Connect with us

રાષ્ટ્રીય

આંખોનો ઈલાજ કરીને ખ્યાતિ પ્રાપ્ત કરી છે ડો.ખ્યાતિ કેશવાલાએ

Published

on

  • છેલ્લા પોણા બે વર્ષથી સબ ડિસ્ટ્રિક્ટ હોસ્પિટલ ઉપલેટામાં સુપરિન્ટેન્ડેન્ટ તરીકેની ફરજ બજાવે છે ડો.ખ્યાતિ
  • નાનપણમાં ઇન્જેક્શન આપતા ડોક્ટરને પોતે મોટા થઈને ઇન્જેક્શન આપશે તેવો નિખાલસ ભાવ પોતાને ડોક્ટર બનાવશે તે ખબર નહોતી

મુંબઈમાં રહેતી એ નાનકડી દીકરી જ્યારે બીમાર પડતી અને ડોક્ટર ઇન્જેક્શન આપતા ત્યારે ગુસ્સે થઈને પોતાની માતાને કહેતી કે હું પણ મોટી થઈ ડોક્ટર બનીશ અને આ ડોક્ટર અંકલને ઇન્જેક્શન આપીશ.નાની બાળકીનો એ નિખાલસ ભાવ ખરેખર હકીકતમાં બદલાશે અને પોતે ડોક્ટર બનશે એ કોઈને ખબર નહોતી. એ બાળકી ડોક્ટર બનીને આજે અનેક લોકોની સારવાર કરી રહ્યા છે.તેમની સુંદર કામગીરી બદલ અનેક એવોર્ડ પણ મળ્યા છે.જન્મભૂમિ મુંબઈ પણ પોરબંદર અને ઉપલેટાને કર્મભૂમિ બનાવનાર ખ્યાતિ પામેલા આ ડોક્ટર એટલે ખ્યાતિ કેશવાલા.આ નામ ઉપલેટા અને આસપાસના શહેરોમાં ખૂબ જાણીતું છે, કારણ કે ખ્યાતિબેનની સરળતા,કામ પ્રત્યેની નિષ્ઠા અને લગન તેમજ હરહંમેશ દર્દીઓની ચિંતાના કારણે લોકોમાં તેમની ચાહના ખૂબ મોટી છે.

