પાટણની જયુડિસીયલ કોર્ટે પાટણ પાસેનાં માંડોત્રી ગામ નજીક આવેલી લોર્ડ ક્રિષ્ના સાયન્સ સ્કુલનાં પરીક્ષા સેન્ટરમાં માર્ચ-2018 માં બનેલા ડમી પરીક્ષાર્થી કાંડનાં ચાર પૈકી ત્રણ આરોપીઓને આઈપીસી 419/11 માં એક વર્ષની સાદી કેદ અને રૂૂા. 10-10 હજારનો દંડ, દંડ ન ભરે તો વધુ બે માસની સાદી કેદ તથા આઇપીસી 417/114 અંતર્ગત દોષિત ઠેરવીને છ માસની સાદી કેદ અને રૂૂા. એક-એક હજારનો દંડની સજા ફટકારી હતી.

આ કેસમાં સજા પામેલાઓમાં ગોવિંદભાઈ લાભુભાઈ ઠાકોર (ઉ.ચવ.29) ભદ્રાડા, તા. સમી અને આસીફખાન નગરખાન મલેક (ઉ.વ.38) રે. વારાહી, તા. સાંતલપુર સજા સંભળાવતી વખતે કોર્ટમાં હાજર હતા જયારે આરોપી ભરત મેઘરાજ ચૌધરી (ઉ.વ.26) રે. જારુસા તા.સાંતલપુર કોર્ટમાં હાજર ન હોવાથી તેમની ગેરહાજરીમાં સજાનું એલાન કરીને તેઓની સામે સજા વોરંટ ઈસ્યુ કરવાનો આદેશ પાટણનાં મેજિસ્ટ્રેટ યુ.એસ. કાલાણીએ આપ્યો હતો.

આ કેસમાં સજા ફટકારતાં જજ યુ.એસ. કાલાણીએ જણાવ્યું હતું કે, આ કેસમાં બંને પક્ષકારોની રજુઆતો ધ્યાને લીધી છે. આ બનાવમાં આરોપીઓ સામે શાળામાં છેતરવાના ઇરાદાથી મુળ વિદ્યાર્થીની જગ્યાએ પરીક્ષા આપવા માટે આવ્યા હોવાનો આક્ષેપ પુરવાર થયેલ છે. આરોપીઓએ જે શાળા સંસ્થા અને (પરીક્ષા) બોર્ડને છેતરવાનો પ્રયાસ કર્યો છે. ને તેનાં કારણે આ બોર્ડની આબરુને પણ હાની પહોંચેલી છે ને આ કેસમાં સમાજમાં આવા પ્રકારનાં ગુના વધતા જાય છે ને આ કેસમાં આરોપીઓ જે ગુનો કરેલ છે તે જોતાં તેઓએ જે મોડસ ઓપરેન્ડી અપનાવી છે તેઓને પ્રોબેશનનો લાભ આપી શકાય નહિં ને તેઓને સમાજમાં દાખલો બેસે તેવી સજા કરવી ઉચિત જણાય છે.

બીજા કેસમાં પાટણમાં 2021ની ધો. 12 સામાન્ય પ્રવાહ બોર્ડની પરીક્ષામાં મુળ વિદ્યાર્થીનાં બદલે પરીક્ષા આપતાં ઝડપાયેલા ડમી વિદ્યાર્થી સહિત મુળ વિદ્યાર્થી બંનેને પાટણની જયુડિસીયલ કોર્ટે એક એક વર્ષની સાદી કેદની સજા ફટકારી હતી. ડમીકાંડમાં કોઈ વિદ્યાર્થીને સજા થઈ હોય તેવો પાટણ જિલ્લાનો સંભવત આ પ્રથમ બનાવ હોઈ શકે છે. સજા પામેલાઓમાં વિષ્ણુભાઈ બળવંતજી ઠાકોર (ઉ.વ.23) તથા તેનાં મિત્ર અંકેશ વિનોદભાઈ પરમાર (ઉ.વ.25) રે. બંને સાંપ્રા તા. સરસ્વતિનો સમાવેશ થાય છે. આરોપી વિષ્ણુ તેનાં મિત્ર અકેશનાં બદલામાં ધો. 12 સામાન્ય પ્રવાહનાં સમાજ શાસ્ત્રની પરીક્ષા આપતાં તા. 26-7-2021ના રોજ પરીક્ષા કેન્દ્રનાં સંચાલક સુપરવાઈઝરે પકડયો હતો.

