અબ ન લમ્હોં કી ખતા હોગી; ઔર ન સદીયોં કી સઝા હોગી

નવી દિલ્હી, તા.9
નાગરિકતા બિલ (ઈશશિુંયક્ષતવશા અળયક્ષમળયક્ષિં ઇશહહ) પર થયેલી ચર્ચાનો જવાબ આપતા ગૃહમંત્રી અમિત શાહે કહ્યું હતું કે, આ બિલ લાખો-કરોડો લોકોને યાતનાઓમાંથી મુક્તિ આપશે. આ બિલ કોઈ વિશેષ સમુદાય માટે નથી પરંતુ અલ્પસંખ્યકો માટે છે. તેમણે આ બિલમાંથી આર્ટિકલ 14ના સમાનતાના અધિકારના ઉલ્લંઘનના આરોપોનો પણ જવાબ આપ્યો હતો. તેમણે કહ્યું કે આ આર્ટિકલમાં કોઈ જ ભેદભાવ વગર કોઈ કાયદાને પસાર કરવા પર પ્રતિબંધ લગાવવામાં આવ્યો છે, જોકે, આ બિલ કોઈ ધર્મ નહીં પરંતુ વર્ગ માટે લાવવામાં આવ્યું છે, જે શરણાર્થી છે.
ગૃહમંત્રીએ વિપક્ષને જવાબ આપતા કહ્યું કે, સારુ થયું હોત કે દેશનું વિભાજન ધર્મના આધારે થયું ન હોત. જો આવું ન થયુ હોત તો પછી આ બિલ લાવવાની કોઈ જરુરિયાત જ ઉભી થઈ ન હોત. ધર્મના આધારે વિભાજન થયું, જ્યાં મુસ્લિમ ભાઈ વધારે હતા તે પાકિસ્તાન બન્યું.
પછી પાકિસ્તાનમાં વિભાજન થયું અને એક ભાગ બાંગ્લાદેશમાં ફેરવાયો. જોકે, આ દરમિયાન એક દુર્ઘટના બની અને લાખો લોકોને યાતનાઓ સહન કરવી પડી હતી.
અમિત શાહે કહ્યું કે 1947માં પાકિસ્તાનમાં અલ્પસંખ્યકોની વસ્તી 23 ટકા હતી, જોકે, 2011માં 3.7 ટકા થઈ હતી. બાંગ્લાદેશમાં 47માં 22 ટકા વસ્તી હતી, જોકે, 2011માં આ 7.8 થઈ હતી. છેલ્લે આ લોકો ક્યાંક ચાલ્યા ગયા અથવા તો મારવામાં આવ્યાં. ભાગી ગયા અથવા તો ધર્માંતરણ થઈ ગયું. આખરે તેમનો દોષ શું હતો? અમે ઈચ્છીએ છીએ કે આ લોકોનું સન્માન જળવાય. એવું કહેવામાં આવે છે કે ભારત હિંદુ રાષ્ટ્ર બનવા જઈ રહ્યું છે.
અમિત શાહે કહ્યું કે ભારતની અંદર 1951માં 84 ટકા હિંદુઓ હતા પરંતુ 2011માં 79 ટકા થઈ ગયા. 1951માં મુસ્લિમ 9.8 ટકા હતા પરંતુ આજે 14.23 ટકા છે. અમે કોઈની સાથે ધર્મના આધારે ભેદભાવ કર્યો નથી. હું આ સદનને વિશ્વાસ અપાવા માંગુ છું કે આગળ પણ આવું નહીં થાય. પરંતું પડોશી દેશોમાં લઘુમતીના લોકો પર ઉત્પીડન થાય તો તેમને બચાવવા પડશે. ભારત ચૂપ ન રહી શકે.
આર્ટિકલ 14 અંગે શાહે કહ્યું કે જેમાં સમાનતાનો અધિકાર ન હોય, તે કાનૂન સંસદ ન બનાવી શકે. તમે સમજો કે તેમાં કોઈ ધર્મ માટે નહીં પરંતુ ક્લાસ માટે થયું છે. આ કોઈ એક ધર્મ માટે નથી. એટલા માટે આ નિયમનું કોઈ ઉલ્લંઘન નથી. પીડિત લધુમતિના લોકો માટે કાયદો બનાવવા પર અનુચ્છેદનું કોઈ ઉલ્લંઘન થતું નથી. જો આર્ટિકલ 14 અંતર્ગત એવું થતું નથી તો પછી લધુમતિ સંસ્થાઓ કેમ બની છે.
રોહિંગ્યાઓને ક્યારેય સ્વીકાર કરવામાં આવશે નહીં, મ્યાનમાર સેક્યુલર દેશ છે અને રોહિંગ્યા બાંગ્લાદેશ થઈને અહીં આવવા માગે છે. હું સ્પષ્ટ કરવા માગું છું કે તેઓને ક્યારેય ભારતમાં સ્વીકારવામાં આવશે નહીં.
અમિત શાહે કહ્યું કે મેં કોંગ્રેસ જેવી પાર્ટી મારા જીવનમાં જોઈ નથી, કેરળમાં મુસ્લિમ લીગ કોંગ્રેસની સાથે છે અને મહારાષ્ટ્રમાં શિવસેના કોંગ્રેસની સાથે છે. અહીં મનીષ તિવારીની શાયરીનો જવાબ આપતા અમિત શાહે કહ્યું કે અહીં નરેન્દ્ર મોદીની સરકાર છે. અબ ન લમ્હો કી ખતા હોગી ઓર ન સદીયો તક સજા મિલેગી.
પૂર્વોત્તર ભારતના લોકો માટે અમિત શાહે કહ્યું કે મિઝોરમ, નાગાલેન્ડ અને મણિપુરમાં ઈનર લાઈન પરમિટ લાગૂ થશે. જેના કારણે કોઈ પણ પ્રકારની ચિંતા કરવાની જરૂર નથી. અસમ, ત્રિપુરા, મેઘાલય અને અરુણાચલને પણ કોઈ પણ પ્રકારની ચિંતા નહીં થાય.
સાવરકર તરફથી દ્રિરાષ્ટ્ર સિદ્ધાંત આપવાના કોંગ્રેના આરોપ બાબતે શાહે કહ્યું કે આખરે જ્યારે દેશના ભાગવા થયા તો કોંગ્રેસ તેનો વિરોધ કેમ કર્યો નહીં. ધર્મના આધારે દેશના વિભાજનનો કોંગ્રેસ જ સ્વીકાર કર્યો હતો
ટીએમસી સાંસદ અભિષેક બેનર્જીના ભાષણનો ઉલ્લેખ કરતા શાહે કહ્યું કે તેમણે ટાગોર અને બંકિમ ચંદ્ર ચેટર્જીનો ઉલ્લેખ કર્યો. પરંતુ શું ટાગોરનું બંગાળ આવું હતું, જેમાં કોઈને દુર્ગા પ્રતિમાના વિસર્જન માટે પરવાનગી લેવા માટે કોર્ટમાં જવું પડે.

રિલેટેડ ન્યૂઝ