જન્મ અને અભ્યાસ મુંબઈમાં થયો. પિતા વેજાભાઈ કેશવાલા સીએ છે અને માતા મધુબાલા કેશવાલા ગૃહિણી હોવા છતાં ઉચ્ચ અભ્યાસ કરેલ હોવાથી દરેક બાળકોને આગળ વધવા માટે પ્રોત્સાહન આપ્યું. ત્રણ ભાઈ-બેનમાં સૌથી મોટા એવા ખ્યાતિબેને ફાતિમા હાઇસ્કૂલમાંથી શાળાનો અભ્યાસ અને નાયર હોસ્પિટલ ટીએમએનસી (ટોપીવાલા નેશનલ મેડિકલ કોલેજ)માંથી એમબીબીએસ કર્યું. લગ્ન થતાં પોરબંદર આવવાનું થયું અને ત્યારબાદ પોસ્ટ ગ્રેજ્યુએશન કર્યું. પતિ ડો. કાનાભાઈ ગરેજા પોરબંદરમાં આઇ સર્જન હોવાથી એ જ ફિલ્ડમાં આગળ વધવાનું નક્કી કર્યું. જીપીએસસી ક્લિયર કરી હોવાથી ઉપલેટા ડિસ્ટ્રિક્ટ હોસ્પિટલ માટે ઓર્ડર મળ્યો.પ્રેગ્નન્સી હોવા છતાં આવેલી તક કેમ જવા દેવાય? એમ વિચારી કામ શરૂૂ કર્યું. પોતાના આ અનુભવ બાબત તેઓ જણાવે છે કે,‘હોસ્પિટલમાં એક રૂૂમ, એક ટોર્ચ અને એક ડીઓ સાથે કામની શરૂૂઆત કરી.ઓપરેશન થિયેટરની કે બીજી કોઈ વ્યવસ્થા નહોતી છતાં પીઆઈયુ ડીપાર્ટમેન્ટને રજૂઆત કરી મેડિકલ સર્જિકલ રૂૂમને ઓપરેશન થિયેટર બનાવી નાની નાની સર્જરી શરૂૂ કરી. જાતે જઈને રાજકોટ સિવિલ હોસ્પિટલ તેમજ અમરેલીથી સર્જરી માટેના મશીન લાવ્યાં. આ રીતે દર્દીઓની બધી જ સારવાર ઉપલેટામાં શક્ય બનાવી.પિતાજી તરફથી મળેલ ઈમાનદારીના ગુણો તેમજ થાક્યા કે હાર્યા વગર કામ કરવાની ધગશ જોઈને સૌરાષ્ટ્ર સર્વોદય ટ્રસ્ટનો પણ સહયોગ મળ્યો. આ રીતે ધીમે ધીમે ટ્રસ્ટ અને સરકારના સહયોગ મળતા ગયા અને તેમની હોસ્પિટલ સક્ષમ થતી ગઈ.’ આંખની કોઈપણ સારવાર હોય દર્દી સાજો, સારો થઈને જાય તેવી ખ્યાતિબેનની હૃદયપૂર્વકની ઈચ્છાના કારણે ધીમે ધીમે તેમની લોકપ્રિયતા વધવા લાગી.કોરોનામાં તેમની કામગીરીને લઈને તેમને પ્રોત્સાહન લેટર પણ મળ્યો હતો. હાલ તેઓ દરેક પ્રકારની સર્જરી અને સારવાર હોસ્પિટલમાં કરી રહ્યા છે. જામર, મોતિયો, વેલ, ત્રાસી આંખના ઓપરેશન, પ્રોસ્થેટિક આઈ, ઓક્યુલોપ્લાસ્ટિ, પાંપણ અંદર અથવા બહાર વળી જવી,બહાર ઢળી જવી વગેરે દરેક પ્રકારના ઓપરેશન તેઓ કરે છે. વીકમાં બે દિવસ ઓપીડી હોય છે એક દિવસમાં 20 જેટલા મોતિયાના ઓપરેશન તેઓ કરતા હોય છે આમ છતાં 350થી વધુનું વેઇટિંગ લીસ્ટ છે. ઉપલેટાના આજુબાજુના ગામડાં અમરેલી,વેરાવળ,સુરેન્દ્રનગર, જૂનાગઢ, સુરત, મુંબઈ, હૈદરાબાદ, બેંગ્લોર વગેરે જગ્યાએથી લોકો સારવાર માટે અહીં આવે છે.એક મહિના માટે તેઓ નાઇજીરિયા પણ ગયા હતા અને 1000થી વધુ સર્જરી કરી એવોર્ડ મેળવ્યો હતો.

છેલ્લા પોણા બે વર્ષથી તેઓ સબ ડિસ્ટ્રિક્ટ હોસ્પિટલ એટલે કે કોટેજ હોસ્પિટલમાં સુપરિન્ટેન્ડેન્ટ તરીકેની ફરજ બજાવે છે. ખ્યાતિબેનનો પરિવાર પોરબંદરમાં રહે છે તેઓને દસ વર્ષનો દીકરો અને આઠ વર્ષની દીકરી છે. પતિ ડો કાનાભાઈ ગરેજા આઈ સર્જન છે. સસરા અરજણભાઈ અને સાસુ ઊંધીબેન બંને બાળકોની કાળજી લે છે જેના કારણે તેઓ પોતાની કામગીરી સારી રીતે કરી શકે છે. પોરબંદરથી ઉપલેટા અપ ડાઉનમાં રોજનું 150 કિ.મી.નું ટ્રાવેલિંગ હોવા છતાં ખ્યાતિબેન કહે છે કે,‘હું મારા કામથી ખુશ છું. ટ્રાવેલિંગના સમયનો હું સદુપયોગ કરું છું અને ગમતા મુવી જોઉ છું અથવા તો ભગવત ગીતા પઠન કરું છું.’

તમારા સમય અને શક્તિનો યોગ્ય રીતે ઉપયોગ કરો
મહિલાઓને સંદેશ આપતા તેઓએ જણાવ્યું કે જો તમે તમારો સમય અને શક્તિ સારી રીતે મેનેજ કરી શકો તો તમે ધારો તે સફળતા મેળવી શકો. ધેર ઇઝ અ વિલ ધેર ઇઝ અ વે આ વાત ખૂબ જ યોગ્ય છે. જો તમે તમારી મદદ કરશો તો ભગવાન પણ તમને મદદ કરશે જેથી કંઈક કરવા માટે આગળ વધો અને તે હાંસિલ કરો.