મવડીની કરોડો રૂપિયાની બે જમીનના રાજાશાહી વખતના બોગસ લેખ કલેક્ટર કચેરીમાં રજૂ કરી માલિકીનો દાવો ર્ક્યો

અભિલેખાગાર કચેરીમાં સહી-સિક્કાનું વેરિફિકેશન કરાવતા ભાંડો ફૂટ્યો, બે કૌભાંડીઓની ધરપકડ

શહેરમાં બોગસ દસ્તાવેજો બનાવી કૌભાંડ અર્ચારવામાં આવતું હોવાના કિસ્સાઓ વધી રહ્યા છે. હજુ બે દિવસ પહેલા જ 1972 પહેલાના દસ્તાવેજોના હાથે લખેલા બોગસ દસ્તાવેજ બનાવવાના કૌભાંડનો પર્દાફાશ થયો હતો. જેમાં પોલીસે સબ રજીસ્ટ્રાર કચેરીના ઓપરેટર સહિત ત્રણ શખ્સો સામે ગુનો નોંધ્યો હતો. અને 17થી વધુ બોગસ દસ્તાવેજ બનાવ્યાનો ખુલાસો થયો હતો. ત્યારે શહેરમાં વધુ એક સરકારી જમીનને ખાનગી જમીન દર્શાવી બોગસ દસ્તાવેજ ઉભા ર્ક્યાના કૌભાંડનો પર્દાફાશ થયો છે.

મવડીની 19 એક્ર સરકારી જમીન બે કૌભાંડીયાએ પોતાના પરિવારની સ્ટેટ દ્વારા અપાયેલી હોવાના બોગસ લેખ ઉભા કરી કલેક્ટર કચેરીમાં રજુ કરી આ જમીન ખાનગી માલીકીની હોવાનું જણાવી રેવન્યુ રેકોર્ડમાં નામ દાખલ કરવા અરજી કરતા સમગ્ર કૌભાંડનો પર્દાફાશ થયો હતો. આ અંગે તાલુકા પોલીસે મામલતદારની ફરિયાદ પરથી છેતરપીંડી અને બોગસ દસ્તાવેજ ઉભા કરવાનો ગુનો નોંધી બન્ને આરોપીની ધરપકડ કરી વધુ તપાસ હાથ ધરી છે.

જાણવા મળતી વિગત મુજબ, રાજકોટ શહેર દક્ષિણ મામલતદાર શૈલેષ કુમાર જેઠાભાઇ ચાવડાએ તાલુકા પોલીસ મથકમાં નોંધાવેલી ફરિયાદમાં આરોપી તરીકે વિનોદ માવજી પારઘી (રહે.ગાંધીવસાહત મેઇન રોડ મોરબી રોડ)નું નામ આપ્યું છે. ફરિયાદમાં જણાવ્યા મુજબ, મવડી-2 ગામના સર્વે નં.194 પૈકીની 9-એકર 13 ગુંઠા જમીન તેના દાદા ડાયાભાઇ દેસાભાઇના વારસદાર તરીકે વિનોદ પારઘીએ સ્ટેટના લેખના આધારે ખેડવાણ જમીન મળવા તેમજ જમીન પરના લાંબા ગાળાના ખેડવાણ હક્ક નિયમબધ્ધ કરી આપી રેવન્યુ રેકોર્ડમાં નામ દાખલ કરવા કલેક્ટર કચેરીમાં તા.29/8/2023માં અરજી કરી હતી.

