Connect with us

ગુજરાત

એક જ પરિવારના ત્રણ લોકોના મોત: મહેસાણામાં બાઇક પર દર્શન કરી પરત ફરી રહેલો પરિવાર છોટાહાથીની ટક્કરથી રોડ પર ફંગોળાયો, માતા-પિતા-પુત્રનાં મોત

Published

on

હાલ રાજ્યમાં દિવસે ને દિવસે અકસ્માતોની સંખ્યામાં સતત વધારો થઇ રહ્યો છે. ત્યારે મહેસાણા જિલ્લામાંથી ગમખ્વાર અકસ્માતનો કિસ્સો સામે આવ્યો છે. મહેસાણાના ખેરાલુમાં માર્ગ અકસ્માતમાં 3 લોકોનાં મોત થયાં છે. ખેરાલુના ખેરપુર ગામનો પરિવાર બાઈક પર સવાર થઈ કાલે દાસજ ગોગા મહારાજનાં દર્શનેથી પરત ફરી રહ્યો હતો. તે સમયે બાઈક અને છોટા હાથી વચ્ચે જોરદાર ટક્કર થતાં આ અકસ્માત સર્જાયો હતો. જેમાં એક જ પરિવારનાં ત્રણ લોકોનાં મોત થયાં. પિતા, પુત્ર અને માતાનું મોત થતાં હાઈવે લોહિયાળ બન્યો. અને પરિવારમાં એક 17 વર્ષીય પુત્રએ માતા-પિતાની છત્રછાયા ગુમાવી હતી. આજે મૃતકોની અંતિમયાત્રા કાઢવામાં આવી હતી.

મહેસાણા જિલ્લાના ખેરાલુ તાલુકામાં આવેલા ખેરપુર ગામે રહેતા 35 વર્ષીય બળવંતજી શંભુજી ઠાકોર પાંચમ નવરાત્રિ ચાલતી હોવાથી પોતાની પત્ની હંસાબેન અને દીકરો કિશન સાથે બાઈક પર બેસીને દાસજ ખાતે આવેલા ગોગા મહારાજનાં દર્શન કરવા ગાય હતા. આ દરમિયાન દર્શન કરીને પરત ફરતી વખતે ઉપેરા અને ઝાસ્કા વચ્ચે છોટા હાથી અને બાઈક વચ્ચે જોરદાર ટકકર થતાં ત્રેયના મોત થયાં હતાં. આ ઘટનાની જન થતા જ સ્થાનિક લોકો અને વાહનચાલકો ઘટના સ્થળે દોડી આવ્યા હતા. ત્યાબ્દ તાત્કાલિક 108ને જાણ કરવામાં આવી હતી અને બાદમાં તેમેને પ્રથમ વડનગર સિવિલ ખાતે ખસેડવામાં આવ્યા હતાં.અને ત્યાંથી વધુ સારવાર માટે મહેસાણાની લાયન્સ હોસ્પિટલમાં ખસેડાયા હતાં. પરંતુ રસ્તામાં વચ્ચે જ એકનું મોત થયું હતું. તેમજ સારવાર દરમિયાન બે લોકોનાં મોત નીપજ્યાં હતાં. બાદમાં મહેસાણા સિવિલમાં ત્રણેયની લાશનું પોસ્ટમોર્ટમ કરાવ્યાં બાદ મૃતદેહ ગામમાં લાવવામાં આવ્યા હતા.

અકસ્માતમાં મોતને ભેટેલા એક જ પરિવારના ત્રણ લોકોની આજે અંતિમયાત્રા ગામમાંથી કાઢવામાં આવી હતી. નવરાત્રિમાં આ ગોઝારી ઘટનાએ સમગ્ર પંથકમાં શોકનો માહોલ છવાયો છે.

 

 

 

ગુજરાત

રૂપાલા ફોર્મ પાછું નહીં ખેંચે તો 20મીથી આંદોલન પાર્ટ-2

Published

on

By

  • માફી સમાજને મંજૂર નથી, ઉશ્કેરાટ સ્વયંભૂ છે, સરકાર પરસોત્તમભાઇની ટિકિટ રદ કરે અથવા તે પોતે જ ફોર્મ પાછું ખેંચે એ જ રસ્તો: પી.ટી. જાડેજા

રાજકોટ લોકસભા બેઠકના ભાજપના ઉમેદવાર પરષોતમભાઇ રૂપાલા આગામી તા.19મી સુધીમાં ઉમેદવારી પત્રક પાછુ નહીન ખેંચે તો ક્ષત્રીય આંદોલન સંકલન સમિતિ દ્વારા 20મીથી આંદોલન પાર્ટ-2 શરૂ કરવામાં આવશે તેમ સંકલન સમિતિ વતી સૌરાષ્ટ્રનો હવાલો સંભાળતા પી.ટી. જાડેજાએ જાહેર કર્યું હતું.