મોબાઈલના નુકસાનથી બચવા આટલું કરો
ડો. ખ્યાતિબેન જણાવે છે કે મોબાઈલના અતિરેકના કારણે આંખના રોગો વધ્યા છે. એકધારું મોબાઇલ જોવાથી આંખ પટ પટાવવાની ક્રિયા ઓછી થાય છે, જેથી ડ્રાય આઈના પ્રશ્નો ઊભા થાય છે. ડ્રાય આંખ થવાથી ઈરિટેશન ,લાલ આંખ થવી અને ઘણી વખત નાના બાળકોને આંખો ત્રાસી પણ થઈ જાય છે. 45 મિનિટથી વધુ એકધારું મોબાઇલ કે કોમ્પ્યુટરનો ઉપયોગ હાનિકારક છે. 45 મિનિટ થાય એટલે આંખ ખોલ-બંધ કરવી, દૂરનું જોવું, ગ્રીનરી જોવી તેમજ થોડી વાર આંખોને આરામ આપવો ખૂબ જરૂૂરી બની જાય છે. મોબાઇલના હિસાબે જ જે બેતાલા 40 વર્ષ પછી આવતા તે જલ્દી આવી જાય છે.

LIFESTYLE

ટામેટા ખાતા પહેલા થઇ જાવ સાવધાન, દરરોજ સેવન કરવાથી પથરી, એસિડિટી સહિતની આ સમસ્યા થઇ શકે છે

Published

on

By

 

 

શાકભાજીમાં પણ ટામેટાનો ઉપયોગ થાય છે અને ફ્રુટ ડિશમાં પણ ટામેટાનો સમાવેશ થતો હોય છે. ટામેટામાં અનેક વિટામીન, ફાયબર જેવા તત્વો સામેલ હોય છે. ટામેટા ખાવાના કેટલાક ફાયદા છે પરંતુ ટામેટાથી સ્વાસ્થ્યને નુકસાન પણ થઈ શકે છે. જેથી આપણે અહીંયા ટામેટાથી થતા ફાયદા અને નુકસાન બન્નેની વાત કરીશું.

વધુ ટામેટા ખાવાથી થતા નુકસાન

  • ટામેટાંનું વધુ સેવન કરવાથી એસિડિટી થઈ શકે છે.
  • વધુ પડતા ટામેટાં ખાવાથી કિડનીની સમસ્યા થઈ શકે છે. ખાસ કરીને ટામેટાના બીજને કારણે કિડની સ્ટોનનું જોખમ રહે છે.
  • જો તમે વધુ ટામેટાં ખાઓ છો, તો તેનાથી ગળામાં દુખાવો, સોજો આવી શકે છે.
  • વધુ માત્રામાં ટામેટાંનું સેવન કરવાથી શરીરમાં એસિડની માત્રા વધે છે, જેના કારણે યુરિક એસિડ વધી શકે છે. આ કિસ્સામાં સાંધામાં દુખાવો થઈ શકે છે.
  • ટામેટાંનું વધુ પડતું સેવન કરવાથી શરદી અને ફ્લૂની સમસ્યા થઈ શકે છે.
  • ટામેટાં વધારે ખાવાથી ત્વચાની એલર્જી થઈ શકે છે.
  • આજકાલ ઓર્ગેનિક ટામેટાંને બદલે ઈન્જેક્શન કે કેમિકલનો ઉપયોગ કરીને પકાવેલા ટામેટાં બજારોમાં ઉપલબ્ધ છે, જેનાથી તમને બ્લડ પ્રેશર અને અન્ય સમસ્યાઓ થઈ શકે છે.
  • ટામેટાંમાં રહેલું ટરપીન્સ નામનું તત્વ તમારા શરીરની દુર્ગંધનું કારણ બની શકે છે. પાચન દરમિયાન તેનું વિઘટન શરીરમાં ગંધ ઉત્પન્ન કરે છે.
  • ટામેટાની સાથે તમે તેના બીજને શરીરમાં જતા રોકી શકતા નથી, પરંતુ જો આ બીજ તમારા શરીરમાં પ્રવેશે છે, તો તમે પથરીના દર્દી બની શકો છો, કારણ કે તે સરળતાથી કિડની સુધી પહોંચે છે અને પથરી બને છે. તેથી જો તમે પથરીના દર્દી છો તો તમારે ટામેટા ખાવામાં સાવધાની રાખવી જોઈએ.

આ રીતે કરો સેવન

જો તમે ટામેટા ખાવાનું વિચારી રહ્યા છો તો તેને રાંધીને ખાવા જોઈએ. જો તમારે કાચા ટામેટા ખાવા હોય તો તેના બીજ કાઢીને ખાવા જોઈયે. બીજ સહીત ટામેટા ખાવાથી એસિડીટીની સમસ્યા થઈ શકે છે.