જેના પૂરવા તરીકે વિનોદ પારઘીએ તેના દાદા ડાયા દેસાના નામનો તા.26/10/1932નો લેખ તથા બેઠા ખાતાના ઉતારાની નકલ રજુ કરી મવડી-2 ગામની 9 એકર 13 ગુંઠા જમીન જે ઢુગલાવારી ઢાળ ખેતર તરીકે ઓળખાતી જમીન વારસાહી દરજે ચડાવવા રજુઆત કરી હતી. જેથી તંત્ર દ્વારા રજુ કરેલા આધાર પુરાવાની તપાસ કરતા લેખમાં દર્શાવેલ ગુજરાતી અને અંગ્રેજી કેલેન્ડર તારીખોમાં વિસંગતા જણાઇ આવી હતી. જેથી વિનોદ પારઘીએ સ્ટેટના લેખનું લખાણ રજુ કરેલું જે લેખ અભિલેખાગાર કચેરી ખાતે ખરાઇ કરાવતા આવા કોઇ લેખની નોંધ ન હોેવાનું અને અભિલેખાગાર કચેરીના બોગસ સહિ સિક્કા ર્ક્યા હોવાનું જણાઇ આવ્યું હતું.

જેથી આરોપી વિનોદ પારઘીએ તેના દાદાને સ્ટેટ તરફથી જમીન આપવામાં આવી હોવાની ખોટી વિગત જણાવી બોગસ ડોક્યુમેન્ટના આધારે સરકારી જમીનને ખાનગી જમીન દર્શાવી માલીકીનો દાવો ર્ક્યો હોવાનું સામે આવ્યું હતું.

જ્યારે બીજી ફરિયાદમાં ફરિયાદી દક્ષિણ મામલતદાર શૈલેષ કુમાર જેઠાભાઇ ચાવડાએ તાલુકા પોલીસ મથકમાં નોંધાવેલી ફરિયાદમાં આરોપી તરીકે ચોટીલા તાલુકાના સુખસર ગામે રહેતા લખા નાજાભાઇ ખીમસુરીયાનું નામ આપ્યું છે. જે ફરિયાદમાં જણાવ્યા મુજબ, રાજકોટના મવડી-2 ગામના સર્વે નં.194 પૈકીની 10 એકર જમીન તેના પિતા લખા નાજાભાઇના વારસદાર તરીકે આરોપી લખા નાજાભાઇએ સ્ટેટના લેખના આધારે ખેડવણ જમીન મળવા તેમજ તે જમીન પરના લાંબાગાળાના ખેડવણ કબજા હક્ક નિયમબધ્ધ કરી આપી રેવન્યુ રેકર્ડમાં નામ દાખલ કરવા કલેક્ટર કચેરીમાં તા.19/1/2024માં કચેરી કરી હતી.

