1946-47માં ઝીણા ભારતના ભાગલાની જીદ લઈ બેઠાં હતાં: સરદાર-નેહરૂ વિરોધ કરતા હતા અને બ્રિટન મધ્યસ્થી બની બેઠુ હતું

આજે અલગ સ્કોટલેન્ડની માંગ સાથે પાક. મુળના નેતા યુસુફ રણે ચડ્યા છે ત્યારે ભારતીય મૂળના પીએમ દેશને અખંડ રાખવા મથી રહ્યાં છે

કહેવાય છે કે ઈતિહાસ ક્યારેક ને ક્યારેક પુનરાવર્તિત જરૂૂર થાય છે. ભારતનું વિભાજન ક્રવાનર બ્રિટિશ સામ્રાજ્યવાદીઓ, પીએમ ક્લેમેન્ટ એટલી અને વાઈસરોય માઉન્ટબેટ ભાગ્યે જ કલ્પના કરી શક્યા હોત કે ભારતના ભાગલાના માત્ર 75 વર્ષ પછી એવ એવો સમય આવશે જેમાં બ્રિટનના ભાગલા પર ગંભીર ચર્ચા થતી હશે. નિયતિનો ન્યાય પણ એવો છે કે આ ભાગલાને રોકવાની કે પૂર્ણ કરવાની જવાબદારી એક ભારતીય મૂળના અને પાકિસ્તાની મૂળના નેતાના હાથમાં છે.

ભારતની આઝાદીના 75 વર્ષ પછી બ્રિટનના વડા પ્રધાન ભારતીય મૂળના હિંદુ ઋષિ સુનક છે અને બ્રિટનથી અલગ થવાની માંગ કરી રહેલા સ્કોટલેન્ડના ફર્સ્ટ મિનિસ્ટર પાકિસ્તાની મૂળના મુસ્લિમ હમઝા યુસુફ છે. હમઝા યુસુફ ગયા સોમવારે જ સ્કોટલેન્ડના ફર્સ્ટ મિનિસ્ટર મંત્રી બન્યા છે. ફર્સ્ટ મિનિસ્ટર એટલે ત્યાંના વડા પ્રધાન, એટલે કે સ્કોટલેન્ડના સર્વોચ્ચ નેતા જેના હાથમાં તમામ કાયદાકીય અને કારોબારી સત્તાઓ છે. સ્કોટલેન્ડ વર્ષોથી બ્રિટન પાસેથી સ્વતંત્ર અસ્તિત્વની માંગ કરી રહ્યું છે એવામાં ચૂંટણી પ્રચાર દરમિયાનહમઝા યુસુફે આ વર્ષો જૂના સ્કોટિશ બબલ અને ભાવનાઓને ઘણી હવા આપી હતી અને કહ્યું હતું કે જો તે ચૂંટણી જીતી જશે તો સ્કોટલેન્ડને બ્રિટનથી અલગ કરીને તેને સ્વતંત્ર દેશ બનાવવાની દિશામાં મજબૂત પગલાં લેશે. આ માટે હમઝા યુસુફના આ કોલને લોકોનું જોરદાર સમર્થન મળ્યું હતું. જો કે હવે એમને બ્રિટિશ પીએમ સાથે સ્કોટલેન્ડને બ્રિટનથી અલગ કરવાના તેમના એજન્ડા વિશે વાત કરીતો ઋષિ સુનકે તેમને આકરો જવાબ આપતા આવા કોઈપણ પ્રયાસને સ્પષ્ટપણે નકારી કાઢ્યો છે.

બ્રિટનની હાલની સ્થિતિને ભારતના ભાગલાના સમયગાળા સાથે સરખાવી ન શકાય પણ વર્ષ 2023નું આ બ્રિટન ભારતીયોને 1946-47ના સમયગાળાની યાદ અપાવે છે, એ સમયે જ્યારે બ્રિટન ભારતના ભાગલા માટે મધ્યસ્થી તરીકે બેઠું હતું. મુસ્લિમ લીગના નેતાઓ મોહમ્મદ અલી જિન્ના અને લિયાકત અલી ખાન પાકિસ્તાનને ભારતથી અલગ કરવા માટે મક્કમ હતા જ્યારે ગાંધી-નેહરુ અને પટેલ આવી કોઈપણ દરખાસ્તની વિરુદ્ધ હતા. આજે બ્રિટનમાં પણ કેટલાક દળો પોતાના માટે અલગ દેશની માંગ કરી રહ્યા છે. પાકિસ્તાની મૂળના સ્કોટિશ સ્કોટલેન્ડને બ્રિટનથી અલગ કરવા માંગે છે જ્યારે ભારતીય મૂળના બ્રિટિશ પીએમ આ દેશને વિભાજિત ન થવા દેવા પર અડગ છે. નોંધનીય છે કે કોંગ્રેસના સાંસદ શશિ થરૂૂરે એક ટ્વિટમાં આ સ્થિતિની સરખામણી 1946-47 સાથે કરી છે.

