રજૂ કરવામાં આવ્યા હતા. જેને સર્વ સંમતિથી મંજૂરી મળી હતી.

આ મહત્વની બેઠકમાં નગરપાલિકાના એકાઉન્ટન્ટ દ્વારા રજુ કરવામાં આવેલું 2024-25 માં રૂ. 22,42,73,449 ની પુરાંત દર્શાવતું બજેટ પણ રજૂ કરવામાં આવ્યું હતું. જેને પણ મંજુર રાખવામાં આવ્યું હતું.આ સામાન્ય સભા નગરપાલિકાના ચીફ ઓફિસર ભરતકુમાર વ્યાસની ઉપસ્થિતિમાં સંપન્ન થઈ હતી. જેનું સંચાલન કમિટી ક્લાર્ક રાજુભાઈ વ્યાસ દ્વારા કરવામાં આવ્યું હતું.

Continue Reading

ગુજરાત

કોંગ્રેસને વધુ એક ફટકો!! દિગ્ગજ નેતા અર્જુન મોઢવાડિયાએ ધારાસભ્ય પદેથી આપ્યું રાજીનામું, અધ્યક્ષ શંકર ચૌધરીએ સ્વીકાર્યું

Published

on

By

 

રાહુલ ગાંધીની ન્યાય યાત્રા પહેલા કોંગ્રેસને બે મોટા ઝટકા લાગ્યા છે. કોંગ્રેસના ધારાસભ્ય અર્જુન મોઢવાડિયાએ ધારાસભ્ય પદ પરથી વિધાનસભાના અધ્યક્ષ શંકર ચૌધરીને રાજીનામું આપી દીધું છે. ત્યારે હવે તેઓ કોંગ્રેસના તમામ હોદ્દોઓ તેમજ પ્રાથમિક સભ્ય પદ પરથી પણ રાજીનામું આપી દીધું છે. અને કહ્યું કે સ્વેચ્છાએ રાજીનામું આપું છું.

તું. આ રાજીનામા પછી વિધાનસભામાં કોંગ્રેસનું સંખ્યાબળ 14 થઈ ગયું છે. કોંગ્રેસમાંથી મોઢવાડિયાએ ધારાસભ્યપદેથી રાજીનામું આપતા હવે પોરબંદરની પેટા ચૂંટણી પણ આવશે.સૂત્રોના જણાવ્યાનુસાર, વર્ષ 2022માં કોંગ્રેસના ઉમેદવાર તરીકે ચૂંટણી જીતેલા મોઢવાડિયા પેટા ચૂંટણીમાં ભાજપના ઉમેદવાર બની શકે છે. ધારાસભ્ય બન્યા પછી તેમને ભાજપમાં મહત્ત્વની જવાબદારી મળે એવી પણ ચર્ચા છે. ગુજરાત કોંગ્રેસમાં એક સાંધો તો તેર તૂટે જેવી સ્થિતિ છે.

કોંગ્રસને એક જ દિવસમાં બે મોટા ઝટકા લાગ્યા છે, પહેલા અમરેલીના રાજુલાના પૂર્વ ધારાસભ્ય અમરીશ ડેરે રાજીનામું આપ્યું હતું, ત્યારે હવે પોરબંદરના ધારાસભ્ય અને પક્ષના વર્ષોથી અડિખમ વફાદાર નેતા અર્જૂન મોઢવાડિયાએ પણ કોંગ્રેસનો સાથે છોડી દીધો છે અને ધારાસભ્ય પદેથી રાજીનામું આપી દીધું છે.

 

 

Continue Reading

Trending