Connect with us

ગુજરાત

મોરબી સિરામિકની છ ફેકટરીમાં DGGIની ટીમો ત્રાટકી

Published

on

એક હજાર કરોડના બોગસ બિલિંગ કૌભાંડના પગલે રાજકોટ-અમદાવાદના 50થી વધુ અધિકારીઓના કાફલાનું સર્ચ ઓપરેશન, સિરામિક ઉદ્યોગકારોમાં ફફડાટ

રાજકોટ ડીજીજીઆઇના રીજિયોનલ યુનિટ દ્વારા થોડાજ સમય પહેલા રૂૂ.1 હજાર કરોડનું બોગસ ઈ-વે બિલ કૌભાંડ ઝડપી લેવામાં આવ્યા બાદ તલવાર મ્યાન કરી લીધી હતી અને તેમાંય ચૂંટણી જાહેર થઈ જતા ઈન્વેસ્ટીગેશનને બ્રેક મારી દેવામાં આવી હતી અને તેથી મોરબીના જીએસટી ચોરોને એવું લાગી રહ્યું હતું કે હવે ડીજીજીઆઇ કોઈ એકશન નહીં કરે પણ આજે આ બોગસ ઈ-વે બિલ કૌભાંડના સંદર્ભમાં રાજકોટ અને અમદાવાદના 50 જેટલા અધિકારીઓના કાફલાએ મોરબીના 6 સિરામિક યુનિટો પર સર્ચ ઓપરેશન હાથ ધરતા સિરામીક ઉદ્યોગકારોમાં ચહલપહલ મચી જવા પામી હતી.


મોરબીના સુત્રોમાંથી મળતી વિગતો મુજબ માત્ર બોગસ ઈ-વે બિલ જનરેટ કરી કરોડો રૂૂપિયાની જીએસટી ચોરીનો પદાર્ફાશ ડીજીજીઆઇ રાજકોટના યુનિટ દ્વારા કરવામા આવ્યો હતો અને જે તે સસમયે એક શખ્સની આ કૌભાંડના સંદર્ભમાં ધરપકડ પણ કરવામા આવી હતી અને હજુંપણ એક શખ્સ નાસતો ફરે છે તે કૌભાંડના મુળિયા સુધી ડીજીજીઆઇની ટીમ દ્વારા પહોચવા માટે ગુપ્તાથી ડેટા એકત્ર કરવામા આવી રહ્યા હતા અને સાથોસાથ બાતમીદારોના નેટવર્કને સતેજ કરવામા આવ્યું હતું.તેવામાં લોકસભાની ચૂંટણીની જાહેરાત થતા ડીજીજીઆઇએ તલવાર મ્યાન કરી લીધી હતી અને તેને લઈને મોરબીના જીએસટી ચોરોને એમ લાગતું હતું કે હવે ડીજીજીઆઇ કોઈ ઓપરેશન હાથ નહીં ધરે પણ તેમની ગણતરી ઉંધી પડી હતી.


અને બુધવારના બપોર બાદ રાજકોટ તથા અમદાવાદના સ્ટાફે એકીસાથે 6 સિરામિકના વીટ્રીફાઈડ યુનિટ પર સર્ચ ઓપરેશન હાથ ધર્યું છે અને તમામ યુનિટોમાં ડોકયુમેન્ટની ચકાસણી,ટ્રાન્સપોર્ટની બીલ્ટી,ખરીદ-વેચાણના વ્યવહારો,નાણાકીય વ્યવહાર,આંગડીયાથી કરવામા આવેલ વ્યવહાર અને બોગસ ઈ-વે બિલના આધારે કેટલું વેચાણ કરવામા આવ્યું છે તેની માહિતી મેળવવામા આવી રહી છે.


એકાએક જ ડીજીજીઆઇએ ઓપરેશન હાથ ધરતા સિરામિક કસ્ટરમાં ચહલપહલ વધી જવા પામી છે અને કંઈ ફેકટરીઓ પર સર્ચ ઓપરેશન હાથ ધરાયું છે તેની વિગતો મેળવવા માટે ફોન ધણધણવા મંડયા હતા. રાજકોટ અને અમદાવાદ ડીજીજીઆઇની ટીમે હાથ ધરેલા સર્ચ ઓપરેશન દરમિયાન કુલ 6 વીટ્રીફાઈડ યુનિટો પર સર્ચ ઓપરેશન હાથ ધરાયું છે તેમાં લેમોરેક્ષ ગ્રેનિટો,લુફટોન ટાઈલ્સ,લોવેલ સિરામીક,લીયોના સિરામિક, ક્વિટા સિરામિક અને મોન્ઝો સિરામિકનો સમાવેશ થાય છે.