જેના પૂરાવા તરીકે આરોપી લખા ખીમસુરીયાએ તેના પિતા નાજા રઘાના નામનો તા.26/10/1937નો લેખ તથા બેઠા ખાતાના ઉતારાની નકલ રજુ કરી ઢુગલાવારી તરીકે ઓળખાતી 10 એકર જમીન વારસાહી દરજે નામે ચડાવવા રજુઆત કરી હતી. જેથી તંત્ર દ્વારા આધાર પુરાવાની ખરાઇ કરતા સર્વે નં.194 હાલના રેકર્ડમાં આવેલ સર્વે નં.194 સાથે પ્રસ્થાપિત થતું ન હોય અને મહેસુલી રેકર્ડ 1955ના રેકર્ડમાં માત્ર ખેતરના નામ આધારે નોંધ થઇ હતી. તેમજ લેખમાં દર્શાવેલ ગુજરાતી તથા અંગ્રેજી કેલેન્ડરની તારીખોમાં વિસંગતા જણાતા કલેક્ટરને દરગાસ્ત કરવામાં આવી હતી. આરોપી લખા ખીમસુરીયા દ્વારા રજુ થયેલું સ્ટેટના લેખનું લખાણ અભિલેખાગાર કચેરી ખાતે ખરાઇ કરાવતા આ લેખની કોઇ નોંધ થઇ ન હોવાનું અને અભિલેખાગાર કચેરીના બોગસ સહિ-સિક્કા ર્ક્યા હોવાનું જણાઇ આવ્યું હતું. જેથી આરોપી લખા ખીમસુરીયાએ પોતાના પિતાને સ્ટેટ તરફથી જમીન આપવામાં આવી હોવાની ખોટી વિગત જણાવી બોગસ ડોક્યુમેન્ટ બનાવી તેનો ખરા તરીકે કલેક્ટર કચેરીમાં રજુ કરી ખાનગી જમીન દર્શાવી પોતાના નામની જમની નોંધણી કરવા અરજી કરી હોવાનું સામે આવ્યું હતું.

ઉપરોક્ત બન્ને ફરિયાદમાં આરોપીઓએ મવડીની સરકારી ખરાબાની 19 એકર જમીન તેમના પરિવારજનોને સ્ટેટ દ્વારા અપાઇ હોવાના ખોટા દસ્તાવે ઉભા કરી અભિલેખાગાર કચેરીના બોગસ સહિ-સિક્કા કરી સ્ટેટના લેખ ઉભા કરી કલેક્ટર કચેરીમાં વારસાહી નોંધ કરાવવા માટે રજુ કરી સરકારી જમીનના બોગસ દસ્તાવેજ બનાવી કૌભાંડ આર્ચયુ હોવાનું ખુલતા તાલુકા પોલીસે મામલતદારની ફરિયાદ પરથી બન્ને આરોપી સામે છેતરપીંડી અને બોગસ દસ્તાવેજો બનાવવાની ક્લમ હેઠળ ગુનો નોંધી પીઆઇ સી.એચ.જાદવે બન્ને આરોપીની ધરપકડ કરી વધુ તપાસ હાથ ધરી છે.

સૌરાષ્ટ્રની સુપ્રસિદ્ધ બી. ટી. સવાણી કિડની હોસ્પિટલ ખાતે મુખ્યમંત્રી ભુપેન્દ્રભાઈ પટેલના હસ્તે નવનિર્મિત સુપર સ્પેશિયાલિટી હોસ્પિટલ નો શિલાન્યાસ સંપન્ન કરવામાં આવ્યો આ પ્રસંગે રમેશભાઈ ટીલાળા, ડો. દર્શિતા બેન શાહ, ભાનુબેન બાબરીયા, કુંવરજીભાઈ બાવળીયા, ઉદયભાઈ કાનગડ, ભરતભાઈ બોઘરા, પ્રભવ જોષી સહિત અનેક અગ્રણીઓ ઉપસ્થિત રહી આ સેવા કાર્યને બિરદાવેલ હતી.

છેલ્લા 21 વર્ષથી કાર્યરત બી. ટી. સવાણી કિડની હોસ્પિટલની કિડનીની તમામ બિમારીઓની સારવાર એક છત નીચે પૂરી પાડવાની સાથે વિવિધ શૈક્ષણિક કાર્ય માટે દેશભરમાં નામના ધરાવે છે. સૌરાષ્ટ્રના લોકોને કિડની ઉપરાંત અન્ય બીમારીઓમાં આધુનિકતમ સારવાર વ્યાજબી દરે પૂરી પાડવાની નેમ સાથે આશરે રૂૂપીયા 150 કરોડના ખર્ચે 250 પથારીની સુવિધા સાથે 12 માળની હોસ્પિટલ આકાર પામી રહેલ શિતુલ મંજુ પટેલ મલ્ટી સુપર સ્પેશિયાલિટી હોસ્પિટલ વિશ્વ કક્ષાના અંતર માળખા સાથે આધુનિકતમ સાધનો અને નિષ્ણાંત ડોક્ટર્સની ટીમ ધરાવતી હશે.

