Connect with us

અમરેલી

અમરેલી જિલ્લામાં પણ સ્માર્ટ મીટર સામે કોંગ્રેસ દ્વારા આંદોલનની જાહેરાત

Published

on


ગુજરાતમાં સાતીમી મેના રોજ શાંતિપૂર્ણ માહોલ વચ્ચે મતદાન પૂર્ણ થયું હતું. એ બાદ આજે અમરેલી જિલ્લા કોંગ્રેસની બેઠક મળી હતી. જેમાં કોંગ્રેસના આગેવાનોએ કાર્યકર્તાઓનો આભાર માન્યો હતો. જેમાં અમરેલી બેઠકના કોંગ્રેસના ઉમેદવાર જેનીબેન ઠુમ્મર, અને અમરેલી જિલ્લા કોંગ્રેસ પ્રમુખ પ્રતાપ દુધાતે જણાવ્યું હતું કે, લોકસભા ચૂંટણી બાદ આ બેઠકમાં કોંગ્રેસના કાર્યકર્તાનો આભાર માનવામાં આવ્યો છે. અમરેલીમાં કોંગ્રે, ઇલેક્શન તાકાતથી લડાયું છે. અમરેલી જિલ્લાની જનતાએ જે તાકાતથી ઇલેક્શન લડવામાં મદદ કરી છે તેના માટે આભાર. 4 તારીખ પરિણામ બાદ કોંગ્રેસના કાર્યકર્તાને નવી દીશામાં લઈ જવા માટેની મેં પહેલ કરી છે. રોજે ઇલેક્શન લડતા હોય છે ત્યારે પ્રજાની વચ્ચે નહીં પણ કોંગ્રેસની નૈતિક જવાબદારી છે કે પ્રજાને પડતી મુશ્કેલી વચ્ચે લોકોની વચ્ચે રહેવું. સ્માર્ટ મીટરના કારણે લોકો ત્રાહિમામ પોકારી ઉઠ્યા છે. આ ભાજપની સરકાર સ્માર્ટ મીટરમાં પીછે હટ નહિ કરે તો આંદોલન અમરેલીથી થાય તેના માટે હું પ્રયત્ન કરીશ.


પ્રમુખ પ્રતાપ દુધાતે નિલેક કુંભાણીનું નામ લીધા વગર જણાવ્યું કે, જાહેર જીવની અંદર કોઈની મારી નાખવાની ધમકી ન હોય.


ઇલેક્શન કેમ્પની રણમેદાન અંદરની વાત હતી. અમરેલી જિલ્લામાં ભાજપનો ખેંસ પહેરવા આવેલા તે વ્યક્તિને કેમ હટાવવો. એક રણમેદાનની વાત હતી કોઈ માઈનો લાલ હાથ અડાડે કે કેમ તે સુરતની જનતા નક્કી કરશે. મર્દ માણસ લોકોની વચ્ચે રહે, મર્દ માણસ ઘરમાં રહે, લોકોની વચ્ચે ફરે, મીડિયા પ્રેસ કરી માઈનો લાલ હાથ અડાડે કે નહીં તે મીની બજારમાં જાય તો ખબર પડે. મેં વાત કરી તેમ રાજનીતિમાં જાહેર જીવન એક દિવસનું ના હોય વાર પલટવાર થતું હોય આવનારો સમય નક્કી કરશે શુ થવાનું છે.

અમરેલી

ખાંભાના હનુમાનપુર ગામે વીજશોકથી બે સગાભાઇ અને ભત્રીજાના મોતથી માતમ

Published

on

By

અમરેલીના ખાંભા તાલુકાના હનુમાનપુર ગામમાં મકાનના કામ દરમિયાન રેતી વોશ કરતી સમયે મશીનમાં વીજકરંટ લાગતા બે ભાઈ અને ભત્રીજાના મોત નિપજ્યા હતા. એક જ પરિવારના ત્રણ લોકોના મોત થતા પરિવાર પર આભ ફાટ્યું છે. પોલીસે આ મામલે વધુ તપાસ હાથ ધરી છે.