સ્કોટલેન્ડ પહેલા એક સ્વતંત્ર દેશ હતો. 1603 માં વેલ્સ અને સ્કોટલેન્ડ ઈંગ્લેન્ડ સાથે મળીને એક નવો દેશ બનાવવા માટે સંમત થયા. 1707માં સ્કોટલેન્ડ ઈંગ્લેન્ડમાં જોડાયું અને આ નવા દેશનું નામ ‘યુનાઈટેડ કિંગડમ ઓફ ગ્રેટ બ્રિટન’ રાખવામાં આવ્યું. ત્યારે વિશ્વમાં ઈંગ્લેન્ડનો ધ્વજ લહેરાતો હતો. આ જ કારણ હતું કે વર્ષ 1800માં આયર્લેન્ડ પણ તેમાં સામેલ થયું પરંતુ ત્યાંના લોકો તેનાથી ખુશ ન હતા.

1997માં સ્કોટલેન્ડ માટે અલગ સંસદની માંગણી માટે લોકમત યોજાયો હતો. સ્કોટલેન્ડને આમાં સફળતા મળી. સ્કોટલેન્ડે પોતાની સરકાર બનાવી પણ મહત્વના મુદ્દાઓ બ્રિટિશ સંસદ પાસે જ રહ્યા. અહીં મુખ્ય કાર્યકારીને વડા પ્રધાન તરીકે નહીં પણ ફર્સ્ટ મિનિસ્ટર તરીકે સંબોધિત કરવામાં આવે છે.

આસામમાં દિલ્હીના મુખ્યમંત્રીની કાલે રેલી પૂર્વે રાજકીય પારો ઊંચકાયો

અરવિંદ કેજરીવાલની પહેલી રાજકીય રેલી આસામમાં 2 એપ્રિલે યોજાવા જઈ રહી છે. આ પહેલા પણ રાજ્યમાં રાજકીય પારો ઉંચકતો જોવા મળી રહ્યો છે. મુખ્યમંત્રી હિમંતા બિસ્વા સરમાએ રેલી પહેલા અરવિંદ કેજરીવાલને ખુલ્લી ચેતવણી આપી છે. તે કહે છે કે નસ્ત્રમારી સામે એક પણ શબ્દ બોલો કે હું ભ્રષ્ટ છું અને બીજા જ દિવસે હું માનહાનિનો કેસ દાખલ કરીશ. મેં મનીષ સિસોદિયા સામે પણ આવું જ કર્યું છે. વાસ્તવમાં, દિલ્હીના મુખ્યમંત્રી અરવિંદ કેજરીવાલે દિલ્હી વિધાનસભામાં કથિત રીતે કહ્યું હતું કે સરમા વિરુદ્ધ અન્ય રાજ્યોમાં કેસ નોંધાયા છે. આ નિવેદન બાદ આસામના સીએમનું તેમની વિરુદ્ધનું નિવેદન સામે આવ્યું છે. તેમણે કેજરીવાલને ખુલ્લો પડકાર ફેંક્યો અને કહ્યું કે કેજરીવાલે એકવાર આસામમાં આવીને આ આરોપો લગાવવા જોઈએ.

કાયરની જેમ કેજરીવાલે વિધાનસભામાં આ વાત કરી છે.સરમાએ કહ્યું કે તેમણે હજુ સુધી કેજરીવાલ સામે માનહાનિનો કોઈ કેસ દાખલ કર્યો નથી, પરંતુ તેઓ હવે કરી શકે છે. તેમણે પૂછ્યું કે શું મારા વિરુદ્ધ દેશના કોઈપણ ભાગમાં કોઈ કેસ છે. હું માનહાનિનો કેસ કરવા માંગુ છું, પરંતુ અરવિંદ કેજરીવાલ વિધાનસભાની અંદર કાયરની જેમ બોલ્યા, તેથી તેમને આસામ આવવા દો.