Continue Reading

રાષ્ટ્રીય

વિજ્ઞાનમાં મહાસતા બનવાની ભારતમાં ક્ષમતા, વિદેશી મીડિયા ઓળઘોળ

Published

on

By

ભારત આર્થિક શક્તિ હોવા ઉપરાંત વિજ્ઞાન મહાસત્તા પણ બની શકે છે. નેચરએ પોતાના તંત્રીલેખમાં કહ્યું છે કે જીડીપીના માત્ર 0.64 ટકા ખર્ચ કરીને ભારત અંતરિક્ષમાં દિગ્ગજોની બરાબર છે, તેથી વધુ રોકાણથી તે એક મહાસત્તા તરીકે ઉભરી શકે છે. સંપાદકીયમાં સંશોધકોને ટાંકીને કહેવામાં આવ્યું છે કે દેશમાં મૂળભૂત સંશોધનની અગાઉની સરકારો દ્વારા અવગણના કરવામાં આવી હતી.

બિનપરંપરાગત તંત્રીલેખમાં કહેવામાં આવ્યું છે કે ભારતમાં સામાન્ય ચૂંટણીઓ ચાલી રહી છે ત્યારે એનડીએ ત્રીજી વખત સત્તામાં આવે તેવી પૂરી સંભાવના છે. તે દાયકાના અંત સુધીમાં ભારતને ત્રીજી સૌથી મોટી અર્થવ્યવસ્થા બનાવવામાં સફળ થશે. આ મુજબ વિજ્ઞાનના ક્ષેત્રમાં મહાસત્તા બનવા માટે સંશોધન પ્રણાલીને વધુ સ્વાયત્તતાની જરૂૂર છે. ભારત સરકાર વ્યવસાયોને વધુ યોગદાન આપવા માટે પ્રોત્સાહિત કરીને વિજ્ઞાન ખર્ચમાં વધારો કરી શકે છે, જેમ કે વિશ્વના ટોચના દેશોએ કર્યું છે.

સરકારી ડેટા અનુસાર, 2021-22માં ભારતમાં વિશ્વનો ત્રીજો સૌથી મોટો ફાર્માસ્યુટિકલ ઉદ્યોગ હતો અને તે પોસાય તેવી દવાઓ અને જેનરિક દવાઓનો અગ્રણી સપ્લાયર હતો. વિશ્વભરમાં કોવિડ રોગચાળા સામે લડવામાં તેની ભૂમિકા મહત્વપૂર્ણ હતી. ગયા વર્ષે, ભારત ચંદ્ર પર સોફ્ટ લેન્ડિંગ કરનાર ચોથો અને દક્ષિણ ધ્રુવ પર ઉતરનાર પ્રથમ દેશ બન્યો હતો. તેની પાસે વિશ્વનો સૌથી મોટો રિમોટ સેન્સિંગ ઉપગ્રહ પણ છે.

ગયા મહિને પ્રકાશિત થયેલા ડેટા અનુસાર, 2022માં ઓર્ગેનાઈઝેશન ફોર ઈકોનોમિક કો-ઓપરેશન એન્ડ ડેવલપમેન્ટમાં 38 ઉચ્ચ આવક ધરાવતા દેશોનો સરેરાશ આરડી ખર્ચ લગભગ 2.7 ટકા હતો, જ્યારે ચીને 2.4 ટકા ખર્ચ કર્યો હતો. ડીએસટી મુજબ, ભારતનો વિજ્ઞાન ખર્ચ, પરચેઝિંગ પાવર પેરિટી માટે સંપૂર્ણ શરતોમાં સમાયોજિત, 2014-15માં યુએસ 50.3 બિલિયનથી વધીને 2020-21માં યુએસ 57.9 બિલિયન થયો છે. પીપીપીએ વિવિધ દેશોમાં ચલણની ખરીદ શક્તિનું માપ છે. 1991માં આર્થિક સુધારા અમલમાં આવ્યા ત્યારથી આરડી ખર્ચમાં ભારતનો હિસ્સો સતત વધી રહ્યો છે, જે 2009-10માં જીડીપીના0.82% સુધી પહોંચી ગયો છે.
ભારતના સંશોધન ખર્ચના લગભગ 60 ટકા કેન્દ્ર અને રાજ્ય સરકારો અને યુનિવર્સિટીઓમાંથી અને લગભગ 40 ટકા ખાનગી ક્ષેત્રમાંથી આવી શકે છે. ખાનગી ક્ષેત્રનું રોકાણ તુલનાત્મક દેશોની તુલનામાં ઘણી વખત વધારે છે.