અમરેલી જિલ્લામાં આવેલ ખાંભાના હનુમાનપુર ગામમાં રહેણાંક વિસ્તારમાં મકાનનું કામ ચાલતું હોવાને કારણે બોરીચા પરિવારના લોકો રેતી વોશ કરી રહ્યા હતા. ત્યારે મશીનમાં પથુભાઈ બોરીચા, માનસુબાઈ બોરીચા અને ભવદીપ બોરીચાને વીજકરંટ લાગતા ત્રણેયના મોત નિપજ્યા હતા. ઘટનાની જાણ થતા ખાંભા પોલીસ ઘટનાસ્થળે દોડી ગઈ હતી. કાઠી સમાજના આગેવાનો હોસ્પિટલ પર દોડી ગયા હતા. આ સમગ્ર ઘટના કઈ રીતે બની તે અંગે પોલીસ દ્વારા હાલ વધુ તપાસ હાથ ધરવામાં આવી છે.


રેતી વોશિંગના મશીનમાં વીજ કરંટ લાગતા જે ત્રણ લોકોના મોત નિપજ્યા છે. તેમાં પથુભાઈ અને માનકુભાઈ બે સગાભાઈઓ છે. જ્યારે ભવદીપ બોરીચા તેનો ભત્રીજો થતો હોવાનું જાણવા મળ્યું છે.

Continue Reading

અમરેલી

અમરેલીના દામનગરમાં ચાલતા જુગાર પર ધારાસભ્યની રેડ

Published

on

By

શોપિંગ સેન્ટરમાં ઓનલાઇન જુગાર રમાડતા હોવાની રાવ: વીડિયો વાઇરલ


અમરેલી જિલ્લાના લાઠી-બાબરા વિસ્તારના દામનગર વિસ્તારમાં એક શોપિંગ સેન્ટરમાં ઓનલાઇન જુગારધામ ચાલતું હોવાની ફરિયાદો ધારાસભ્ય જનક તળાવીયાને મળતાં તેઓએ સ્થાનિકો સાથે ગતરાત્રે જનતા રેડ કરી હતી અને બાદમાં પોલીસ બોલાવતાં પોલીસે ઇલેક્ટ્રિક સામગ્રી જપ્ત કરી હતી. આ જનતા રેડનો વીડિયો પણ ધારાસભ્ય દ્વારા વાયરલ કરવામાં આવ્યો હતો અને બાદમાં ધારાસભ્યે જણાવ્યું હતું કે, અમે રેડ કરી તો કેટલાક શખ્સો ફરાર થઇ ગયા હતા. જોકે, આ અંગે ઉુજઙએ હાઇકોર્ટના ચુકાદા સાથે જણાવ્યું હતું કે આ જુગારધામ નથી, છતાં કાયદાકીય સલાહ લઇને આગળની તપાસ કરાવામાં આવશે.