કયાં કયાં દરોડા
લેમોરેક્ષ ગ્રેનીટો, લુફટોન ટાઇલ્સ, લોવેલ સીરામીક, લીયોના સીરામીક, ક્વીટા સીરામીક અને મોન્ઝો સિરામિક પર દરોડાની કાર્યવાહી હાથ ધરવામાં આવી હતી

ગુજરાત

અમદાવાદ એરપોર્ટને ફરી મળી બોમ્બથી ઉડાવી દેવાની ધમકી, સુરક્ષા એજન્સી થઇ દોડતી

Published

on

By

અમદાવાદ એરપોર્ટને બોમ્બથી ઉડાડી દેવાની ધમકીનો ઈમેઇલ મળ્યો છે. ઈમેઇલ મળતા સુરક્ષા એજન્સી દોડતી થઈ છે. એરપોર્ટ પર ચેકીંગ કરવામાં આવ્યુ. ઈમેઇલ કોણે મોકલ્યો તેને લઇને સુરક્ષા એજન્સીઓ દ્વારા તપાસ શરૂ કરવામાં આવી છે.એરપોર્ટ પરથી કોઈ વાંધાજનક વસ્તુઓ ન મળી હોવાનું સામે આવ્યું છે.

કર્ણાટકના કલબુર્ગી એરપોર્ટને બોમ્બથી ઉડાવી દેવાની ધમકી મળી છે. આ ધમકી પણ ઈમેલ દ્વારા મોકલવામાં આવી છે. આ ઘટનાની જાણ એરપોર્ટ ડાયરેક્ટરે સ્થાનિક પોલીસને કરી, ત્યારબાદ પોલીસ અને બોમ્બ સ્કવોડ એરપોર્ટ પર પહોંચી ગયા છે અને એરપોર્ટને સેનિટાઈઝ કરવામાં આવી રહ્યું છે.

દર 10 થી 15 દિવસે ઈ-મેલ દ્વારા દેશના વિવિધ એરપોર્ટને ઉડાવી દેવાની ધમકી મળી રહી છે.આ પહેલા ગત 12 મે, 2024ના રોજ પણ અમદાવાદ એરપોર્ટને બોમ્બથી ઉડાવી દેવાની ધમકી મળી હતી.

Continue Reading

ગુજરાત

ગોંડલના ઘોઘાવદર નજીકથી નવ પશુ ભરેલો ટ્રક ઝડપાયો

Published

on

By

રૂા. 6.80 લાખના મુદ્દામાલ સાથે બેની અટકાયત

ગોંડલના ઘોઘાવદર પાસેથી જીવદયા પ્રેમીઓએ પશુ ભરેલ ટ્રક ઝડપી ગોંડલ તાલુકા પોલીસને ફરિયાદ કરી હતી. રાજકોટના જીવદયા પ્રેમી ભાવિનભાઈ ધિયાડ અને તેમના મિત્રોને માહિતી મળી હતી કે ધોરાજીથી એક ટ્રક ભેંસો ભરીને નીકળવાનો છે જે ગેરકાયદેસર હોઈ શકે જેના આધારે તેમણે ગોંડલ આવી ત્યાંથી ટ્રકનો પીછો કરતા ઘોઘાવદર પાસે ટ્રક રોકાવીને જોતા ટ્રકમાં 9 જેટલા પશુઓને હલનચલન ન કરી શકે તેમ બાંધીને રાખવામાં આવ્યા હતા.


જીવદયા પ્રેમી ભાવિનભાઈ અને તેમના મિત્રોએ ટ્રકમાં ભેંસોની હાલત જોતા પોલીસ ને જાણ કરી હતી. જોકે ટ્રક ચાલક ભરત ગરચર અને ક્લિનર મુસ્તાક અલી સેતાને પરમિટ અંગે સવાલ કરતા તેમણે જણાવ્યુ હતું કે ભેંસો કાયદેસર તબેલાની છે અને તેમની પાસે પરમિટ છે પરંતુ તેઓ પરમિટ રજૂ કરી શકયા ના હોય બન્ને વિરુદ્ધ પશુ ક્રૂરતા નિવારણ અધિનિયમ કલમ 11(1), ડી, ઇ, એફ, એચ, તથા સેન્ટ્રલ મોટર વ્હીકલ 125(ઇ) તથા આઈ.પી.સી. 114 મુજબ અને એક બીજાને મદદગારી કરવા બાબતે ગુન્હો નોંધવામાં આવ્યો હતો.


પોલીસે પણ બંને શખસોની અટકાયત કરી તેમજ 8 મોટી ભેંસો એક પાડો અને ટ્રક મળી કુલ 6,80,000નો મુદ્દામાલ કબજે લઇ કાયદેસરની તપાસ અને કાર્યવાહી શરૂૂ કરી હતી. અને પશુઓને રાજકોટ ની ગૌ શાળા માં ઉતારવામાં આવ્યા હતા.