ગતરાત્રે રૂપાલા વિવાદ ઉકેલવા મુખ્યમંત્રી નિવાસે સરકાર અને ક્ષત્રિય સમાજની સંકલન સમિતી વચ્ચે યોજાયેલ બેઠક પડી ભાંગ્યા બાદ આજે સવારે પી.ટી. જાડેજાએ પત્રકારોને જણાવ્યું હતું કે, પરષોતમભાઇ રૂપાલાને માફી આપવાનું સમાજને મંજુર નથી. સરકાર સાથે જયારે પણ વાટાઘાટો કરી ત્યો રૂપાલાની ટિકીટ રદ કરવાની જ માંગણી કરવામાં આવી છે. હાલ સમાજમાં જે ઉશ્કેરાટ છે તે સ્વયંભુ છે.

તેમણે જણાવ્યું હતું કે, કોઇના કહેવાથી સમાજ માની જાય તેવું નથી. હું કોઇપણ આદેશ કરી શકું નહીં. સમાજ મારા ભગવાન છે. ભગવાનની ઉપરવટ જઇ શકું નહીં. હું સમાજ સાથે કોઇ દિવસ વિશ્વાસ તોડી શકું નહીં, રૂપાલાને માફી સમાજને મંજુર નથી.પી.ટી. જાડેજાએ જણાવેલ કે ક્ષત્રિય આંદોલન સંકલન સમિતિએ સંઘર્ષ થાય નહીં તે માટે તા.16મીએ ફોર્મ ભરવાના દિવસે સંમેલન યોજવાના બદલે તા.14મીએ યોજયું હતું. અમે શાંતિ ભંગ કરવા ઇચ્છતા નથી. સરકારનો પણ કોઇ બળપ્રયોગ નથી.
આંદોલનના પીઠબળ અંગે તેમણે સ્પષ્ટતા કરી હતી કે અમારી પાછળ કોઇ નથી. આગળ પણ સમાજ અને પાછળ પણ સમાજ છે.

અમે કોઇના હાથા નથી બન્યા માટે અફવાઓથી લોકો દુર રહે.પી.ટી. જાડેજાએ જણાવેલ કે સરકારે ક્ષત્રિય સમાજના બદલે ઉમેદવારી પાછી ખેંચી લેવા પરષોતમભાઇ રૂપાલાને સમજાવે અને રૂપાલાએ પણ ખેલદિલીપૂર્વક ઉમેદવારી પાછી ખેંચી લેવી જોઇએ જેથી ભાજપને નુકશાન થાય નહીં.

Continue Reading

ગુજરાત

રામવનમાં કાલે બાળકો અને સિનિયર સિટિઝનને ફ્રી પ્રવેશ

Published

on

By

વોર્ડ નં.15માં આજી ડેમ પાસે, કિશાન ગૌ શાળા રોડ પર મર્યાદા પુરુષોત્તમ ભગવાન શ્રીરામના જીવનપ્રસંગોને આવરી લેતું સંપૂર્ણ કુદરતી વાતાવરણ ધરાવતું અર્બન ફોરેસ્ટ રામવન આજી ડેમ પાસે વિકસિત કરી, જાહેર જનતા માટે ખુલ્લું મુકવામાં આવેલ છે. રાજકોટ મહાનગરપાલિકાના બજેટ વર્ષ 2023-સ્ત્ર24માં કરેલ નિર્ણયને અનુસંધાને આગામી તા.17-04- 2024ના રોજ રામનવમી નિમિતે રાજકોટ મહાનગરપાલિકા દ્વારા સંચાલિત અર્બન ફોરેસ્ટ (રામવન)માં 12 વર્ષથી નાની ઉંમરના બાળકો અને સીનીયર સીટીઝન માટે નિ:શુલ્કની પ્રવેશ આપવામાં આવશે.

રાજકોટ મહાનગરપાલિકા દ્વારા મર્યાદાપુરુષોત્તમ ભગવાન શ્રી રામના જીવનચરિત્રના પ્રસંગોને આલેખતી વિશાળ પ્રતિમાઓ સહીત રામવનનું નિર્માણ કરવામાં આવેલ છે. વધુમાં વધુ બાળકો અને સિનીયર સીટીઝનો ભગવાનશ્રી રામના જીવનચરિત્રના પ્રસંગોમાંથી પ્રેરણા મેળવે તેમજ બાળકોને તેમના દાદા-દાદી તથા નાના-નાનીના ભગવાનશ્રી રામ પ્રત્યેના ભક્તિભાવથી અવગત કરવાના ઉમદા હેતુથી દર વર્ષે રામનવમીના દિવસે રામવનમાં 12 વર્ષ કે તેથી નાની ઉંમરના બાળકો તેમજ સિનીયર સીટીઝનને નિ:શુલ્ક પ્રવેશ આપવાનું બજેટ વર્ષ 2023-સ્ત્ર24માં નિર્ણય કરવામાં આવેલ છે. નાગરિકો રામવનની મુલાકાત લઇને મર્યાદાપુરુષોત્તમ ભગવાન શ્રીરામના જીવનચરિત્ર પોતાના જીવનમાં અમલમાં મુકે તે હેતુસર રાજકોટ મહાનગરપાલિકા દ્વારા સંચાલિત અર્બન ફોરેસ્ટ (રામવન)ની તા.17-04-2024ના રોજ રામનવમીના પવિત્ર દિવસે મુલાકાતે આવતા 12 વર્ષ કે તેથી નાની ઉંમરના બાળકો અને સિનીયર સીટીઝનો માટે નિ:શુલ્ક પ્રવેશ આપવામાં આવશે.