લાઠી-બાબરના ધારાસભ્ય જનક તળાવીયાને દામનગર પોલીસ સ્ટેશન વિસ્તારમાં આવેલા એક શોપિંગ સેન્ટરમાં ઓનલાઈન જુગાર રમાડતા હોવાની ફરિયાદ મળતા ધારાસભ્યે જનતા રેડ કરી દામનગર પોલીસને બોલાવી હતી. પોલીસે સ્થળ પરથી ઇલેક્ટ્રિક સામગ્રી જેમાં કઊઉ ઝટ,ઈઙઞ, કીબોર્ડ, મોબાઈલ ચાર્જર, વાઇફાઇ મોડેમ સહિત કુલ.રૂૂ.11,400નો મુદ્દાદામાલ અને દુકાનમાં રહેલા ટેબલ ઉપર પ્લાસ્ટિકના યંત્રના કાર્ડ નંગ 21 તથા ટેબલના ખાનામાંથી રોકડ રૂ.8,720, મળી કુલ રૂ.20,120નો મુદામાલ સી.આર.પી.સી.કલમ 102 મુજબ જપ્ત કરી આગળતની તપાસ હાથ ધરી છે. આ રેડ અંગે ધારાસભ્ય જનક તળાવીયાએ જણાવ્યું હતું કે, હું દામનગર વિસ્તારમાં મુલાકાતે હતો, અગાઉ પણ ત્યાંના લોકોની દારૂૂ-જુગાર અંગેની ઘણીબધી રજૂઆતો હતી. અગાઉ પણ મેં ખાનગી રાહે તપાસ કરાવી હતી. જોકે, કંઇ ધ્યાને આવ્યું નહોતુ. પરંતુ ગઈકાલે ફરી મને ત્યાંથી જાણ કરવામાં આવી કે યંત્રની આડમાં જુગારધામ ચાલે છે. જેથી મેં ખુદ જઇને રેડ કરી હતી. જ્યારે રેડ કરી ત્યારે ત્યાંથી લોકો બધુ ખુલ્લું મુકીને ભાગી ગયા હતા. બાદમાં મેં પોલીસને જાણ કરતાં પોલીસ તુરંત સ્થળ પર આવી હતી અને રોકડ સહિતની સામગ્રી જપ્ત કરી હતી. જનક તળાવીયાએ વધુમાં કહ્યું કે ધારાસભ્ય તરીકે પોલીસને હું ખાસ વિનંતી કરું છું કે મારા વિસ્તારમાં દારૂૂ જુગાર જેવી પ્રવૃતિ ચલાવવા નહીં દઉ. ફરીથી ક્યાયં મારે ખુદ રેડ કરવી પડે તેવા દિવસો ન આવે જેનું પોલીસ તંત્ર ધ્યાન રાખે.


આ અંગે અમરેલી ઉુજઙ રાઠોડે જણાવ્યું હતું કે, ધારાસભ્યની રેડ અને જુગારધામ બાબતે વીડિયો વાયરલ થતાં પોલીસે સ્થળ પર જઇને તપાસ કરી તો જુગાર રમવાવાળા કે રમાડવાવાળા કોઇ હાજર નહોતા. પોલીસે સ્થળ પરથી કેટલાક યંત્ર, સાધનો અને રોકડ રકમ સીઆરપીસી 102 મુજબ કબ્જે કર્યા છે. આ ઉપરાંત દુકાનદારની પૂછપરછ કરી તો દુકાન માલિકે જણાવ્યું હતું કે, ઓનલાઈન બાબતે પોતે એચ.એચ. ફ્રેન્ચાઇસીઝ રાખેલ છે અને કરાર કરેલો છે. ઓનલાઈન માર્કેટીંગ મુજબ અને ગુજરાત હાઇકોર્ટમાં અલગ અલગ પિટિશન દાખલ થયેલી છે. જેના ઓર્ડરમાં સ્પષ્ટ છે કે ઓનલાઈન વાસ્તુ યંત્ર અને ઓનલાઈન વસ્તુ પૂજા યંત્ર વેચાણ અને મનોરંજન તરીકે ગણવામાં આવે છે, જે જુગારની વ્યાખ્યામાં આવતું નથી. તેમ છતાં આ બાબતે કાયદાકીય સલાહ લઈ નિયમ મુજબ કાર્યવાહી કરવામાં આવશે.