30 જેટલા ક્ધસલ્ટિંગ રૂૂમ 12 ઓપરેશન થિયેટર અને હોસ્પિટલમાં ભવિષ્યની જરૂૂરિયાતને ધ્યાનમાં રાખીને 5 માળનું પાર્કિંગ અને સોલાર સિસ્ટમ સાથે ગ્રીન કેમ્પસ નું આયોજન કરવામાં આવેલ છે. કિડની ઉપરાંત લીવર, હૃદય, ફેફસા અને બોનમેરો જેવા ઓર્ગન ટ્રાન્સપ્લાન્ટની વિશિષ્ટ સુવિધાઓ પણ ઉપલબ્ધ હશે. કિડની ઉપરાંત ન્યુરોલોજી, ગેસ્ટ્રોલોજી, કાર્ડિયોલોજી અને ઓન્કોલોજી, પલ્મોનોલોજી અને ક્રિટિકલ કેર વિભાગ સહિત અનેકવિધ અત્યાધુનિક ડાયગ્નોસ્ટિક સુવિધા અને લેબોરેટરી નો સમાવેશ થાય છે.નવી મલ્ટી સુપર સ્પેશિયાલિટી હોસ્પિટલ માટે મુંબઈ નિવાસી ઉદ્યોગપતિ ધીરજભાઈ પટેલ દ્વારા તેમના પુત્ર શિતુલભાઈના સ્મરણાર્થે રૂૂપિયા 20 કરોડનું અનુદાન પ્રાપ્ત થયેલ છે, ઉપરાંત જ્યોતિ સીએનસી- પરાક્રમસિંહ જાડેજા, સીમ્પોલો સીરામીક મોરબી- જીતેન્દ્રભાઈ અઘારા અને રોલેક્સ રિંગ્સ- રૂપેશભાઈ અને મનીષભાઈ મદેકા દ્વારા પાંચ-પાંચ કરોડના અનુદાન પણ પ્રાપ્ત થયેલ છે. ઉપરાંત અસંખ્ય નામી અનામી દાતાઓ દ્વારા માતબર રકમ નું અનુદાન પણ પ્રાપ્ત થયેલ છે.

સંસ્થાના મેનેજિંગ ટ્રસ્ટી ડો. વિવેક જોષીએ મહેમાનોનું સ્વાગત સાથે નવી હોસ્પિટલ વિશે માહિતગાર કર્યા હતા, સંસ્થાના ચેરમેન જયંતિભાઈ ફળદુએ મુખ્યમંત્રી ભુપેન્દ્રભાઈ પટેલ નો અને ઉપસ્થિત તમામ મહેમાનનો આભાર વ્યક્ત કર્યો હતો. આ પ્રસંગે સંસ્થાના ફાઉન્ડર ટ્રસ્ટી અને ભૂતપૂર્વ ચેરમેન ડો પ્રદીપ કણસાગરા, સંસ્થાના ફાઉન્ડર ટ્રસ્ટી રમેશભાઈ પટેલ તેમજ અન્ય ટ્રસ્ટીઓ સૂર્યકાંતભાઈ પટેલ, અરુણભાઈ પટેલ, મૌલેશભાઈ ઉકાણી, નાનુભાઈ મકવાણા અને શાંતિભાઈ પટેલ ઉપસ્થિત રહેલ. સમગ્ર કાર્યક્રમને સફળ બનાવવા ડો વિશાલ ભટ્ટ, રશ્મીન ગોર અને ટીમ એ જહેમત ઉઠાવેલ હતી.