Continue Reading

ગુજરાત

ખંભાળિયામાં અનરાધાર પોણા ચાર ઈંચ વરસાદ ખાબક્યો

Published

on

By


દેવભૂમિ દ્વારકા જિલ્લામાં એક સપ્તાહના મેઘ વિરામ બાદ ગઈકાલથી પુન: મેઘરાજાના મંડાણ થયા છે અને ગઈકાલે રાત્રે ખંભાળિયામાં ધોધમાર ત્રણ ઈંચ સુધી વરસાદ વરસી ગયો હતો. આ સાથે આજે પણ વધુ પણ કેટલો વરસાદ વરસતા ખંભાળિયામાં કુલ પોણા ચાર ઈંચ વરસાદ તેમજ ભાણવડમાં દોઢ ઇંચ વરસાદ થવા પામ્યો છે. ત્યારે અન્યત્ર હળવા તથા ભારે ઝાપટા જ વરસ્યા હતા.
ખંભાળિયા સહિત સમગ્ર જિલ્લામાં છેલ્લા બે-ત્રણ દિવસથી અસહ્ય ઉકળાટ ભર્યો માહોલ બની રહ્યો છે. આ વચ્ચે ગઈકાલે રવિવારે સાંજે અહીંના વાતાવરણમાં પલટો આવ્યો હતો. રાત્રીના નવેક વાગ્યાથી છવાયેલા ઘટાટોપ વરસાદી વાદળો અને વીજળીના ગડગડાટ સાથે ધોધમાર વરસાદ શરૂૂ થયો હતો અને માત્ર એકાદ કલાકના સમયગાળા દરમિયાન બે ઈંચ જેટલું પાણી પડી ગયું હતું. આ પછી પણ અવિરત રીતે ઝાપટા ચાલુ રહેતા ગતરાત્રિના ખંભાળિયા તાલુકામાં કુલ 71 મિલીમીટર પાણી પડી ગયું હતું. આ પછી આજરોજ સવારે પણ સવારે 9 થી 10 દરમિયાન વધુ 21 મિલીમીટર સાથે કુલ 92 મિલીમીટર વરસાદ વરસી ચુક્યો છે.
આ સાથે ગત રાત્રિના ભાણવડ તાલુકામાં 7 તેમજ આજે સવારે પણ વધુ 31 મિલીમીટર સાથે કુલ 38 મિલીમીટર અને કલ્યાણપુર તાલુકામાં કુલ 11 મિલીમીટર વરસાદ નોંધાયો છે. જ્યારે દ્વારકા પંથકમાં માત્ર ઝાપટા સ્વરૂૂપે 2 મિલીમીટર પાણી પડી ગયું હતું.
ખંભાળિયા તાલુકામાં ગતરાત્રે વરસાદના પગલે અનેક વિસ્તારોમાં વીજ પુરવઠો લાંબો સમય ખોવાઈ જતા કાળઝાળ ગરમીમાં લોકો ત્રાહિમામ પોકારી ગયા હતા. આજે સવારથી પણ ખંભાળિયા પંથકમાં વરસાદી વાદળોની જમાવટ રહી હતી. અને સૂર્યનારાયણના દર્શન થયા ન હતા. હવામાન વિભાગની આગાહી સાથે આજે પણ મેઘરાજા જોરદાર વરસે તેવી સંભાવનાઓ પણ વ્યક્ત કરવામાં આવી રહી છે.
આજે સવારે 10 વાગ્યા સુધીમાં ખંભાળિયા તાલુકામાં સૌથી વધુ 333 મિલીમીટર, ભાણવડ તાલુકામાં 98 મિલીમીટર, દ્વારકા તાલુકામાં 39 મિલીમીટર અને કલ્યાણપુર તાલુકામાં 16 મિલીમીટર મોસમનો કુલ વરસાદ નોંધાયો છે.
ગઈકાલે રાત્રે ખંભાળિયા પંથકમાં સાર્વત્રિક વરસાદ હતો. જેમાં અહીંના ધરમપુર, હર્ષદપુર, શક્તિનગર, હરીપર, સિંહણ, કેશોદ, વિંઝલપર, ભાડથર, શેરડી, વિસોત્રી, કુવાડીયા, હંસ્થળ, વિરમદળ, રામનગર વિગેરે ગામોમાં 2 થી 4 ઈંચ જેટલો વરસાદ વરસતા સ્થાનિક જળસ્ત્રોતોમાં નવા નીરની આવક થવા પામી છે. આજે સવારેથી ઘટાટોપ વરસાદી વાતાવરણ અને બફારો હોવાથી હજુ વધુ વરસાદ વરસે તેવી સંભાવનાઓ પણ વ્યક્ત કરવામાં આવી રહી છે.

Continue Reading

Trending