Continue Reading

ગુજરાત

વોર્ડ નં.1માં પરસોત્તમ રૂપાલાનો ડોર ટુ ડોર લોકસંપર્ક

Published

on

By

  • અબ કી બાર 400 કે પારના નારા સાથે પ્રચારની ધણધણાટી

રાજકોટ લોકસભા બેઠકના ભાજપના ઉમેદવાર પરશોતમભાઈ રૂૂપાલાએ રાજકોટ શહેરના વોર્ડ-1ના વિવિધ વિસ્તારોમાં લોકસંપર્ક કર્યો હતો. આ લોકસંપર્ક દરમ્યાન તેમને જુદા-જુદા સ્થળોએ સાર્વત્રિક આવકાર સાંપડયો હતો.આ લોકસંપર્ક દરમ્યાન રૂૂપાલાજીનું ક્ષત્રિય સમાજ સહિત વિવિધ 12 જેટલી જ્ઞાતિ-સમાજ જેમાં ક્ષત્રિય સમાજ, સતવારા સમાજ, મોચી સમાજ, આહિર સમાજ, ભીલ સમાજ, સીંધીસમાજ, માલધારી સમાજ, બ્રહમસમાજ, પ્રજાપતી સમાજ, અનુસુચિત જાતિ, અન્ય સમાજ વગેરે સમાજ ઘ્વારા અદકેરૂૂ સન્માન કરવામાં આવ્યું હતું તેમજ વેપારી એસોસીએશન, ઉન્નતી સ્કુલ દ્વારા પણ ઉષ્માસભર સ્વાગત કરવામાં આવેલ હતું. તેમજ ક્ષત્રીય સમાજ વતી કોર્પોરેટર દુર્ગાબા જાડેજા, નરેન્દ્રસિંહ જાડેજા, જયરાજસિંહ જાડેજા, ઉદયભાઈ કાઠી, સત્યજીતસિહ જાડેજા, હંસરાજસિહ જાડેજા વિગેરેએ રૂૂપાલાજીનું સન્માન કર્યુ હતું.

આ તકે પરશોતમભાઈ રૂૂપાલાએ વોર્ડ-1માં ગંગેશ્વર મહાદેવ મંદિર ખાતે ભોળાનાથ મહાદેવને શીશ ઝુકાવી દર્શન-પૂજન-અર્ચન કરીને લોકસંપર્કનો પ્રારંભ કર્યો હતો. ત્યારે બાદ ગાંધીગ્રામ, એસ.કે, ચોક, ગાયત્રી ડેરી, નાણાવટી ચોક સહિતના વિસ્તારમાં લોકસંપર્ક કર્યો હતો. આ પ્રસંગે સાંસદ મોહનભાઈ કુંડારીયા, રાજયસભાના સાંસદ રામભાઈ ચોકરીયા, પ્રદેશ ભાજપ ઉપાધ્યક્ષ ડો. ભરતભાઈ બોઘરા, ધારાસભ્ય ડો. દર્શીતાબેન શાહ, શહેર ભાજપના પૂર્વ પ્રમુખ કમલેશ મિરાણી, શહેર ભાજપ મહામંત્રી ડો. માધવ દવે, સહીતના જોડાયા હતા. તેમજ વોર્ડના કોર્પોરેટર દુર્ગાબા જાડેજા, ડો. અલ્પેશ મોરજરીયા, હિરેન ખીમાણીયા, વોર્ડપ્રભારી કાથડભાઈ ડાંગર, વોર્ડપ્રમુખ કાનાભાઈ ખાણધર, મહમંત્રી નાગજીભાઈ વરૂૂ, ગૌરવ મહેતા, મનીષ ભટ્ટ, વિજયભાઈ પાડલીયા, હરેશભાઈ કાનાણી, મહેશભાઈ રાઠોડ, દિવ્યેશ જોષી, મનોજ ગેડીયા, તેમજ જયદીપસિહ જાડેજા, જયરાજસિહ જાડેજા, મનજીભાઈ પરમાર, રામદેવભાઈ આહિર, મોહનભાઈ વાડોલીયા, ભરતભાઈ, કુણાલ પરમાર, સહિતના ઉપસ્થિત રહ્યા હતા.ક્ષ

Continue Reading

Trending