2022 માં, ખાનગી ક્ષેત્રે ઓર્ગેનાઈઝેશન ફોર ઈકોનોમિક કો-ઓપરેશન એન્ડ ડેવલપમેન્ટ દેશો માટે સરેરાશ 74 ટકા આરડી ખર્ચ અને 27 ઈયુ સભ્યો માટે આવા ધિરાણનો 66 ટકા હિસ્સો ધરાવે છે. ભારતમાં આજે બાંધકામ, માહિતી ટેકનોલોજી, ઉત્પાદન, ફાર્માસ્યુટિકલ્સ અને અન્ય ક્ષેત્રોમાં ઘણી વૈશ્વિક કંપનીઓ છે. તેઓ દેશના સંશોધનમાં ઘણું યોગદાન આપી શકે છે.

સંશોધન-ઉત્પાદનમાં ભારત વિશ્વમાં ત્રીજા ક્રમે છે
આંકડાઓ અનુસાર, સંશોધન અને ઉત્પાદનના મામલામાં અમેરિકા અને ચીન પછી ભારત વિશ્વના સૌથી સમૃદ્ધ દેશોમાંનો એક છે. 2014 થી 2021 સુધીમાં, યુનિવર્સિટીઓની સંખ્યા 760 થી વધીને 1113 થઈ. છેલ્લા દાયકામાં 7 વધુ આઈઆઈટીની સ્થાપના કરવામાં આવી છે, જેની કુલ સંખ્યા 23 થઈ ગઈ છે. બે નવી ભારતીય વિજ્ઞાન શિક્ષણ અને સંશોધન સંસ્થાઓની પણ સ્થાપના કરવામાં આવી. હવે ધ્યાનમાં લો કે 2020-21 દરમિયાન તેના ગ્રોસ ડોમેસ્ટિક પ્રોડક્ટ (જીડીપી)નો માત્ર 0.64% ખર્ચ કર્યો છે, જો નવી સરકાર ખર્ચમાં વધારો કરશે, તો ભારત આ ક્ષેત્રમાં મોટો તફાવત લાવી શકે છે કંઈક હાંસલ કરો.

Continue Reading

રાષ્ટ્રીય

હોઠને ફેવિકોલથી ચોેંટાડી ઘા પર લાલ મરચું ભભરાવ્યું

Published

on

By

મધ્યપ્રદેશના ગુનામાં બર્બરતાની તમામ હદો વટાવી દેવામાં આવી છે, એક 23 વર્ષની મહિલા પર માત્ર અત્યાચાર જ નથી થયો પરંતુ તેના હોઠને ફેવિકોલથી ચોંટાડી દેવામાં આવ્યા હતા અને તેના ઘા પર મરચાનો પાવડર લગાવવામાં આવ્યો હતો. પીડિત મહિલાને ગુનાના એક ઘરમાં બળજબરીથી રાખવામાં આવી હતી.મહિલાને તે ઘરમાં કેદી તરીકે રાખવામાં આવી હતી અને તેને ત્યાં કોઈપણ પ્રકારની સુવિધા આપવામાં આવી ન હતી. માર મારવામાં આવ્યો અને તમામ વાતચીત બંધ કરી દેવામાં આવી. પીડિતા બહારની દુનિયાથી સંપૂર્ણપણે કપાઈ ગઈ હતી. પ્રાથમિક તપાસ બાદ જાણવા મળ્યું કે આરોપી પીડિતા સાથે લગ્ન કરવાની વાત કરી રહ્યો હતો અને તેના પર તમામ પ્રોપર્ટી પોતાના નામે ટ્રાન્સફર કરવા દબાણ કરી રહ્યો હતો. એક દિવસ તક મળતાં મહિલાએ પોતાને આરોપીઓના ચુંગાલમાંથી છોડાવ્યો અને નજીકના પોલીસ સ્ટેશનમાં જઈને ફરિયાદ નોંધાવી. તેના હોઠ ફેવિકોલથી ચોંટી ગયા હતા. અને તેના આખા શરીર પર ગંભીર ઈજાના નિશાન હતા. પોલીસે પહેલા પીડિતને નજીકની હોસ્પિટલમાં દાખલ કર્યો અને પ્રાથમિક સારવાર બાદ ફરિયાદ નોંધવામાં આવી. હાલમાં, આરોપીની ધરપકડ કરવામાં આવી છે અને અનેક કલમો હેઠળ કેસ નોંધવામાં આવ્યો છે.

Continue Reading

Trending