Continue Reading

અમરેલી

બગસરામાં પાલિકાની બેદરકારીથી બજારમાં ગટરના પાણી ઊભરાયા

Published

on

By

મંદિરે જવું મુશ્કેલ, સાતલડી નદીમાં ભળતું દુષિત પાણી


લોકોના આસ્થાનું પ્રતીક એવા બગસરાના રત્નેશ્વર મહાદેવ મંદિર સામે ઉભરાતી ગટરોના લીધે ભાવિકોમાં રોષ જોવા મળ્યો છે બગસરામાં છેલ્લા ઘણા સમય થયા આસ્થાનું પ્રતિક એવા રત્નેશ્વર મહાદેવ મંદિર સામે ગટરો ઉભરાવાથી ભાવિકમાં કચવાટ જોવા મળી રહ્યો છે તંત્ર દ્વારા આળસ ખંખેરી તાકીદે સફાઈ કરવામાં આવે એવી માંગણી ઉઠી છે.


વિગત અનુસાર બગસરા ગામની ગંગા જેવી પવિત્ર ગણાતી સાતલડી નદીને દૂષિત કરવાનું જાણે બીડું ઉઠાવ્યું હોય તેમ પાલિકા દ્વારા અવાર નવાર ગટરના દૂષિત પાણીને નદીમાં ઠાલવવામાં આવી રહ્યુ છે પાલિકાના સત્તાધીશોને જાણે એક લક્ષ્ય હોય તેમ આ નદીને ગમે તેમ કરીને દૂષિત કરવી તેવું લાગી રહયું છે. જ્યારે છેલ્લા બે વર્ષથી બગસરામાં પત્રકાર એકતા પરિષદ દ્વારા સાતલડી નદીને સફાઈ કરવામાં આવી છે ત્યારે તંત્ર દ્વારા આ સફાઈ ઉપર મીંડું વળી દેતા હોય તેવું લાગી રહયું છે બીજી બાજુ ભાવિકોને પોતાના ઈષ્ટદેવ એવા મહાદેવના મંદિરે જવામાં ગટરના વહેતા પાણીમાંથી પસાર થઈ જવું પડે છે જેના લીધે ભાવિકો માં રોષ જોવા મળી રહ્યો છે પાલિકા દ્વારા ગટરના સફાઈના અભાવે છેલ્લા ઘણા સમયથી ગટરના પાણી જાણે રોડ ઉપર ફુવારો છૂટતો હોય તેવી રીતે બહાર આવી રહ્યું છે આ દુગઁધ યુકત પાણી બહાર આવતા પાલિકા દ્વારા સફાઈ કરવાની તો દૂર પણ બગસરાની ગંગા જેવી પવિત્ર ગણાતી સાતલડી નદીમાં ઠાલવવાનું કામ ચાલુ કરેલ છે ત્યારે આ પાણી એટલું વાસ મારતું હોય છે જે પાણીને નદીમાં ઠાલવવા થી નદીનું પાણી પણ દુર્ગંધ યુકત થઈ ગયું છે જ્યારે આ નદીના પેલે પાર રહેતા લોકોને બેઠા પુલ પરથી પસાર થવું પણ જાણે માથાના દુ:ખાવા સમાન થય ગયુ છે જેના લીધે લોકો દ્વારા અનેક વખત પાલિકાને જાણ કરવામાં આવી છે પરંતુ પાલિકાના સત્તાધીશો તો બસ જાણે બગસરાની જનતાની કાય પડી ના હોય તેવું લાગી રહયું છે તો આવા દૂષિત પાણી નદીમાં ઠાલવવાથી અનેક પ્રકારના રોગ ચાળાની પણ વકી સર્જાય રહેલ છે આવા માથું ફાડી નાખી તેવી વાસ મારતા પાણી નદીમાં જમા થવાથી મચ્છર જન્ય રોગો પણ વધુ પડતાં થય સકે તેમ છે તો આ ગટરના પાણીને યોગ્ય રીતે સફાઈ કરીને ગટરનું પાણી ગટરમાં રહે તે રીતે પાલિકા દ્વારા ચોક્કસ પગલાં લે તેવી લોકોમાં માંગ ઉઠી છે.

Continue Reading

Trending