સરમાએ સ્પષ્ટતા કરી કે દેશના કોઈપણ ભાગમાં તેમની સામે કોઈ કેસ નથી. તેમણે કહ્યું કે અરવિંદ કેજરીવાલે દિલ્હી વિધાનસભામાં કોઈની વિરુદ્ધ બોલવું જોઈએ નહીં જ્યાં તમે જાણો છો કે તે વ્યક્તિ બચાવ કરવા માટે નથી. તેઓએ જુઠ્ઠું બોલીને લોકોને ગેરમાર્ગે દોરવાનું કામ કર્યું છે.

બિહારમાં સાસારામ નાલંદા અને જમશેદપુરમાં તોડફોડની ઘટનાઓ

રામનવમીના શોભાયાત્રા પરની હિંસાની આગ બંગાળ અને બિહાર બાદ ઝારખંડ સુધી પહોંચી છે. ગત શુક્રવારે (31 માર્ચ) રાત્રે જમશેદપુરના હલ્દીપોખર વિસ્તારમાં રામ નવમીના શોભાયાત્રા પર પથ્થરમારો કરવામાં આવ્યો હતો. પોલીસની ગાડી તોડી નાખી હતી. જ્યારે 5 જેટલા લોકો ઘાયલ થયા હતા. પોલીસનું કહેવું છે કે હાલ પરિસ્થિતિ શાંતિપૂર્ણ છે.

ગઈકાલે રાત્રે જમશેદપુરના જુગસલાઈ વિસ્તારમાં કેટલાક લોકોએ રામ નવમીની શોભાયાત્રા કાઢવાનો વિરોધ કર્યો હતો. આ પછી સ્થિતિ બગડવા લાગી. શોભાયાત્રા અટકાવવાથી રોષે ભરાયેલા લોકોએ બાટા ચોક ખાતે હનુમાન ચાલીસાના પાઠ શરૂૂ કર્યા હતા અને રેલવે ફાટક ઉપરના રેલવે બ્રિજને બ્લોક કરી દીધો હતો. બંને તરફથી ઉગ્ર સૂત્રોચ્ચાર થયા હતા.

શોભાયાત્રા અટકાવવાથી રોષે ભરાયેલા લોકોએ બાટા ચોક ખાતે હનુમાન ચાલીસાના પાઠ શરૂૂ કર્યા હતા અને રેલવે ફાટક ઉપરના રેલવે બ્રિજને બ્લોક કરી દીધો હતો.બંને તરફથી ઉગ્ર સૂત્રોચ્ચાર થયા હતા. ટોળાએ રોડ પર ટાયરો સળગાવી પોલીસની ગાડીના તોડફોડ કરી હતી. હિંસાની ઘટના બાદ ઘટનાસ્થળે મોટી સંખ્યામાં પોલીસ દળો તૈનાત કરવામાં આવ્યા છે. જમશેદપુરના એસપી અને ડીએમ સહિત તમામ અધિકારીઓ મોડી રાત સુધી ઘટનાસ્થળે હાજર હતા અને પરિસ્થિતિને સંભાળી હતી.

આ સિવાય પશ્ચિમ બંગાળના હાવડા, ગુજરાતના વડોદરા, મહારાષ્ટ્રના સંભાજીનગર અને બિહારના સાસારામ નાલંદામાં રામ નવમીના અવસર પર હિંસક અથડામણ થઈ હતી. આ સ્થળોએ પથ્થરમારો અને આગચંપી થયાના અહેવાલો પણ છે. તમામ જગ્યાઓ પર સુરક્ષા વધારીને અનેક લોકોની ધરપકડ પણ કરવામાં આવી હતી. પશ્ચિમ બંગાળમાં સ્થિતિ સૌથી ગંભીર હતી. અહીં વાહનોને આગ ચાંપવામાં આવી હતી અને પથ્થરમારો કરવામાં આવ્યો હતો. અનેક દુકાનો અને ઓટો-રિક્ષામાં તોડફોડ કરવામાં આવી હતી. પોલીસના વાહનો સહિત અનેક ગાડીઓને આગ ચાંપી દેવામાં આવી હતી.

બિહારમાં પણ રામ નવમીની શોભાયાત્રા દરમિયાન અનેક જિલ્લાઓમાં ભારે હંગામો થયો હતો. આમાં સૌથી વધુ ઉપદ્રવ સાસારામ અને નાલંદામાં થયો છે. આ દરમિયાન બે કોમના લોકો એકબીજા સાથે અથડાયા હતા. બંને તરફથી પથ્થરમારો અને ફાયરિંગની ઘટના બની હતી. બદમાશોએ અનેક વાહનો અને દુકાનોને આગ ચાંપી દીધી હતી. હજુ પણ બંને જિલ્લામાં સ્થિતિ તંગ છે.